2021 жылғы 22 қыркүйекте Fitch Ratings халықаралық рейтингілік агенттігі болжамды «Тұрақты»-дан «Позитивті»-ге жақсарту арқылы ForteBank эмитенті дефолтының ұзақ мерзімді рейтингін («ЭДР») «В»-дан «В+»-ке дейін көтерді. Ұлттық шкала бойынша рейтинг «ВВ+(kaz)»-дан «ВВВ(kaz)»-ге дейін екі сатыға көтерілді, орнықтылық рейтингі «b»-дан «b+» дейін көтерілді.

2021 жылғы 17 қыркүйекте S&P Global Ratings халықаралық рейтингілік агенттігі ұлттық шкала бойынша рейтингіні «kzBBB»-ден «kzBBB+» дейін жоғарылатып, «В+/В» деңгейінде ұзақ мерзімді және қысқа мерзімді рейтингілерді растау арқылы ForteBank бойынша рейтінгілер болжамын «Тұрақты»-дан «Позитивті»-ге жақсартты.

Fitch Ratings аналитиктерінің хабарлауынша, ұзақ мерзімді ЭДР мен орнықтылық рейтингінің артуы, сондай-ақ болжамның жақсаруы мұраға қалдырылған проблемалы активтердің сапасымен байланысты тәуекелдерден болатын Банктің капиталдандыруына түсетін қысымның елеулі төмендеуін көрсетеді. Сондай-ақ рейтингтік әрекет банк табыстылығының жоғары көрсеткіштеріне негізделген. Бұдан басқа, рейтингтің мықты жақтары болып қорландыру және өтімділік табылады. Банктің өтімділік жастығы – берік, ол 2021 жылдың бірінші жарты жылдығының соңындағы жағдай бойынша клиенттер депозиттерінің 50%-ін жабады.

S&P аналитиктерінің хабарлауынша, ForteBank рейтингісі бойынша болжам «Тұрақты»-дан «Позитивті»-ге қайта қаралды, оған экономикалық жағдайдың тұрақтануы, ForteBank бизнес-позициясының орнықтылығы және банк активтерінің сапасын жақсартудағы оң динамика себеп болды. Банктің меншіктік капитал табыстылығының көрсеткіші (return on equity — ROE) 2021 жылдың бірінші жарты жылдығында жылдық көрсеткіште 20%-тен асып түсті.

Осы жаңалыққа қатысты өз пікірін білдіре отырып, ForteBank Басқармасы төрағасының міндетін атқарушы Шолпан Нурумбет:

«Біз Fitch Ratings және S&P, үш ірі әлемдік рейтинг агенттіктерінің екеуі тарапынан оң рейтингтік әрекеттерді құптаймыз. ForteBank — еліміздің барынша тұрақты, өтімді және жақсы капиталдандырылған әмбебап банктерінің бірі. Forte – бұл ForteMarket маркетплейсін, валюталар айырбастаудың онлайн алаңы ForteForex-ті, ForteMobile, ForteFood және тағы басқаларын қоса алғанда, клиенттеріміздің өмірін ыңғайлы етуге бағытталған, қарқынды дамып келе жатқан қаржылық және қаржылық емес өнімдер мен қызметтердің экожүйесі. Мұның барлығы жоғары тиімділікті сақтай отырып, оң нәтижелер көрсетуге мүмкіндік береді»,-деп атап өтті.

Соңғы 12 айда ForteBank Euromoney, Asiamoney және Global Finance беделді халықаралық басылымдаларының нұсқалары бойынша Қазақстанның үздік банкі, сондай-ақ, The Banker халықаралық журналының нұсқасы бойынша жыл банкі деп танылды.

Хабарласу үшін:

Инвесторлармен қарым-қатынас Тел. +7 (7172) 58 75 75 (ішкі тел. 10249) E-mail: IR@fortebank.com

Баспасөз қызметі Тел.: +7 (7172) 59 99 99 (ішкі тел. 10865, 10975)