Танымал Euromoney журналы FortePremier қызметіне – Қазақстандағы Best Private Bank атағын берді. Бұл марапат FortePremier сегментінің private банкингтегі көшбасшылығын дәлелдейді. 

**Нәтижеге негізделген мәртебе**

Соңғы үш жылда FortePremier Қазақстандағы private banking стандарттарын жүйелі түрде жаңғыртып келеді. Банк кәсіпкерлер, бизнес иелері мен қоғамда танымал тұлғаларға арналған қызмет көрсетудің тұтас моделін қалыптастырды. Ол жеке қаржылық сүйемелдеу, инвестициялық кеңес беру, брокерлік және портфельдік шешімдер, сондай ақ салық бойынша консалтингті біріктіре отырып, клиенттерге бірыңғай премиум деңгейдегі қызмет тәжірибесін ұсынады.


*«Euromoney марапаты – біздің клиенттерге ұсынатын құндылықтарды растайды. Үш жыл қатарынан халықаралық деңгейде үздік атану – біздің дұрыс бағытта екеніміздің дәлелі. Біз қызметті клиенттердің нақты қажеттіліктері мен күткен нәтижелеріне бейімдейміз, мықты сараптамаға және әр клиентке деген шынайы қамқорлыққа сүйенеміз. Біздің мақсатымыз тек жоғары стандарттарға сай болу ғана емес, еліміздегі премиум сервистің жаңа деңгейін қалыптастыру. Бұл жерде сапа, жеке қызмет және сенім ұзақ мерзімді әріптестіктің өзегіне айналады», – дейді басқарушы директор, Chief Premier Banking Officer Замира Сундетова.*


FortePremier ді халықаралық деңгейде мойындау – Банктің мықты қаржылық нәтижелерінің, стратегияны жүйелі орындаудың және wealth management сегментіндегі позицияны тұрақты нығайтудың нақты көрінісі. 
Euromoney сарапшылары FortePremier дің басқарудағы активтерінің сенімді өсімін, жоғары табыс пен клиенттік базасының тұрақты кеңеюін ерекше атап өтті. Осы факторлар яғни advisory дің жан-жақты сараптамасы мен ауқатты клиенттердің сенімі FortePremier ді халықаралық деңгейде мойындауға негіз болды. 


**Euromoney сыйлығы туралы**

Euromoney – жаһандық қаржы индустриясындағы ең беделді сараптамалық басылымдардың бірі. «Awards for Excellence» жыл сайынғы марапаты банктердің қаржылық көрсеткіштерін, клиенттерге қызмет көрсету сапасын, өнімдердің жаңашылдығын және стратегиялық даму деңгейін терең талдау негізінде беріледі. Best Private Bank атағын иелену – банктің жеке капиталды басқаруда сенімді әрі кәсіби әріптес екенін айғақтайтын кешенді халықаралық баға.

<hr>

**БАҚ үшін байланыс:**
**«ForteBank» АҚ** PR-қызметі 
press@fortebank.com
+7 (7172) 599 999 



ҚР Қаржы нарығын реттеу және дамыту агенттігі 03.02.2020 ж. «ForteBank» АҚ-ға берген N°1.2.29/197/36 лицензиясы




ForteBank Euromoney басылымының – Best Private Bank Kazakhstan 2026 марапатын иеленді

ForteBank халықаралық International Banker басылымының нұсқасы бойынша «Үздік коммерциялық банк» атанды. Бұл марапат банктің бизнес-моделінің тұрақтылығын және корпоративтік басқарудың жоғары деңгейінің айқын дәлелі. International Banker сарапшылары бағалау кезінде қаржылық тұрақтылықты, басқару сапасын, операциялық процестердің жетілгендігін, цифрлық дамудың деңгейін, сондай-ақ бизнес пен бөлшек сегменттегі клиенттерге арналған шешімдердің тиімділігі мен кең ауқымдылығын талқыға салды. Сондай-ақ, сарапшылар ForteBank-тың тәуекелдерді басқарудағы жүйелі тәсілін, бизнес пен жеке клиенттерге арналған өнімдік шешімдерді дамытуын және цифрлық инфрақұрылым мен сервистерге бағытталған тұрақты инвестицияларды ерекше атап өтті. Банк операциялық базаны нығайтуды одан әрі күшейтіп, ашықтық пен тұрақтылық және сенімге негізделген ұзақ мерзімді қызмет көрсетуге басымдық береді. 

 

«Біз үшін банкті стратегиясы түсінікті, тұрақтылыққа басымдық беретін сенімді қаржы институты ретінде қалыптастыру өте маңызды. Халықаралық бағалау біздің тәсіліміз дұрыс екенін көрсетті. Біз тәртіппен өсіп, басқаруды сапалы жүргіземіз және клиенттерге жауапкершілікпен қараймыз. Бұл әлемдік үздік тәжірибелерге сай келеді», - деді «ForteBank» АҚ Басқарма Төрағасы Талғат Қуанышев. 

 

ForteBank International Banker-дің «Үздік коммерциялық банк» марапатын иеленді  

«ForteBank» АҚ «Home Credit Bank» АҚ-тың («ForteBank» АҚ ЕБ) 100% акциясын сатып алу мәмілесінің аяқталғанын хабарлайды. ForteBank Home Credit Bank капиталына қатысу үлесі 75%-тен 100%-ке дейін өсті. Осылайша ForteBank – Home Credit Bank-тың жалғыз акционері болды.

Мәміле туралы алғаш рет 2025 жылғы 27 маусымда хабарланған болатын. Ол кезде «ForteBank» АҚ «Home Credit Bank» АҚ (Қазақстан) акционерлерімен банктің 100% акциясын сатып алу жөнінде қағидатты келісімге қол жеткізгенін мәлімдеді. 

«Home Credit Bank-ті сатып алу мәмілесінің аяқталуы – біздің ұзақ мерзімді стратегияны жүзеге асырудағы маңызды кезең. Бұл арқылы біз нарықтағы ұстанымды күшейтіп, банктің тұрақтылығын арттырамыз және клиенттер үшін сапалы өсімге жаңа мүмкіндіктер ашамыз. Екі банктің тәжірибесін біріктіре отырып, біз өнім желісін кеңейтіп, қызмет сапасы мен сенімді арттыруға басымдық береміз», - деді «ForteBank» АҚ Басқарма Төрағасы Талғат Қуанышев.

Home Credit Bank** клиенттер алдындағы барлық міндеттемелерін әдеттегідей орындауды жалғастыра береді. Шарттар мен сервистер штаттық режимде сақталады. ForteBank және Home Credit Bank клиенттері үшін қызмет көрсету талаптары мен барлық арналардың жұмыс тәртібі өзгеріссіз қалады: бөлімшелер, колл-орталықтар және цифрлық сервистер қалыпты режимде жұмыс істейді.


ForteBank Home Credit Bank-тың 100% акциясын сатып алу мәмілесін аяқтады

ForteBank ұйымдастырған Forte AI Hackathon елімізде AI-экожүйені дамытуға бағытталған маңызды бастама болды. Ол идея, технология мен осы саладағы адамдар бірігіп қаржы саласының болашағын қалыптастыратын алаңға айналды. «Көмектесеміз. Қолдаймыз. Жасаймыз» қағидасына сүйенген қатысушылар қиындықтарды нақты мүмкіндіктерге айналдырып, Қазақстанда жасанды интеллекттің дамуына серпін берді. 

Хакатонға 133 команда қатысып, олар бар болғаны жеті күн ішінде деректерді талдау, клиенттік сервис, қауіпсіздік және ішкі операциялар секілді банктің негізгі процестерін түбегейлі өзгерте алатын прототиптерді әзірледі. Бұл жобалар идеядан нақты шешімге айналып, банк ішінде әрі қарай дамуға мүмкіндік беретінін көрсетті.

Финалдық кезең Forte-нің Астанадағы бас кеңсесінде өтіп, кейбір қатысушылар онлайн қосылды. Шара мәресіне жетіп, жеңімпаздар белгілі болды:

**1 орын** — Oumuamua командасы, жүлде қоры 2 750 000 ₸
(Алибеков Улугбек Равшанбекұлы, Қабдула Асет Қалбекұлы, Ошакбаева Аружан Сағатқызы, Серік Ажар Асқарқызы)

**2 орын — Overclocking** командасы, жүлде қоры 1 650 000 ₸
(Маханбет Ерсерік Қуандықұлы, Дон Владимир Аркадьевич, Витохин Эльдар Станиславович, Калиева Аружан Кабдилашимқызы)

**3 орын — Kazachi Kapai** командасы, жүлде қоры 600 000 ₸
(Әбдіғали Арсен Амантайұлы, Гизатуллаев Осеин Құрметұлы, Берекеев Айбар Талгатович)

Forte AI Hackathon инновациялар мәдениетін қалыптастыруда және жасанды интеллект саласындағы таланттарды қолдауда маңызды белес болды. Хакатон қорытындысы – шараның аяқталуы емес, жаңа кезеңнің бастауы. Яғни, үздік жобалар банктің инновациялық экожүйесінде дамуын жалғастырады, ал ForteBank Қазақстанда технологиялық қауымдастық пен алдыңғы қатарлы, озық AI-практикаларды дамытуға үлес қосады.


Forte AI Hackathon – үздік AI-шешімдерді анықтады!

ForteBank Қаржылық нарықты реттеу және дамыту агенттігінің марапатына ие болды. Бұл халықтың қаржылық сауаттылығын арттыруда мемлекет пен банк секторының ынтымақтастығының белгісі.

ForteBank 2023 жылдан бастап, жеке қаржыны басқару және қарыз бойынша тәуекелдердің алдын алуға көмектесуге бағытталған «Қарызсыз қоғам» жобасына қолдау білдіріп келеді. Жоба аясында қаржылық сауаттылықты оқытып, тегін заңгерлік қолдау көрсетеді. Осы уақытқа дейін «Қарызсыз қоғам» 860 мыңнан астам азаматқа көмек көрсетті. Бұл бастама тұрақты қаржылық дағдыларды қалыптастыруға және халықтың қарыз жүктемесін төмендетуге ықпал етеді. 


Жаңалықтар

Хабарландырулар