
ForteBank Қазақстан кәсіпкері күніне орай ұйымдастырылған екі өңірлік форумның серіктесі болды. Түркістан облысында форум қатысушылары бизнес пен мемлекеттің өзара іс-қимыл мәселелерін талқыласа, Ақтөбеде салық, қаржыландыру және компанияларды дамыту тақырыптары сөз болды.
2026 жылғы 29 қазанда Түркістан қаласында «Қазақстан Республикасы кәсіпкерлері күні» форумы өтті. Онда еліміздің оннан аса өңірінен келген кәсіпкерлер, инвесторлар, мемлекеттік орган және даму институттарының өкілдері бас қосты. Іс-шараға Түркістан облысының әкімі Нұралхан Көшеров пен Қазақстан Республикасы Ұлттық экономика вице-министрі Бауыржан Омарбеков қатысты.
Форумда ForteBank атынан ШОБ сатылымдары мен қолдау бағытының директоры Зәуреш Мендіғалиева сөз сөйлеп, жиһаз өндірісі, қолөнер, мейрамхана бизнесі және құрылыс салаларында табысқа жеткен кәсіпкерлерді марапаттады. Зәуреш Мендіғалиеваның айтуынша, кәсіпкерліктің өркендеуі өңір экономикасына тікелей әсер етеді. Кәсіптің кеңейюі - еңбекпен қамту, тауарлар мен қызметтерге қолжетімділік, жаңа мүмкіндіктерге жол ашу секілді бірнеше мәселенің шешілуіне үлес қосады.
«Бизнес дамыса, өңір де дамиды. Әрбір табысты бизнестің артында жауапкершілікті сезінетін, жаңа мүмкіндіктерге ұмтылып, өз ісін дамытуға дайын жандар тұрады. Дәл осындай тәуекелшіл кәсіпкерлердің арқасында жаңа жұмыс орындары ашылып, қызмет түрлері пайда болып, өңірлер экономикасы өседі. ForteBank үшін кәсіпкерлердің бизнесін дамытудың әр кезеңінде сенімді қаржылық серіктес болу маңызды», – деп атап өтті ол.
Кәсіпкерлермен пікір алмасуға арналған тағы бір алаң Ақтөбе қаласында өткен «Бизнес тынысы: қаржы және даму» атты салық және бизнес форумы болды. Іс-шараны Қазақстан бухгалтерлер және аутсорсерлер қауымдастығы ұйымдастырды. Форумға мыңнан астам адам қатысты. Іскерлік бағдарлама аясында «ForteBank» АҚ Ақтөбе қаласындағы филиалының директоры Асылбек Құлтасов сөз сөйлеп, Банктің шағын және орта бизнеске арналған қаржылық құралдары, кредит беру мүмкіндіктері және кәсіпкерлерді қолдау бағдарламалары туралы баяндады.
ForteBank өнімдер желісіне кепілмен және кепілсіз берілетін кредиттер, 8 млрд теңгеге дейінгі қаржыландыру, онлайн транштарды ресімдеу мүмкіндігі бар кредиттік желілер, сондай-ақ шағын және орта бизнеске арналған автокредиттер кіреді. Мемлекеттік сатып алуға қатысушылар үшін Банк тендерлік кепілдіктер мен міндеттемелерді орындау кепілдіктерін, соның ішінде кепілмен қамтамасыз етусіз ұсынады.
Сонымен қатар, ForteBank «Даму» қоры арқылы бизнесті қолдауға бағытталған мемлекеттік бағдарламаларға қатысады. Бұл бағдарламалар жеңілдетілген қаржыландыруды, сыйақы мөлшерлемелерін субсидиялауды және кепілмен қамтамасыз ету жеткіліксіз болған жағдайда кепілдіктер беруді көздейді.
Банк өкілдерінің айтуынша, кәсіпкерлерді қаржыландыру жұмыстары ірі қалалармен ғана шектелмейді. ForteBank кредиттік портфелінің 72%-і өңірлік бизнеске тиесілі, ал бір кредиттің орташа мөлшері 202 млн теңге.
Кредит өнімдері, кепілдіктер және қолдау бағдарламаларына қатысу талаптары туралы толығырақ ақпаратпен business.forte.kz сайтында танысуға болады.