ForteBank АҚ акционерлерінің кезектен тыс жалпы жиналысы

"ForteBank" АҚ (бұдан әрі – Банк) оның атқарушы органының (Басқарманың) орналасқан жері: Қазақстан Республикасы, Z05P1P0/010017, Нұр-Сұлтан қаласы, Есіл ауданы, Достық көшесі, 8/1, өз акционерлеріне Қазақстан Республикасының "Акционерлік қоғамдар туралы" Заңының (бұдан әрі – "Акционерлік қоғамдар туралы" Заң) 35-бабының 1-тармағы, 37-бабы 2-тармағының 1) тармақшасы және 41-бабы негізінде Банктің Директорлар кеңесінің бастамасымен (2021 жылғы 21 қыркүйектегі № 32 хаттамасы) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды.

Жиналыс **2021 жылғы 25 қазанда** Нұр-Сұлтан қаласының уақытымен сағат 10.00-ден бастап келесі мекенжайда өткізіледі: Нұр-Сұлтан қаласы, Достық көшесі, 8/1, 8-қабат, "Astana" мәжіліс залы.

Жиналысқа қатысушыларды тіркеу 2021 жылғы 25 қазанда Нұр-Сұлтан қаласының уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.
Жиналысқа қатысуға құқы бар Банк акционерлерінің тізімі 2021 жылғы 11 қазанда Нұр-Сұлтан қаласының уақытымен сағат 00.00-гі жағдайы бойынша жасалады.

Кворум болмаған жағдайда, Жиналыс 2021 жылғы 26 қазанда Нұр-Сұлтан қаласының уақытымен сағ. 10.00-ден бастап сол мекенжай бойынша қайтадан өткізіледі. Қайтадан өткізілетін Жиналысқа қатысушыларды тіркеу 2021 жылғы 26 қазанда Нұр-Сұлтан қ. уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

**Жиналыстың күн тәртібі:**

1. "ForteBank" АҚ Директорлар кеңесінің сандық құрамын анықтау.
2. Директорлар кеңесінің мүшесін – ForteBank АҚ тәуелсіз директорын сайлау және оған сыйақы беру деңгейін анықтау туралы.

"Акционерлік қоғамдар туралы" Заңның 43-бабы 4-тармағының 1) тармақшасына сәйкес, Жиналыстың күн тәртібіне қоғамның дауыс беретін акцияларының бес және одан да көп процентін дербес немесе басқа акционерлермен жиынтықта иеленген акционер немесе директорлар кеңесі ұсынған толықтырулар енгізілуі мүмкін, мұндай толықтырулар туралы Банк акционерлеріне Жиналыс өткізілетін күнге дейін 15 күннен кешіктірілмей хабарланған жағдайда.
"Акционерлік қоғамдар туралы" Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлер танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді.
Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200.

Осы арқылы Банк акционерлеріне Жиналыс өткізудің келесі тәртібін танысуға ұсынамыз.
Қазақстан Республикасының "Қазақстан Республикасындағы банктер және банк қызметі туралы" заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы №8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.
Аталған баптың 5-1 тармағына сай Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағының талаптарын орындағаны туралы көрсетеді. Осы тармақтың екінші абзацында көрсетілген өтінішті табыс етпеген акционер акционерлердің жалпы жиналысына қатысуға жіберілмейтіні көзделген.
Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды берулері қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.
Тіркеуден өтпеген акционер (оның өкілі) кворумды анықтауда есептелмейді және дауыс беруге қатыса алмайды.
Жиналыс кворум болған жағдайда белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.

"Акционерлік қоғамдар туралы" заңның 50-бабының 1-тармағына сәйкес акционерлердің кезектен тыс жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлердің кезектен тыс жалпы жиналысында дауыс беру құқығы бар әрбір тұлғаға акционерлердің жалпы жиналысын өткізудің процедуралық сұрақтары бойынша бір дауыс беруді қоспағанда.
Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.
Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.

Жиналыстын күн тәртібіндегі барлық мәселелер қаралып, олар бойынша шешімдер қабылданғаннан кейін ғана жабық деп жариялауға болады.

"Акционерлік қоғамдар туралы" заңның 52-бабының 1-тармағына сәйкес акционерлердің Жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс "Акционерлік қоғамдар туралы" заңның 35, 36, 37, 39–48, 50, 51, 52 және 54 баптарына, Банк және банк қызметтері туралы заңның 17 бабының 5 және 5-1 тармақтарына және Банк Жарғысының 15 бабына сәйкес өткізіледі.

Жиналыстың күн тәртібіндегі "Директорлар кеңесінің мүшесін – "ForteBank" АҚ тәуелсіз директорын сайлау және оған сыйақы беру деңгейін анықтау туралы" сұрағына сәйкес 2021 жылғы 11 қазандағы сағат 18-00 дейін Банкке Банк Директорлар кеңесінің мүшелігіне үміткерлерді ұсынуыңызды сұраймыз.

Қазақстан Республикасының "Акционерлік қоғамдар туралы" заңының 44 бабының 2 тармағына сәйкес Банк Директорлар кеңесінің мүшелігіне ұсынылатын үміткерлер туралы ақпарат келесілерден тұруы тиіс:
1) аты-жөні, сондай-ақ тілегі бойынша - әкесінің аты;
2) білімі туралы мәліметтер;
3) Банкке үлестестігі туралы мәліметтер;
4) қызметіне қатысты соңғы үш жылдағы жұмыс орны және атқарған лауазымдары туралы мәліметтер;
5) үміткерлердің біліктілігін, жұмыс тәжірибесін растайтын өзге де ақпарат.

Банк Директорлар кеңесінің құрамына сайлануға ұсынылған тұлға Қазақстан Республикасының "Қазақстан Республикасындағы банктер және банк қызметі туралы" заңының 20 бабында, Қазақстан Республикасының "Бағалы қағаздар нарығы туралы" заңының 54 бабында белгіленген басшы қызметкерлерге қойылатын талаптарға сай болуы тиіс. Тәуелсіз директор лауазымына сайлануға ұсынылған тұлға сонымен қатар "Акционерлік қоғамдар туралы" заңның 1 бабының 20) тармақшасының талаптарына сай болуы тиіс.

Банк акционерлерін Банктің акционерлерінің кезектен тыс жалпы жиналысына қатысуға шақырамыз.

Хабарлама: 2021 жылғы 25 қазанда "ForteBank" АҚ акционерлерінің кезектен тыс жалпы жиналысы өтеді

**Нұр-Сұлтан қ., 2021 жылғы 30 шілде** – "ForteBank" акционерлік қоғамы, орналасқан жері: Қазақстан Республикасы, Z05P1P0/010017, Нұр-Сұлтан қаласы, Достық к-сі, 8/1 (әрі қарай – Банк), Банк Басқармасы құрамының өзгерісі туралы хабарлайды.

Банктің Директорлар кеңесінің  (2021 жылғы 29 маусымдағы № 20 хаттама) шешіміне сәйкес, 2021 жылғы 30 шілдеден бастап Андроникашвили Гурамның Банк Директорлар кеңесінің мүшесі, Банктің акционері Болат Жәмитұлы Өтемұратовтың мүддесінің өкілі болып сайлануына байланысты, Банктің Басқарма Төрағасы ретіндегі өкілеттігі тоқтатылды.

Банктің Директорлар кеңесі Банк  Басқарма Төрағасының міндетін атқарушы етіп 2021 жылғы 02 тамыздан бастап, бұрын Банк Басқармасы Төрағасының орынбасары қызметін атқарған Нұрымбет Шолпан Мұқашқызын тағайындады.


"ForteBank" АҚ Басқармасы құрамының өзгерісі туралы ақпарат

ForteBank беделді халықаралық Euromoney басылымының нұсқасы бойынша Қазақстанның үздік банкі (Best Bank in Kazakhstan) ретінде марапатқа ие болды.

Марапатқа ие болу туралы **ForteBank-тің Басқарма Төрағасы Гурам Андроникашвили** түсініктеме беріп өтті:

«ForteBank атынан Euromoney қазылар алқасына біздің жұмысымызға жоғары баға бергені үшін ризашылығымды білдіргім келеді. Бұл марапат пандемияға байланысты қиын кезеңдерге қарамастан, банктің өсуіне және клиенттеріне сапалы қызметтер мен өнімдерді ұсынуға мүмкіндік беретін дұрыс стратегияны таңдағанын растайды. Мен Forte-нің әрбір клиентіне банкке деген сенімі мен ниеттестігі үшін, сондай-ақ Forte-нің әрбір қызметкеріне еңбекқорлығы мен банктің дамуына қосқан үлесі үшін ризамын».

*Орталық және Шығыс Еуропа елдері бойынша* **Euromoney журналының редакторы Люси Фитцджордж-Паркер былай деді:**
**«Дұрыс басқару мен қарқынды инновация ForteBank-ке Қазақстанның бәсекеге қабілетті банк нарығында өсіп келе жатқан жұлдыз ретіндегі позициясын нығайтуға және «Қазақстанның үздік банкі» сыйлығының лауреаты болуға лайықты елдің төртінші ірі банкі болуына көмектесті. Керемет пайда тұрақты қаржылық көрсеткіштермен теңестірілді, ал экожүйелік өнімдер жиынтығының іске қосылуы болашақ өсудің негізін қалады».**

*Euromoney* сыйлығы 1992 жылдан бері әлемнің 100 еліндегі банк, қаржы және инвестиция саласындағы көшбасшыларға беріліп келеді және халықаралық қаржы әлеміндегі ең беделділердің бірі болып саналады. Euromoney жеңімпаздарды анықтауда бейтараптылықтың, әділдік пен дәлдіктің жоғары стандарттарын сақтауға ерекше назар аударады. Редакторлар, сарапшылар мен талдаушылар марапатқа үміткер әрбір банктің қызметін мұқият зерттейді, халықаралық корреспондент банктермен өздерінің нарықтық зерттеулерін жүргізеді және көрнекті қаржыгерлер мен банкирлердің пікірлерін сұрайды. Шешім қабылдау процесі әдетте екі айға созылады.

Euromoney журналының редакторы Люси Фитцджордж-Паркердің айтуынша: *«Жоғары сапа үшін Сыйлық (Awards for Excellence) шеңберінде Euromoney марапаттаған банктер қазіргі кездегі банк ісін жүргізуде кездесетін барлық қиындықтарға қарамастан, мықты қаржы институттары беделіне ие. Олар бірінші дәрежелі қызмет көрсетеді және өз клиенттеріне үлкен сенім артады. Өткен жылы біз 100-ге жуық елдің 50-ден астам аймақтық марапаттары мен үздік банктер марапаттарын қамтитын біздің аймақтық және елдік марапаттау бағдарламасы арқылы банктерден 1000-ға жуық өтінім қабылдадық».*

ForteBank елдегі ең тұрақты, өтімді және жақсы капиталдандырылған банктердің бірі. Соңғы 12 айда ForteBank Asiamoney нұсқасы бойынша екінші рет «Қазақстанның үздік банкі», The Banker журналының нұсқасы бойынша үшінші рет «Қазақстандағы жыл банкі» деп, сондай-ақ Global Finance журналының нұсқасы бойынша төртінші жыл қатарынан «Қазақстанның үздік банкі» деп танылды.


ForteBank Euromoney нұсқасы бойынша Қазақстандағы ең үздік банк болып танылды

"ForteBank" АҚ (Басқарманың орналасқан жері: Қазақстан Республикасы, Z05P1P0/010017, Нұр-Сұлтан қаласы, Достық к-сі, 8/1) (бұдан әрі – "Банк") Банктің Директорлар кеңесі құрамының өзгергені туралы хабарлайды.

Банк акционерлерінің 2021 жылғы 12 шілдедегі (жиналыстың № 02/21 хаттамасы) кезектен тыс жалпы жиналысының шешіміне сәйкес Банктің акционері Булат Жамитович Утемуратовтың мүддесін білдіруші ретінде 2021 жылғы 2 тамыздан бастап Андроникашвили Гурам Банктің Директорлар кеңесінің мүшесі болып сайланды.

Осылайша, Банктің Директорлар кеңесінің құрамы 2021 жылғы 2 тамыздан бастап мынадай:

- акционер мүдделерінің төрт өкілі: Марлен Оразбекович Мирзабеков, Ануар Булатович Утемуратов, Тимур Ризабекович Исатаев, Андроникашвили Гурам; 
- екі тәуелсіз директор: Пандза Хуберт, Елдар Советович Абдразаков.

"ForteBank" АҚ директорлар кеңесінің құрамына енгізілген өзгеріс


«FORTEBANK» АҚ АКЦИОНЕРЛЕРІНІҢ КЕЗЕКТЕН ТЫС ЖАЛПЫ ЖИНАЛЫСЫНДАҒЫ ДАУЫС БЕРУ ҚОРЫТЫНДЫСЫ ТУРАЛЫ

"ForteBank" АҚ (бұдан әрі – "Банк") оның атқарушы органының (Басқарманың) орналасқан жері: Қазақстан Республикасы, Z05P1P0/010017, Нұр-Сұлтан қаласы, Есіл ауданы, Достық көшесі, 8/1, 2021 жылғы 12 шiлдеде Нұр-Сұлтан уақытымен сағат 10.00-ден 11.00 дейін келесі мекенжайда өткен: Қазақстан Республикасы, Z05P1P0/010017, Нұр-Сұлтан қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің кезектен тыс жалпы жиналысындағы (бұдан әрі – "Жиналыс") дауыс беру қорытындысы туралы хабарлайды.

Бекітілген күн тәртібіне сәйкес Жиналыста келесі мәселелер қаралды және дауыс беру нәтижелері бойынша келесідей шешімдер қабылданды.

**Күн тәртібінің 1-мәселесі бойынша "ForteBank" акционерлік қоғамының Жарғысына № 7 өзгерісті бекіту туралы"**

1. "ForteBank" акционерлік қоғамының Жарлығына енгізілетін №7 өзгеріс осы шешімнің 1-қосымшамындағы редакцияда бекітілсін, осы шешім қабылданған күні күшіне енгізілсін.

2. Банк Басқармасының Төрағасы Г. Андроникашвилиге (немесе оның міндетін атқарушы тұлғаға) "ForteBank" акционерлік қоғамының Жарлығына енгізілетін №7 өзгеріске оның акционерлерінің атынан қол қою және "ForteBank" акционерлік қоғамының Жарлығына енгізілетін №7 өзгерісті бекітумен байланысты басқа әрекеттерді орындау өкілеттігі берілсін.

**Күн тәртібінің 2-мәселесі бойынша "ForteBank" АҚ Директорлар кеңесі туралы ережеге № 1 түзетулерді бекіту туралы" 

Осы шешімнің 2-қосымшасына сәйкес "ForteBank" АҚ Директорлар кеңесі туралы ережеге №1 түзетулер бекітілсін, олар осы шешім қабылданған күннен кейінгі күннен бастап күшіне енгізілсін.**

**Күн тәртібінің 3-мәселесі бойынша "ForteBank" АҚ Директорлар кеңесінің мүшелеріне Банктің 2014–2020 жылдарға қойған стратегиялық мақсаттарына қол жеткізгені үшін бекітілмеген сыйақы деңгейін белгілеу туралы"**

1. Директорлар кеңесінің мүшесі – Банктің тәуелсіз директоры Х. Пандзаға және Банктің Директорлар кеңесінің экс-мүшесі Р. Бектуровқа Банктің 2014-2020 жылдарға қойған стратегиялық мақсаттарға жеткені үшін тіркелмеген сыйақы деңгейі осы шешімнің 3-қосымшасына сәйкес осы шешімнің 2-тармағын ескере отырып белгіленсін.

2. Директорлар кеңесінің мүшесі – Банктің тәуелсіз директоры Х. Пандзаға және Банктің Директорлар кеңесінің экс-мүшесі Р. Бектуровқа осы шешімнің 3-қосымшасында көрсетілген тіркелмеген сыйақы деңгейінің 50 % құрайтын тіркелмеген сыйақының бір бөлігі (тұрақты бөлігі) төленсін.

**Күн тәртібінің 4-мәселесі бойынша "Банктің Директорлар кеңесінің мүшесін сайлау туралы"**

1. 2021 жылғы 02 тамыздан бастап Андроникашвили Гурам Банктің Директорлар кеңесінің мүшесі болып, Банк акционері Булат Жамитович Утемуратовтың мүддесін танытушы ретінде сайлансын.

2. Гурам Андроникашвилидің Банк Директорлар кеңесінің мүшесі ретіндегі өкілетік мерзімі Банк Директорлар кеңесінің жалпы өкілеттік мерзімі өткен кезде сонымен бірге, яғни 2022 жылы Банк акционерлерінің жылдық жалпы жиналысы өткізілу кезінде аяқталады деп белгіленсін.

3. Банк Директорлар кеңесінің мүшесі Гурам Андроникашвилидің ай сайынғы тіркелген сыйақы мөлшері Қазақстан Республикасының заңнамасында белгіленген салық және басқа есептеулер есептелмей, осы шешімнің 4-қосымшасына сәйкес белгіленсін.

4. Банк Директорлар кеңесінің мүшесі Гурам Андроникашвилиге басқа төлемдер "ForteBank" АҚ Директорлар кеңесіне сыйақы төлеу және олардың шығынын өтеу саясатында белгіленген мөлшерде және тәртіпте жүзеге асырылады деп белгіленсін.

*Жиналысқа оның өткізілген уақыты бойы ұсынылған Банктің дауыс беруші қарапайым акцияларының жалпы саны – 73 714 243 282 (қарапайым акциялардың жалпы санының 98,7032%).*

Новости

Объявления