Жеке тұлғалардың банктік салымы туралы шартқа енгізілген өзгерістер 02.07.2024ж. бастап күшіне енеді

Құрметті клиенттер!

«ForteBank» АҚ Жеке тұлғалардың банктік салымы туралы шартқа енгізілген өзгерістер (Жалпы талаптар) 02.07.2024ж. бастап қолданысқа енгізілетіндігі туралы хабарлайды.

Құрметпен, «ForteBank» АҚ


Әйгілі La bella principessa туындысын Мемлекет басшысы да көріп қайтты. Президент Ұлттық музейдегі өнер туындылары көрмесін тамашалады деп хабарлады, Мемлекет басшысының баспасөз-қызметі. 

Президентке өнертанушы Ольга Батурина қазақстандық талантты қылқалам шеберлерінің туындылары жинақталған «Дала кескіндемесі: рәміздер, бояулар, бейнелер» атты көрмені таныстырды. Оның аясында Қасым-Жомарт Тоқаев әйгілі италиялық суретші Леонардо да Винчидің «Әдемі ханшайым» (La bella principessa) картинасының түпнұсқасын да көрді. Танымал туындының көрмесі Ұлттық музейдің 10 жылдығына орай Италияның «Scripta Maneant» баспасымен бірлесе ұйымдастырылған. Жоғары Ренессанс дәуіріне жататын бұл құнды жәдігер Еуропадан тысқары жерге алғаш рет шығарылып отыр.

Көрме еліміздің Мәдениет және ақпарат министрлігінің, Италияның Қазақстандағы елшілігінің және Италия мәдениет институтының қолдауымен өтіп жатыр. Елорда тұрғындары мен қонақтары Леонардо да Винчидің осынау бірегей туындысын 4 тамызға дейін тамашалай алады. Көрменің бізде өтуіне ForteBank мұрындық болды.

«ForteBank атынан біз Леонардо Да Винчидің «La Bella Principessa» картинасын Қазақстанға әкелуге көмектескен демеушілердің бірі болғанымызды мақтан тұтамыз. Италияның Қазақстандағы елшісі Альберти мырза өткен қыркүйекте бұл идеямен бөліскен еді.

Біз ForteBank атынан бұл ұсынысты естіген бойда қолдадық. Көптеген жылдар бойы біз мәдениет, өнер жобаларын қолдап келеміз. 2006 жылдан бастап біздің Астанадағы бас кеңсемізде Kulanshi Art Space көрмесі жұмыс істеп келеді. Осы жылдар ішінде галереяда қазақстандық және шетелдік суретшілердің жұмыстары қойылды. 

Деңгейі биік «La Bella Principessa» картинасын елге әкелу оңай болмады. Леонардо да Винчи өз заманының генийі" - деді, баспасөз мәслихаты барысында ForteBank басқарушы директоры Әлия Есжан. La Bella Principessa — 15 ғасырдың аяғында Леонардо да Винчи салған итальяндық ақсүйектерге жататын жас қыздың портреті. 

Жоғалып кетіп, қайта табылған туынды шебердің ең жұмбақ әрі тартымды туындыларының бірі. Бұған дейін картина әлем бойынша бес рет қана қойылып, көпшіліктің үлкен қызығушылығын тудырған еді. Ұйымдастырушылар барлық елорда тұрғындары мен қонақтарын Леонардо да Винчидің сирек туындысын бағалау үшін көрмеге шақырады.



Леонардо да Винчидің сирек картинасы Қазақстанға қойылды

«ForteBank» акционерлік қоғамы (бұдан әрі – Банк), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының «Акционерлік қоғамдар туралы» Заңының (бұдан әрі – «Акционерлік қоғамдар туралы» Заң) 35-бабының 1-тармағы, 37-бабы 2-тармағының 1) тармақшасы, 37- бабы 3-тармағының 3) тармақшасы, 36-бабы 1-тармағының 5) тармақшасы және 41-бабы негізінде Банктің Директорлар кеңесінің бастамасымен (2024 жылғы 31 мамырдағы № 15 хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды. Жиналыс 2024 жылғы 01 шілдеде Астана қаласының уақытымен сағат 11.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, «Astana» мәжіліс залы.

Жиналысқа қатысушыларды тіркеу 2024 жылғы 01 шілдеде Астана қаласының уақытымен сағат 10.00-ден бастап 10.45-ке дейін Жиналыс өткізілетін орында жүргізіледі. Жиналысқа қатысуға құқығы бар Банк акционерлерінің тізімі 2024 жылғы 07 маусымда Астана қаласының уақытымен сағат 00.00-гі жағдайы бойынша жасалады.

Кворум болмаған жағдайда, Жиналыс 2024 жылғы 02 шілдеде Астана қаласының уақытымен сағ. 11.00-ден бастап сол мекенжай бойынша және болмай қалған Жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2024 жылғы 02 шілдеде Астана қ. уақытымен сағат 10.00-ден бастап 10.45-ке дейін Жиналыс өткізілетін орында жүргізіледі.

<Typography align="center">\*\*\*</Typography>

Жиналыстың күн тәртібі:
1. «ForteBank» акционерлік қоғамының Директорлар кеңесінің сандық құрамын ұлғайту туралы.
2. «ForteBank» акционерлік қоғамының Директорлар кеңесінің мүшесі ретінде Д.Турсункуловты сайлау туралы.

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін. «Акционерлік қоғамдар туралы» Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлердің танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді. Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200.

<Typography align="center">\*\*\*</Typography>

Осы арқылы Банк акционерлеріне Жиналысты өткізудің келесі тәртібін танысуға ұсынамыз: Қазақстан Республикасының «Қазақстан Республикасындағы банктер және банк қызметі туралы» заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы №8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сай Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды ұсынулары қажет. Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.

Тіркеуден өтпеген акционер (акционердің өкілі) кворумды анықтауда есептелмейді және дауыс беруге қатыса алмайды.

Жиналыс кворум болған жағдайда, белгіленген уақытта ашылады. Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады. "Акционерлік қоғамдар туралы" заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ. Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге 
ауыстыру туралы шешім қабылдауға құқылы.

Жиналыстың күн тәртібіндегі барлық мәселелер қаралып, олар бойынша шешімдер қабылданғаннан кейін ғана Жиналысты жабық деп жариялауға болады. 

«Акционерлік қоғамдар туралы» заңның 52-бабының 1-тармағына сәйкес Жиналыстың хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс. Жиналыс «Акционерлік қоғамдар туралы» заңның 35-37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 

<Typography align="center">\*\*\*</Typography>

Банк акционерлерін Банк акционерлерінің кезектен тыс жалпы жиналысына қатысуға шақырамыз.

Хабарлама: 2024 жылғы 01 шілдеде «ForteBank» АҚ акционерлерінің кезектен тыс жалпы  жиналысы өтеді

Леонардо да Винчидің ең жұмбақ және құнды жауһарларының бірі La Bella Principessa Қазақстан жұртшылығына ұсынылады. Сурет Сфорциада Варшавалық кодексінен алынған және Милан герцогы Людовико иль Мороның қызы әрі генерал-капитан Галеаццо Сансевериноның жұбайы Бьянка Джованна Сфорцаның қырынан көрінісі деп танылған. La Bella Principessa – шебердің пергаменттегі жалғыз туындысы болып табылады. Бұл бірегей мүмкіндік Астанадағы Италия елшілігінің, ForteBank, Mastercard, Scripta Maneant және Италия мәдениет институтының, сондай-ақ Қазақстан Республикасы Мәдениет және ақпарат министрлігінің қолдауымен жүзеге асты. Көрме Астанадағы Қазақстан Республикасының Ұлттық музейінде 7 маусым мен 4 тамыз аралығында өтеді.

La Bella Principessa — Леонардо да Винчидің XV ғасырдың аяғында салған туындысы, онда итальяндық ақсүйектер отбасынан шыққан жас қыздың портреті бейнеленген. Жоғалып, кейін қайтадан табылған шығарма шебердің ең жұмбақ және таң қалдыратын туындыларының бірі болып табылады. Бұған дейін картина бүкіл әлем бойынша бес рет қана көрсетіліп, әр уақытта сыншылар мен көрермендердің үлкен қызығушылығын тудырды.

«Леонардо - Ренессанс адамының бейнесі, дарын, данышпандық және шығармашылықтың мәңгілік өзекті нышаны. Суретші жауһарларының бірі Астанада көрмеленуі - елдеріміз арасындағы ынтымақтастықты нығайтудың бірегей мүмкіндігі», - деді Италияның Қазақстан Республикасындағы елшісі Марко Альберти. 

Ғалымдар, музейлер және технологиялық зерттеу институттарымен ұзақ жылдар бойы ынтымақтасып қызмет ететін Scripta Maneant баспасы Қазақстандағы Италия елшілігімен, Италия мәдениет институтымен, Forte Bank және Mastercard-пен бірлесіп, Леонардоның бұл туындысын Астана төрінде көрмеге ұсынғанын мақтан тұтады, әрі келушілердің Ренессанс дәуірінің өресі биік өнерін тамашалап, рухани ләззат алуына мүмкіндік береді. 

«Әлемдегі басты мәдени іс-шараларды қолдау Mastercard жұмысының маңызды бағыты болып табылады, осылайша компания баға жетпес сәттер және әйгілі тұлғалармен кездесу мүмкіндігін сыйлайды, соның ішінде танымал әртістер, музыканттар және суретшілердің шығармашылығымен танысуды да атап өткен жөн. Біз бұл жобаны қуана қолдадық және қазақстандықтар Леонардо да Винчидің туындысымен танысудан шынайы рахат пен баға жетпес әсер алатынына сенімдіміз», - деп атап өтті Mastercard компаниясының Қазақстан мен Орталық Азиядағы бас директоры Санжар Жамалов.

«ForteBank» АҚ мәдениет пен өнерді жүйелі негізде қолдайды. Атап айтқанда, банк соңғы сегіз жыл ішінде мәдени мұраны дамыту, қолдау және өскелең ұрпақты тәрбиелеу мақсатында «Құлан-Астана» ҚБ қызметін қаржыландырып келеді: осы уақыт ішінде 35-тен астам көрме ұйымдастырылды, оның ішінде халықаралық маңызы зор жобалар бар. Галереяға кіру тегін.

«Біздің елімізде осындай сирек кездесетін жауһарды көру мүмкіндігі - Қазақстанның мәдени өмірі үшін маңызды оқиға. Біз оған қатысқанымызға қуаныштымыз. Қалың көрермен Леонардо да Винчидің өшпес туындысын көрген бойда елең етіп, бейжай қалмайтынына сенімдімін», - деді «ForteBank» АҚ Басқарушы директоры Әлия Есжан.

Ұйымдастырушылар елорданың барлық қонақтары мен тұрғындарын Леонардо да Винчидің әйгілі шығармасының әсемдігін тамашалау үшін Қазақстан Республикасының Ұлттық музейіне келуге шақырады.


Өнер әлеміндегі оқиға: Қазақстанда алғаш рет Леонардо да Винчидің La Bella Principessa туындысы ұсынылады

21 мамырда Forte Kulanshi Art Space заманауи өнер галереясында суретші Лейла Махаттың «MENMIN» көрмесі ашылды. Экспозицияға шебердің соңғы екі жылда дүниеге әкелген туындылары қойылып отыр. 

«Мен неліктен өз жұмыстарымды көрмеге шығарып отырмын? Көрермендер оның туындыларын (туындысына) қалай қабылдайтынын суретші білуі тиіс. Тек өзің үшін сурет салу өзімшілдік қана емес, ол – өте көңілсіз іс. Ал түк істемей, шеберлігіңді шыңдамай, қарап отыра беруге де болмайды. Іштегі өнер тұншығуы мүмкін. Сондықтан ойыңдағыны, көңіліңдегіні міндетті түрде кенеп бетіне түсіруің керек. Ең алдымен өзіңді тану үшін солай ету керек. Ал «сенің көңілің» күнде толқиды: бірде қуанады, бірде мұңаяды, әйтеуір, оңайлықпен бағына қоймайтын эмоциялар бой көрсетеді. Әдетте суреттер сериясы бір туындыдан немесе диптихтен басталады, суретті салып болғаннан кейін әлі де айтарың бар екенін түсінесің, сөйтесің де суреттер сериясын жалғастырасың. Ең бастысы, өз жүрегіңді тыңдай білуің және уақыттың сол  бір сәтін ұстай білуің керек»,- дейді өз ойымен бөліскен Лейла Махат. 

Шебердің туындылары тарихқа да бойлайды және оның суреттерінен өз халқының мәдениетіне деген сүйіспеншілігін де байқауға болады. Суретшінің жұмыстарында табиғат суреттері де айрықша орын алады: мысалы, көкке бой түзеген ағаштар басы мен аяғы жоқ тіршіліктің үзілмейтін сызығын бейнелейді. Суретші Лейланың туындыларындағы жылқының образы да оның «өмірлік тақырыбы». 

«Жылқысыз қазақ - қазақ па? (күледі) Жылқылар әрқашан менімен бірге: бұл жануар біздің мәдениетіміздегі барша әдеміліктің көрінісі іспетті. Жылқы, адамның мінсе -көлігі, жесе – тамағы, ол жанын түсінгеннің - досы, көмекшісі. Қазақ тілінде жылқыны білдіретін 77 сөз бар екен. Әлемнің басқа ешбір тілінде мұндай феномен жоқ», - дейді суретші өз сөзінде. 

Көрме екі айға созылады. 


Новости

Объявления