Алматыда бірегей көше композициясы пайда болды. Идеяны Repas көше суретшілерінің командасы іске асырды. Өткен жылы Алматы әкімдігі Есентай өзеніндегі жаңа Терренкурға жақын жаяужол аймағын жабдықтады, осылайша ол жерде көше өнері мен граффитиге арналған қабырға пайда болды. Жобаға 40-қа жуық суретші қатысты. Бұл бастаманы бизнес те қолдап, ForteBank және Repas коллаборациясы пайда болды.
"Forte&Repas жобасында 5 адам жұмыс істеді және ол шамамен бір аптаға созылды. Жұмыста бәріне таныс, оқылатын жарнамалық бейнелерді жеткізуге тырыстық. Сонымен қатар адамның қуанышына, тәжірибесіне, драмасына сілтеме жасадық. Бұл жұмыс не туралы? Әлеуметтік желілердегі, жарнамалардағы образдарды романтизация қылмаңыз. Оданша өзіңізді ең жақсы нұсқаға айналдырыңыз - сонда сіз өзіңіздің бас кейіпкеріңіз боласыз", – деп граффити авторларының бірі, Repas workshop street art masters тобының өкілі Дмитрий DMN атап өтті.
Repas командасы 2007 жылы жиналды. Осы уақыт ішінде Қазақстанда және оның шегінен тыс жерлерде де көптеген жұмыстар жасалды. Бүгін бұл граффити мен стритарттан басқа әртүрлі бағыттағы шығармашылық адамдардың үлкен қауымдастығы.
Оспанов көшесі мен Есентай өзенінің қиылысында мұралды көруге келіп, авторлардың идеясын бағалаңыз!