Forte төлем карталарын тұтынушыларына апта сайынғы ұтыс ойындарын бастады. Жыл соңына дейін апта сайын сауда жасаған 20 тұтынушы рандомайзердің көмегімен таңдалады. Жеңімпаздарға банк бонус түрінде 100% кешбэкті есептейді. Бірақ жасалған бір сауданың бағасы 100 000 теңгеден аспауы шарт.

**Бонустарды қалай жеңуге болады?** 
1.	Forte мобильді қосымшасындағы "Промо" бөлімінен "қатысқым келеді" батырмасын басыңыз.
2.	Сауданы Forte карталарымен жасаңыз. Букмекерлік қызметтер мен ұялы байланыс төлемдері, аударымдар, несиелерді өтеу, коллекторлық компаниялардың, ломбардтардың төлемдері ескерілмейді. 

Бұл қалай жұмыс істейді? Мысалы, сіз 75 000 теңгеге сауда жасап, ұтыс ойыны кезінде рандомайзер сізді таңдады делік. Мұндай жағдайда дәл осы сомада бонустар қайтарылады. Ал егер сіз 125 000 теңгеге тауар сатып алған болсаңыз, жеңіс жағдайында банк сізге бонус ретінде 100 000 теңгені қайтарады. Ұтыс ойындары апта сайын 2024 жылдың 30 желтоқсанына дейін өтеді. Банктің әлеуметтік желілерін қадағаласаңыз болады.

Париждегі Олимпиада ойындарын көріңіз
2024 жылдың 30 сәуіріне дейін Apple Pay, Google Pay, Garmin Pay немесе Samsung Pay сервистерін пайдалана отырып, Forte Visa карталарының көмегімен саудаңызды 10 000 теңгеден бастап төлесеңіз, 40 брендтік жиынтықтың бірін ұтып ала аласыз. Бас жүлде – Париждегі 2024 жылғы Олимпиада ойындарына екі адамға арналған жолдама. Оның ішіне олимпиаданың ашылу салтанаты мен екі іс-шарасы кіреді.
 
Ыңғайлы әрі тиімді төлем карталары
Банкте сіз өзіңіздің қажеттіліктеріңізге қарай төлем карталарын таңдай аласыз. Мәселен Blue тегін қызмет көрсету картасы бойынша бүкіл әлем бойынша банкоматтардан айына 500 000 теңгеге дейін ақшаны тегін аударуға және алуға болады. 

Саяхатты ұнататындар үшін ForteТravel картасы қолайлы. Ол арқылы Apple Pay/Samsung pay/Google Pay арқылы саудаға кепілдендірілген бонустар және саяхат шығындарына (авиабилеттер, қонақүйлер, Duty Free, агенттік туры және автокөлікті жалға алу) 0,5% және 5% онлайн бонустар алуға болады. Сондай-ақ Lounge key бизнеске залдарына кіруге мүмкіндік, саяхатты сақтандыру мен басқа да жеңілдіктер жасалады.

Forte Black картасымен 3 миллион теңгеге дейінгі несие лимитін 90 күнге дейін пайызсыз және комиссиясыз саудаларға рәсімдеуге болады. Сондай-ақ бұл картамен бүкіл әлем бойынша саудаңызды пайызсыз бөліп төлей аласыз. 

Solo премиум картасы жеке қызмет көрсетуді, Nomad Club ұпайларын, Lounge key бизнес-залдарына кіруді, заңгердің кеңесін қамтиды. 

Барлық ForteBank карталарымен түрлі санаттарды таңдау арқылы сауда жасаған сайын 15% - ға дейін және серіктестерден 25% - ға дейін бонустар алуға болады.


ForteBank апта сайын әр саудаға бонустар ойнатады: 100 000 теңгеге дейінгі кэшбекті қалай алуға болады

S&P Global Ratings рейтинг агенттігі, банктің бұл агенттіктің рейтинг тағайындау процесіне қатысуын тоқтату туралы шешіміне байланысты, тағайындаған рейтингілерін қайтарып алды.

Наурыз айының соңында S&P агенттігі ForteBank рейтингін ұлттық шкала бойынша «kzA»-дан «kzA-» дейін көтерді, болжамды «позитивті» деп жақсартты. Рейтингілерді қайтарып алу кезінде ForteBank-тің ұзақ мерзімді және қысқа мерзімді кредиттік рейтингілері «BB-/B» деңгейінде, ұлттық шкала бойынша рейтингі «kzA», рейтингілері бойынша болжам «Позитивті» болды.

«Біз S&P агенттігіне ұзақ мерзімді ынтымақтастығы үшін ризашылығымызды білдіреміз. Ағымдағы жағдай көрсетіп отырғандай, банктің клиенттер, акционерлер мен инвесторлар үшін кредит қабілеттілігін және тұрақтылығын растау үшін екі агенттіктің рейтинг тағайындауы жеткілікті. Moody’s және Fitch деген екі халықаралық агенттігі тағайындайтын ForteBank рейтингілері банктің жоғары қаржылық көрсеткіштерін, таңдалған бизнес моделін және банктің нарықтағы даму болашағын толық көрсетеді. Банк ұжымы қызметтерді цифрландыру, тұрақты өсу және портфельдердің теңгерімділігін қамтамасыз ете отырып, банктің даму стратегиясын дәйекті түрде жүзеге асыруда», - деп атап өтті «ForteBank» АҚ басқармасының төрағасы Бекжан Пирматов.

Енді ForteBank рейтингін Moody’s және Fitch агенттіктері тағайындайтын болады, бұл қаржы институтының капитализациясының, өтімділігінің және табыстылығының жоғары көрсеткіштерін растайды. Сонымен 2023 жылдың тамыз айында Fitch агенттігі банктің эмитент дефолтының ұзақ мерзімді рейтингін «ВВ-» деңгейінен «ВВ» деңгейіне, орнықтылық рейтингін «BB-» деңгейінен «BB» деңгейіне, сондай-ақ ұлттық ұзақ мерзімді рейтингін «A-(kaz)» деңгейінен «A(kaz)» деңгейіне көтерді. Рейтингі бойынша болжам – «Тұрақты».

Сондай-ақ өткен жылдың қараша айында Moody’s агенттігі ForteBank рейтингілері бойынша болжамды «Позитивті» дейін жақсартты, жергілікті және шетел валютасындағы депозиттер бойынша рейтингін «Ba2» деңгейінде растады.
ForteBank Қазақстандағы ең ірі бес банктің қатарына кіреді және елдегі ең тұрақты, өтімді және жақсы капиталы бар банктердің бірі болып табылады. Банктің активтері 2024 жылғы 1 ақпандағы жағдай бойынша 3,3 трлн теңгеден асады. Несиелік портфелінің көлемі 1,5 трлн теңге деңгейінде, ал салымдар 2,3 трлн теңгеден астам. Forte-нің елімізде 20 филиал мен 100 бөлімшеден тұратын тармақталған желісі бар.


S&P агенттігі банктің бастамасымен ForteBank рейтингілерін қайтарып алды

Сыйлық Private Banking және активтерді басқару саласындағы көшбасшыларға беріледі. Қазылар алқасы жеңімпаздарды олардың инновациялар мен технологиялар, өнімдер мен шешімдер, клиенттерге қызмет көрсету саласындағы жетістіктері негізінде таңдайды.
ForteBank-те Private Banking бағыты клиенттерге қаржылық және қаржылық емес қызметтер кешені бар FortePremier сервисімен ұсынылған: «ForteFinance» брокерлік компаниясы арқылы инвестициялау, шетелде жылжымайтын мүлік сатып алудан бастап салық салу мәселелері бойынша кеңес беруге дейін. Сонымен қатар, FortePremier-ге мүшелік, дербес банкир қызметтері, жайлы интерьері бар кабинеттер, өзінің ниеттестік бағдарламасы, жабық іс-шараларға қатысу, серіктестер тарапынан артықшылықтар және т.б. қоса алғанда, сервистің жоғары деңгейін көздейді. Сондай-ақ Premier шеңберінде Ernst & Young бірлесіп жүргізілетін “EY Future Leaders Academy” балаларға арналған оқыту бағдарламасы бар.

«Euromoney сыйлығы ауқатты клиенттерге қызмет көрсету сапасын, жеке жұмыс істеу жүйесін және осы бизнес бағытының өсуін растайды. Соңғы 5 жылда Premier сегменті клиенттерінің саны екі еседен астам, ал қолма-қол ақшасыз айналым көлемі үш еседен астам өсті. Бұл ретте ForteBank басқаруындағы активтер осы уақыт ішінде 1,5 еседен астам өсті. Бұл клиенттердің қаражатын инвестициялау, сенімділік, құпиялылық және жеке жұмыс істеу жүйесі үшін FortePremier-ді көбірек таңдайтынын білдіреді. Біз бөлшек және корпоративтік бизнеспен ғана емес, сонымен қатар классикалық банктік қызмет көрсету, сенімгерлік басқару, мысалы, өнер туындыларын немесе шетелде жылжымайтын мүлікті сатып алу қызметтерін ұсына отырып, ауқатты клиенттермен жұмыс істеуде өз қызметімізді сәтті құрдық», - деп пікірін білдірді ForteBank басқарушы директоры Алия Есжан.

FortePremier 2014 жылы құрылды. Бүгінгі күні Premier-орталықтар төрт қалада, атап айтқанда Алматы, Астана, Шымкент және Атырау қалаларында жұмыс істейді. Бұл ретте Қазақстанның түкпір-түкпіріндегі клиенттерге қызмет көрсетіледі.

3,4 трлн теңге активі бар ForteBank Қазақстандағы сенімділік көрсеткіштері жоғары бес ірі банктің қатарына кіреді: негізгі капиталының жеткіліктілік коэффициенті (k1) 22% деңгейінде, бұл реттеушінің талаптарынан шамамен үш есе жоғары. Сондай-ақ ол ҚР-дағы ең өтімді коммерциялық банктердің бірі болып табылады - банк балансындағы өтімді активтердің деңгейі 1 трлн теңге. Жоғары қаржылық нәтижелер халықаралық рейтингі агенттіктерінің бағалауымен расталады.

Forte тұрғындарға да, заңды тұлғаларға да цифрлық шешімдерді ұсынады. ForteApp мобильді қосымшасында жеке тұлғалар үшін, төлем карталары мен депозиттер ашу, экспресс-кредиттер беру және басқа да қызметтерді қоса алғанда, банк операцияларының 25 түрі бар. Кәсіпкерлерге арналған Forte Business қосымшасы 2023 жылы SME Banking Agency пікірі бойынша Шығыс Еуропа мен Орталық Азиядағы бизнеске арналған ең үздік мобильді банк деп аталды.

Өткен жылы Forte цифрлық автокредит беруді іске қосты және қазірдің өзінде 250-ден астам серіктесіміздің автосалондарында ұсынылған, сонымен қатар Mastercard-пен бірлесіп Alem халықаралық ақша аудару сервисі және саяхаттаушыларға арналған Forte Travel картасы қосымша артықшылықтарымен іске қосылды. Клиенттердің пікірлері бойынша таңдаулылардың бірі болып клиенттердің өздері белгілеген бағам бойынша валюта айырбастауға арналған платформа - ForteForex сервисі қала береді. 

ForteBank командасының цифрландыруды дамытудағы және ыңғайлы шешімдерді әзірлеудегі күш-жігері ниеттес клиенттер базасының өсуінен көрінеді.


Euromoney халықаралық басылымының нұсқасы бойынша FortePremier Қазақстандағы ең үздік Private Bank болып танылды

S&P Global Ratings халықаралық рейтингтік агенттігі «ForteBank» акционерлік қоғамының рейтингтері бойынша болжамды «Тұрақтыдан» «Позитивтіге» қайта қарады және ұлттық шкала бойынша рейтингін «kzA-»-тен «kzA»-ға дейін көтерді. Эмитенттің ұзақмерзімді және қысқамерзімді кредиттік рейтингтері «BB-/B» деңгейінде расталды. 

S&P агенттігі атап көрсеткендей, ForteBank рейтингі бойынша «Позитивті» болжам, Қазақстанның банк секторында салалық тәуекелдер төмендеген жағдайда ,  таяудағы 12-18 айда Банк рейтингінің жоғарылау ықтималдығы күтілетінін білдіреді.

Агенттік сондай-ақ, Қазақстан Республикасының банк секторы соңғы жылдары өңірдегі геосаяси тәуекелдердің шиеленіскеніне қарамастан, макроэкономикалық тәуекелдерге анағұрлым жоғары тұрақтылық көрсетіп отырғанын атап көрсетуде. Активтер сапасының көрсеткіштері мен банк секторының қаржылық көрсеткіштері агенттік болжап отырған деңгейден едәуір жоғары болып отыр.

ForteBank  -активтері бойынша ең ірі бес банктің қатарына кіреді, оның активтерінің мөлшері 3 трлн теңгеден асады, несие портфелінің көлемі 1,5 трлн теңге деңгейінде, ал салымдар 2,3 трлн астам теңгені құрап отыр. 



S&P Global Ratings агенттігі  ForteBank рейтингтері бойынша болжамды «Тұрақтыдан» «Позитивтіге» қайта қарады және ұлттық шкала бойынша рейтингті көтерді 

"ForteBank" акционерлік қоғамы (бұдан әрі – "Банк"), атқарушы органының (Басқарманың) орналасқан 
жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 
"Акционерлік қоғамдар туралы" Қазақстан Республикасы заңының (бұдан әрі – "Акционерлік қоғамдар 
туралы" заң) 35-бабы 1-2-тармақтарының, 37-бабы 1-тармағының, 37-бабы 3-тармағының
3)тармақшасының және 41-бабының негізінде Банк Директорлар кеңесінің бастамасымен (2024 жылғы 15
наурыздағы мәжілістің № 5 хаттамасы) шақырылып жатқан Банк акционерлерінің жылдық жалпы 
жиналысы (бұдан әрі – жиналыс) өткізілетіндігі туралы өз акционерлеріне хабарлайды.

Жиналыс 2024 жылғы 17 сәуірде Астана қаласы, Достық көшесі, 8/1 мекенжайы бойынша "Astana" 
мәжіліс залында (8-қабат), Астана қаласының уақытымен сағат 10.00 бастап өткізіледі. 

Жиналысқа қатысушыларды тіркеу 2024 жылғы 17 сәуірде Астана қаласының уақытымен сағат 09.00-ден 
бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқы бар Банк акционерлерінің тізімі 2024 жылғы 26 наурызда Астана қаласының 
уақытымен сағат 00.00-дегі жағдай бойынша жасалады.

Кворум болмаған жағдайда жиналыс сол мекенжай бойынша 2024 жылғы 18 сәуірде Астана қаласының
уақытымен сағат 10.00-ден бастап өткізіледі, күн тәртібі сақталады. Қайтадан өткізілетін жиналысқа 
қатысушыларды тіркеу 2024 жылғы 18 сәуірде Астана қаласының уақытымен сағат 09.00-ден бастап 
09.45-ке дейін жүргізіледі. 

**Жиналыстың күн тәртібі:**
1. Банктің 2023 жыл бойынша жылдық қаржылық есебін бекіту туралы.
2. Банктің 2023 жылғы таза табысын үлестіру тәртібін бекіту туралы, Банктің бір қарапайым акциясына 
есептегендегі дивидендтің мөлшері туралы.
3. Банктің Директорлар кеңесінің өткен қаржылық жыл бойынша есеп беруі туралы.
4. Банктің және оның лауазымды тұлғаларының әрекеттеріне қатысты акционерлердің шағымдары 
және олардың қаралу нәтижелері туралы.
5. Директорлар кеңесі мен Банк Басқармасы мүшелерінің 2023 жыл үшін сыйақыларының мөлшері 
және құрамы туралы.
6. Банктің Директорлар кеңесі туралы ережеге №3 түзетулерді бекіту туралы.

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе 
толықтырулар енгізілуі мүмкін.

"Акционерлік қоғамдар туралы" заңның 44-бабының 4-тармағына сәйкес, жиналыстың күн тәртібіндегі 
мәселелер бойынша материалдар - акционерлер танысуы үшін - Банк Басқармасы орналасқан жерде 
жиналыс өткізілетін күннен 10 күн бұрын дайын әрі қол жетімді болады.

Банк акционері тарапынан сұрау салу болған жағдайда, жиналыстың күн тәртібінің мәселелері бойынша 
материалдар сұрату алынғаннан кейін оған үш жұмыс күні ішінде жіберілуі тиіс, бұл ретте құжаттардың 
көшірмелерін жасауға және құжаттарды жеткізуге кететін шығыстар акционерге жүктеледі.

Жиналысты өткізуге қатысты қосымша ақпаратты келесі телефон арқылы біле аласыздар: 
+7 (7172) 59 99 99, ішкі 10200.

Осы хабарлама арқылы Банк акционерлеріне жиналыс өткізудің келесі тәртібін танысуға ұсынамыз:
Қазақстан Республикасының "Қазақстан Республикасындағы банктер және банк қызметі туралы" 
заңының 17-бабының 5-тармағына сәйкес, оффшорлық аймақтарда тіркелген, тізбесін уәкiлеттi орган 
белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу 
және қадағалау агенттігі Басқармасының "Банктік және сақтандыру қызметінің, бағалы қағаздар 
рыногының кәсіби қатысушылары қызметінің және бағалы қағаздар рыногында лицензияланатын басқа 
да қызмет түрлерінің, акционерлік инвестициялық қорлар қызметінің және микроқаржы қызметін жүзеге 
асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы" 
2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің 
дауыс беретiн акцияларын тiкелей немесе жанама иелене және (немесе) пайдалана алмайды және (немесе) 
оларға билiк ете алмайды.

Аталған баптың 5-1 тармағына сәйкес, акционерлердің жалпы жиналысына қатысатын акционер, егер 
оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті 
табыс етеді, онда осындай акционерлердің (қатысушылардың) осы баптың 5-тармағының талаптарын 
орындағаны туралы көрсетеді. Өтінішті табыс етпеген акционер акционерлердің жиналысына қатысуға 
жіберілмейді.

Осыған байланысты тіркеу кезінде жиналысқа қатысушылар өздерінің жиналысқа қатысу және 
жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге 
жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін 
растайтын сенімхатты немесе сенімхатсыз акционердің атынан әрекет ету немесе оның мүддесін таныту 
құқығын растайтын құжатты ұсынуы тиіс.

Акционерлердің қатысу тәртібімен өткізілетін жалпы жиналысына келген акционер (акционердің өкілі) 
тіркелуге міндетті.

Тіркеуден өтпеген акционер (акционердің өкілі) кворумды анықтау кезінде есепке алынбайды және 
оның дауыс беруге қатысуға құқығы жоқ.

Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень 
бойынша) анықталады.

"Акционерлік қоғамдар туралы" заңның 50-бабының 1-тармағына сәйкес, акционерлерінің жылдық
жалпы жиналысының күн тәртібіндегі сұрақтар бойынша дауыс беру, акционерлердің жалпы 
жиналысында дауыс беру құқығы бар әрбір адамға акционерлердің жалпы жиналысын өткізудің рәсімдік 
мәселелері бойынша бір дауыстан беруді қоспағанда, "бір акция - бір дауыс" принципі бойынша жүзеге 
асырылады.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, 
мұндай сөздер акционерлердің жылдық жалпы жиналысының регламентін бұзуға әкеп соғатын немесе 
осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.

Акционерлердің жылдық жалпы жиналысы өзінің жұмысында үзіліс жариялау туралы және жұмыс 
мерзімін ұзарту туралы, оның ішінде акционерлердің жиналысының күн тәртібіндегі жекелеген 
мәселелердің қаралуын келесі күнге ауыстыру туралы шешім қабылдауға құқылы.

Күн тәртібіндегі барлық мәселелер қаралып, олар бойынша шешімдер қабылданғаннан кейін ғана 
акционерлердің жылдық жалпы жиналысын жабық деп жариялауға болады.

"Акционерлік қоғамдар туралы" заңның 52-бабының 1-тармағына сәйкес акционерлердің жылдық жалпы
жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс "Акционерлік қоғамдар туралы" заңның 35-37, 39-48, 50-52-баптарына, «Банк және банк 
қызметтері туралы заңның» 17-бабының 5-ші және 5-1-тармақтарына және Банк Жарғысының 15-бабына 
сәйкес өткізіледі. 

Банктің акционерлерінің жылдық жалпы жиналысына Банк акционерлерін қатысуға шақырамыз

Новости

Объявления