ForteBank DAR-мен бірлесіп Алматы және Астана қалаларында шағын және орта бизнес өкілдерімен бірқатар табысты кездесулер өткізіп, 100-ден аса кәсіпкердің басын қосты. Іс-шараларда қазіргі цифрлық құралдарды қолданатын кәсіпкерлер үшін бүгінгі күні пайда болатын жаңа мүмкіндіктер талқыланды. Бұл шешімдер стандартты бизнес-процестерді оңтайландыруға: компанияның өнімділігі мен кірісін арттыруға, сондай-ақ клиенттермен өзара қарым-қатынасты тиімдірек етуге мүмкіндік береді.

Банк өнімдерді үздіксіз жетілдіру үшін кері байланыстің маңызды екенін атап көрсетеді. «Біз бизнес ортадағы цифрландырудың қарқынды дамуын ескере отырып, онлайн сервистерімізді белсенді түрде жетілдіреміз. Бұл банкке қызмет көрсету процестерін оңтайландыруға ғана емес, сонымен қатар клиенттің пайдаланушы ретіндегі, әсіресе цифрлық саладағы тәжірибесін айтарлықтай жақсартуға мүмкіндік береді», - деп мәлімдеді ForteBank Басқармасының мүшесі, шағын және орта бизнеске жауапты Астан Сагитов.

Өз кезегінде, DAR жылдың басында нарыққа шағын және орта бизнес сегменті өкілдерінің жұмысын ұйымдастыруға көмектесетін қазақстандық Darlean платформасын ұсынды. Бұрын осыған ұқсас цифрлық технологияларды ірі бизнес салалары ғана пайдалана алатын. Сервис бизнесті тиімді басқару арқылы кәсіпкерлерге уақыт пен ақшаны үнемдеуге мүмкіндік береді. Мысалы, тапсырмаларды жасау және қадағалау, ЭЦҚ көмегімен құжаттарға қашықтан қол қою, өтінімдерді жылдам мақұлдау, сондай-ақ бюджетті құру және жоспарлау.

«Darlean DAR компаниялар тобы үшін дербес шешім ретінде басталды. 2023 жылы тестілеу режимінде сыртқы нарыққа шықтық, ал бүгінгі таңда Қазақстан мен шетел нарығына ұсынылды», - деп атап өтті DAR компаниялар тобының басқарушы серіктесі Болат Садыкулов.

DAR мен ForteBank-тің қызметтерді цифрландыру саласында күш-жігерін біріктіруі нарыққа ұсынылатын инновациялық сервистердің ауқымын кеңейтеді.