Макроэкономикалық ортаның тұрақты қысымына қарамастан, банк кірістің қарқынды өсуін, активтердің көбеюін және жоғары табыстылықты көрсетуде

**Қаржы нәтижелері: тұрақты динамика**

•	Таза пайда 45,885 млрд теңгені құрады, бұл өткен жылдың осыған ұқсас кезеңімен салыстырғанда 33%-ке артық (2024 жылдың 1 тоқсаны: 34,571 млрд теңге). Пайданың артуына проценттік кірістің өсуі мен операциялық шығындарды тиімді басқару себеп болды.

•	Таза проценттік кіріс 23%-ке өсіп, 71,759 млрд теңгені құрады (2024 жылдың 1 тоқсаны: 58,240 млрд теңге), бұл кредиттік портфель мен инвестициялық бағалы қағаздар бойынша кірістің өсуімен негізделеді.

•	Шетел валютасымен жүргізілген операциялар бойынша таза табыс жоғары құбылмалылық және валюталық позицияларды оң қайта бағалау нәтижесінде екі есеге өсіп, 14,620 млрд теңгені құрады.

•	Таза комиссиялық кіріс 4,5 млрд теңгені құрады, яғни өткен жылдың деңгейінде сақталды.

**Операциялық шығыстар және салықтар**

•	Жалпы және әкімшілік шығыстар 22,8 млрд теңгені құрады, бұл өткен жылдың осыған ұқсас кезеңідегі көрсеткішпен (21,9 млрд теңге) шамалас.

•	Корпоративтік табыс салығы бойынша шығыстар 5,0 млрд теңгені құрады.

**Баланстық көрсеткіштер: активтердің өсуі және капиталдандыру**

•	Жалпы активтер 9,5%-ке өсіп, 4,48 трлн теңгеге жетті (31.12.2024 ж.: 4,09 трлн теңге), бұл кредиттік портфельдің және бағалы қағаздар үлесінің өсуіне байланысты.

•	Кредиттік портфель 15,9%-ке өсіп, 2,11 трлн теңгеге жетті, сонымен қатар корпоративтік кредиттеу және автокредит көлемінің ұлғаюы есебінен өсті.

•	Клиенттердің депозиттері мен ағымдағы шоттары 2,95 трлн-ды құрап, тұрақты өтімділікті қамтамасыз етті.

•	Жиынтық капитал 546 млрд теңгені құрады.

**Макроэкономикалық негіз және тәуекелдерді басқару**

•	Жылдық инфляцияның 10% деңгейінде сақталуы және Ұлттық Банктің базалық мөлшерлемені 16,5%-ке дейін жоғарлатуы аясында Банк активтер мен пассивтерді басқару стратегиясын бейімдеді.

•	Топ күтілетін кредиттік залалдарды есептеу кезінде пайдаланылатын негізгі макроэкономикалық факторлардың көрсеткіштерін жаңартты. Енгізілген өзгерістер нәтижесінде, күтілетін кредиттік залалдың бағалау резерві 271 миллион теңгеге азайды.

•	Клиенттерге берілген кредиттер бойынша күтілетін кредиттік залалдар резервінің деңгейі 2025 жылғы 31 наурыздағы жағдай бойынша 95,4 млрд теңгені құрады, бұл кредиттік тәуекелдерді бағалауда консервативті тәсілдің сақталуын көрсетеді.

**Кредиттік портфель: бөлшек бизнес сегментін кеңейту**

•	Бөлшек кредиттеу үлесі 934 млрд теңгеге дейін өсті (2024 жылдың 1 тоқсанында: 739 млрд теңге), бұл белсенді автокредит бағдарламасына байланысты.

•	Корпоративтік портфельдің негізгі салалары: металлургия (269 млрд теңге), ШОБ-ға ұсынылатын  қызметтер (151 млрд теңге), сауда және көлік.

**Қорытынды**

ForteBank жоғары базалық мөлшерлеме мен нарықтың құбылмалылығы жағдайында тұрақтылығы мен бейімділігін көрсетуде. Өтімділікті сақтау, бөлшек және корпоративтік кредиттеу портфелін кеңейту және операциялық тиімділікті арттыру 2025 жылы одан әрі өсудің берік негізін қалыптастырады.


ForteBank-тің 2025 жылдың І тоқсандағы таза табысы 45,9 млрд теңгені құрады

«ForteBank» акционерлік қоғамы **2025 жылғы 12 мамырдан** бастап жеке тұлғаларға арналған базалық тарифтерге, соның ішінде қарызы операциялары бойынша базалық тарифтерге, енгізілген өзгерістер мен толықтырулар өз күшіне енетіндігін хабарлайды. Енгізілген өзгерістермен Банктің бөлімшесінде немесе Банк сайтында таныса аласыз. Оны мына [<u>сілтеме</u>](https://forte.kz/kk/rates) арқылы ашуға болады. 

Құрметпен, «ForteBank» АҚ


Құрметті клиенттер!

24 сәуірде Forte Kulanshi Art Space-те «Керісінше» атты жаңа көрме таныстырылды. Мұнда қытайлық кескіндемеші мен қазақстандық график туындылары көрсетілген

Елордалық Forte Kulanshi Art Space галереясында «Керісінше» атты көрме ашылды. Мұнда бірден екі шебердің – қытайлық кескіндемеші Лу Линь мен QYZYLZHEBE лақап атымен танымал қазақстандық график Ілияс Дәуілбаевтың жұмыстары ұсынылған.

Экспозиция қарама-қайшылықтар мен мағыналардың күтпеген диалогын көрсетеді. Қытай дәстүрі монохромды тушь философиясында емес, керісінше, түстердің құйындатуында, экспрессия мен кескіндемелік пластикада ашылады. Ал қазақ көркемөнер мектебі әдеттегідей ою-өрнектік әсемдігі мен далалық бояуларының орнына қатаң графикалық сызықтарда, көлеңкелер мен ықшамды пішіндерде көрінеді.

ForteBank Директорлар кеңесінің төрағасы Тимур Исатаев: «*Талантты шеберлердің туындыларынан құралған осындай маңызды және шабыттандыратын көрмелердің дәл біздің ортақ өнер кеңістігімізде өтіп жатқаны мен үшін өте қуанышты. Бұл жолы сіздер екі ұлы мәдениеттің, тарих пен дүниетанымның ғажайып үйлесіміне куә боласыздар. Бұл – үлкен өнер мерекесі*», – деп атап өтті.

Көрмені ерекше ететін тек қарама-қайшылық қана емес. Екі автордың да жұмыстарынан бейнелердің нәзік, метафоралық, жүрекке терең бойлайтын поэзиясы аңғарылады. Олардың өнері – әрбір штрих немесе бояу жағысы лирикалық шығарманың жолындай естілетін визуалды өлеңдік диалог.

Көрме келушілер үшін 25 мамырға дейін «Forte Kulanshi Art Space» галереясында, Астана қаласы, Достық көшесі, 8/1 мекенжайы бойынша ашық. Кіру тегін.


Forte Kulanshi Art Space «Керісінше» көрмесін ұсынады

2025 жылдың 21–24 сәуірінде Ақтауда тірек-қимыл аппараты бұзылған (ТҚАБ) адамдар арасында арбадағы теннистен Қазақстан Кубогы өтті. Турнирге елдің сегіз өңірінен ең үздік спортшылар жиналды: Ақтау, Астана, Алматы, Қарағанды, Ақтөбе, Атырау, Шымкент және Қызылорда.

Төрт жарыс күні ішінде қатысушылар келесі санаттар бойынша медальдар үшін күресті: жеке есеп (ерлер мен әйелдер), аралас жұптық және жалпы командалық есеп.

Жарыс 2024 жылдан бастап Ұлттық паралимпиадалық теннис құрамасының ресми серіктесі болып табылатын ForteBank қолдауымен өткізілді. Банк еліміздің әр өңірінде осындай спорттық іс-шараларды тұрақты түрде өткізу арқылы Қазақстанда инклюзивті қоғамды дамытуға ықпал етеді.

«*ForteBank атынан Қазақстан Кубогына қатысқан барлық спортшыларға шын жүректен құттықтауымды білдіргім келеді. Біз шиеленісті және тартысты күрестің куәсі болдық. Барлық ойындар көрермендер мен қатысушыларға жарқын әсер қалдырды деп сенемін. Біз Қазақстанда паралимпиадалық теннистің дамуына үлес қосып жатқан жетістіктеріңізді мақтан тұтамыз және халықаралық аренада сіздерге сәттілік тілейміз. ForteBank осы спорт түрінің дамуына қолдау көрсетуді және сіздермен бірге болуды үлкен мәртебе санап, барлық қатысушыларға алдағы уақытта да спорттық жеңістер тілейді*», - ForteBank-тің Ақтау қаласындағы филиалының директоры Талғат Ешман атап өтті.

**Кубок жеңімпаздары мен жүлдегерлері:**

Ерлер

1 орын Дастан Неязов (Ақтөбе)
2 орын Ердәулет Қадымбергенов (Ақтөбе)
3 орын Дінмұхамет Әлияқпаров (Астана)

Әйелдер

1 орын Айжан Бүтімбаева (Қарағанды)
2 орын Айшуақ Жетпісова (Қарағанды)
3 орын Жанат Үмітқұлова (Ақтөбе)

Аралас жұптық

1 орын - Дінмұхамет Әлияқпаров / София Степанова (Астана)
2 орын - Айжан Бүтімбаева / Федор Старыгин (Қарағанды)
3 орын - Бауыржан Құлунов / Сая Абашова (Қызылорда)

Жалпы командалық есеп

1 орын - Қарағанды облысы
2 орын - Ақтөбе облысы
3 орын - Астана қаласы

Турнир рух күшінің, табандылықтың және спортқа деген сүйіспеншіліктің нағыз символына айналды. Ол Қазақстанда арбадағы теннис жай ғана дамып қана қоймай, бүкіл ел бойынша спортшыларды біріктіріп, жаңа көкжиектер ашып отырғанын көрсетті.


ForteBank қолдауымен рух күші: Ақтауда арбадағы теннистен Қазақстан Кубогы өтті

Forte жұмысындағы маңызды бағыттардың бірі – қайырымдылықты қолдау болып табылады. Көп жылдар бойы банк сан алуан әлеуметтік маңызы бар жобаларға қатысып келеді. Бұл бағытта ерекше қажеттіліктері бар балаларға көмек көрсету маңызды рөл атқарады.

16 сәуір күні ForteBank Ұлттық балаларды оңалту орталығына арнайы жабдықталған Hyundai Custin шағын автобусын табыстады. Медициналық мекеме өкілдеріне көлік кілтін ForteBank-тің Астана қаласындағы филиалының директоры Әсет Садыбеков салтанатты түрде табыс етті.

Көлік ерекше қажеттіліктері бар балаларды медициналық тексерістерге жайлы әрі қауіпсіз жағдайда жеткізуге мүмкіндік береді. Сонымен қатар, орталық мамандары мен кеңесшілерін шұғыл шақыру орындарына жедел жеткізу мақсатында да пайдаланылатын болады.

Енді ерекше қажеттіліктері бар балалар мамандандырылған мекемелерге медициналық тексеруге қолайлы жағдайда жете алады. Сондай-ақ, автокөлік Ұлттық балаларды оңалту орталығына шұғыл көмек көрсету үшін мамандар мен кеңесшілерді жедел жеткізуге мүмкіндік береді.

Ұлттық балаларды оңалту орталығының басқарма төрайымы Ажар Ғиният Forte ұжымына осындай маңызды қолдауы үшін алғысын білдірді. Ол мұндай игі істер ерекше қажеттіліктері бар балаларға қажетті көмек көрсетуге мүмкіндік беретінін атап өтті.

Жыл сайын Қазақстанның әр аймағынан 600-ге жуық бала Ұлттық балаларды оңалту орталығында ем алады. Мұнда церебральды сал ауруы, аутизм және ДЦП-ның басқа да түрлері сияқты диагноздары бар жас пациенттерге көмек көрсетіледі.


Жаңалықтар

Хабарландырулар