Астана, 2025 жылғы 28 қазан - ForteBank 400 миллион АҚШ доллары сомасына жылдық купондық мөлшерлемесі 9,75% мерзімсіз реттелген облигациялардың (Additional Tier 1) дебюттік шығарылымы туралы хабарлайды. Бұл–қазақстандық капитал нарығындағы алғашқы AT1 шығарылымы және елдің қаржы секторының дамуына жол ашқан тарихи оқиға.

Мәміле 144A/RegS стандарттарына сәйкес жүзеге асырылып, Vienna MTF сауда алаңдарында және «Астана» халықаралық биржасында (AIX) листингпен жүргізілді. Облигациялар ағылшын құқығы негізінде шығарылған, толықтай Базель ІІІ талаптарына сай. Құрал банктің бірінші деңгейлі қосымша капиталы ретінде есепке алынады.

Халықаралық инвесторлар тарапынан сұраныстың жоғары болуы тапсырыс кітабына үш есеге қайта жазылуды қамтамасыз етті. Орналастыруға жүзден астам инвестор қатысты, олардың қатарында ең ірі үлесті Ұлыбритания (45%), АҚШ (14%), Швейцария (10%), Гонконг (9%) өкілдері болды. Сұраныс географиясы мен инвесторлық базаның сапасы ForteBank-ке деген жоғары қызығушылықты және жаһандық капитал нарығында Қазақстанға деген сенімнің артуын көрсетеді.

«AT1-ді орналастыру - болашаққа салынған инвестиция. Бұл құрал банктің одан әрі дамуына негіз болады және бізге қазақстандық бизнесті қолдай отырып, экономиканы белсенді кредиттеуге мүмкіндік береді. Біз тұрақты даму стратегиясын жалғастыра отырып, экономиканың нақты секторын қолдауға және ел үшін ұзақ мерзімді құндылықтарға баса назар аударамыз», - деп атап өтті ForteBank Директорлар кеңесінің төрағасы Тимур Исатаев.

AT1 шығару ForteBank стратегиясының капитал құрылымын нығайтуға, қаржыландыру көздерін әртараптандыруға және халықаралық нарықтарға қолжетімділікті кеңейтуге бағытталған маңызды қадам болды. Тартылған қаражат банктің қаржылық тұрақтылығын арттыру мен бизнесті одан әрі дамытуға жұмсалады.

ForteBank –корпоративтік, бөлшек және ШОБ-клиенттерге қызмет көрсетудің кең спектрін ұсынатын Қазақстандағы ірі жеке банктердің бірі. Банк активтер мен капитал бойынша тұрақты түрде көшбасшылар қатарында келеді. Цифрлық шешімдерді белсенді енгізіп, тұрақты қаржыландыруды қолдап, инновациялар мен жоғары клиенттік қызмет сапасы үшін халықаралық деңгейдегі марапаттарға ие. 

*Қазақстан Республикасының Қаржы нарығын реттеу және дамыту агенттігі 03.02.2020ж. «ForteBank» АҚ-ға  берген № 1.2.29/197/36 лицензиясы*

**БАҚ үшін байланыс:**
**«ForteBank»**АҚ PR-қызметі 
press@fortebank.com 
+7 (7172) 599 999  




ForteBank Қазақстандағы алғашқы мерзімсіз қосымша капитал AT1 облигациясын шығарды

**Вашингтон, АҚШ, 2025 жылдың 20 қазаны.** – 18 қазанда Вашингтондағы Ұлттық баспасөз клубында Дүниежүзілік банк тобы мен Халықаралық валюта қорының (ХВҚ) жыл сайынғы жиыны аясында Global Finance халықаралық басылымы ұйымдастырған Best Bank Awards 2025 марапаттау рәсімі өтті. 

 

Сарапшылардың бағалауы бойынша, **ForteBank** Қазақстанның үздік коммерциялық банкі деп танылды. Бұл мәртебелі марапат жыл сайын әлемнің жетекші банктеріне цифрлық инновациялар, клиенттерге қызмет көрсету сапасы және стратегиялық көшбасшылық бағытындағы жетістіктері үшін табысталады. 

 

Global Finance басылымының бағалауынша, әлемдік экономикалық сын-қатерлер мен қаржы нарығының өзгерістер жағдайында ForteBank тұрақты өсім көрсетіп, Қазақстан нарығындағы позициясын бекіте түсті. Forte цифрлық технологияларды дамытуға, бизнеске арналған өнімдерге белсенді инвестиция салып, тиімділік пен қауіпсіздік бойынша халықаралық стандарттарға сай шешімдер енгізіп отыр. 

 

**Тимур Исатаев, ForteBank Директорлар кеңесінің төрағасы: **

 

«Бұл мәртебелі марапат - біздің команданың жүйелі еңбегінің нәтижесі. Forte-де  тек бизнес тілімен сөйлеп қана қоймай, нарықтағы үрдістер мен клиенттердің қалауына сай әрекет етуге тырысамыз. Біз болашаққа сеніммен қадам басып, жаңа мүмкіндіктер мен ауқымды мақсаттарды жүзеге асыруға дайынбыз». 

 


**Анықтама:**

Global Finance журналы – 1987 жылы құрылған халықаралық қаржы саласындағы ең беделді басылымдардың бірі. Best Bank Awards марапаттау рәсімі жыл сайын 150-ден астам елде дәстүрлі түрде Халықаралық валюта қоры мен Дүниежүзілік банк жиындарына орайластырып өткізіледі. Жеңімпаздар Global Finance сарапшылары мен талдаушыларының тұрақтылық, инновация, клиенттерге қызмет көрсету және стратегиялық даму көрсеткіштері негізінде жүргізген кешенді бағалау нәтижесінде анықталады.  

ForteBank – Global Finance таңдауы бойынша Қазақстанның үздік коммерциялық банкі атанды 

«ForteBank» АҚ  «Home Credit Bank» АҚ-тың капиталына ауқымды қатысуға  рұқсат алды. 

Астана, 15 қыркүйек 2025 жыл – «ForteBank» АҚ Қазақстан Республикасы Қаржы нарығын реттеу және дамыту агенттігінен  (ҚНРДА) «Home Credit Bank» АҚ банктік холдинг мәртебесін алуына және банктің  ауқымды капиталына қатысуына рұқсат алғанын хабарлайды.

ҚНРДА-ның бұл келісімі Қазақстан Республикасының заңнамалық талаптарының сақталғанын, сондай-ақ ForteBank ұстанған ашықтық пен сенімділіктің жоғары стандарттарына сай келетінін растайды.

Естеріңізге салсақ, бұған дейін «ForteBank» АҚ мен «Home Credit Bank» АҚ акционерлері «Home Credit Bank» АҚ-ның 100% акцияларын сатып алу бойынша қағидатты келісім жасаған болатын.


Баспасөз хабарламасы

Қытаймен жасалған тарихи мәміле экономикалық байланысты нығайтып, банк клиенттері үшін жаңа мүмкіндіктерге жол ашады. 

Астана, 28 тамыз 2025 жыл – Қазақстандағы жетекші банктердің бірі - «ForteBank» АҚ жалпы сомасы 750 миллион қытай юанінде, үш мерзімге синдикатталған қарыз тарту жөніндегі берегей мәмілені сәтті аяқтағанын хабарлайды. Бұл - Қазақстанның тарихында коммерциялық банк тарапынан тартылған қытай юаніндегі алғашқы синдикатталған қарыз. 
Аталған мәміле ForteBank пен Қазақстан қаржы нарығы үшін өте маңызды кезең. Ол баламалы валюталық қаржыландырудың рөлін арттырады. Қазақстан мен Қытай арасындағы экономикалық байланыстарға тың серпін береді. 

Халықаралық инвесторлардың жоғары сұранысы мәміле көлемінің екі есе артуына ықпал етті. Синдикатқа бес халықаралық банк кірді. Жетекші ұйымдастырушылар (Mandated Lead Arrangers), ICBC Standard Bank plc / ICBC Almaty JSC, First Abu Dhabi Bank PJSC және Қытайдың экспорттық-импорттық банкі. «Altyn Bank» АҚ мәміленің ұйымдастырушысы ретінде қызмет атқарды. 

Тартылған қаражат ел экономикасының негізгі секторларындағы ірі инвестициялық жобаларды қаржыландыруға бағытталатын болады. Ол металлургия, өнеркәсіп және басқа да стратегиялық салалар. Қаржы өндірістің қуаттылығын жаңғыртуға және заманауи технологияларды енгізуге жұмсалады. Бұл ұлттық экономиканың халықаралық аренадағы позициясын күшейтеді. 

*«Қытай юанінде синдикатталған қарыз тарту - ForteBank үшін алдағы уақытта халықаралық қаржы институттарымен ынтымақтастық орнатудағы маңызды қадам»,* – деп атап өтті ForteBank Басқарма Төрағасы Талғат Қуанышев.

*«Бұл мәміле банктің тұрақтылығын арттырып, қаржыландыру көздерін әртараптандырады және Қытай, басқа да шетелдік серіктестермен жұмыс істейтін клиенттер үшін жаңа мүмкіндіктерге жол ашады».*

Мәміленің табысты жүзеге асуы ForteBank-тің мінсіз кредиттік тарихы бар сенімді қарыз алушы және жаһандық капитал нарықтарына еркін қолжеткізе алатын қаржы институты ретінде мәртебесін тағы да дәлелдеді. 

**ForteBank туралы:** 
ForteBank – корпоративтік және бөлшек бизнес сегментінің клиенттері үшін банк қызметтерінің кең спектрін ұсынатын Қазақстандағы ең жетекші банктердің бірі. Банк цифрлық шешімдерді енгізе отырып, басқару мен ашықтықтың халықаралық стандарттарына сай тұрақты даму стратегиясын ұстанып келеді. 

**БАҚ үшін байланыс:**
**«ForteBank» АҚ** PR-қызметі 
press@fortebank.com
+7 (7172) 599 999 

*Қазақстан Республикасының Қаржы нарығын реттеу және дамыту агенттігі 03.03.2020ж. «ForteBank» АҚ-ға  берген № 1.2.29/197/36 лицензиясы*

ForteBank алғаш рет 750 миллион қытай юанінде синдикатталған қарыз тартты 

ForteBank беделді Asian Banking & Finance Retail Banking Awards 2025 премиясы аясында «Шағын және орта бизнес үшін (ШОБ) үздік банк» (SME Bank of the Year - Kazakhstan) номинациясының жеңімпазы атанды.  

Қазылар алқасының мүшелері ForteBank-тің шағын және орта бизнес секторын дамытуға қосқан үлесін айрықша атап өтті. Бұл – банктің мықты қаржылық нәтижелері, клиентке ыңғайлы шешімдер, тұрақты қаржыландыру тәжірибесі және серіктестік бағдарламаларын дамыту. 


ForteBank шағын және орта бизнеске берілетін кредиттер көлемін жыл сайын артырып келеді. 2024 жылдың қорытындысы бойынша ШОБ кредиттік портфелі  28,3%-ға, ал 2025 жылдың алғашқы жартыжылдығында 25%-дан астам өсті. Банк экономиканың нақты секторын қаржыландыруды мақсатты түрде ұлғайтып отыр: 2024 жылы көлік саласына кредит беру көлемі 225%, құрылыс саласында -  90%, ауыл шаруашылығы саласында - 62%-ға көбейді.

2025 жылды ForteBank «Шағын және орта бизнес жылы» деп жариялап, осы сегментті қолдауға басымдық берді. Осы мақсатта банк «Даму» кәсіпкерлікті дамыту қоры» АҚ-мен стратегиялық серіктестік аясында ШОБ-ты қолдау бағыттарын кеңейтті. 2025 жылдың алғашқы жартыжылдығында банк жалпы лимиті 25 млрд теңге болатын портфелді кепілдендіру туралы келісімге қол қойды. Кепілдік қорына ерікті түрде 1 млрд теңге көлемінде жарна аударды. Бұл кепілдендіру лимитін ұлғайтуға мүмкіндік беріп отыр.  
Сонымен қатар «Өрлеу» бағдарламасы бойынша келісім жасалып, ШОБ субъектілеріне жеңілдетілген 12,6% жылдық мөлшерлеме бойынша кредит беру мүмкіндігі жасалды.

ForteBank-тің тұрақты меншіктегі капиталы мен халықаралық инвесторлар тарапынан артылған сенім банкке ауқымды қаржы тартуға және экономиканың түрлі бағыттарына инвестиция салуға жол ашады. 


Қазақстан Республикасының Қаржы нарығын реттеу және дамыту агенттігі 03.03.2020ж. «ForteBank» АҚ-ға  берген № 1.2.29/197/36 лицензиясы


 


Жаңалықтар

Хабарландырулар