Жеке тұлғаларға арналған тарифтердің өзгеруі 

Құрметті клиенттер!

 «ForteBank» акционерлік қоғамы 2025 жылғы 28 сәуірден бастап жеке тұлғаларға арналған базалық тарифтерге, енгізілген өзгерістер мен толықтырулар өз күшіне енетіндігін хабарлайды.
Енгізілген өзгерістермен Банктің бөлімшесінде немесе Банк сайтында таныса аласыз. Оны мына [сілтеме](https://forte.kz/rates)


Қазақстан Республикасы, Z05P1P0/010017, Астана қаласы, Есіл ауданы, Достық көшесі 8/1 мекенжайы бойынша орналасқан «ForteBank» акционерлік қоғамы (мемлекеттік қайта тіркеу туралы 10.02.2015 жылғы анықтама) (бұдан әрі – Банк) осы арқылы «Акционерлік қоғамдар туралы» ҚР Заңының 16-бабына сәйкес, өз акционерлеріне олардың жай акцияларды сатып алудың басым құқығына сәйкес, Қазақстан Республикасының Қаржы нарығын реттеу және дамыту агенттігі 2015 жылғы 19 наурыздағы №А4031 нөмірімен шығарылымын тіркеген, Банк сататын бұрын сатып алынған жай акцияларды (ISIN KZ000A0F4546) сатып алуды ұсынады. 
Қазақстан Республикасы Ұлттық Банкі Басқармасының 2018 жылғы 29 қазандағы № 253 қаулысымен бекітілген Акционерлік қоғам акционерлерінің бағалы қағаздарды басымдықпен иелену құқығын іске асыру қағидаларының талаптарын орындау үшін Банк өз акционерлерінің назарына келесі ақпаратты жеткізеді:
 
1.	Сатылатын бағалы қағаздардың саны мен түрі – 1 934 434 197 Банктің жай акциялары.
2.	Орналастырылған (қоғам сатып алған акциялар шегеріле отырып) жай акциялар санының сатылатын жай акциялар санына арақатынасы – 46,76 : 1 (бұдан әрі – коэффициент). Акционерлер басым сатып алу шеңберінде сатып алуға құқылы акциялардың саны тізілім тіркелген күнгі жағдай бойынша олардың меншігіндегі жай акциялардың санын коэффициентке бөлу жолымен айқындалады. Сатып алуға жататын үлесті есептеу кезінде бөлшек мәндер бүтін санға дейін аз жағына қарай дөңгелектенеді. 
3.	Сатылатын жай акцияларды сатып алудың басым құқығы бар акционерлер тізімі «Бағалы қағаздар орталық депозитарийі» АҚ бағалы қағаздарды ұстаушылар тізілімдері жүйесінің деректері негізінде 2025 жылғы 16 сәуір күні 00 сағат 00 минутта (бұдан әрі – «Тізілімді тіркеу күні») тіркелді. 
4.	Акционер сатып алудың басым құқығына сәйкес сатылатын жай акцияларды сатып алуға өтінім бере алатын мерзім осы ұсыныс жарияланған күннен кейін күнтізбелік 30 күнді (2025 жылғы 17 мамырды қоса алғанда) құрайды (бұдан әрі – «Мерзім»).
5.	Сату бағасы – Банктің 1 жай акциясы үшін 6,16 теңге (бұдан әрі – «Сату бағасы»). Сату бағасы осы сату шегінде Банктің жай акцияларын сатып алатын барлық тұлға үшін бірыңғай болып табылады.  
6.	Сатылатын жай акцияларды сатып алу талаптары – орналастыру Тізілімді тіркеу күні Банктің жай акцияларын ұстаушы акционерлер арасында келесі тәртіпте жүзеге асырылады:

(1)	қазіргі акционерлердің Мерзім ішінде Сату бағасы бойынша оларда бар жай акциялар санына пропорционалды тең талаптарда Банктің сатылатын жай акцияларын сатып алуға өтінім (бұдан әрі – «Өтінім») беруге құқығы бар.

(2)	акционер сатып алудың басым құқығы бойынша сатып алынатын акцияларға ақы төлеуді Өтінім берілген күннен кейін күнтізбелік 30 күн ішінде жүзеге асырады; 

(3)	Банк келіп түскен Өтінімдердің нақты орындалуын және акционерлерге сатып алудың басым құқығы бойынша акцияларды беруді акционерлер акцияларға ақы төлегеннен кейін жүзеге асырады; 

(4)	Өтінім берілген күннен кейін күнтізбелік 30 күн өткен соң акцияларға ақы төленбеген жағдайда, Өтінім жарамсыз деп саналады;  

(5)	акционерлердің өкілдері құжаттарды ұсыну және құжаттарға қол қою кезінде Қазақстан Республикасы заңнамасының талаптарына сәйкес өкілеттіктерін растауы тиіс.

Өтінімдерді беру келесі тәртіпте жүзеге асырылады:  

•	жай акцияларды ұстаушы акционерлер Өтінімдерді тапсырылғаны туралы хабарламасы бар тапсырыс хатпен Банкке жібереді немесе келесі мекенжай бойынша тікелей Банкке келіп ұсынады: Қазақстан Республикасы, Z05P1P0/010017, Астана қаласы, Есіл ауданы, Достық көшесі 8/1, телефоны: +7 717 259 99 99 (ішкі 10248), +7 727 244 09 73;

•	Өтінім нысандары келесі сілтеме бойынша Банктің сайтында орналастырылған: [https://forte.kz/shareholders_application](https://forte.kz/shareholders_application)  

Жай акцияларды шығару аңдатпасымен немесе өзге де ақпаратпен Банктің корпоративтік сайтында, Қаржылық есептілік депозитарийінің және «Қазақстан қор биржасы» АҚ-ның интернет-ресурстарында немесе Қазақстан Республикасы, Z05P1P0/010017, Астана қаласы, Есіл ауданы, Достық көшесі 8/1 мекенжайы бойынша Банкке келіп, сондай-ақ келесі электрондық поштаға сұрау салу жіберу арқылы танысуға болады: info@fortebank.com немесе ir@fortebank.com.  

**БАҚ үшін байланыс деректері:**

ForteBank баспасөз қызметі
📩 press@fortebank.com
📞 +7 (7172) 59 99 99


Акционерлерге олардың сатып алудың басым құқығына сәйкес «ForteBank» АҚ бұрын сатып алған жай акцияларды сатып алу туралы ұсыныс  

ForteBank пен «Даму» кәсіпкерлікті дамыту қоры жалпы лимиті 25 млрд теңгені құрайтын бизнеске арналған қарыздарды портфельдік кепілдендіру бойынша бірлескен бағдарламаның іске қосылғаны туралы хабарлады. Жаңа келісім микро және шағын бизнестен бастап орта және ірі компанияларға дейінгі барлық деңгейдегі кәсіпкерлерге кредит алуды жеңілдетеді. Бағдарламаның арқасында қазақстандық бизнесмендер өз жобаларын дамыту үшін қаржыландыруға тезірек және оңай қол жеткізеді. Бұл бастама Қазақстан экономикасының нақты секторын кеңінен қолдауға бағытталған және ForteBank-тің «Кәсіпкерлерді қолдаймыз» деген жаңа ұранына толықтай сәйкес келеді. 

**Жаңа бағдарламаның талаптары мен артықшылықтары **

Портфельдік кепілдендіру бағдарламасында қарыз алушылар үшін келесі негізгі талаптар көзделген: 

**Қомақты қаржыландыру сомасы:** әрбір кәсіпкер 7 млрд теңгеге дейін кредит тарта алады, бұл тіпті ауқымды жобаларды қаржыландыру мүмкіндіктерін айтарлықтай кеңейтеді. 

**«Даму» қорының кепілдігі:** мемлекеттік кепілдікпен қамтамасыз ету қарыз сомасының 85 %-ін жабуы мүмкін, бірақ бір қарыз алушы бойынша 3,5 миллиард теңгеден аспайды. Бұл кепілзатпен қамтамасыз етуге қойылатын талаптарды азайтады және ірі кредиттерге қол жеткізуді жеңілдетеді. 

**Кепілдіктің ұзақ мерзімі**: кепілдік кредит беру кезеңі бойы қолданыста болады, бұл оны іске асырудың барлық кезеңінде ұзақ мерзімді қолдауды қамтамасыз етеді. 

**Кредит беру мақсаттарының әртүрлілігі:** тартылған қаражатты инвестициялық мақсаттарға, бизнестің айналым қаражатын толықтыруға, сондай-ақ бұрын алынған кредиттерді қайта қаржыландыруға бағыттауға болады. Мақсаттардың осылайша кең болуы кәсіпкерлерге өндірісті кеңейтуге және ағымдағы қызметті нығайтуға мүмкіндік береді. 

Жаңа бағдарламаның басты артықшылықтарының бірі - **рәсімдердің жылдам әрі оңай болуы**. Кепілдікпен кредит беру туралы шешім енді қордың әрбір өтінімін қосымша мақұлдамай-ақ, тікелей банк деңгейінде қабылданады. Бұл өтініштерді қарау мерзімін барынша қысқартады және кәсіпкерлер үшін қаржыландыруды алу процесін тиімдірек және ыңғайлырақ етеді. Сонымен қатар бағдарлама бойынша кредит ресімдеу үшін еліміздегі ForteBank-тің барлық филиалына жүгінуге болады. Мұндай тәсіл қаржыландыруға қол жеткізу аясын кеңейтеді және мегаполистерден шағын қалаларға дейінгі барлық аймақтардағы бизнеске қолдау көрсетеді. 

 

**Экономиканың нақты секторын қолдауға көңіл бөлу** 

Бағдарлама даму әлеуеті жоғары басым секторлардағы өсуді ынталандыруға бағытталған. Атап айтқанда, экономиканың нақты секторындағы кәсіпорындарға, оның ішінде келесі бағыттарға ерекше назар аударылады: ауыл шаруашылығы, өңдеу және тау-кен өнеркәсібі, денсаулық сақтау, білім беру және басқа салалар 

ForteBank негізіндегі портфельдік кепілдендіруді іске қосу іскерлік белсенділікке, әсіресе экономиканың қаржыландыруға қол жеткізу қиынға түсетін сегменттеріндегі белсенділікке қосымша серпін береді деп күтілуде. Кредит ресурстарына қол жеткізудегі кедергілерді азайту кәсіпкерлерге жаңа инвестициялық жобаларды тезірек іске асыруға және жұмыс істеп тұрған бизнесті кеңейтуге мүмкіндік береді. Сайып келгенде, бағдарлама жаңа жұмыс орындарын құруды ынталандыруға және Қазақстан экономикасының тұрақты дамуына жәрдемдесуге арналған. 

**Басшылық пікірі**  

**«Кәсіпкерлерді қолдау әрдайым басты басымдықтарымыздың бірі болып табылады. Бұл бағдарламаның іске қосылуы соның айқын дәлелі деуге болады. Біз «Даму» қорымен бірлесе отырып, нақты сектор компанияларының кредит ресурстарына қол жеткізу мүмкіндігін едәуір кеңейтеміз. Күтілетін нәтиже – жаңа өндірістердің пайда болуы, жұмыс орындарының көбеюі және еліміздің экономикалық әлеуетінің нығаюы. ForteBank үшін бұл жай ғана кезекті өнім емес, бұл біздің миссиямызға және «Кәсіпкерлерді қолдаймыз» деген ұранымызға толығымен сәйкес келетін Қазақстанның болашағына қосқан үлесі»,** – деп бағдарламаның экономика мен бизнес үшін маңызын түсіндіре отырып, мәлімдеме жасады ForteBank Басқармасының Төрағасы Талғат Қуанышев.  

**Кәсіпкерлер кепілдікті қалай ала алады **

Бағдарламаның іске қосылғаны туралы жарияланғаннан бері ForteBank пен «Даму» қоры арасындағы келісім күшіне енді. Бұл бағдарлама талаптарына сай кез келген кәсіпкер жақын маңдағы ForteBank бөлімшесіне жүгініп, ішінара мемлекеттік кепілдікпен кредит алуға өтінім бере алады деген сөз. Өтінімдер жедел қаралып, жоба мақұлданған жағдайда, банк «Даму» қорының қолдауымен белгіленген лимит шегінде қарыз қаражатын береді. Бағдарламаға қатысу талаптары туралы қосымша ақпаратты ForteBank-тің ресми сайтынан немесе банк бөлімшелерінен алуға болады. 

**ForteBank Кәсіпкерлерді қолдайды.** 

ForteBank пен «Даму» 25 млрд теңге мөлшеріндегі қарыздарды портфельдік кепілдендіру бағдарламасын іске қосуда 

ForteBank 2024 жылғы 31 желтоқсандағы жағдай бойынша, Қаржылық есептіліктің халықаралық стандартына (ҚЕХС) сәйкес 2024 жылдың 12 айының жылдық есептілігін жариялады

Банктің таза кірісі 160,3 млрд теңгені құрады және алдыңғы жылмен салыстырғанда 

37,7%-ға өсті. Сонымен қатар, жалпы және әкімшілік шығындар 10,3%-ға артты, бұл 8,6% ресми жылдық инфляцияға шамалас (ҚР Ұлттық статистика бюросының деректері бойынша). Осылайша, ForteBank еселенген бизнес тиімділігін көрсетіп отыр.
 
Кредиттік портфель 32,1%-ға өсіп, 1 820 млрд теңгеге дейін ұлғайды. Жалпы активтердің көлемі 25,75%-ға артып, 4 090 млрд теңгені құрады. Сонымен бірге, клиенттер мен депозиттік шоттардағы қаражат көлемі 26,84%-ға өсіп, 2 868 млрд теңгені құрады. Капиталдың жеткіліктілік коэффициенті: k2 - 24,1% (2023 жылғы көрсеткіш - 21,2% болған).

Банк кредит беру саласындағы өз позициясын нығайтуды жалғастырып, негізгі сегменттерде тұрақты өсімді көрсетуде. Тұтынушылық кредит бағыты - тұрақты көрсеткіштерді сақтай отырып, 486 млрд теңге портфельмен бизнестің маңызды бөлігі болып қалуда. Сонымен қатар, басқа бөлшек өнімдердегі динамика да мықты: ипотекалық кредит көлемі 42%-ға өсті, ал автокредит саласында маңызды серпіліс орын алып, ондағы өсім 490%-ды құрады. 

Корпоративтік сектор портфелі 40%-ға ұлғайды, шағын және орта бизнесті қаржыландыру 26,4%-ға өсті. Корпоративтік бизнес пен ШОБ-ты кредиттеудің негізгі салалық бағыттары - металлургия, қызмет көрсету, көтерме сауда және көлік қызметтері болып табылады. 

2024 жылдағы атаулы оқиғаларға тоқталатын болсақ, 2024 жылдың желтоқсанында 220 млрд теңге сомаға ForteBank облигациялары өтелді. Одан кейін, 2025 жылдың қаңтарында Банк 400 млн АҚШ доллары сомасына бесжылдық еурооблигациялар шығарды. Түскен қаражат экономиканың нақты секторын кредиттеуге және банктің басқа стратегиялық бастамаларына бағытталмақ. Бұл - еуробондтардың Қазақстанда соңғы 12 жылдағы алғашқы шығарылымы.

*Анықтама үшін*

KPMG компаниясы дайындаған [қаржылық есептілік](https://main.storage-object.pscloud.io/Forte_Bank_Cons_FS_RUS_YE_24_prelim_adb9d0fa79.pdf) 2025 жылы 29 сәуірде өтетін акционерлердің жылдық жиналысының қарауына бекітуге шығарылатын болады. 

**БАҚ өкілдері хабарласу үшін:**
PR Director
Малика Караджанова
Тел: +7 702 819 30 75
E-mail: mkarajanova@fortebank.com

ForteBank-тың таза кірісі 37,7%-ға артты  

 10 млн теңгеге дейінгі лимиті бар кредиттік карта кәсіпкерлер үшін «құтқарушы» болмақ

Forte-нің жаңа өнімі - жеке кәсіпкерлер үшін арнайы жасалған бірегей талаптары бар кредиттік бизнес картасы пайда болды. Әзірлеушілер 30 күндік процентсіз кезеңі және 10 млн теңгеге дейінгі лимиті бар картаның кәсіпкерлердің бизнес-процестерді тоқтатпай-ақ қаржылық міндеттерді шешудегі сенімді көмекшісі болатынын атап өтті. Нарықтағы ұқсас ұсыныстарға қарағанда Forte кредиттік бизнес картасы бірқатар ерекше артықшылықтарға ие. 

**Кредиттік бизнес картасының пайдасы:** 
•	**Карта бойынша лимит** – 10 млн теңге 
•	**Процентсіз кезең** – 30 күн 
•	Процентсіз кезеңнің талаптары бұзылған жағдайдағы проценттік мөлшерлеме – 23,25%-тен 34,49%-ке дейін (СЖТМ 25,6%-тен 46%-ке дейін) 
•	ForteBusiness мобильді қосымшасында **3 минут ішінде онлайн шығарылым** 
•	Картаны шығару, оған қызмет көрсету және толтыру тегін 
•	POS-терминалдарда/интернетте жасалған сауда үшін **комиссия жоқ** 
•	Банктің банкоматтары мен кассалары арқылы **қолма-қол ақша алу мүмкіндігі** 
•	Forte және басқа банктердің төлем карточкаларына **қаражат аудару** 
•	Кредиттік карта **MasterCard және VISA** халықаралық төлем жүйелерін қолдайды, бұл есеп айырысу мен төлем жасау мүмкіндіктерін кеңейтеді 
•	Картаны ForteBusiness қосымшасы арқылы Apple Pay, Samsung Pay, Google Pay және Garmin Pay-ге **байланыстыру** 

**Кредиттік картаның ерекшеліктері** 

Forte картаның заманауи кәсіпкерлердің күнделікті операциялық міндеттерді шешудегі «құтқарушысы» болатынын атап өтті. Клиент картаны алғаннан кейін, қаражатты 24/7 төлеуге, алуға және аударуға болады.

*«Біз шағын және микробизнес үшін қаржыға жылдам қол жеткізудің қаншалықты маңызды екенін жақсы түсінеміз. Forte үшін бизнесті қолдау стратегиялық міндеттердің бірі болып қала береді, сондықтан біз жаңа пайдалы өнімдерді жасауға және оларды жақсартуға тырысамыз. Кәдімгі кредиттен айырмашылығы, жеке кәсіпкерлерге арналған жаңа кредиттік карта револьверлік кредит беру принципі бойынша жұмыс істейді. Карта бойынша 10 млн теңгеге дейінгі сомадағы лимит жаңартылады: кредитті шексіз рет алуға және өтеуге болады. Ол берешек өтелгеннен кейін автоматты түрде қалпына келеді және барлық қаржылық шығыс операциясына беріледі»*, - деп, атап өтті **ForteBank Басқарма мүшесі – ШОБ дамыту бойынша басқарушы директор Ернар Ташенов.**

**Процентсіз кезең қалай жұмыс істейді**

30 күнге дейін проценттер есептелмейді. Мысалы, егер бірінші шығыс операциясы 15 қаңтарда өтсе - 13 ақпанда аяқталатын процентсіз кезең ашылады. Осы аралықтағы барлық операция - сауда, төлемдер, аударымдар, қолма-қол ақшаны алу бір процентсіз кезеңде есепке алынады.

**Карта кімге қолжетімді**

Кредиттік картаны жеке кәсіпкерлер, жеке нотариустар, жеке сот орындаушылары, адвокаттар, кәсіби медиаторлар, шаруа және фермерлік қожалықтар ресімдей алады.

Картаны ForteBusiness мобильді қосымшасы арқылы онлайн ресімдеу қазіргі және жаңа клиенттер үшін қолжетімді. Сонымен қатар, жаңадан тіркелген кәсіпкерлер де осы өнімді пайдалана алады.

Forte кәсіпкерлердің дамуына, өсуіне, сондай-ақ қаржылық міндеттерді орындауына көмектесетін жаңа өнімдерді шығару үшін үнемі жұмыс жасауда. Банк бұдан әрі бизнеске кешенді қолдау көрсетуге (қаржы құралдары, өнімдер, консультациялар) бағдарлануға және кез келген ауқымдағы кәсіпкерлер үшін сенімді серіктес болуға ниет білдіреді.

Жаңалықтар

Хабарландырулар