2022 жылғы 23 ақпандағы жағдай бойынша қолданыстағы салымның болуы өтемақы алудың басты талабы болып табылады, бұл ретте банктегі салымды оның мерзімінің соңына дейін, бірақ бағдарлама енгізілген сәттен бастап кемінде 12 ай, яғни 2023 жылғы 24 ақпанға дейін сақтау қажет.

Өтемақы төлеу талаптары: ► Егер бір банкте бір депозиттен артық депозит болса, өтемақы (сыйлықақы) осындай банктегі депозиттерде 20 000 000 (жиырма миллион) теңге шегіндегі жалпы ақша сомасына төленеді; ► Егер депозит мерзімі аяқталмаса немесе 2023 жылдың 23 ақпанына дейінгі мерзімді қоса алғанда бір немесе бірнеше рет ұзартылса; ► Депозитті толығымен алу жүзеге асырылмаса, соның ішінде депозит шарты мерзімінен бұрын тоқтатылмаса; ► Өтемақы төлеу талап етуге дейінгі депозиттер, шартты депозиттер және ағымдағы банктік шоттар бойынша жүзеге асырылмаса.

Өтемақы есептеу: ► Депозиттен ақшаны ішінара алу болмаған жағдайда - сыйлықақы 2022 жылғы 23 ақпандағы операциялық күннің соңындағы депозит сомасына, бірақ 10%-ға көбейтілген 20 000 000 (жиырма миллион) теңгеден аспайтын сомаға есептеледі; ► Депозиттегі ақшаны толықтыру және ішінара алу кезінде - сыйлықақы 2022 жылғы 23 ақпаннан бастап 2023 жылғы 23 ақпанды қоса алғандағы кезең үшін операциялық күннің соңында тіркелген депозиттің ең төменгі қалдығының сомасына, бірақ 10%-ға көбейтілген 20 000 000 теңгеден аспайтын сомаға есептеледі.

Мысалдар:

1 мысал 2022 жылғы 23 ақпандағы күннің соңындағы салым сомасы 100 000 теңге. 2022 жылғы 27 наурызда клиент 85 000 теңге алды. Кейін клиент депозитін 100 000 теңгеге толықтырды. 2022 жылғы 24 ақпан мен 2023 жылғы 23 ақпан аралығындағы кезеңде ең аз сома 15 000 теңге болды. Клиентке 15 000 теңгеге 10% өтемақы (сыйлықақы) есептеледі және өтемақы (сыйлықақы) 1 500 теңгені құрайды.

2 мысал Клиентте 35 миллион теңге сомасына теңгеде бірнеше салым бар. Өтемақы (сыйлықақы) тек 20 миллион теңгеге ғана есептеледі, ал 15 млн-ға өтемақы (сыйлықақы) есептелмейді.

Төлем тәсілі: ► Өтемақы алу үшін ҚР Үкіметі тиісті нормативтік құқықтық актіні қабылдағаннан кейін Forte app мобильді қосымшасы арқылы өтініш беру қажет. ► Өтемақы (сыйлықақы) сомасы клиенттің ағымдағы банктік шотына есептеледі.