«ForteBank» акционерлік қоғамы (бұдан әрі – Банк), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының «Акционерлік қоғамдар туралы» Заңының (бұдан әрі – «Акционерлік қоғамдар туралы» Заң) 35-бабының 1-тармағы, 37-бабы 2-тармағының 1) тармақшасы, 37-бабы 3-тармағының 3) тармақшасы, 36-бабы 1-тармағының 4), 14) тармақшалары және 41-бабы негізінде Банктің Директорлар кеңесінің бастамасымен (2025 жылғы 15 шілдедегі № 25(з) хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды.

Жиналыс 2025 жылғы 14 тамызда Астана қаласының уақытымен сағат 10.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, «Astana» мәжіліс залы.

Жиналысқа қатысушыларды тіркеу 2025 жылғы 14 тамызда Астана қаласының уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқығы бар Банк акционерлерінің тізімі 2025 жылғы 23 шілдеде Астана қаласының уақытымен сағат 00.00-гі жағдайы бойынша жасалады.

Кворум болмаған жағдайда, Жиналыс 2025 жылғы 15 тамызда Астана қаласының уақытымен сағ. 10.00-ден бастап сол мекенжайда және болмай қалған Жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2025 жылғы 15 тамызда Астана қ. уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.


✱✱✱

**Жиналыстың күн тәртібі:**

1.	Банктің Есеп комиссиясы мүшелерінің санын, өкілеттік мерзімін белгілеу және мүшелерін сайлау туралы.
2.	Базалық активі жай акциялар болып табылатын акциялардың және жаһандық депозитарлық қолхаттардың оларды «ForteBank» АҚ сатып алған кездегі құнын анықтау әдістемесіне енгізілетін түзетулерді бекіту туралы.

✱✱✱

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.

«Акционерлік қоғамдар туралы» Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлердің танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді.

Жиналыс өткізуге байланысты қосымша ақпаратты келесі телефон арқылы біле аласыз: 
+7 (7172) 59 99 99, ішкі 10200.

✱✱✱

Осы арқылы Банк акционерлеріне Жиналысты өткізудің келесі тәртібін танысуға ұсынамыз: 

Қазақстан Республикасының «Қазақстан Республикасындағы банктер және банк қызметі туралы» заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы №8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сәйкес, Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.

Тіркеуден өтпеген акционер (акционердің өкілі) кворумды анықтауда есептелмейді және дауыс беруге қатыса алмайды.
Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.

"Акционерлік қоғамдар туралы" заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.

Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.

Жиналыстың күн тәртібіндегі барлық мәселелер қаралып, олар бойынша шешімдер қабылданғаннан кейін ғана Жиналысты жабық деп жариялауға болады. 

«Акционерлік қоғамдар туралы» заңның 52-бабының 1-тармағына сәйкес Жиналыстың хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс «Акционерлік қоғамдар туралы» заңның 35-37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 

✱✱✱

Банк акционерлерін Банк акционерлерінің кезектен тыс жалпы жиналысына қатысуға шақырамыз.



 Хабарлама: 2025 жылғы 14 тамызда «ForteBank» АҚ акционерлерінің кезектен тыс жалпы жиналысы өтеді

Өзгерістер 2025 жылы 11 шілдесінде бастап күшіне енеді       

**Құрметті клиенттер!**

«ForteBank» АҚ Сіздерге «Кредит желісін ашу туралы келісімнің үлгілік талаптары» енгізілген өзгерістер 2025 ж. 11 шілдесінде  бастап күшіне енетіндігі туралы хабарлайды. Сіз еңгізілген өзгерістерді осы [сілтеме](https://business.forte.kz/kk/documents) бойынша таныса аласыз.

**Құрметпен, «ForteBank» АҚ**


«Кредит желісін ашу туралы Келісімнің үлгілік талаптары» өзгерістер енгізу

2025 жылдың 1 шілдесінен бастап Mastercard Solo MC Black Edition және Travel карталарын ұстаушылар үшін Lounge key (әуежайдың бизнес залдарына кіру) қызметін ұсыну шарттарын өзгертеді. 

Бизнес-залдарға тегін бару бір ай ішінде 100 000 теңгеден басталатын сомаға картамен сатып алу ақысын төлеу кезінде қолжетімді. Соңғы 5 жұмыс күні мен соңғы демалыс күндеріндегі операциялардан басқа барлық операциялар сапарға дейін 35 күн бұрын есептеледі.


Mastercard Black Edition карталарын ұстаушыларға арналған Lounge key қызметінің жаңа шарттары 

**Құрметті Клиенттер!**

2025 жылғы 25 маусымнан бастап жеке тұлғаларға арналған жаңадан ашылатын және ұзартылатын салымдар бойынша жаңа мөлшерлемелер күшіне енеді:


"Жинақ салымы": 

∙ 3 ай мерзімге — жылдық 17,0% (СЖТМ — 18,4%)


ForteApp жаңа қосымшасында "ҚБҚЖ-дағы жеке тұлғаларға арналған ішінара ақша алуға болатын депозит":

∙ 3 ай мерзімге — жылдық 14,6% (СЖТМ — 15,6%)


Банк бөлімшелерінде (ішінара алу мүмкіндігімен):

∙ 3 ай мерзімге — жылдық 14,6% (СЖТМ — 15,6%)


**Құрметпен, "ForteBank" АҚ**


2025 жылғы 25  маусымнан бастап депозиттер бойынша жаңа мөлшерлемелер

**Құрметті клиенттер!**

«ForteBank» АҚ 2025 жылғы 01 маусындан  бастап «Заңды тұлғалар (банктерді қоспағанда), жеке кәсіпкерлер жеке нотариустар, жеке сот орындаушылары, адвокаттар, кәсіби медиаторлар, шаруа және фермер қожалықтары  үшін тарифтік жоспарға» енгізілетін өзгертулер күшіне енетіндігін хабарлайды.

Енгізілген өзгерістерді Банк бөлімшесінде, не Банктің сайтында осы [<u>сілтемебойынша</u>](https://main.storage-object.pscloud.io/aryz_operacziyalary_bojynsha_tariftik_zhospar_kaz_01_06_2025zh_620c2f07cf.pdf) таныса аласыз.

**Өзгерістер 2025 жылы 01 маусындап  бастап күшіне енеді**

**Құрметпен, «ForteBank» АҚ**


Жаңалықтар

Хабарландырулар