Леонардо да Винчидің ең жұмбақ және құнды жауһарларының бірі La Bella Principessa Қазақстан жұртшылығына ұсынылады. Сурет Сфорциада Варшавалық кодексінен алынған және Милан герцогы Людовико иль Мороның қызы әрі генерал-капитан Галеаццо Сансевериноның жұбайы Бьянка Джованна Сфорцаның қырынан көрінісі деп танылған. La Bella Principessa – шебердің пергаменттегі жалғыз туындысы болып табылады. Бұл бірегей мүмкіндік Астанадағы Италия елшілігінің, ForteBank, Mastercard, Scripta Maneant және Италия мәдениет институтының, сондай-ақ Қазақстан Республикасы Мәдениет және ақпарат министрлігінің қолдауымен жүзеге асты. Көрме Астанадағы Қазақстан Республикасының Ұлттық музейінде 7 маусым мен 4 тамыз аралығында өтеді.

La Bella Principessa — Леонардо да Винчидің XV ғасырдың аяғында салған туындысы, онда итальяндық ақсүйектер отбасынан шыққан жас қыздың портреті бейнеленген. Жоғалып, кейін қайтадан табылған шығарма шебердің ең жұмбақ және таң қалдыратын туындыларының бірі болып табылады. Бұған дейін картина бүкіл әлем бойынша бес рет қана көрсетіліп, әр уақытта сыншылар мен көрермендердің үлкен қызығушылығын тудырды.

«Леонардо - Ренессанс адамының бейнесі, дарын, данышпандық және шығармашылықтың мәңгілік өзекті нышаны. Суретші жауһарларының бірі Астанада көрмеленуі - елдеріміз арасындағы ынтымақтастықты нығайтудың бірегей мүмкіндігі», - деді Италияның Қазақстан Республикасындағы елшісі Марко Альберти. 

Ғалымдар, музейлер және технологиялық зерттеу институттарымен ұзақ жылдар бойы ынтымақтасып қызмет ететін Scripta Maneant баспасы Қазақстандағы Италия елшілігімен, Италия мәдениет институтымен, Forte Bank және Mastercard-пен бірлесіп, Леонардоның бұл туындысын Астана төрінде көрмеге ұсынғанын мақтан тұтады, әрі келушілердің Ренессанс дәуірінің өресі биік өнерін тамашалап, рухани ләззат алуына мүмкіндік береді. 

«Әлемдегі басты мәдени іс-шараларды қолдау Mastercard жұмысының маңызды бағыты болып табылады, осылайша компания баға жетпес сәттер және әйгілі тұлғалармен кездесу мүмкіндігін сыйлайды, соның ішінде танымал әртістер, музыканттар және суретшілердің шығармашылығымен танысуды да атап өткен жөн. Біз бұл жобаны қуана қолдадық және қазақстандықтар Леонардо да Винчидің туындысымен танысудан шынайы рахат пен баға жетпес әсер алатынына сенімдіміз», - деп атап өтті Mastercard компаниясының Қазақстан мен Орталық Азиядағы бас директоры Санжар Жамалов.

«ForteBank» АҚ мәдениет пен өнерді жүйелі негізде қолдайды. Атап айтқанда, банк соңғы сегіз жыл ішінде мәдени мұраны дамыту, қолдау және өскелең ұрпақты тәрбиелеу мақсатында «Құлан-Астана» ҚБ қызметін қаржыландырып келеді: осы уақыт ішінде 35-тен астам көрме ұйымдастырылды, оның ішінде халықаралық маңызы зор жобалар бар. Галереяға кіру тегін.

«Біздің елімізде осындай сирек кездесетін жауһарды көру мүмкіндігі - Қазақстанның мәдени өмірі үшін маңызды оқиға. Біз оған қатысқанымызға қуаныштымыз. Қалың көрермен Леонардо да Винчидің өшпес туындысын көрген бойда елең етіп, бейжай қалмайтынына сенімдімін», - деді «ForteBank» АҚ Басқарушы директоры Әлия Есжан.

Ұйымдастырушылар елорданың барлық қонақтары мен тұрғындарын Леонардо да Винчидің әйгілі шығармасының әсемдігін тамашалау үшін Қазақстан Республикасының Ұлттық музейіне келуге шақырады.


Өнер әлеміндегі оқиға: Қазақстанда алғаш рет Леонардо да Винчидің La Bella Principessa туындысы ұсынылады

21 мамырда Forte Kulanshi Art Space заманауи өнер галереясында суретші Лейла Махаттың «MENMIN» көрмесі ашылды. Экспозицияға шебердің соңғы екі жылда дүниеге әкелген туындылары қойылып отыр. 

«Мен неліктен өз жұмыстарымды көрмеге шығарып отырмын? Көрермендер оның туындыларын (туындысына) қалай қабылдайтынын суретші білуі тиіс. Тек өзің үшін сурет салу өзімшілдік қана емес, ол – өте көңілсіз іс. Ал түк істемей, шеберлігіңді шыңдамай, қарап отыра беруге де болмайды. Іштегі өнер тұншығуы мүмкін. Сондықтан ойыңдағыны, көңіліңдегіні міндетті түрде кенеп бетіне түсіруің керек. Ең алдымен өзіңді тану үшін солай ету керек. Ал «сенің көңілің» күнде толқиды: бірде қуанады, бірде мұңаяды, әйтеуір, оңайлықпен бағына қоймайтын эмоциялар бой көрсетеді. Әдетте суреттер сериясы бір туындыдан немесе диптихтен басталады, суретті салып болғаннан кейін әлі де айтарың бар екенін түсінесің, сөйтесің де суреттер сериясын жалғастырасың. Ең бастысы, өз жүрегіңді тыңдай білуің және уақыттың сол  бір сәтін ұстай білуің керек»,- дейді өз ойымен бөліскен Лейла Махат. 

Шебердің туындылары тарихқа да бойлайды және оның суреттерінен өз халқының мәдениетіне деген сүйіспеншілігін де байқауға болады. Суретшінің жұмыстарында табиғат суреттері де айрықша орын алады: мысалы, көкке бой түзеген ағаштар басы мен аяғы жоқ тіршіліктің үзілмейтін сызығын бейнелейді. Суретші Лейланың туындыларындағы жылқының образы да оның «өмірлік тақырыбы». 

«Жылқысыз қазақ - қазақ па? (күледі) Жылқылар әрқашан менімен бірге: бұл жануар біздің мәдениетіміздегі барша әдеміліктің көрінісі іспетті. Жылқы, адамның мінсе -көлігі, жесе – тамағы, ол жанын түсінгеннің - досы, көмекшісі. Қазақ тілінде жылқыны білдіретін 77 сөз бар екен. Әлемнің басқа ешбір тілінде мұндай феномен жоқ», - дейді суретші өз сөзінде. 

Көрме екі айға созылады. 


Forte Kulanshi Art Space галереясында жаңа көрме ашылды

Қайырлы күн, құрметті отандастар!

Кешеден бері ел арасында наразылық пен түсініспеушілік тудырып жатқан ForteBank атынан қазақ тілі талап етілмеген бос жұмыс орны бойынша Headhunter сайтындағы хабарландыруға қатысты түсініктеме беруді жөн көрдік. Тіл мәселесі, оның ішінде қазақ тілі елімізде өте маңызды екендігін түсінеміз және орын алған осы жағдай үшін шын жүректен кешірім сұраймыз.

Мамандарымыз шұғыл түрде тексеріс жүргізіп, роботтан қателік кеткендігін анықтады. Түсіндіре кетейін, Forte-де бос орын туралы хабарламаны жасанды интеллектке негізделген робот рекрутер автоматты түрде headhunter сайтына жібереді. Осы жолы да солай болды. Ал жауапты қызметкер хабарлама мәтінін тексермеген. Бұл өрескел қателік адами фактордың кесірінен орын алған. Қазіргі таңда кінәлі қызметкерлер тиісті жазасын алды. 

ForteBank қашан да мемлекеттік тілге аса құрметпен қарайды. Қазақ тілін дамытуға бағытталған жобаларды үнемі қолдап келеді. Өз ішінде банк іс қағаздарын екі тілде жүргізеді, барлық менеджер мен банк басшылығы клиенттермен қарым-қатынаста және күнделікті өмірде қазақ тілін қолданады. Банк өз қызметкерлерінің қазақ тілінде сөйлеуіне үнемі жағдай жасауда. Осы уақытқа дейін бірнеше рет қызметкерлерге арналған тегін қазақ тілін үйрену курстары ұйымдастырылды. Қазіргі таңда Мазмұндама баспасынан шығатын әлемдік танымал шығармаларды қазақ тілінде шығаруға демеушілік жасаудамыз. Бұл да Forte-нің қазақ тілін қолдайтындығының әрі құрмет тұтатындығының белгісі.



 Ресми хабарлама

ForteBank 2024 жылға арналған Paralympic Sports Association қоғамдық қорына демеушілік көрсетіп, теннистен Ұлттық паралимпиадалық команданың ресми серіктесі атанды. 

Paralympic Sports Association қоры іске асырып жатқан идеялар мен жобалар мүмкіндігі шектеулі жандарды жаңа жетістіктерге шабыттандырып, Қазақстандағы паралимпиадалық ойындарды дамытуға бағытталған. Қор соның ішінде теннистен паралимпиадалық ойындарды дамытуға және осы бағытта түрлі іс-шараларды өткізуге назар аударады. Бұл жалпы еліміздегі осындай спорттық шаралардың қалыптасуындағы маңызды кезең. Біз үлкен мақсатқа жету жолында қорға қолдау білдіргенімізге қуаныштымыз", - деп атап өтті ForteBank басқарма төрағасы Бекжан Пірматов.

Paralympic Sports Association – ерекше қажеттілігі бар балалар мен ересектердің оңалту жұмыстарын, әлеуметтік дамуын, спортпен шұғылдануын ұйымдастыратын қор. Мұнда иппотерапия, паралимпиадалық спортпен шұғылдану, емдік дене шынықтырумен айналысу, рефлексотерапия, массаж және т.б. қызметтер алу мүмкіндігі қарастырылған.

"Біз үшін ForteBank сияқты еліміздің ең ірі банкі қолдау көрсетіп, теннистен Ұлттық паралимпиадалық құраманың ресми серіктесі болғаны өте маңызды. Осындай мәселеге бей-жай қарамайтын компаниялардың арқасында елдегі паралимпиадалық ойындарды дамыта аламыз деп сенеміз", - деді Paralympic Sports Association қорының бас директоры Сергей Селиванов.

2022 жылдан бастап Қазақстан теннис федерациясы елімізде арбадағы ойыншылар теннисі мен бейімдегіш бағыттағы теннисті насихаттау мен дамытуға көңіл бөлуде. Осы бағытта алғашқы чемпионат пен ҚР кубогы өткізілген еді. Биыл арбадағы ойыншылар арасындағы теннистен Қазақстан Кубогы екінші рет өтті. Ал біріншісі 2023 жылдың наурыз айында ұйымдастырылған болатын. Арбадағы ойыншылар арасындағы теннис – ресми паралимпиадалық спорттың бір түрі.


ForteBank теннистен Ұлттық паралимпиадалық команданың ресми серіктесі болды

ҚР Экология және табиғат ресурстары министрлігі мен «Жасыл даму» АҚ бірлесіп, Астана қаласы оқушыларының арасында «Үздік шығарма» конкурсын өткізді. 

Бұл шара сәуірдің 19-ы атап өтілетін Орман отырғызудың ұлттық күні қарсаңында ұйымдастырылды. БҰҰ-ның Халықаралық орман күнін жариялауына қолдау білдірген бұл акцияны Қазақстанда осымен оныншы рет өткізіліп отыр.

 19 наурыз бен 19 сәуір аралығында өткен конкурсқа оқушылар бір жарым мыңнан астам шығарма ұсынды және Астана қаласы Білім басқармасының жанындағы Дарынды балалар мен дарынды жастарды анықтау және қолдау орталығының мамандары олардың ішінен қазақ және орыс тілдеріндегі 60 жұмысты таңдап алды. 
Құрамына танымал жазушылар, журналистер мен қоғам қайраткерлері кіретін комиссия ақтық кезеңде үш жеңімпазды анықтады. Конкурстық комиссияның шешімі бойынша 1 орынды - №94 мектептің 10-сынып оқушысы Аяулым Ниязалы жеңіп алса, 2-ші орынды - №59 мектептің 10-сынып оқушысы Айжан Төлеген иеленді, ал 3-орын - №16 мектептің 10-сынып оқушысы Софья Мамбурге бұйырды. 
Жеңімпаздар «Forte Bank» АҚ ұсынған бағалы сыйлықтармен марапатталды. 



Новости

Объявления