«ForteBank» акционерлік қоғамы (бұдан әрі – "Банк"), атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, «Акционерлік қоғамдар туралы» Қазақстан Республикасы заңының (бұдан әрі – «Акционерлік қоғамдар туралы» заң) 35-бабы 1-2-тармақтарының, 37-бабы 1-тармағының, 37-бабы 3-тармағының 3) тармақшасының және 41-бабының негізінде Банк Директорлар кеңесінің бастамасымен (2026 жылғы 18 наурыздағы мәжілістің № 10 хаттамасы) шақырылып жатқан Банк акционерлерінің жылдық жалпы жиналысы (бұдан әрі – жиналыс) өткізілетіндігі туралы өз акционерлеріне хабарлайды.

Жиналыс 2026 жылғы 20 сәуірде Астана қаласы, Достық көшесі, 8/1 мекенжайы бойынша "Astana" мәжіліс залында (8-қабат), Астана қаласының уақытымен сағат 10.00 бастап өткізіледі.

Жиналысқа қатысушыларды тіркеу 2026 жылғы 20 сәуірде Астана қаласының уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқы бар Банк акционерлерінің тізімі 2026 жылғы 27 наурыздағы Астана қаласының уақытымен сағат 00.00-дегі жағдай бойынша жасалады.

Кворум болмаған жағдайда, жиналыс сол мекенжай бойынша 2026 жылғы 21 сәуірде Астана қаласының уақытымен сағат 10.00-ден бастап өткізіледі, күн тәртібі сақталады. Қайтадан өткізілетін жиналысқа қатысушыларды тіркеу 2026 жылғы 21 сәуірде Астана қаласының уақытымен сағат 09.00-ден бастап 09.45-ке дейін жүргізіледі.

*

**Жиналыстың күн тәртібі:** 
1.	Банктің 2025 жылы бойынша аудиттелген жылдық қаржылық есебін бекіту туралы. 
2.	Банктің 2025 жылғы таза табысын үлестіру тәртібін бекіту туралы, Банктің бір қарапайым акциясына есептегендегі дивидендтің мөлшері туралы. 
3.	Банктің Директорлар кеңесінің өткен қаржылық жылы бойынша есеп беруі туралы. 
4.	Банктің және оның лауазымды тұлғаларының әрекеттеріне қатысты акционерлердің жүгінімдері және оларды қарау нәтижелері туралы. 
5.	Директорлар кеңесі мен Банк Басқармасы мүшелерінің 2025 жылы үшін сыйақының мөлшері және құрамы туралы. 

*

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.

«Акционерлік қоғамдар туралы» заңның 44-бабының 4-тармағына сәйкес, жиналыстың күн тәртібіндегі мәселелер бойынша материалдар - акционерлер танысуы үшін - Банк Басқармасы орналасқан жерде жиналыс өткізілетін күннен 10 күн бұрын дайын әрі қол жетімді болады.

Банк акционері тарапынан сұрау салу болған жағдайда, жиналыстың күн тәртібінің мәселелері бойынша материалдар сұрату алынғаннан кейін оған үш жұмыс күні ішінде жіберілуі тиіс, бұл ретте құжаттардың көшірмелерін жасауға және құжаттарды жеткізуге кететін шығыстар акционерге жүктеледі.

Жиналысты өткізуге қатысты қосымша ақпаратты келесі телефон арқылы біле аласыздар: 
+7 (7172) 59 99 99, ішкі 10200.

*

Осы хабарлама арқылы Банк акционерлеріне жиналыс өткізудің келесі тәртібін танысуға ұсынамыз:

Қазақстан Республикасының «Қазақстан Республикасындағы банктер және банк қызметі туралы» заңының 17-бабының 5-тармағына сәйкес, оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу және қадағалау агенттігі Басқармасының «Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы» 2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сәйкес, акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағының талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде жиналысқа қатысушылар өздерінің жиналысқа қатысу және жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты ұсынуы тиіс.

Акционерлердің қатысу тәртібінде өткізілетін жалпы жиналысына келген акционер (акционердің өкілі) тіркелуге міндетті.

Тіркеуден өтпеген акционер (акционердің өкілі) кворумды анықтау кезінде есепке алынбайды және оның дауыс беруге қатысуға құқығы жоқ.

Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.

«Акционерлік қоғамдар туралы» заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтар бойынша дауыс беру, акционерлердің жалпы жиналысында дауыс беру құқығы бар әрбір адамға акционерлердің жалпы жиналысын өткізудің рәсімдік мәселелері бойынша бір дауыстан беруді қоспағанда, "бір акция - бір дауыс" принципі бойынша жүзеге асырылады.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің жылдық жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.

Акционерлердің жылдық жалпы жиналысы өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.

Күн тәртібіндегі барлық мәселелер қаралып, олар бойынша шешімдер қабылданғаннан кейін ғана акционерлердің жылдық жалпы жиналысын жабық деп жариялауға болады.

«Акционерлік қоғамдар туралы» заңның 52-бабының 1-тармағына сәйкес акционерлердің жылдық жалпы жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс «Акционерлік қоғамдар туралы» заңның 35-37, 39-48, 50-52-баптарына, «Банк және банк қызметтері туралы заңның» 17-бабының 5-ші және 5-1-тармақтарына және Банк Жарғысының 15-бабына сәйкес өткізіледі. 

*

Банктің акционерлерін Банк акционерлерінің жылдық жалпы жиналысына қатысуға шақырамыз.

 Хабарлама: 2026 жылғы 20 сәуірде «ForteBank» АҚ акционерлерінің жылдық жалпы жиналысы өтеді

Өзгерістер 27.03.2026ж. бастап күшіне енеді 

####**Құрметті клиенттер,**

ForteBank» АҚ Сіздерге «Сауда эквайрингі қызметтері бойынша сауда және сервис кәсіпорындарына (Коммерсантқа) қызмет көрсету шартының жалпы талаптары» енгізілген өзгерістер 27.03.2026 ж. бастап күшіне енетіндігі туралы хабарлайды.

Сіз еңгізілген өзгерістерді осы [сілтеме](https://main.storage-object.pscloud.io/Prilozhenie_Ob_utver_tipovogo_shablona_Obshh_usl_dogovora_TE_kaz_270326_fe23fc6159.pdf) бойынша таныса аласыз.

Құрметпен, ForteBank.

«Сауда эквайрингі қызметтері бойынша сауда және сервис кәсіпорындарына (Коммерсантқа) қызмет көрсету шартының жалпы талаптары» өзгерістер енгізу

2026 жылғы 20 ақпаннан бастап күшіне енеді және 2026 жылғы 05 қаңтардан бастап туындаған құқықтық қатынастарға қолданылады.

**Құрметті клиенттер!**

2026 жылғы 20 ақпаннан бастап «ForteBank» АҚ заңды тұлғаларға (банктерді қоспағанда) және олардың филиалдары мен өкілдіктеріне, сондай-ақ жеке кәсіпкерлерге, жеке нотариустарға, жеке сот орындаушыларына, адвокаттарға, кәсіби медиаторларға, шаруа және фермер қожалықтарына, шетелдік дипломатиялық және консулдық өкілдіктерге арналған бизнес-карталар бойынша тарифтік жоспардың жаңа редакциясы күшіне енетінін хабарлайды.

Аталған өзгерістер өз күшін 2026 жылғы 05 қаңтардан бастап туындаған құқықтық қатынастарға да қолданады.

Жаңа редакцияда келесі қызмет түрлері бойынша ҚҚС (қосылған құн салығы) алынып тасталады:

1. бизнес-карталарды шығару және қызмет көрсету;
2. карта бойынша қалдықты қарау;
3. жоғалған/ұрланған корпоративтік картаны бұғаттау/бұғаттан шығару;
4. қосымша қызметтердің жекелеген түрлері;
5. төлем карточкасының банктік шотын ашу, жүргізу және жабу.

Толық ақпаратпен Банк сайтында таныса аласыз.

<File link="https://main.storage-object.pscloud.io/Tarifnyj_plan_po_biznes_kartam_dlya_Yu_L_i_IP_utv_20_02_2026_12_2026_17_vvod_s_05_01_2026_kaz_3f3c4816f0.pdf" variant="secondary">Тарифтік жоспардағы өзгерістер (PDF)</File>


Құрмет көрсетуші, «ForteBank» АҚ

Заңды тұлғаларға арналған бизнес-карталар бойынша тарифтік жоспарға өзгерістер енгізу

**Құрметті клиенттер!** 

2026 жылғы 10 наурыз күні сағат 04:00–05:30 аралығында жоспарлы техникалық жұмыстар жүргізіледі. Осы уақытта төмендегі сервистердің жұмысында уақытша шектеулер болуы мүмкін:  

- POS-терминалдар 
- Банкоматтар 
- ForteApp қосымшасы 
- Forte карталарымен жасалатын операциялар 
- Депозиттер және ағымдағы шоттар бойынша операциялар 
- Тауарлар/қызметтер үшін төлем қабылдау (E-commerce) 
Техникалық жұмыстар аяқталғаннан кейін барлық сервис қалыпты режимде жұмысын жалғастырады. 

**Түсіністік танытқандарыңыз үшін рақмет! **


10 наурыз күні ForteApp қосымшасында жоспарлы техникалық жұмыстар жүргізіледі 

2026 жылғы 10 наурыздан  бастап күшіне енеді 

**Құрметті клиенттер!** 

«ForteBank» АҚ 2026 жылғы 10 наурыздан бастап «Заңды тұлғаларға (банктерді қоспағанда), және олардың оқшауланған бөлімшелері (филиалы мен өкілдігі), жеке кәсіпкерлер, жеке нотариустар, жеке сот орындаушылары, адвокаттар, кәсіби медиаторлар, шаруа және фермер қожалықтары, шетелдік дипломатиялық және консулдық өкілдіктер, қаржылық басқарушылар үшін есеп айырысу - кассалық қызмет көрсету бойынша тарифтік жоспарда» енгізілетін өзгертулер күшіне енетіндігін хабарлайды. 

Сіз енгізілген өзгерістермен Банк бөлімшесінде немесе Банктің сайтында таныса аласыз

<File link="https://main.storage-object.pscloud.io/Sajt_Prilozhenie_k_obyavleniyu_izmeneniya_v_TP_10_03_2026_kaz_6e55707ba1.pdf" variant="secondary">Тарифтік жоспардағы өзгерістер</File>

**Құрмет білдіруші, «ForteBank» АҚ**

Жаңалықтар

Хабарландырулар