"FORTEBANK" АҚ АКЦИОНЕРЛЕРІНІҢ ЖЫЛДЫҚ ЖАЛПЫ ЖИНАЛЫСЫНДАҒЫ ДАУЫС БЕРУ ҚОРЫТЫНДЫСЫ ТУРАЛЫ

"ForteBank" АҚ (бұдан әрі – "Банк") оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2026 жылғы 20 сәуірде Астана қаласы уақытымен сағат 10.00-ден 11.00 дейін келесі мекенжайда өткен: Қазақстан Республикасы, Z05P1P0/010017, Астана қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің жылдық жалпы жиналысындағы (бұдан әрі – "Жиналыс") дауыс беру қорытындысы туралы хабарлайды. Бекітілген күн тәртібіне сәйкес Жиналыста келесі мәселелер қаралды және дауыс беру нәтижелері бойынша келесі шешімдер қабылданды.

⁎⁎⁎

Күн тәртібінің 1-мәселесі "Банктің 2025 жылы бойынша жылдық қаржылық есебін бекіту туралы" бойынша

Банктің 2025 жылғы 31 желтоқсанда аяқталған жыл үшін, осында тіркелген, аудиттелген жеке және шоғырландырылған Жылдық қаржылық есебі бекітілсін.

⁎⁎⁎

Күн тәртібінің 2-мәселесі "Банктің 2025 жылғы таза табысын үлестіру тәртібін бекіту туралы, Банктің бір қарапайым акциясына есептегендегі дивидендтің мөлшері туралы" бойынша

1. Банктің 2025 жылғы таза табысы бөлінбесін.

2. Банктің таза табысын Банк өз қарамағында сақтасын.

⁎⁎⁎

Күн тәртібінің 3-мәселесі "Банктің Директорлар кеңесінің өткен қаржылық жылы бойынша есеп беруі туралы" бойынша

Банктің Директорлар кеңесінің өткен қаржылық жылы үшін есебі бекітілсін.

⁎⁎⁎

Күн тәртібінің 4-мәселесі "Банктің және оның лауазымды тұлғаларының әрекеттеріне қатысты акционерлердің жүгінімдері және оларды қарау нәтижелері туралы" бойынша

Банк Басқармасының 2025 жылы ішінде Банк 13 акционерден 15 өтініш алды (акцияларды иелену және өткізу, Банк акциялары бойынша дивидендтерді есептеу және төлеу, сондай-ақ салық салуды қолдану мәселелері бойынша), оларға түсіндірмелермен жауаптар жіберілгені, акционерлердің Банктің және оның лауазымды тұлғаларының әрекетіне өтініштері келіп түспегендігі туралы ақпараты назарға алынсын.

⁎⁎⁎

Күн тәртібінің 5-мәселесі "Директорлар кеңесі мен Банк Басқармасы мүшелерінің 2025 жылы үшін сыйақының мөлшері және құрамы туралы" бойынша

Директорлар кеңесінің және Банк Басқармасының мүшелерінің 2025 жылғы сыйақы мөлшері және құрамы туралы ақпарат назарға алынсын.

⁎⁎⁎

Күн тәртібінің 6-мәселесі "Банктің 2025 жылғы жұмысы үшін Директорлар кеңесінің төрағасы мен мүшелеріне бекітілмеген сыйақы мөлшерін анықтау туралы" бойынша

Қосымшаға сәйкес, Банктің 2025 жылғы жұмысы үшін Директорлар кеңесінің төрағасы мен мүшелеріне бекітілмеген сыйақы мөлшері анықталсын.

⁎⁎⁎

Күн тәртібінің 7-мәселесі "О. Жандосовты Банк Директорлар кеңесінің мүшесі – Банктің тәуелсіз директоры етіп сайлау туралы" бойынша

1. Ораз Алиевич Жандосов 2026 жылдғы 21 сәуірден бастап Банк Директорлар кеңесінің мүшесі – Банктің тәуелсіз директоры болып сайлансын.
2. Ораз Алиевич Жандосовтың Банк Директорлар кеңесінің мүшесі ретіндегі өкілеттік мерзімі Банк акционерлерінің жылдық жалпы жиналысының 2025 жылғы 29 сәуірдегі шешіміне (№ 01/25 хаттама) сәйкес, Банк Директорлар кеңесінің жалпы өкілеттік мерзімінің аяқталуымен бір мезгілде, яғни Банк акционерлерінің 2028 жылы өтетін жылдық жалпы жиналысы кезінде аяқталатыны белгіленсін.
3. Банк Директорлар кеңесі мүшесінің ай сайынғы бекітілген сыйақысының мөлшері, Қазақстан Республикасының заңнамасында белгіленген салықтар мен басқа да шегерімдерді қоспағанда, ұсынылған қосымшаға сәйкес анықталсын.
4. Директорлар кеңесі мүшесінің бекітілген сыйақысы есептеу жүргізілген айдан кейінгі айдың үшінші күнінен кешіктірілмей ай сайын төленетіні белгіленсін.
5. Банк Директорлар кеңесі мүшесіне басқа төлемдер, сондай-ақ шығындарды өтеу "ForteBank" АҚ Директорлар кеңесі мүшелеріне сыйақы төлеу және олардың шығындарын өтеу саясатында белгіленген мөлшерде және тәртіпте жүзеге асырылатыны белгіленсін.

⁎⁎⁎

⁎Осы баспасөз хабарламасында қамтылған ақпаратты пайдалануға немесе сілтеме жасауға тек дереккөзді міндетті түрде көрсеткен және ForteBank-тен алдын ала мақұлдау болған жағдайда ғана рұқсат етіледі (press@fortebank.com).