- Forte
- /
- Хабарландырулар
- /
- Акционерлерге арналған «ForteBank» АҚ орналастыратын жай акцияларды басымдықпен иелену құқығына сәйкес сатып алу туралы ұсыныс
Акционерлерге арналған «ForteBank» АҚ орналастыратын жай акцияларды басымдықпен иелену құқығына сәйкес сатып алу туралы ұсыныс
12.05.2026 ж.
Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1 мекенжайы бойынша орналасқан «ForteBank» акционерлік қоғамы (Мемлекеттік қайта тіркеу туралы 2015 жылғы 10 ақпандағы анықтама) (бұдан әрі – Банк) осы арқылы Қазақстан Республикасының «Акционерлік қоғамдар туралы» Заңының 16-бабына сәйкес, өз акционерлеріне олардың жай акцияларды сатып алуға басым құқығына сәйкес, шығарылымын Қазақстан Республикасының Қаржы нарығын реттеу және дамыту агенттігі 2015 жылғы 19 наурыздағы № A4031 нөмірімен тіркеген, Банктің орналастыратын жай акцияларын (ISIN KZ000A0F4546) сатып алуды ұсынады.
Қазақстан Республикасы Ұлттық Банкі Басқармасының 2018 жылғы 29 қазандағы № 253 қаулысында бекітілген Акционерлік қоғам акционерлерінің бағалы қағаздарды басымдықпен иелену құқығын іске асыру қағидаларын бекіту туралы және одан бас тарту қағидаларының талаптарын орындау мақсатында Банк өз акционерлеріне келесі ақпаратты хабарлайды:
- Сатылатын бағалы қағаздардың саны мен түрі – Банктің 4 168 359 147 жай акциясы.
- Орналастырылған (қоғамның сатып алған акцияларын шегергенде) жай акциялар санының сатылатын жай акциялар санына қатынасы – 22,12 : 1 (бұдан әрі – коэффициент). Акционерлердің басым сатып алу құқығы шеңберінде сатып алуға құқылы акцияларының саны тізілім тіркелген күні олардың меншігіндегі жай акциялар санын коэффициентке бөлу арқылы айқындалады. Сатып алуға жататын үлесті есептеу кезінде бөлшек мәндер бүтін санға дейін аз жағына қарай дөңгелектенеді.
- Сатылатын жай акцияларды сатып алуға басым құқығы бар акционерлер тізімі «Бағалы қағаздар орталық депозитарийі» АҚ бағалы қағаздарды ұстаушылар тізілімдері жүйесінің деректері негізінде 2026 жылғы 12 мамыр күні 00 сағат 00 минутта (бұдан әрі – «Тізілімді тіркеу күні») тіркелді.
- Акционер сатып алудың басым құқығына сәйкес сатылатын жай акцияларды сатып алуға өтінім бере алатын мерзім осы ұсыныс жарияланған күннен кейін күнтізбелік 30 күнді (2026 жылғы 12 маусымды қоса алғанда) құрайды (бұдан әрі – «Мерзім»).
- Сату бағасы – Банктің 1 жай акциясы үшін 12,80 теңге (бұдан әрі – «Сату бағасы»). Сату бағасы осы сату шегінде Банктің жай акцияларын сатып алатын барлық тұлға үшін бірыңғай болып табылады.
- Сатылатын жай акцияларды сатып алу талаптары – орналастыру Тізілімді тіркеу күні Банктің жай акцияларын ұстаушы акционерлер арасында келесі тәртіпте жүзеге асырылады:
(1) Мерзім ішінде қазіргі акционерлердің Сату бағасы бойынша оларда бар жай акциялар санына пропорционалды тең талаптарда Банктің сатылатын жай акцияларын сатып алуға өтінім (бұдан әрі – «Өтінім») беруге құқығы бар.
(2) акционер сатып алудың басым құқығы бойынша сатып алынатын акцияларға ақы төлеуді Өтінім берілген күннен кейін күнтізбелік 30 күн ішінде жүзеге асырады;
(3) Банк келіп түскен Өтінімдердің нақты орындалуын және акционерлерге сатып алудың басым құқығы бойынша акцияларды беруді акционерлер акцияларға ақы төлегеннен кейін жүзеге асырады;
(4) Өтінім берілген күннен кейін күнтізбелік 30 күн өткен соң акцияларға ақы төленбеген жағдайда, Өтінім жарамсыз деп саналады;
(5) акционерлердің өкілдері құжаттарды ұсыну және құжаттарға қол қою кезінде Қазақстан Республикасы заңнамасының талаптарына сәйкес өкілеттіктерін растауы тиіс. - Көрсетілген құқықты акционерлер толық немесе ішінара іске асырудан бас тартқан жағдайда/ заңнамада белгіленген мерзім ішінде акцияларды сатып алуға өтінімдер түспеген немесе ішінара түскен жағдайда не өтінімдер мерзім өткеннен кейін қабылданған кезде немесе акционерлер орналастырылатын (сатылатын) акцияларды сатып алудан бас тартқан жағдайда, қалған акциялар Сату бағасы бойынша жазылым жолымен ұйымдастырылған немесе ұйымдастырылмаған нарықта сатылады.
Өтінімдерді беру келесі тәртіпте жүзеге асырылады:
• жай акцияларды ұстаушы акционерлер Өтінімдерді тапсырылғаны туралы хабарламасы бар тапсырыс хатпен Банкке жібереді немесе келесі мекенжай бойынша тікелей Банкке келіп ұсынады: Қазақстан Республикасы, Z05P1P0/010017, Астана қаласы, Есіл ауданы, Достық көшесі 8/1, телефоны: +7 717 259 99 99 (ішкі 10850), +7 727 244 09 73; Жумабекова Гульжан Жанатовна; • Өтінім нысандары келесі сілтеме бойынша Банктің сайтында орналастырылған
Жай акцияларды шығару аңдатпасымен немесе өзге де ақпаратпен Банктің корпоративтік сайтында, Қаржылық есептілік депозитарийінің және «Қазақстан қор биржасы» АҚ-ның интернет-ресурстарында немесе Қазақстан Республикасы, Z05P1P0/010017, Астана қаласы, Есіл ауданы, Достық көшесі 8/1 мекенжайы бойынша Банкке келіп, сондай-ақ келесі электрондық поштаға сұрау салу жіберу арқылы танысуға болады: info@fortebank.com немесе shareholders@Fortebank.com.
БАҚ үшін байланыс деректері: «ForteBank» баспасөз қызметі 📩 press@fortebank.com 📞 +7 (7172) 59 99 99