Карта иелері әлемнің 24 елінде транзациялар жасаған


Жақындарымызды қуанту үшін сыйлықтар сатып алуға сабылатын, дастарханымызды  жайнатып қою үшін базар-дүкен аралайтын, одан қалды қонақтан шығып, қонаққа баратын жаңажылдық дүрбелең жақындап келеді. Осы қызу кезеңде таксидің ақшасын үнемдеу үшін «Яндекс Плюс Forte» картасын ашуға кеңес береміз. «Яндекс Go» арқылы такси шақыратын болсаңыз, бұл карта Сізге 20% кешбэк қайтарып алуға және оларды Яндекс-тің Қазақстандағы кез-келген сервисінде жұмсауға мүмкіндік береді. 

«Яндекс Плюс Forte» картасы қараша айының соңында пайда болғанына қарамастан, осы аралықта оның клиенттері такси қызметі үшін 18 мыңға жуық рет төлем жасаған және 1 мыңнан астам рет «Яндекс Еда» арқылы тамақ жеткізуге тапсырыс берген. Себебі, жаңа карта «Яндекс»-тің Қазақстандағы экожүйесі шеңберінде тиімді кешбек ұсынады.  Пайдаланушылар картаны ашқаннан кейінгі алғашқы екі айда «Яндекс Go» тапсырысына - 20% дейін, «Яндекс»-тің Қазақстандағы барлық басқа сервисіне - 5% дейін және карта бойынша «Яндекс» экожүйесінен тыс жасалған кез-келген басқа сауда үшін - 1% дейін кешбэк ұпайларын алады. Ал үшінші айдан бастап карта арқылы айына 100 000 теңгеден асатын сома жұмсалған жағдайда, аталған артықшылықтардың барлығы сақталады. 

Оған қоса, «Яндекс Плюс Forte» картасы арқылы алғашқы екі айда 1 млн теңгеге дейін  ақшаны тегін  аударуға болады, одан кейінгі айларда, карта арқылы 100 мың теңгеден асатын  сома жұмсалған жағдайда, бүкіл әлем бойынша банкоматтардан айына 500 мың теңгеге дейін қолма-қол ақшаны комиссиясыз шешіп алу  мүмкіндігі тағы бар. Сондай-ақ ForteMarket-те промокод арқылы сауда жасағанда – тағы 5% жеңілдік қарастырылады. 

Бүгінгі таңда бұл картаны негізінен еліміздің екі ірі қаласының тұрғындары таңдап отыр: әрбір үшінші карта Алматы қаласында шығарылса, әрбір төртінші карта Астанада шығарылған. Дегенмен, басқа өңірлердің клиенттері де бұл картаға ықылас танытып отыр. Сонымен қатар, карта иелері әлемнің 24 елінде транзакциялар жүргізген. Көбінесе олар картамен Қазақстанда, сондай-ақ Ұлыбританияда, Қытайда, АҚШ пен Финляндияда есептескен. 

Статистикаға сүйенсек, пайдаланушылар картаны ақша аударудан гөрі, сауда жасау үшін көбірек пайдаланатын көрінеді, өйткені олар картамен неғұрлым көп төлем жасаса, соғұрлым көбірек кешбэк алатынын жақсы түсінеді.

«Яндекс Плюс Forte»-нің көмегімен ұпай жинай отырып, ол ұпайларды «Яндекс Go», «Еда», «Афиша», «Заправки», «Самокаты» және т.б. сервистерде жұмсауға болады. 

Картаны «Яндекс Go» және «Яндекс Еда» қосымшаларында ашуға болады, сондай-ақ  кез келген банктің картасы  арқылы немесе Қазақстанның барлық өңірін қамтитын желісі бар ForteBank-тің банкоматтары, терминалдары мен кассалары арқылы картаны қолма-қол ақшамен толықтыра аласыз. Картаны шығару және оған қызмет көрсету - тегін.



«Яндекс Плюс Forte» картасын ұстаушылар 18 мың рет такси қызметін пайдаланды 

Қазақстандық банктер ауқатты клиенттер үшін ең жақсы қызмет көрсету, артықшылығы бар қызметтер мен шешімдерді ұсына отырып, Private Banking қызметтер кешенін белсенді дамытуда

Өткен жылы FortePremier премиалды сервисі жаңа өнімдер мен сервистерді іске қосып қана қоймай, елордаға Леонардо да Винчидің «La Bella Principessa» атты ең жұмбақ туындысын әкелді.


2014 жылдан бастап ForteBank ауқатты клиенттерге FortePremier деп аталатын дербес банктік қызмет көрсетуді ұсынып келеді. Құрылған күннен бастап FortePremier-ді премиалды сервисі, жеке көзқарасы және қаржы қызметтерінің кешені үшін таңдайтын клиенттердің саны артып келеді.

*«ForteBank-тің ұзақ тарихы бар және еліміздегі ең ірі бес банктің бірі болып табылатын орнықты және тұрақты қаржы институты ретінде беделі биік. Банкіміз сервистер мен қызметтерді дамыта отырып, халық пен бизнес иелеріне қаржылық мәселелерін шешуге көмектесетін өзекті шешімдерді ұсынады. Бұл біздің «премьер» клиенттерімізге де қатысты - біз жеке қызмет көрсету мен табыстылығы жоғары инвестициялық өнімдерді ұсынумен қатар инновациялық премиалды сервистер мен өнімдерді қолданысқа енгіземіз. Осы жылы біз Premier клиенттері үшін ең қолайлы премиалды кредиттік карталардың бірін әзірледік, жарнамасыз және ұзақ күтусіз «тікелей» байланыс орталығы мен «онлайн тапсырыс» сервисін іске қостық. Мұндай шешімдер жеке сервисті ең жоғары деңгейде сақтап қалуға мүмкіндік береді»,* – деп баяндады ForteBank-тің **Басқарушы директоры, Chief Premier Officer Алия Есжан.**

2024 жылдың тамыз айында банк лимиті 8 млн теңгеге дейін жететін және нарықтағы  пайыздық мөлшерлемесі ең тиімді премиалды кредиттік картаны ұсынды. Оның бірегейлігі клиентке бонустардың шексіз мөлшерін алуға мүмкіндік беретін кешбэк сомасының ең жоғары шегінің болмауында. Бұл ретте банк картамен жасалған барлық сауда үшін 1% мөлшерінде кепілді түрде кешбэк есептейді. Сондай-ақ ол бірқатар қосымша артықшылықтарға ие: Air Astana-ның Nomad ұпайларын жинау, Dragon Pass және Lounge Key бағдарламалары бойынша бизнес-залдарға кіру, ешқандай бағдарламаға ұқсамайтын банктің жеке FortePremier Lounge бағдарламасы аясында Қазақстан әуежайларындағы CIP/VIP залдарына тегін өту мүмкіндігі. Карта бүкіл әлем бойынша Lux сегментінде сервистерін ұсынатын 80-нен астам компанияны қамтитын FortePremier Club серіктестер желісі бойынша артықшылықтар мен жеңілдіктерді ұсынады. Мысалы, осы жылы банктің премиалды клубына Мальдив аралдарындағы St. Regis, JW Marriot қонақ үйлері және VIP concierge AIM Executive қосылды.

Клиенттер ForteBank-тің жаңа картасына өз бағасын беріп үлгерді – ағымдағы жылдың қазан айында іске қосылғаннан бері ол карта бойынша айналым 124 млн теңгені құрады, оның 40%-ы шетелде төленді. *Статистикаға сүйенсек, картаны көбінесе компанияның құрылтайшылары, ұйымның бірінші басшылары және жоғары басшылық таңдайды екен. Картаны Астана, Алматы, Шымкент, Атырау қалаларындағы төрт Premier орталығында шығаруға болады*.

Premier клиенттері енді «тапсырыс» онлайн сервисі арқасында тәулік бойы теңгеде және шетел валютасында қолма-қол ақшасыз төлемдер мен аударымдарды жүзеге асыра алады. Мобильді қосымша арқылы олар дербес менеджерге тапсырма жібере алады, сондай-ақ цифрлық қолтаңба арқылы ақша аудару туралы өтініштерге қол қоя алады.

*«Биыл біз Premier клиенттеріне арналған бірегей «онлайн тапсырыс» сервисін әзірледік және енгіздік, оның көмегімен олар банк офисіне бармай-ақ, төлем тапсырмаларына қашықтан қол қоя алады. Бұл оларға уақытты үнемдеуге және әлемнің кез келген жерінен ыңғайлы уақытта қаражатты басқаруға мүмкіндік береді»,* - деп түсіндіріп өтті Алия Есжан.

Жақсырақ қызмет көрсету үшін банк ауқатты клиенттерге арналған кәсіби байланыс орталығын да іске қосты. Бұл жерде жарнамалық үзілістер немесе дыбыстаушы роботтар жоқ, тек қана демалыссыз тәулік бойы клиенттердің кез келген мәселесін шешетін операторлар бар.


FortePremier-ге мүшелік FortePremier Club бағдарламасы шеңберінде дербес банкир қызметтері, құпиялылық, жеке ниеттестік бағдарламасы, жеке іс-шараларға қатысу, серіктестердің артықшылықтарын және т.б. қоса алғанда, күтілгеннен де жоғары сервис деңгейін көздейді. FortePremier-де шетелде жылжымайтын мүлік сатып алудан салық салу мәселелері бойынша кеңес беруге дейінгі қаржылық және бейқаржылық қызметтер бар. Premier шеңберінде сондай-ақ Ernst & Young компаниясымен бірлесіп өткізетін балаларға арналған EY Future Leaders Academy оқу бағдарламасы қолданыста.

Осы жылы ForteBank Premier-дің қатысуымен Астанада Леонардо Да Винчидің «La Bella Principessa» туындысының көрмесін өткізуді ұйымдастырушылардың бірі ретінде қатысты, Банк Италия елшілігімен, Mastercard, Scripta Maneant, Италия мәдениет институтымен бірлесіп және Қазақстан Республикасы Мәдениет және ақпарат министрлігінің қолдауымен Леонардо Да Винчидің сырға толы «La Bella Principessa» төлтума картинасының көрмесін ұйымдастырды. Екі айда 30 000 астам қазақстандық пен қала қонақтары Қазақстан Республикасының Ұлттық музейінде итальяндық ұлы суретшінің жауһар туындысын тамашалады. Сондай-ақ, ел үшін ғана емес, бүкіл өңір үшін айтулы оқиғадан естелік ретінде FortePremier «La Bella Principessa» бейнеленген эксклюзивті премиалды картасын шектеулі тиражбен шығарды.

2024 жылы Private Banking және активтерді басқару саласындағы жетістіктері үшін FortePremier Euromoney халықаралық басылымының пікірінше Қазақстандағы ең үздік Private Bank деп танылды. Банк Қазақстанда осындай марапатқа ие болған бірінші және жалғыз банк, бұл оның ауқатты клиенттерге арналған қызметтер сапасын, жеке көзқарасын және осы бизнес бағытының өскенін растайды.



Кредиттік карталардан өнер туындыларына дейін: ForteBank премиалды қызмет көрсетуді қалай дамытуда

«ForteBank» Ақ қолдауымен әлемдік 6 бестселлер қазақ тіліне аударылып, 3 мың данамен жарық көрді.

Тәуелсіздік күні қарсаңында Петропавл қаласындағы Qyzyljar Creative Center орталығында “Ауылға кітап” жобасы аясында әлемге танымал 6 кітаптың қазақша нұсқасы таныстырылды. Бұл ауқымды жобаға «ForteBank» АҚ қаржылай демеушілік жасап, “Мазмұндама” баспасымен бірлесе отырып, таңдаулы шығармаларды қазақша сөйлетті. Жалпы тиражы – 3 мың дана. Оның 1000 данасы Солтүстік Қазақстан облысындағы мектептер мен оқу орындарына тегін таратылды.

Аударылған туындылар – The New York Times бестселлерлер тізіміне енген, әлемнің әр түкпірінде мойындалған кітаптар. Атап айтқанда: Джордан Питерсонның “Өмірдің 12 ережесі”, Дарон Аджемоглу мен Джеймс Робинсонның “Мемлекеттер неге дамымай қалады”, Тони Шейдің “Қуаныш сыйлау”, Саймон Синектің “Неге деген сұрақтан бастаңыз”, Фрэнк Герберттің әйгілі “Құмбел” романы, Рид Хастингс пен Эрин Мейердің “Ережесіз ереже. Netflix және ерекше басқару мәдениеті”.

“ForteBank» АҚ бұл жоба арқылы жастарымыздың көкжиегін кеңейтетін, оларды жаңа идеялар мен жетістікке бастайтын кітаптарды ана тілімізде ұсынуды мақсат етті. Әлемдік деңгейдегі туындылар қазақ жастарының шығармашылық әлеуетін арттырып, өз салаларында көшбасшы болуға жігер береді деп сенеміз. Солтүстік Қазақстан облысы – кітаптарды алғаш жеткізген өңір. Жас ұрпақтың қазақ тіліндегі заманауи әдебиетке деген қызығушылығының артуы қуантады. Бұл бізді осындай игі бастамаларды жалғастыруға шабыттандырады”, — дейді «ForteBank» АҚ басқарма төрағасы Талғат Қуанышев.

Іс-шараға облыс әкімінің орынбасары Жүсіп Жұмағұлов, мектеп директорлары мен білім саласының ардагерлері қатысты. Өз сөзінде Жүсіп Жұмағұлов: “Бұл кітаптарды орыс тілінде оқып едім, енді қазақша нұсқасымен танысуға асықпын. Мұғалімдер мен студенттер бұл шығармаларды зор қызығушылықпен оқып, жаңа идеялар мен кәсіби дамуға жол табары сөзсіз” деп пікір білдірді.

“Әр кітаптың бойында терең даналық, шабыт пен өмірлік сұрақтарға жауаптар бар. Бұл шығармалар оқушыларға ғана емес, мұғалімдерге де үлкен пайдасын тигізеді. Әдебиет – адамды тануға, әлемді ұғынуға жетелейтін құнды қазына”, — деді ардагер ұстаз Сауле Кереева.

Жалпы, «ForteBank» АҚ демеушілігімен жарық көрген үш мың кітаптың бір бөлігі ауылдық мектептерге тегін жеткізілсе, қалғаны кітап дүкендерінде сатылымға шығарылады.

![Снимок экрана 2024-12-17 160722.png](https://main.storage-object.pscloud.io/Snimok_ekrana_2024_12_17_160722_a46c529b48.png)
![Снимок экрана 2024-12-17 164247.png](https://main.storage-object.pscloud.io/Snimok_ekrana_2024_12_17_164247_334a5d50ba.png)
![Снимок экрана 2024-12-17 164120.png](https://main.storage-object.pscloud.io/Snimok_ekrana_2024_12_17_164120_828b7a2a62.png)
![Снимок экрана 2024-12-18 093903.png](https://main.storage-object.pscloud.io/Snimok_ekrana_2024_12_18_093903_a79ec20d57.png)

ForteBank СҚО-дағы білім ордаларына қазақша аударылған әлемдік бестселлерлерді тарту етті

«ForteBank» АҚ Директорлар кеңесінің 2024 жылғы 05 желтоқсандағы шешіміне сәйкес Банк Басқармасында Басқарма мүшелері - басқарушы директорлар лауазымдарына тағайындау үшін Алма Әбілжанованың, Ануар Болғауовтың, Нәріман Жарқынбаевтың, Сергей Карташовтың, Анна Пилипенконың, Ернар Тәшеновтың кандидатуралары қаралды және мақұлданды. Лауазымдарға тағайындауға Қазақстан Республикасының уәкілетті органы – ҚР Қаржы нарығын реттеу және дамыту агенттігінің келісімін алған күннен бастап Банк Басқармасының жаңа мүшелері қызметтеріне тағайындалады. 

Басқарманың жаңа мүшелері - басқарушы директорлары А.М. Әбілжанованы, Ә.Т.Болғауовты, Н.Ғ. Жарқынбаевты, А.В. Пилипенконы, С.И. Карташовты, Е.Б. Тәшеновты тағайындауға (сайлауға) Қазақстан Республикасының уәкілетті органы – ҚР Қаржы нарығын реттеу және дамыту агенттігінің келісімін алған күннен бастап «ForteBank» АҚ Басқармасының мүшелері - Басқарма Төрағасының бірінші орынбасары Гаухар Бисембиеваның, Басқарма Төрағасының орынбасары Амырхан Чиканаевтың, Басқарма Төрағасының орынбасары Айдын Ауезқановтың, Басқарушы директор Астан Сагитовтың өкілеттіктері тоқтатылады. 

**Анықтама үшін**

**Алма Әбілжанова** - Басқарма мүшесі - Басқарушы директор ретінде ForteBank-та корпоративтік бизнес бағытына  жетекшілік ететін болады. Алма Маратқызының қаржы секторында, АТФБанк, Темiрбанк, Альянс Банк сияқты банктерде 20 жылдан астам тәжірибесі бар. «ForteBank» АҚ-да жұмыс істегеніне 10 жылдай болған, Корпоративтік бизнес бағытын басқарып келеді. 

**Әнуар Болғауов** - Басқарма мүшесі-Басқарушы директор ретінде ForteBank-тің заң блогына жетекшілік ететін болады. Әнуар  Тоқтарұлы Қазақстанда және Нидерландыда танымал  халықаралық заң фирмаларында, «Альянс Банк» АҚ-да 20 жылдай еңбек еткен. Соңғы 7 жыл бойы ForteBank-тің Заң қызметіне жетекшілік етіп келеді, 2002 жылдан бері - Басқарушы директор (Chief Legal Officer) лауазымында жұмыс істеді. 

**Нәріман Жарқынбаев** - Басқарма мүшесі-Басқарушы директор ретінде «ForteBank» АҚ-да бөлшек бизнес блогына жетекшілік ететін болады. Нәріман Ғайнуллаұлы қаржы нарығында 2004 жылдан бері еңбек етіп келеді. 7 жыл бойы Sekerbank (Түркия) Директорлар кеңесінің атқарушы мүшесі болып, 2020 жылдың сәуірінен бастап 2022 жылдың маусым айы аралығында Бас менеджер ретінде Sekerbank-ті басқарған. 

**Сергей Карташов** - Басқарма мүшесі-Басқарушы директор ретінде Forte-нің IT бағытына жетекшілік ететін болады. Сергей Ивановичтің қаржы нарығында 20 жылдан астам еңбек тәжірибесі бар, 5 жыл бойы ForteBank-те CoreBanking бағытының директоры болған, сондай-ақ «Colvir Kazakhstan» ЖШС-де банктік және қаржылық технологияларды автоматтандыру ісімен айналысқан. Сергей Карташов басқарушы директор (Chief Informational Officer) ретінде ForteBank-тің IT блогын басқарып келеді. 

**Анна Пилипенко** - Басқарма мүшесі-Басқарушы директор ретінде операциялық блокқа жетекшілік ететін болады. Анна Викторовнаның қаржы саласында 20 жылдан астам жұмыс тәжірибесі бар. Ол – «ForteBank» АҚ-да басқарушы директор (Chief Risk Officer) лауазымын атқарады, тәуекелдер және кепілдікпен қамтамасыз ету бөлімшелерінің қызметін жүргізеді. 

**Ернар Тәшенов** - Басқарма мүшесі-Басқарушы директор ретінде Банктің SME блогына және филиалдар желісіне жетекшілік ететін болады. Ернар Бөлебайұлының қаржы саласында, АТФБанк, БТА Банк, Альянс Банк сияқты банктерде 20 жылдан астам жұмыс тәжірибесі бар, ForteBank-де заңды тұлғалардың проблемалы берешегін өндіріп алу құрылымдық бөлімшесін 11 жылдан  бері басқарып келеді. 


«ForteBank» АҚ Басқармасында өзгерістер орын алды 

Қуанышев Талғат Қазақстан Республикасы Қаржы нарығын реттеу және қадағалау Агенттігінің келісімі арқылы  2024 жылғы 06 желтоқсаннан бастап «ForteBank» АҚ Басқарма мүшесі - Басқарма Төрағасы болып тағайындалды. 

Қуанышев Талғат Жұманұлы бірнеше екінші деңгейдегі банктерде басшылық лауазымдарда үлкен тәжірибесі бар. Республиканың қаржы секторындағы мансабын 1994 жылы бастады. «АТФБанк» АҚ, «Банк Kassa Nova» АҚ, «АТФ Лизинг» АҚ, «ForteBank» АҚ сияқты қаржы институттарын табысты басқарды. 2023 жылдың мамыр айынан бастап «ForteBank» АҚ Директорлар кеңесінің мүшесі, Тәуелсіз директор болды. 

«ForteBank» - активтері бойынша елдің төртінші коммерциялық банкі.

Жаңалықтар

Хабарландырулар