«Samsung Pay-ден құлаққаптардың ұтыс ойыны» КАРТОЧКАЛЫҚ ОПЕРАЦИЯЛАР БОЙЫНША ҰТЫС ОЙЫНЫН ӨТКІЗУ ҚАҒИДАЛАРЫ

I. Ұтыс ойынын өткізу кезеңі 1. Ұтыс ойынын өткізу кезеңі: 2022 жылғы 1 мамырдан бастап 2022 жылғы 31 шілде бойынша

II. Жүлде қоры 2. Ұтыс ойынының барлық кезеңіндегі жүлде қоры: 13 (он үш) дана Galaxy Buds + құлақққабы.

III. Ұтыс ойынының қатысушылары және оның шарттары:
4. Ұтыс ойынының қатысушылары: ұтыс ойынының әрбір сатысын өткізу кезеңінде Visa немесе Mastercard дебеттік төлем картасымен Samsung Pay арқылы кемінде 5000 (бес мың) теңгеге сәтті қолма-қол ақшасыз төлем жасайтын, оның ішінде E-Commerce-те, Банк клиенттері (Банкпен ерекше қатынастағы тұлғаларды, 18 жасқа толмаған адамдарды, сондай-ақ Банк қызметкерлерін қоспағанда). Ұтыс ойынына корпоративтік карталар, сондай-ақ Visa Infinite және Mastercard Black Edition қатыспайды. 5. Жеңімпаз сыйлықты алу үшін банктік құпияны, дербес деректерді жария етуге және ақпаратты осы Қағидаларға 3-қосымшаға сәйкес нысандағы БАҚ-та орналастыруға Келісім беру туралы өтінішке қол қоюы тиіс. Жеңімпаз аталған келісімге қол қоймаған жағдайда, жүлде дублерге өтеді.

6. Ұтыс ойынын өткізу кезінде: 1) ұтыс ойынына қатысушының дебеттік төлем картасы белсендірілген, белсенді және қолданылу мерзімі өтпеген және Samsung Pay-де токенделген болу керек; 2) ұтыс ойынына қатысушының дебеттік төлем картасы бойынша өтелмеген сервистік комиссиялар мен Банк алдындағы басқа берешектері болмауы тиіс; 3) егер ұтыс ойынына қатысушы Банктің қарыз алушысы болса, оның Банктегі барлық қолданыстағы қарыздары бойынша қолданыстағы мерзімі өткен берешегі болмауы тиіс.

IV. Ұтыс ойынын өткізу әдістемесі 7. Ұтысқа осы Ереженің III бөлімінде көрсетілген талаптарға сәйкес келетін Банктің клиенттері ғана қатысады. 8. Ұтыс ойынының жеңімпаздарын 1-қосымшадағы ұтыс ойындарының кестесіне сәйкес клиенттердің төлем карталарының IBAN шоттарының нөмірлері бойынша кездейсоқ сандар генераторы арқылы ойындарының тираждық комиссиясы анықтайды. Кездейсоқ сандар генераторы - бұл кездейсоқ сандарды генерациялайтын, IBAN шоттарының нөмірлеріне сәйкес келетін, ұтыс ойынына қатысатын және Бөлшек бизнес өнімдері мен процестерді әзірлеу бағытының жауапты қызметкері ұтыс ойынына қатысушылардың тізіміне енгізген Random бағдарламасы (бұдан әрі - Бағдарлама). Ұтыс ойынының жеңімпаздарын анықтау үшін Банкте тираждық комиссия құрылады. Тираждық комиссияның құрамы, сонымен қатар орнын басушы құрамы Бөлшек бизнес өнімдері мен процестерді әзірлеу бағытының мәселелеріне жауапты Банк басшысының жеке бұйрығымен анықталады. Ұтыс ойыны кезеңінде тираждық комиссиясының құрамын өзгертуге рұқсат етіледі, ол Бөлшек бизнес өнімдері мен процестерді әзірлеу бағытының мәселелеріне жауапты Банк басшысының бұйрығымен ресімделеді. 9. Ұтыс ойынын өткізудің әр кезеңінде тираждық комиссия кездейсоқ іріктеу әдісімен Бағдарламаны іске қосу арқылы жеңімпаздарды анықтайды, сондай-ақ негізгі жеңімпаздарды анықтаған тәсілмен әр жеңімпазға 2 (екі) дублерді анықтайды. 10.Тираждық комиссия мүшелерінің әрбір ұтыс ойыны кезінде Бағдарлама бір реттен артық емес іске қосылады (жеңімпазды және екі дублерді анықтау үшін). Тираждық комиссияның мүшелеріне Бағдарламаны қайта іске қосуға және Бағдарлама таңдағандардың орнына жаңа жеңімпазды және екі дублерді анықтауға тыйым салынады. 11. Әрбір өткізілген ұтыс ойынының нәтижелері жеңімпаз және 2 (екі) дублер туралы ақпаратты қалыптастыратын Бағдарламада тіркеледі және осы Қағидалардың 2-қосымшасына сәйкес нысан бойынша тираждық комиссия мүшелерінің ұтыс ойынының хаттамасында (бұдан әрі - Хаттама) көрсетіледі. Хаттаманы ұтыс ойыны күні хатшы басып шығарады және тираждық комиссияның мүшелері қол қояды. 12. Тираждық комиссияның әрбір мүшесі ұтыс ойынының жеңімпазы туралы келесі ақпарат көрсетілген Хаттамаға қол қояды: төлем картасы ресімделген филиал, клиенттің толық аты-жөні, клиенттің ЖСН, IBAN-шот нөмірі. Тираждық комиссияның барлық мүшелері, оның ішінде тираждық комиссияның хатшысы қол қойған хаттаманы қол қойылған күні тираждық комиссияның хатшысы Бөлшек бизнес өнімдері мен процестерді әзірлеу бағытының басшысына қол қою арқылы береді. 13. Егер жеңімпаз/дублер қандай да бір себеппен келмесе/бас тартса жүлде дублерге/келесі дублерге беріледі. Егер жеңімпаздың және барлық дублердің ұтыстарын алу мүмкін болмаса, ұтыс ойыны өткізілмеген болып саналады және қайта өткізіледі.