«ForteBank» АҚ Директорлар кеңесінің 2024 жылғы 05 желтоқсандағы шешіміне сәйкес Банк Басқармасында Басқарма мүшелері - басқарушы директорлар лауазымдарына тағайындау үшін Алма Әбілжанованың, Ануар Болғауовтың, Нәріман Жарқынбаевтың, Сергей Карташовтың, Анна Пилипенконың, Ернар Тәшеновтың кандидатуралары қаралды және мақұлданды. Лауазымдарға тағайындауға Қазақстан Республикасының уәкілетті органы – ҚР Қаржы нарығын реттеу және дамыту агенттігінің келісімін алған күннен бастап Банк Басқармасының жаңа мүшелері қызметтеріне тағайындалады. 

Басқарманың жаңа мүшелері - басқарушы директорлары А.М. Әбілжанованы, Ә.Т.Болғауовты, Н.Ғ. Жарқынбаевты, А.В. Пилипенконы, С.И. Карташовты, Е.Б. Тәшеновты тағайындауға (сайлауға) Қазақстан Республикасының уәкілетті органы – ҚР Қаржы нарығын реттеу және дамыту агенттігінің келісімін алған күннен бастап «ForteBank» АҚ Басқармасының мүшелері - Басқарма Төрағасының бірінші орынбасары Гаухар Бисембиеваның, Басқарма Төрағасының орынбасары Амырхан Чиканаевтың, Басқарма Төрағасының орынбасары Айдын Ауезқановтың, Басқарушы директор Астан Сагитовтың өкілеттіктері тоқтатылады. 

**Анықтама үшін**

**Алма Әбілжанова** - Басқарма мүшесі - Басқарушы директор ретінде ForteBank-та корпоративтік бизнес бағытына  жетекшілік ететін болады. Алма Маратқызының қаржы секторында, АТФБанк, Темiрбанк, Альянс Банк сияқты банктерде 20 жылдан астам тәжірибесі бар. «ForteBank» АҚ-да жұмыс істегеніне 10 жылдай болған, Корпоративтік бизнес бағытын басқарып келеді. 

**Әнуар Болғауов** - Басқарма мүшесі-Басқарушы директор ретінде ForteBank-тің заң блогына жетекшілік ететін болады. Әнуар  Тоқтарұлы Қазақстанда және Нидерландыда танымал  халықаралық заң фирмаларында, «Альянс Банк» АҚ-да 20 жылдай еңбек еткен. Соңғы 7 жыл бойы ForteBank-тің Заң қызметіне жетекшілік етіп келеді, 2002 жылдан бері - Басқарушы директор (Chief Legal Officer) лауазымында жұмыс істеді. 

**Нәріман Жарқынбаев** - Басқарма мүшесі-Басқарушы директор ретінде «ForteBank» АҚ-да бөлшек бизнес блогына жетекшілік ететін болады. Нәріман Ғайнуллаұлы қаржы нарығында 2004 жылдан бері еңбек етіп келеді. 7 жыл бойы Sekerbank (Түркия) Директорлар кеңесінің атқарушы мүшесі болып, 2020 жылдың сәуірінен бастап 2022 жылдың маусым айы аралығында Бас менеджер ретінде Sekerbank-ті басқарған. 

**Сергей Карташов** - Басқарма мүшесі-Басқарушы директор ретінде Forte-нің IT бағытына жетекшілік ететін болады. Сергей Ивановичтің қаржы нарығында 20 жылдан астам еңбек тәжірибесі бар, 5 жыл бойы ForteBank-те CoreBanking бағытының директоры болған, сондай-ақ «Colvir Kazakhstan» ЖШС-де банктік және қаржылық технологияларды автоматтандыру ісімен айналысқан. Сергей Карташов басқарушы директор (Chief Informational Officer) ретінде ForteBank-тің IT блогын басқарып келеді. 

**Анна Пилипенко** - Басқарма мүшесі-Басқарушы директор ретінде операциялық блокқа жетекшілік ететін болады. Анна Викторовнаның қаржы саласында 20 жылдан астам жұмыс тәжірибесі бар. Ол – «ForteBank» АҚ-да басқарушы директор (Chief Risk Officer) лауазымын атқарады, тәуекелдер және кепілдікпен қамтамасыз ету бөлімшелерінің қызметін жүргізеді. 

**Ернар Тәшенов** - Басқарма мүшесі-Басқарушы директор ретінде Банктің SME блогына және филиалдар желісіне жетекшілік ететін болады. Ернар Бөлебайұлының қаржы саласында, АТФБанк, БТА Банк, Альянс Банк сияқты банктерде 20 жылдан астам жұмыс тәжірибесі бар, ForteBank-де заңды тұлғалардың проблемалы берешегін өндіріп алу құрылымдық бөлімшесін 11 жылдан  бері басқарып келеді. 


«ForteBank» АҚ Басқармасында өзгерістер орын алды 

Қуанышев Талғат Қазақстан Республикасы Қаржы нарығын реттеу және қадағалау Агенттігінің келісімі арқылы  2024 жылғы 06 желтоқсаннан бастап «ForteBank» АҚ Басқарма мүшесі - Басқарма Төрағасы болып тағайындалды. 

Қуанышев Талғат Жұманұлы бірнеше екінші деңгейдегі банктерде басшылық лауазымдарда үлкен тәжірибесі бар. Республиканың қаржы секторындағы мансабын 1994 жылы бастады. «АТФБанк» АҚ, «Банк Kassa Nova» АҚ, «АТФ Лизинг» АҚ, «ForteBank» АҚ сияқты қаржы институттарын табысты басқарды. 2023 жылдың мамыр айынан бастап «ForteBank» АҚ Директорлар кеңесінің мүшесі, Тәуелсіз директор болды. 

«ForteBank» - активтері бойынша елдің төртінші коммерциялық банкі.

«ForteBank» АҚ Басқарма Төрағасы болып Қуанышев Талғат сайланды

**ForteBank** ұзақ жылдар бойы республиканың әртүрлі аймағындағы ірі бизнес пен ШОБ субъектілеріне қолдау көрсетіп келеді. Олардың қатарында банк павлодарлық **«СНН»** отандық кәсіпорны бар. Компания банк және «Даму» қорының қолдауымен инновациялық өндірісті іске қосты.

**1998 жылы** құрылған кәсіпорын құю өндірісі мен аккумуляторларды механикалық өңдеуге маманданған.
 
**1999. ForteBank**  компанияға биметалдық жылыту радиаторларын шығаратын неміс Frech технологиялық желісін сатып алу несие берді.

«Компаниямыз бизнесті дамытуды қаржыландыру мақсатында **ForteBank**-ке жүгінді. Банк пен «Даму» қорының қолдауымен біз Германиядан қымбат инновациялық құрал-жабдықтарды сатып алып, жылу радиаторларының толыққанды өндірісін іске қостық.  Бұл — жоғары қысымды бүрку машинасы. Құрылғы роботтандырылған болғандықтан, адамның еңбекке тартылуы барынша азаяды. Нәтижесінде біздің өндірістің мүмкіндіктері мен тиімділігі бірнеше есе өсіп отыр. Қазіргі таңда елімізде біздің өнімге деген сұраныс артып келеді. ForteBank-ке жедел және уақтылы қолдау, жақсы қызмет көрсеткені үшін алғыс айтамыз»,—дейді компания директоры **Андрей Москаленко**.

Бүгінде биметалдық жылыту радиаторларын шығару жобасы іске қосылды. Германиядан алынған роботты қондырғы жылына **250-300 мың** секция немесе күніне **700-ден** астам секция жинай алады. Бірақ бұл жабдықтың қуаты әлдеқайда жоғары. Оның үстіне бұл машинаны басқаруға небәрі екі адам қажет. Яғни, құрылғымен машинаны іске қосу және пешке металды тиеу операторы мен пештен дайын бөлшектерді түсіретін оператор жұмыс істейді.

Андрей Москаленконың айтуынша, қазіргі таңда кәсіпорын айына шамамен 25-30 мың секция шығарады. Сондай-ақ компания ForteBank көмегімен өнімдерді бояу және өңдеуге арналған автоматты желіні сатып алуды жоспарлап отыр. Бұл жылына **1,5 миллион** дана алюминий радиаторларын шығаруға мүмкіндік береді.

Нарықтағы 26 жыл ішінде компания бизнес серіктестері мен клиенттері арасында жоғары беделге ие болып, өнім ассортиментін кеңейтті. Кәсіпорын директоры өндірісте қолданылатын материалдар мен шығарылатын өнімдердің сапасын мұқият қадағалайтын мамандар тобы жұмыс істейтінін атап өтті.

«**ForteBank** «Даму» қорымен бірлесіп, несие бағдарламаларын, сондай-ақ өз бағдарламаларын да ұсынады. Қазақстандық бизнесті қолдау ел экономикасына, соның ішінде жаңа жұмыс орындарының ашылуына, аймақтардың әлеуметтік жағдайының жақсаруына, жаңа әрі инновациялық өндірістердің іске қосылуына оң әсер етеді. Бұл сондай-ақ жергілікті кәсіпорынның жаңа нарықтарға шығуына, жаңа тауашаларды игеруіне және  «СНН» зауыты сияқты өз өндірісін роботтандыруға үлкен серпін береді. Бизнесмендермен үлкен тәжірибеге ие бола отырып, біз олардың қажеттіліктеріне қарай жеке көзқарас пен өз шешімдерімізді ұсына аламыз»,— деп атап өтті «ForteBank» АҚ шағын және орта бизнес бағытының басшысы **Ғани Мақсұт**.


ForteBank Павлодардағы зауытты роботтандыруға көмектесті

ForteBank клиенттері «Бонустар шеруі» акциясы аясында желтоқсан айы бойы төлем карталары арқылы көбірек бонус жинай алады.

ForteBank «Бонустар шеруі» акциясын бастады – желтоқсан айында әр апта сайын клиенттерге жоғарылатылған бонустардың жаңа санаттары ұсынылады. Акцияға Black, Blue, Travel, Балалар картасы және Solo төлем карталары қатысады.

[Forte](https://apps.apple.com/kz/app/forte/id1501520153?mt=8) қосымшасында апта сайын бес жаңа бонус санаты ұсынылады, клиенттер олардың ішінен екеуін таңдай алады. Апта басында клиенттердің алдыңғы аптада таңдаған санаттары автоматты түрде жойылады. Жаңа санаттарды таңдау арқылы көбірек бонус алуға мүмкіндік бар. 

**Апта бойынша бонус санаттары:**

**1-апта (1-8 желтоқсан)** – Такси санаты (Yandex және Uber) – 10%, сонымен қатар Wildberries, OZON, Temu, Aliexpress-те сатып алу үшін 5%, кафелер мен мейрамханалар үшін 5%, супермаркеттер үшін 3%; 
**2-апта (9-15 желтоқсан)**ForteMarket дүкенінен сатып алу үшін 15%, зергерлік дүкендерде 10%, киім мен аяқ киімге 5%, кафелер мен мейрамханаларға бару үшін 5% бонус ала аласыз; 
**3-апта (16-22 желтоқсан)** iHerb бойынша тапсырыстар үшін 15%, Таксиге 10%, кафелер мен мейрамханаларға 5% және тұрмыстық техникаға 5% бонустар беріледі; 
**4-апта (23-31 желтоқсан)** Meloman және Marwin төлемдері үшін 15%, сұлулық және күтім қызметтері үшін 10%, Такси үшін 10% және кафелер мен мейрамханалар үшін 5% бонус беріледі. 

Жоғары бонустарды Apple Pay/Samsung Pay/Google Pay арқылы төлем жасайтын клиенттер ала алады. Black, Blue, Travel және Балалар карталарында айына ең көбі 30 000 бонус және Solo картасында 50 000 бонусқа дейін алуға болады. Күн сайын 10 000 бонус ала аласыз. Бонустар транзакция өңделгеннен кейін шамамен 3-4 күннен кейін есептеледі.

**Бонустар санын көбейткісі келетін клиенттер үшін банк келесі [лайфхактарды](https://forte.kz/promo/bolshe-bonusov) ұсынады:**

1.	Егер Forte карталарындағы (Black, Blue, Балалар картасы) орташа күндік қалдық 60 000 теңге болса, таңдалған санаттарға тағы 1% қосылады.
2.	Forte карталарына жалақы алатын және 1,5 млн теңге депозиті бар клиенттер қосымша 1% алады.

Төлем карталарын Forte мобильді қосымшасында немесе Қазақстан бойынша банк бөлімшелерінде ашуға болады.

Желтоқсан ғажайыптары: Forte бонустар шеруін ұсынады

Іс-шара Ұлттық валюта күніне орай ұйымдастырылды

С.Бегалин атындағы орталық қалалық балалар кітапханасында Ұлттық валюта күніне арналған «Кітапханадағы түн» ерекше квесті өтті. Іс-шара ForteBank пен Қазақстан Республикасы Қаржы нарығын реттеу және дамыту агенттігінің қолдауымен ұйымдастырылды.

«Теңге тарихы – Ел тарихы» деп аталған «Кітапханадағы түн» квесті 10-11 жас аралығындағы 100 жас оқырманның басын қосып, оларды қаржы әлеміндегі қызықты саяхатқа аттандырды. Іс-шара бірнеше интерактивті аялдама форматында ұйымдастырылып, олардың әрқайсысы қаржы тарихының бірегей аспектілері туралы мәліметтермен бөлісті. Алаңдар театрландырылған стильде безендіріліп, кітапханашылар ақша тақырыбына байланысты ертегілер кейіпкерлерінің бейнесінде бой көрсетті. 

*"Біз балаларға ақшаның жай ғана айырбас құралы емес, оның тиындар пайда болғанға дейін көп уақыт бұрын басталған тұтас тарихы бар екенін көрсеткіміз келді. Келген қонақтар ғасырлар бойы ақшаның қалай өзгергенін, оның пайда болуынан бұрын не болғанын және әрбір валютаның бірегей болуының себептері туралы мағлұмат алды"*, - деп сөз сөйледі **кітапхана директоры Алма Конарова**.

Квест барысында балалар қаржы тарихына бойлап қана қоймай, викториналарға қатысып, экономикалық жұмбақтарды шешті және «Болашақтың ақшасы» тақырыбында суреттер салды. Әрбір команда қиялындағы қызықтарды ортаға салып, командалық рухын көрсетті. Осылайша кештің барлық құпиясын ашуға тырысты. Әсерлі оқиғаларға толы бағдарламадан кейін балалар ұсынылған дәмнен  ауыз тиіп, би биледі және оларға естелік сыйлықтар таратылды. Ал ең бастысы, қатысушылар өздерімен бірге сыйлық ғана алып қайтпай, ұлттық валюта – теңге туралы тың білім алып қайтты.

*"Біз өскелең ұрпақтың білімге деген қызығушылығын арттыруға және ақшаға ұқыпты болуға баулуға бағытталған жобалардың бір бөлігі болғанымызға қуаныштымыз. Бұл дағдылар болашақта оларға пайдалы болатыны сөзсіз"*, - деп **ForteBank-тің PR қызметі** атап өтті.

С.Бегалин атындағы орталық қалалық балалар кітапханасы 73 жылдық тарихында жылына 15 мыңға жуық оқырманға – балалар мен ересектерге қызмет көрсететін мәдени орталыққа айналды. 2014 жылдан бері мұнда белсенді түрде әртүрлі үйірмелер өткізілуде: балаларға шахмат ойнау, бисермен тігу, ертегі терапиясы сабақтары тегін жүргізіледі. Мұнда «Кітапханадағы түн» іс-шарасының өткізіліп жүргеніне 19 жылдай болды. Бағдарламасы жыл сайын жаңартылып, әртүрлі тақырыптарға арналатындықтан, кеш шытырман оқиғаға толы ерекше қалыпта өтеді.



Жаңалықтар

Хабарландырулар