ForteBank қызметкерлеріне арналған FortePeople мобильді қосымшасын іске қосты

ForteBank HR-сервистерді, ішкі коммуникациялар, мақсаттарды басқаруды және корпоративтік ынталандыру жүйесін біріктіретін FortePeople қосымшасын іске қосты. Жаңа өнім Қаржыгерлер күніне орай іске қосылды. Енді қызметкерлер Банктің ішкі сервистерін смартфон арқылы емін-еркін пайдалана алады. Қосымша ForteBank-тің барлық 20 филиалындағы 4 000-нан астам қызметкерге қолжетімді.
HR-сервистер және жұмыс процестері

Бұған дейін ForteBank-тегі HR-процестер автоматтандырылғанымен, оларды негізінен жұмыс компьютері арқылы ғана қолдануға болатын. FortePeople негізгі сервистерді смартфонға көшірді. Қосымшада қызметкерлер еңбекақы мен еңбек демалысы туралы ақпаратты көріп, есеп айырысу парақтарын ала алады. Сондай-ақ өтінімдер жолдап, олардың орындалу барысын бақылауға мүмкіндік бар. Сонымен қатар мұнда жылға қойған мақсаттары мен олардың үлесін, мерзімдері мен KPI келісу мәртебесін тексеруге болады. Жаңадан келген қызметкерлер үшін арнайы бейімделу бөлімі қарастырылған: онда алғашқы тапсырмалар, оқу курстары, сондай-ақ басшы мен тәлімгердің (buddy) байланыс деректері жинақталған.
ForteShop: жетістіктерді сыйлық пен қуанышты сәттерге айырбастау

FortePeople қосымшасының ерекшелігі – өзінің Forte Coin валютасы бар ForteShop ынталандыру жүйесі. Қызметкерлер кәсіби жетістіктері, байқаулар мен сатылым чемпионаттары, корпоративтік іс-шараларға, оқу бағдарламалары мен еріктілер жобаларына атсалысқаны үшін монеталар алады. Сондай-ақ әріптестеріне алғысы ретінде бере алады. Жиналған Forte Coin-ді Forte мерчіне және отандық брендтермен бірлесіп шығарылған өнімдерге айырбастауға болады.
Ішкі коммуникация және кері байланыс Қосымшада іздеу жүйесі, сүзгілері және push-хабарламалары бар жаңалықтар айдары жұмыс істейді. Тағы бір маңызды құрал – апта сайынғы mood-check сауалнамасы. Әр жұма сайын қызметкерлер өткен аптаға өз бағасын береді. Дүйсенбі күні Банк сауалнама нәтижелерін жариялап, қызметкерлердің жауабы негізінде қандай өзгерістер енгізілетінін баяндайды.
Команда үніне құлақ асатын банк ForteBank-тің әрбір өнімі мен сервисінің артында мыңдаған қызметкердің еңбегі тұр. Банк клиенттерге арналған қызметтерді үнемі жетілдіріп отырса, FortePeople команданың күнделікті жұмысын барынша жеңіл әрі ыңғайлы етуге бағытталған. Енді көптеген жұмыс мәселелерін тікелей смартфон арқылы шешуге болады, қызметкерлердің еңбегі лайықты бағаланып, ал олардың тың идеялары Банктің ішкі сервистерін одан әрі дамытуға септігін тигізеді.