"ForteBank" акционерлік қоғамы (бұдан әрі – "Банк"), атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, "Акционерлік қоғамдар туралы" Қазақстан Республикасы заңының (бұдан әрі – "Акционерлік қоғамдар туралы" заң) Банктің Директорлар Кеңесінің шешіміне (отырыстың 2025 жылғы 29 тамыздағы № 33 хаттамасы) сәйкес, өз акционерлеріне Банк акционерлерінің кезектен тыс жалпы жиналысының (бұдан әрі-Жиналыс) өткізілетін күн тәртібін ауыстыру туралы хабарлайды.

Жиналыс Астана қаласы, Достық көшесі, 8/1, 8-қабатта, "Astana" конференц-залы мекенжайы бойынша сағат 10.00-де белгіленген келесі күн тәртібінде өткізіледі:

1.	Банктің Есеп комиссиясы мүшелерінің санын, өкілеттік мерзімін белгілеу және мүшелерін сайлау туралы. 
2.	"ForteBank" АҚ Директорлар кеңесінің шешіміне (26.06.2025 ж., отырыс № 23 хаттамасы) сәйкес, "ForteBank" АҚ және PPF Financial Holdings a.s. ("Home Credit Bank" АҚ-қа қатысты), Jiří Šmejc (сонымен қатар "Home Credit Bank" АҚ қатысты), Home Credit N.V. (HomeITTech ЖШС-ға қатысты), Home Credit International a.s. ("HomeITTech" ЖШС-ға қатысты) арасында 2025 жылғы 27 маусымда жасалған Акцияларды сатып алу-сату және жарғылық капиталына үлестік қатысу шартына сәйкес, "ForteBank" АҚ "Home Credit Bank" АҚ-тың (ISIN KZ1C00009133), "Home Credit Bank" АҚ шығарылған және дауыс беретін акцияларының 100%-ін құрайтын 34 890 акциясын сатып алғаннан кейін, "Home Credit Bank" АҚ (БСН 930540000147) "ForteBank" АҚ-қа қосылу нысанында "ForteBank" АҚ-ты ерікті түрде қайта ұйымдастыру туралы. 
3.	"ForteBank" АҚ-қа "Home Credit Bank" АҚ-тың (БСН 930540000147) Қосылуы туралы шарт жобасын келісу туралы.

Аталған жиналысқа қатысуға және оған дауыс беруге құқығы бар акционерлердің тізімі 2025 жылғы 03 қазанда Астана қ. уақыты бойынша сағат 00.00-дегі жағдай бойынша жасалады.

Жиналысқа қатысушыларды тіркеу 2025 жылғы 29 қазанда Астана қ. уақыты бойынша сағат 09.00-ден 09.45-ке дейін, Жиналыс өткізілетін орында жүргізіледі.

Аталған жиналыстың кворумы болмаған жағдайда, Банк акционерлерінің кезектен тыс жалпы жиналысы 2025 жылғы 30 қазанда сағат 10.00-ден бастап Астана қ. уақыты бойынша сол мекенжай бойынша және өткізілмеген Жиналыстың күн тәртібімен өткізілетін болады. Банк акционерлерінің қайталама кезектен тыс жалпы жиналысына қатысушыларды тіркеу 2025 жылғы 30 қазанда Астана қаласының уақыты бойынша сағат 09.00-ден 09.45-ке дейін жиналыс өткізілетін орын бойынша жүзеге асырылады.

✱✱✱

Банк акционерлерін Банк акционерлерінің кезектен тыс жалпы жиналысына қатысуға шақырамыз.

Хабарлама: 2025 жылғы 29 қазанда өтетін «ForteBank» АҚ акционерлерінің кезектен тыс жалпы жиналыстың күн тәртібін ауыстыру туралы


дан әрі – Банк), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының "Акционерлік қоғамдар туралы" Заңының (бұдан әрі – "Акционерлік қоғамдар туралы" Заң) 37-бабы 2-тармағының 1) тармақшасы, 37-бабы 3-тармағының 3) тармақшасы, 36-бабы 1-тармағының 14) тармақшасы және 41-бабы негізінде Банктің Директорлар кеңесінің бастамасымен (2025 жылғы 29 тамыздағы № 33 хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды.

Жиналыс **2025 жылғы 29 қыркүйекте** Астана қаласының уақытымен сағат 10.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, "Astana" мәжіліс залы.

Жиналысқа қатысушыларды тіркеу 2025 жылғы 29 қыркүйекте Астана қаласының уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқығы бар Банк акционерлерінің тізімі 2025 жылғы 05 қыркүйекте Астана қаласының уақытымен сағат 00.00-гі жағдайы бойынша жасалады.

Кворум болмаған жағдайда, Жиналыс 2025 жылғы 30 қыркүйекте Астана қаласының уақытымен сағ. 10.00-ден бастап сол мекенжайда және болмай қалған Жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2025 жылғы 30 қыркүйекте Астана қ. уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

✱✱✱

**Жиналыстың күн тәртібі:**

1.	Базалық активі жай акциялар болып табылатын акциялардың және жаһандық депозитарлық қолхаттардың оларды "ForteBank" АҚ сатып алған кездегі құнын анықтау әдістемесіне енгізілетін түзетулерді бекіту туралы.

✱✱✱

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.

"Акционерлік қоғамдар туралы" Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлердің танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді.

Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200.

✱✱✱

Осы арқылы Банк акционерлеріне Жиналысты өткізудің келесі тәртібін танысуға ұсынамыз.

Қазақстан Республикасының "Қазақстан Республикасындағы банктер және банк қызметі туралы" заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сәйкес, Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.

Тіркеуден өтпеген акционер (акционердің өкілі) кворумды анықтауда есептелмейді және дауыс беруге қатыса алмайды.

Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.

"Акционерлік қоғамдар туралы" заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.

Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.

Жиналыстың күн тәртібіндегі барлық мәселелер қаралып, олар бойынша шешімдер қабылданғаннан кейін ғана Жиналысты жабық деп жариялауға болады. 

"Акционерлік қоғамдар туралы" заңның 52-бабының 1-тармағына сәйкес Жиналыстың хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс "Акционерлік қоғамдар туралы" заңның 36, 37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 

✱✱✱

Банк акционерлерін Банк акционерлерінің кезектен тыс жалпы жиналысына қатысуға шақырамыз.


Хабарлама: 2025 жылғы 29 қыркүйекте "ForteBank" АҚ акционерлерінің кезектен тыс жалпы жиналысы өтеді

Заңнамадағы соңғы өзгерістерге, атап айтқанда алаяқтық жолмен алынған ақшаны шығарып алудың «дропперлік» схемаларының таралуына жол бермеуге бағытталған «Қазақстан Республикасының кейбір заңнамалық актілеріне Қазақстан Республикасының қылмыстық заңнамасын оңтайландыру мәселелері бойынша өзгерістер мен толықтырулар енгізу туралы» Қазақстан Республикасының 2025 жылғы 16 шілдедегі Заңына сәйкес келесі ақпаратты хабарлаймыз. 

**Атап айтқанда мыналарға тыйым салынады: ** 
•	үшінші тұлғалардың төлемдерді және (немесе) ақша аударымдарын жүзеге асыруына қолжетімділік алуына әкеліп соғатын, үшінші тұлғаларға банк шотына не төлем құралына сәйкестендіру құралына қолжетімділікті ұсынуға. Сондай-ақ жұбайы (зайыбы) және жақын туыстарын қоспағанда заңнамада белгіленген жағдайларда өзге де тұлғаларға төлем құралын не сәйкестендіру құралына қолжетімділікті беруге; 
•	жұбайын (зайыбын) және жақын туыстарын, сондай-ақ заңнамада белгіленген жағдайларда өзге де тұлғаларды қоспағанда, үшінші тұлғалардың банктік шотын, төлем құралын не сәйкестендіру құралын пайдалана отырып, төлем және (немесе) ақша аударымдарын жүзеге асыруға; 
•	 материалдық сыйақы немесе мүліктік сипаттағы пайда үшін үшінші тұлғаның мүддесінде немесе үшінші тұлғаның пайдасына төлемдерді және (немесе) ақша аударымдарын жүзеге асыруға. 
 
Жоғарыда аталған нормаларды бұзған жағдайда, материалдық айыппұлдан бастап, бостандығын шектеу немесе мүлкін тәркілеумен бес жылға дейін бас бостандығынан айыруға дейінгі қылмыстық жауапкершілік көзделген. 
 
**Банк өнімдерін қауіпсіз пайдалану ережелерін сақтауларыңызды сұраймыз:**
•	Карта, логин, құпия сөздеріңізді, растау кодтарын үшінші тұлғаларға бермеңіздер; 
•	Үшінші тұлғаның мүддесі үшін немесе үшінші тұлғаның пайдасына жүргізілген операциялар белгілі бір жағдайларда қылмыстық құқық бұзушылық ретінде саралануы мүмкін; 
•	Алаяқтық әрекеттің орын алғаны туралы сәл күдік туындаса, дереу Банкке хабарлаңыздар. 

Сонымен қатар заңнаманың тиісті нормаларын ресми дереккөздерден алып танысуға кеңес береміз. 
Аталған заң және тиісті түзетулер мен толықтырулар 2025 жылғы 16 қыркүйектен бастап қолданысқа енгізіледі. 
Банк жаңалықтарды сіздерге сайт, SMS және push-хабарламалар арқылы хабарлауды жалғастырады. 
 
**Түсіністік танытып, қауіпсіздік шараларын сақтағандарыңыз үшін рахмет.** 
**Құрметпен,** 
**Forte.**

Құрметті «ForteBank» АҚ клиенттері!

Құрметті клиенттер!

2025 жылдың 31 тамызынан бастап Қазақстанда жаңа ереже күшіне енеді: ұялы байланыс қызметтерін көрсету туралы келісімшарт жасасу кезінде биометриялық сәйкестендіру міндетті болады.

Бұл дегеніміз, ForteMobile SIM-карталарды тіркеу тек қана жеке басыңызды растау арқылы мүмкін болады. Яғни, Сіздің бет-әлпетіңіздің ағымдағы бейнесі мемлекеттік деректер қорындағы эталон суретпен (жеке куәліктегі фотосуретпен) салыстырылады.

Онлайн немесе офисте SIM-карта ресімдеу кезінде осы тәртіпті ескеруіңізді сұраймыз. Бұған дейін болған биометрияны қолданбайтын тіркеу тәсілдері өз күшін жояды.

Сіз қандай артықшылықтарға ие боласыз? 
• Алаяқтардан сенімді қорғаныс. 
• Жеке деректеріңіздің қауіпсіздігі. 
• Нөмір жоғалған жағдайда оңай қалпына келтіру. 
• Барлық нөмірлерді толық бақылау.

31.08.2025 бастап SIM-карталарды тіркеу кезінде міндетті түрде биометриялық сәйкестендіруден өту қажет

Құрметті клиенттер!

2025 жылдың 31 тамызынан бастап SIM-карталарды ресімдеу үшін жаңа ереже енгізіледі: енді бір ЖСН-ге 10 абоненттік нөмірден артық тіркеуге болмайды.

Егер Сізге 10 көп нөмір қажет болса, оператор оларды тек жазбаша өтініш негізінде ғана тіркей алады. Өтініште мына деректер көрсетілуі тиіс:

• әрбір нөмірдің пайдаланылу мақсаты; 
• осы нөмірлер қолданылатын құрылғылардың сәйкестендіру кодтары (M2M-құрылғыларды қоса алғанда). 

Бұл өзгеріс SIM-карталарды әділ пайдалануды қамтамасыз етуге, ашықтық пен қауіпсіздікті арттыруға бағытталған.

Түсінгеніңізге рахмет!

Жаңалықтар

Хабарландырулар