18.03.2019 ж.
"Global Finance" нұсқасы бойынша ForteBank биыл да үздік қаржы ұйымдарының қатарында
12 наурыз күні Нью-Йоркте "Global Finance" журналы жыл сайынғы дәстүр бойынша 26-шы рет әлемнің үздік банктерін салтанатты жағдайда марапаттады. "Global Finance" журналының ұжымы қарқынды өсу, инновациялық технологияларды әзірлеу және енгізу, сондай-ақ стратегиялық жобаларды іске асыру критерийлерін негізге ала отырып, жыл сайын 150-ден астам елдегі үздік қаржы институттарына зерттеу жүргізеді және таңдайды. Биыл да оңтайлы және ыңғайлы сервистерімен және керемет бизнес нәтижелерімен бірқатар банктер лауреат деп танылды. Халықаралық басылымның оң көзқарасына ие болған қаржы ұйымдарының арасында қазақстандық Forte банкі бар. Салтанатты рәсімде банктің басқарма төрағасы Гурам Андроникашвили былай деді: "Біз үшін Global Finance журналының марапатын алу – үлкен құрмет. Бұл марапатты екі жыл қатарынан иеленуіміз біздің тұтынушыларымызға тиімді қызметімізді және стратегиямыздың дұрыс таңдалғанын растайды. Банк өзінің клиенттеріне үздік инновациялық өнімдерін ұсына отырып, капиталының жеткіліктілігі мен өтімділігі бойынша нарықта көшбасшылық позициясын сақтап қалады. Біз 2018 жылы барлық қаржылық және операциялық көрсеткіштер негізінде айтарлықтай өсімге қол жеткізіп, активтер мөлшері бойынша Қазақстанның екінші деңгейлі банктерінің топ-3 құрамына кірдік. Ал бұл жетістігіміз халықаралық сарапшылар тарапынан бағаланғанына қуаныштымыз". Айта кетейік, "Global Finance" талдаушыларының пікірінше, ForteBank жеңісін анықтаған негізгі факторлар нарықтық позицияларының күшеюі, географиялық қамтуы және клиенттер үшін үздік инновациялық қызмет көрсетуі болып табылады.05.03.2019 ж.
«ForteBank» АҚ Директорлар кеңесінің жаңа құрамы сайланды
БАСПАСӨЗ ХАБАРЛАМАСЫ «ForteBank» АҚ Директорлар кеңесінің жаңа құрамы сайланды «ForteBank» АҚ (Басқарманың орналасқан жері: Қазақстан Республикасы, Z05P1P0/010017, Астана қаласы, Достық көшесі, 8/1, (әрі қарай – «Банк») 2019 жылғы 04 наурызда Банк акционерлерінің кезектен тыс жалпы жиналысы өткізілді (әрі қарай – «Жиналыс») онда өкілеттік мерзімі 2022 жылы аяқталатын Директорлар кеңесі сайланды. Жиналыс шешімімен Банктің Директорлар кеңесінің құрамына Ельдар Советович Абдразаков кірді. Осылайша, қазіргі уақытта Банктің Директорлар кеңесі келесі құрамда: · акционердің мүдделерінің үш өкілі: Ауэзов Магжан Муратович, Утемуратов Ануар Булатович, Исатаев Тимур Ризабекович; · үш тәуелсіз директор: Бектуров Рустем Сабитович, Пандза Хуберт Альберт, Абдразаков Ельдар Советович. Сол күні өткен Директорлар кеңесінің отырысында Ауэзов Магжан Муратович қайтадан Банктің Директорлар кеңесінің Төрағасы болып сайланды. Бұдан басқа, Банктің Директорлар кеңесінің осы отырысында Банктің Директорлар кеңесінің барлық комитеттерінің құрамы құрылды.11.02.2019 ж.
Руслан Омаров ForteBank Басқарма Төрағасының орынбасары лауазымына тағайындалды
Астана қаласы 08.02.2019 ж. БАСПАСӨЗ ХАБАРЛАМАСЫ Руслан Омаров ForteBank Басқарма Төрағасының орынбасары лауазымына тағайындалды Қазақстан Республикасының Ұлттық Банкі Руслан Омаровты Басқарма мүшесі, ForteBank Басқарма Төрағасының орынбасары лауазымына мақұлдады. Руслан Омаров IT бағытына жетекшілік етеді, сонымен қатар IT ONE компаниясын басқарады. ForteBank Басқарма Төрағасы Гурам Андроникашвили: «Руслан Омаровты банктің басшылық құрамында көруге қуаныштымыз. Русланның кәсіби біліктілігі мен жоғарғы деңгейдегі құзыреттілігі цифрландыру жолындағы банк бағдарын нығайтуға және клиенттер үшін ең үздік инновациялық қызметтер ұсыну бойынша бағдарын күшейтуге әсер ететіндігіне сенімдіміз». Руслан Омаров, биометрикалық шешімдер, төлем құралдары, цифрлік платформалар құрау саласында сарапшы, мансаптық жолын ҚР Ұлттық Банкінде бастады. «Казкоммерцбанк» АҚ инновациялық технологиясын дайындауға қатысты. 2012 жылдан 2018 жылға дейін Бірінші кредит бюросының Бас директоры болды. Оның басқару кезеңінде Бірінші кредит бюросы кредит тарихы картотекасынан кредит нарығына арналған толыққанды қаржылық-технологиялық хабқа дейін өсті. Қазіргі таңда Бірінші кредит бюросының Бақылау кеңесінің Төрағасы, «Атамекен» ҰКП жанындағы ІТ-кеңестің және Алматы қаласы бойынша аймақтық ІТ-кеңестің мүшесі, Қазақстан қаржыгерлер қауымдастығы жанындағы Қаржы технологиялары комитетінің мүшесі. _______________________________________________________________________________ ForteBank активтерінің көлемі бойынша Қазақстаннның ең ірі үш банкінің қатарына кіреді және капиталдандыру мен өтімділік деңгейі бойынша көшбасшылық позицияға ие. Markswebb Ресей аналитикалық агенттігінің пікірі бойынша ForteBank мобильді қосымшасы Қазақстандағы №1 болып танылды және ТМД-дағы үздік 10-тың құрамына кірді. The Banker пікірі бойынша ForteBank екінші жыл қатарынан «Қазақстанның жыл банкі» деп танылды.