ДЕРБЕС ЖӘНЕ ӨЗГЕ ДЕРЕКТЕРДІ ЖИНАУ ЖӘНЕ ӨҢДЕУ ТУРАЛЫ КЕЛІСІМ
Дербес және өзге деректер субъектісі (бұдан әрі - Субъект) осы арқылы «ForteBank» АҚ-ға БСН 990740000683 (бұдан әрі - Банк), сондай-ақ осы Келісімде көрсетілген үшінші тұлғаларға биометриялық деректерді қоса алғанда, электрондық және/немесе қағаз және/немесе кез келген басқа жеткізгіште тіркелген (сақталатын) оның дербес деректеріне, сондай-ақ Субъектіге қатысты туындаған, алынған, заңнамамен қорғалатын өзге де мәліметтерге (бұдан әрі - Дербес деректер) өтуіне өзінің сөзсіз, нақты, ақпараттық және саналы келісімін береді:
1. Банктің және/немесе осы Келісімде көрсетілген үшінші тұлғалардың Қазақстан Республикасының заңнамасында тыйым салынбаған кез келген іс-әрекеттерді/шараларды, оның ішінде автоматтандыру құралдарын, ақпараттық жүйелерді, интернет-ресурстарды, осы Келісімде көрсетілген үшінші тұлғалардың немесе Банктің бағдарламалық жасақтамаларын және түрлі сервистерін пайдалана отырып, сонымен қатар, бірақ олармен шектелмей, келесілерді жүзеге асыруын болжайтын Дербес деректерді жинауға және өңдеуге:
жазу, көшіру, сақтық көшірме жасау, қорғау, скрининг, жүйелеу, жинақтау, Банк ішінде және одан тыс жерде сақтау, нақтылау (өзгерту, жаңарту), заңды/ресми көздерге/көздерден алу, пайдалану, беру/алу (тарату, қол жеткізуді қамтамасыз ету, трансшекаралық беруді қоса алғанда), қолда бар Дербес деректердің қандай да бір сәйкессіздіктерін/өзгерістері мен толықтыруларын анықтау жағдайларын қоса алғанда, кез келген Дербес деректерді иесіздендіру, бұғаттау, алып тастау, жою, растау және тексеру;
2. заңнама талаптарына және/немесе келесі тұлғалармен жасалған келісімдерге сәйкес, ол тұлғалардың міндеттері немесе құқықтары болған жағдайда, не мұндай міндеттер мен құқықтар өзге де негіздер бойынша туындаған кезде, Субъектінің дербес деректерін үшінші тұлғаларға/үшінші тұлғалардан, оның ішінде: уәкілетті мемлекеттік органдарға; мемлекеттік заңды тұлғаларды, ұлттық басқарушы холдингтерді, ұлттық компанияларды қоса алғанда, заңды тұлғаларға; кредиттік бюроларға; зейнетақы қорына; мемлекеттік дерекқор операторлары/иелеріне; курьерлік компанияларға; ұялы байланыс операторларына; Банкке ақпараттық-технологиялық қолдау бойынша қызмет көрсететін немесе Банкпен цифрлық және ақпараттық технологиялар қызметі саласында өзге де мәмілелері бар тұлғаларға; шетелдік корреспондент-банктерге; FATCA талаптарына сәйкес АҚШ Салық қызметіне (Internal Revenue Service) беруге/алуға;
3. Дербес деректерді өңдеу процесінде оларды трансшекаралық беруге, сондай-ақ оларды жалпыға қолжетімді дереккөздерде таратуға.
Сондай-ақ, Субъект өзі заңды өкілі болып табылатын кәмелетке толмаған адамға қатысты, оның ішінде Банк тиісті қызмет көрсеткен/мәмілені орындаған жағдайларда, осы Келісімде көзделген тәртіпте және көлемде осындай кәмелетке толмаған адамға қатысты Дербес деректерді жинауға және өңдеуге келісім береді.
Осы Келісімді беру, оның ішінде Субъектінің Дербес деректерін беруді/алуды қоса алғанда, жинау мен өңдеудің келесі жағдайларын көздеуі мүмкін:
- Банктің Қазақстан Республикасының заңнамасында белгіленген тәртіпте коммерциялық, банктік және Қазақстан Республикасының заңнамасымен қорғалатын өзге де құпияны құрайтын ақпаратты ашуын:
а) Қазақстан Республикасының заңнамасында көзделген жағдайларда;
б) Банк қызметкерлеріне;
в) Қазақстан Республикасының заңнамасына сәйкес және негіздер бойынша Банктің қызметіне тексеруді жүзеге асыратын тұлғаларға;
г) контрагентке (-терге), Банк мұндай тұлғамен (тұлғалармен) мәні контрагенттің (-тердің) Банктен алынған/алынатын ақпаратты үшінші тұлғаларға жария етпеу жөніндегі міндеттемелерді қабылдауы болатын келісім (-дер) жасаса;
д) депозиттерге міндетті кепілдік беру жүйесінің жұмыс істеуін қамтамасыз ету мақсатында депозиттерге міндетті кепілдік беруді жүзеге асыратын ұйымға;
е) Банктің қашықтан қол жеткізу жүйесі арқылы телефон нөмірімен оның пайдасына ақша аударуды жүзеге асыру кезінде Банктің қашықтан қол жеткізу жүйесінің басқа пайдаланушыларына.
Бұл ретте Субъект телефонының, телефонының SIM-картасының жоғалғаны, ұрланғаны, басқа да заңсыз иеленгені немесе кез келген негіздер бойынша үшінші тұлғаларға берілгені туралы хабарламаған/уақытында хабарламаған жағдайда, Субъектінің банктік шоттары бойынша операциялар туралы ақпаратты «SMS – Хабарлама» қызметі арқылы ұсынуы Банктің банктік құпияны үшінші тұлғаларға жария етуі болып табылмайтындығымен келіседі. - Уәкілетті органдардан/ұйымдардан Субъектінің кірістерінен жинақтаушы зейнетақы қорларына аударылатын міндетті зейнетақы жарналары, сондай-ақ «Қазақстан Республикасында зейнетақымен қамсыздандыру туралы» Қазақстан Республикасы Заңының 57-бабына сәйкес әлеуметтік аударымдар туралы ақпарат алуға қатысты Субъектінің зейнетақы жинақтарының құпиясын ашуды;
- болашақта кредиттік бюроға түсетін деректерді және/немесе ол арқылы Субъект туралы соңғы ақпаратты алған күннен бес жыл бұрын алынған деректерді, сондай-ақ басқа қызметтер көрсетуді қоса алғанда, оның ішінде бірыңғай сақтандыру дерекқорының субъектісі ретінде бірыңғай сақтандыру дерекқорынан алынған ақпаратпен қоса, кредиттік есепті алушыға кредиттік есеп беруді;
- мәліметтерді және / немесе құжаттарды мемлекеттік кіріс органына беруді, оның ішінде мемлекеттік кіріс органы мен Қазақстан Республикасының Ұлттық Банкі арасында бір күнтізбелік ай ішінде заңнамада белгіленген шекті сомадан асатын қолма-қол ақшаны алу туралы мәліметтермен және/немесе құжаттармен алмасуды жүзеге асыру мақсатында;
- Банк өнімдері/қызметтері, Банктің қызмет көрсетуі бойынша ұсыныстарды дайындау мақсатында барлық заңды дерекөздерден алынған Субъектінің дербес деректерін пайдалана отырып, Банктің алдын ала талдау жүргізуін;
- Субъект туралы (оның ішінде аты-жөні, туған күні, ЖСН және т. б.), заңнамаға сәйкес тағайындалған және «Азаматтарға арналған үкімет» мемлекеттік корпорациясы» КЕАҚ (бұдан әрі – «Азаматтарға арналған үкімет» МК КЕАҚ) төлейтін зейнетақыларды, жәрдемақыларды және әлеуметтік төлемдерді алуға арналған Субъектінің банктік шоты туралы мәліметтерді және/немесе құжаттарды, Субъект үшінші тұлғаларға банктік шотқа билік етуге берген сенімхаттардың көшірмелерін, банктік шоттан үзінді көшірмелерді қоса алғанда, банктік шоттағы ақша қалдықтары мен қозғалысы, банктік шот бойынша жүргізілетін операциялар туралы, банктік шотының жабылуы туралы, «Азаматтарға арналған үкімет» МК КЕАҚ-нан Субъектіге және оның зейнетақы, жәрдемақы және әлеуметтік төлемдер алуына қатысты, оның ішінде банк құпиясын құрайтын өзге де мәліметтерді «Азаматтарға арналған үкімет» МК КЕАҚ-ға беруді;
- «Бірыңғай жинақтаушы зейнетақы қоры» АҚ-ның (бұдан әрі - БЖЗҚ) сұрау салуы бойынша Субъект туралы мәліметтерді және/немесе құжаттарды, оның ішінде Субъектінің зейнетақы алуына арналған банктік шотының нөміріне, банк шотының белсенділігіне және оның арнаулы ағымдағы шот санатына жататындығына ЖСН-нің сәйкестігі туралы ақпаратты, сондай-ақ БЖЗҚ ұсынған Субъектінің төлем карточкасының нөмірі бойынша банк шотының нөмірі туралы ақпаратты беруді;
- «Мемлекеттік кредиттік бюро» АҚ (бұдан әрі – Кредиттік бюро): «Еңбек ресурстарын дамыту орталығы» АҚ-дан, МД-дан, МД операторларынан/иелерінен, сондай-ақ Қазақстан Республикасы Үкіметінің шешімі бойынша Қазақстан Республикасының заңнамасына сәйкес мемлекеттік қызметтер көрсету жөніндегі қызметті жүзеге асыратын заңды тұлғалардан Субъект туралы ақпаратты алуын, (б) осы тармақтың а) тармақшасына сәйкес алынған Субъект туралы ақпаратты Банкке беруді;
- «Еңбек ресурстарын дамыту орталығы» АҚ, МД операторларына/иелеріне, Қазақстан Республикасы Үкіметінің шешімі бойынша Қазақстан Республикасының заңнамасына сәйкес мемлекеттік қызметтер көрсету жөніндегі қызметті жүзеге асыратын заңды тұлғаларға: Субъект туралы ақпаратты Кредиттік бюроға және Кредиттік бюро арқылы Банкке беруді;
- Ұялы байланыс операторларының Субъектінің дербес деректерін, сонымен қатар электрондық, қағаз және кез келген басқа жеткізгіште жазылған (сақталған) биометриялық деректерін, сондай-ақ оларға алдағы уақытта енгізілетін өзгерістер мен толықтыруларды жинауына, өңдеуіне, сақтауына және таратуына, дәл сол сияқты соңғысында қандай да бір сәйкессіздік болған жағдайда нақтыланған және/немесе анық/өзекті деректерді алуына, сонымен қатар Субъектінің дербес деректерін берілетін қарыз бойынша құжаттар пакетін жеткізетін заңды тұлғалардың қызметкерлеріне/өкілдеріне – курьерлік компанияларға, ұялы байланыс операторларына, уәкілетті мемлекеттік органдарға және үшінші тұлғаларға беруін, бұған көрсетілген тұлғалардың заң талаптарына, мұндай адамдармен жасалған келісімдерге сәйкес міндеттері немесе құқықтары болса.
- Қазақстан Республикасының заңнамасында көзделген реттеушілік және өзге де есептілікті қалыптастыру және тапсыру мақсатында мәліметтерді және/немесе құжаттарды уәкілетті мемлекеттік органға/ұйымға беру.
Осы Келісімді бере отырып, Субъект келесі мәселелермен келіседі және растайды:
- егер Субъект пен Банк арасындағы келісім бойынша Субъектінің дербес деректерін (трансшекаралық беруді қоса алғанда) ашық байланыс арналары арқылы Банктің беруі көзделген/қарастырылған жағдайларда, Субъект құпиялылықты сақтау және осы деректерді қорғау бойынша барлық ақылға қонымды әрекеттерді жасайды, сондай-ақ үшінші тұлғалардың ақпаратты рұқсатсыз алу тәуекелін түсінеді және оны қабылдайды; Банк аталған ақпараттың құпиялылығын бұзуға және аталған жағдайда үшінші тұлғалардың оны рұқсатсыз алуына байланысты Субъектіге туындауы мүмкін залалдар үшін жауап бермейді;
- Банк, тиісті өзгерістер күшіне енгенге дейін 10 (он) күнтізбелік күн бұрын, өзгерістерді/толықтыруларды (оның ішінде жаңа редакцияны) Банк филиалдарының операциялық залдарына және/ немесе forte.kz мекенжайы бойынша Банктің ресми сайтына орналастыру арқылы Субъектіні бұл туралы алдын ала хабардар ете отырып, үндемей білдірілген Субъектінің ерік білдіруі негізінде осы Келісімге өзгерістер/толықтырулар енгізуге құқылы;
Банк өзгеріс/толықтырулар енгізу туралы хабарлама жариялаған сәттен бастап күнтізбелік 10 (он) күн ішінде Субъектінің осы Келісімге өзгерістер/толықтыруларды қабылданбағаны туралы жазбаша өтінішін ұсынбауы - бұл оның ерік білдіруінің көрінісі болып табылады және Субъектінің осы өзгерістермен/толықтырулармен келісетінін білдіреді.
Осы Келісім «Дербес деректер және оларды қорғау туралы» Қазақстан Республикасының Заңына сәйкес Банк көрсететін қызметтерді алуға байланысты мәмілелер жасау (шарттар жасасу және орындау), шешімдер қабылдау немесе заңдық салдарлар туғызатын өзге де іс-әрекеттер жасау мақсатында, оның ішінде тиісті сәйкестендіру, аутентификациялау, авторизациялау, верификациялау мақсатында, сондай-ақ Субъектімен жасалған келісімдерде және/немесе Банк бекіткен «ForteBank» АҚ жүзеге асыратын міндеттерді орындау үшін қажетті және жеткілікті Дербес деректер тізбесінде» (бұдан әрі - Дербес деректер тізбесі) көзделген (көзделуі мүмкін) өзге де мақсаттар үшін ұсынылады, Банк және/немесе осы Келісімде көрсетілген үшінші тұлғалар көрсететін қызметтердің/мәмілені орындаудың барлық мерзімі ішінде және одан әрі Қазақстан Республикасының заңнамасында және Банктің және/немесе көрсетілген тұлғалардың ішкі құжаттарында белгіленген сақтау мерзімдері ішінде әрекет етеді.
Субъект үлестес тұлғалар тізіміне және/немесе Банкпен ерекше қатынастар арқылы байланысты тұлғалар тізіліміне енгізілген жағдайда, осы Келісім үлестес тұлғалар тізімін, Банкпен ерекше қатынастар арқылы байланысты тұлғалардың тізілімін, жүргізу мақсатында ұсынылады, Субъект үлестес тұлғалар тізімінде және/немесе Банкпен ерекше қатынастар арқылы байланысты тұлғалар тізілімінде болған мерзім бойы және әрі қарай Қазақстан Республикасының заңнамасында және Банктің ішкі құжаттарында белгіленген сақтау мерзімі бойы қолданыста болады.
Банкте бекітілген Дербес деректер тізбесіне сәйкес, Банк дербес деректерді жинайды және өңдейді, мұндай дербес деректердің көлемі тиісті қызмет көрсетумен/мәмілені орындаумен шектеледі. Заңнама талаптарына сәйкес Банкте Дербес деректердің тізбесін бекіту мақсатында, Банк оның мазмұнын Банк жүзеге асыратын міндеттерді орындау қажеттілігі мен жеткіліктілігіне қарай дербес айқындайды. Банк Қазақстан Республикасының заңнамасында тыйым салынбаған тәсілдермен Дербес деректер тізбесіне қол жеткізуді қамтамасыз етеді.
