«Теңіз! Күн! Forte!» КАРТОЧКАЛЫҚ ОПЕРАЦИЯЛАР БОЙЫНША ҰТЫС ОЙЫНЫН ӨТКІЗУ ҚАҒИДАЛАРЫ

I. Ұтыс ойынын өткізу кезеңі 1. Ұтыс ойынын өткізу кезеңі: 2022 жылғы 1 мамырдан бастап 2022 жылғы 31 шілдеге дейін.

II. Жүлде қоры 2. Ұтыс ойыны кезеңі бойы жүлде қоры: туристік жолдаманы төлеуге 2 000 000 (екі миллион) теңгеден 3 (үш) дана сертификат және әрқайсысы 100 000 (жүз мың) теңгеден 13 ақшалай сыйлық. 3. Жүлде қорының жалпы сомасы салықтар бойынша барлық тиісті шығындарды қоса алғанда, Mastercard ХТЖ есебінен қалыптасады және төленеді.

III. Ұтыс ойынының талаптары және қатысушылары 4. Ұтыс ойынының қатысушылары: ұтыс ойынының әрбір кезеңін өткізу кезінде Mastercard дебеттік төлем картасы арқылы кемінде 5 000 (бес мың) теңге сомасында қолма-қол ақшасыз төлемдерді, сонымен қатар E-Commerce операцияларын сәтті жүзеге асыратын Банк клиенттері (Банкпен ерекше қарым-қатынастағы тұлғаларды, 18 жасқа толмаған тұлғаларды, сондай-ақ Банк қызметкерлерін қоспағанда). Ұтыс ойынына корпоративтік карталар, сонымен қатар Mastercard Black Edition қатыспайды. 5. Туристік жолдаманы төлеу үшін 2 000 000 теңгелік сертификат ұтысының жеңімпазы саяхатқа баратын елді өзі анықтайды. Сертификаттың қолданылу мерзімі 2022 жылғы 31 желтоқсанда Нұр-Сұлтан қаласының уақытымен 23:59-да аяқталады. Ақшалай баламада бас жүлде берілмейді.

6. Ұтыс ойынын өткізу кезінде: 1) ұтыс ойынына қатысушының дебеттік төлем картасы іске қосылған, белсенді және ағымдағы әрекет ету мерзімімен болуы керек; 2) ұтыс ойынына қатысушының дебеттік төлем картасы бойынша Банк алдында өтелмеген сервистік комиссиялар және басқа да берешек болмауы керек; 3) егер ұтыс ойынына қатысушы Банктің қарыз алушысы болса, оның Банкте барлық қолданыстағы қарызы бойынша қолданыстағы мерзімі өткен берешегі болмауы керек; 4) Жеңімпаз жүлдені алу үшін осы Қағидаларға 3-қосымшаға сәйкес нысан бойынша банктік құпияны, дербес деректерді жария етуге және ақпаратты БАҚ-та орналастыруға келісім беру туралы өтінішке қол қоюы қажет. Жеңімпаз бұл келісімге қол қоймаса, жүлде Дублерге өтеді.

IV. Ұтыс ойынын өткізу әдістемесі 7. Ұтыс ойынына осы Қағидалардың III тарауында көрсетілген талаптарға сәйкес келетін Банктің клиенттері ғана қатысады. 8. Ұтыс ойынының жеңімпаздарын тираждық комиссия 1-қосымшадағы ұтыс ойынын өткізу кестесіне сәйкес клиенттердің төлем карталарының IBAN шот нөмірлері бойынша кездейсоқ сандар генераторы арқылы анықтайды. Кездейсоқ сандар генераторы – бұл ұтыс ойынына қатысатын және Бөлшек бизнес өнімдері мен процестерді әзірлеу бағытының жауапты қызметкері ұтыс ойынына қатысушылардың тізіміне енгізген IBAN шот нөмірлеріне сәйкес келетін кездейсоқ сандарды генерациялайтын Random бағдарламасы (бұдан әрі - Бағдарлама). Ұтыс ойынының жеңімпаздарын анықтау үшін Банкте тираждық комиссия құрылады. Тираждық комиссияның құрамы, сонымен қатар орнын басатын құрамы Банктің Бөлшек бизнес өнімдері мен процестерді әзірлеу бағытының мәселелеріне жетекшілік ететін басшысының жеке бұйрығымен белгіленеді. Ұтыс ойынының әрекет ету кезінде тираждық комиссияның құрамын өзгертуге болады, бұлда Банктің Бөлшек бизнес өнімдері мен процестерді әзірлеу бағытының мәселелеріне жетекшілік ететін басшысының бұйрығымен рәсімделеді. 9. Ұтыс ойынын өткізудің әр кезеңінде тираждық комиссия кездейсоқ іріктеу әдісімен Бағдарламаны іске қосу арқылы жеңімпаздарды анықтайды, сондай-ақ негізгі жеңімпаздарды анықтаған тәсілмен әр жеңімпазға 2 (екі) дублерді анықтайды. 10. Әрбір ұтыс ойынын өткізу кезінде Тираждық комиссия мүшелері (жеңімпазды және 2 (екі) дублерді анықтау үшін) Бағдарламаны бір реттен көп емес іске қосады. Тираждық комиссияның мүшелеріне Бағдарламаны қайта іске қосуға және Бағдарлама таңдағандардың орнына жаңа жеңімпазды және екі дублерді анықтауға тыйым салынады. 11. Әрбір өткізілген ұтыс ойынының нәтижелерін тираждық комиссия мүшелері тіркейді, онда жеңімпазға және 2 (екі) дублерге қатысты мәлімет қалыптасады және және осы Қағидалардың 2-қосымшасына сәйкес нысан бойынша тираждық комиссия мүшелерінің ұтыс ойыны хаттамасында (бұдан әрі - Хаттама) көрсетіледі. Хаттаманы ұтыс ойынын өткізу күні хатшы басып шығарады және тираждық комиссияның мүшелері қол қояды. 12. Тираждық комиссияның әрбір мүшесі Хаттамаға қол қояды, онда ұтыс ойынының жеңімпазына қатысты келесі мәліметтер көрсетіледі: төлем картасы рәсімделген филиал, клиенттің толық аты-жөні, клиенттің ЖСН, IBAN шотының нөмірі. Тираждық комиссияның барлық мүшесі, оның ішінде тираждық комиссияның хатшысы қол қойған Хаттаманы оған қол қойылған күні тираждық комиссияның хатшысы Бөлшек бизнес өнімдері мен процестерді әзірлеу бағытының басшысына береді. 13. Егер жеңімпаз/дублер қандай да бір себеппен жүлдені алуға келмесе/жүлдеден бас тартса жүлде дублерге/келесі дублерге беріледі. Егер жеңімпаздың және барлық дублердің жүлделерін алу мүмкін болмаса, ұтыс ойыны өткізілмеген болып саналады және қайта өткізіледі.