•	ForteBank-тің несие портфелі 17,4%-ке, 1,4 трлн теңгеге дейін өсті 
•	Банк активтері 16,6%-ке, 3,3 трлн теңгеге дейін ұлғайды
•	Клиенттердің шоттары мен депозиттері 12,4%-ке, 2,3 трлн теңгеге дейін ұлғайды
•	Банктің регуляторлық капиталы 27,5%-ке өсті
•	Отандық акционерлік капиталы бар банктердің ішінде Қазақстандағы ең жоғары кредиттік рейтингтің біріне ие болды

**Барлық бағыт бойынша өсу**
ForteBank 2023 жылғы жұмыстың қорытындысын шығарды. ҚЕХС бойынша шоғырландырылған есептілікке сүйенсек, банк тиімді бизнес-модельдің және кредиттеудің байыпты тәсілінің арқасында өзінің қаржылық көрсеткіштерін жақсартып отыр. Өткен жылдың қорытындысы бойынша ForteBank активтері 16,6%-ке немесе 464 млрд теңгеге өсіп, 3,3 трлн теңгені құрады. 

**Бизнес пен халық үшін қолжетімді кредиттер**
Банктің несиелік портфелі 1,4 трлн теңгені құрап отыр, бұл 2022 жылғы көрсеткіштен 17,4%-ке немесе 204 млрд теңгеге көп. Осы көрсеткіш бойынша банк ірі деген кредитор-банктердің қатарында алтыншы орыннан бесіншіге көтерілді. Бұл өсу барлық сегментке кредит беруді арттырумен түсіндірілуде. ForteBank бизнес-кредиттерінің несиелік портфелі 17% өсті: шағын және орта бизнеске берілген қарыздар 21%-ке немесе 72,7 млрд теңгеге, яғни 417 млрд теңгеге дейін өссе, корпоративтік клиенттерге берілген кредиттер 13,3%-ке немесе 51 млрд теңгеге, яғни 433,3 млрд теңгеге дейін, бөлшек кредиттерге берілген қарыз - 19%-ке немесе 82 млрд теңгеге, яғни 510 млрд теңгеге дейін өсті.

«2023 жылы банк сапалы өсуді көрсетті. Біз қазақстандық бизнеске кредит берудің көлемін белсенді арттыру ісін жалғастырдық. Бұл ретте біздің кредиттік портфельдегі бизнес-кредиттің үлесі, ШОБ-ті ескергенде, 62% құрайды. Бұл Forte-нің қазақстандық кәсіпкерлерді қаржыландыруға арналған негізгі коммерциялық институттардың бірі екенін көрсетеді. Бизнес үшін бәсекеге қабілетті және тартымды болып қала беру үшін банктерге стандартты емес тәсілдерді қолдануға тура келеді, сондықтан біз де ШОБ үшін қаржылық операциялардың денін цифрландырдық, теңгелік төлемдер бойынша комиссияларды нөлге теңестірдік, осының арқасында клиенттердің саны ширек көрсеткішке өсіп отыр. Корпоративтік клиенттермен жұмыс жүргізу барысында біз икемді талаптар мен жоғары сапалы қызметтер ұсына алатын қаржылық серіктес болып қала бермекпіз», - дейді ForteBank басқармасының төрағасы Бекжан Пірматов. Былтырғы кредиттік портфельдің айтарлықтай өсуінің арқасында проценттік кірістің ұлғаюы есебінен банктің таза кірісі 2022 жылмен салыстырғанда 18,7% өсті және 116 млрд теңгені құрады. Сондай-ақ, таза пайыздық кіріс 50,3%-ке немесе 65 млрд теңгеге өсіп, 2022 жылы валюта нарығындағы құбылмалылықтан туындаған шетел валютасымен операциялар бойынша тұрақсыз біржолғы таза кірісті алмастырды.

**Клиенттерге жинақтарын көбейтуге көмектесу**
ForteBank-тің депозиттік портфелі де сенімді өсу көрсетіп отыр: клиенттердің салымдары мен шоттары 12,4%-ке немесе 249 млрд теңгеге ұлғайды және 2,3 трлн теңге рекордтық көрсеткішке жетті. Жылдың соңында халықтың банктегі салымдары 886 млрд теңгені құрады, бұл 2022 жылғы көрсеткіштен 18,4%-ке немесе 138 млрд теңгеге көп. ШОБ депозиттері мен шоттары 17,3%-ке немесе 100,5 теңгеге, яғни 683 млрд теңгеге дейін өссе, корпоративтік клиенттердің салымдарының көлемі 1,6%-ке немесе 11 млрд теңгеге, яғни 691,6 млрд теңгеге дейін өсті. 

Депозиттердің өсу қарқыны бойынша банк 10 ірі банктің ішінен ЕДБ «үздік бестігі» қатарынан орын алды, оған талаптардың икемділігі, салымшылар тарапынан сенімнің жоғары болуы және салымдарды онлайн ашу мүмкіндігі себеп болып отыр. 

**Бөлшек бизнесті цифрландыру және жаңа өнімдер**
Сонымен қатар банк бөлшек бизнес бағыты бойынша да тамаша нәтижелерге қол жеткізді: карталарды қашықтан ашу мүмкіндігінің арқасында Forte былтыр 800 мыңнан астам карта шығарды. Клиенттердің Forte-дегі төлемдер мен аударымдарға қанағаттану көрсеткіші екі есе өсті. «Золотая Корона» ақша аудару жүйесі арқылы Қазақстанда жасалған әрбір шығыс 5-ші аударым ForteBank арқылы жүргізілді, ал оның 61% - Forte қосымшасы арқылы іске асырылды, бұл - бөлшек сервистерді цифрландырудың жоғары көрсеткіші. 

Fortе-де сондай-ақ банктің онлайн-қызметтерін мемлекеттік сервистермен интеграциялау бойынша үлкен жұмыс жүргізілді: мобильді қосымшада автокөлікті тексеру, заңдастыру, қайта тіркеу, айыппұлдарды онлайн төлеу және басқа да көптеген қызметтерді қоса алғанда, 36 мемлекеттік сервис іске қосылды. Сондай-ақ, клиенттердің дауыстық биометрикасын жасау технологиясы енгізілді, бұл технология дауыстың ерекше сипаттамалары бойынша тұлғаның жеке басын сәйкестендіруге мүмкіндік береді. Енді Байланыс орталығына қоңырау шалған кезде клиентке код сөзді немесе OTP-парольді айтудың қажеті жоқ. Жаңа технология клиенттің жедел қызмет алу мүмкіндігін едәуір жеңілдетеді.

Банк былтыр сондай-ақ автокредиттеуді іске қосты, жобаға қазірдің өзінде 250-ден астам автосалон қатысуда, олардың қатарында Қазақстанның жетекші автодилер желілері бар. Forte тиімді мөлшерлеме бойынша, комиссиясыз және онлайн қарызды бір күнде ресімдеу мүмкіндігімен автокредиттер ұсынады.

2023 жылы Қазақстан Республикасындағы электроника және тұрмыстық техниканың ірі сатушыларымен тауарлық кредиттеу бағдарламасы іске қосылды. Оған қоса, Forte Mastercard-пен бірлесіп әлемнің 37 еліне ақша аударуға мүмкіндік беретін Alem халықаралық аударымдар жүйесін іске қосты. Нарыққа саяхатшылар үшін өте ыңғайлы Forte Travel картасы шығарылды. Бұл карта авиабилеттер сатып алуға, duty free, отельдерге 5% бонус береді, оған қоса шетелге сапар кезінде отбасының барлық мүшесін тегін сақтандыру және әуежайлардың лаунж-залдарына 10 рет тегін кіру мүмкіндігін ұсынады. 

Euromoney халықаралық басылымының нұсқасы бойынша, FortePremier - Қазақстандағы ең үздік Private Bank болып танылды. Бұл награда Privatе Banking және активтерді басқару саласындағы көшбасшыларға беріледі
Ең тұрақты банктердің бірі

ForteBank ең жақсы капиталдандырылған қаржы институттарының бірі болып қалуда. 2023 жылдың қорытындысы бойынша банктің регуляторлық капиталы 414,9 млрд теңгені құрады, бұл 2022 жылғы көрсеткіштен 27,5%-ке көп. Капиталдың жеткіліктілік көрсеткіші регулятор талап ететін нормативтерден асып түсіп отыр: норматив -7,5-8,5%-тен кем болмауы керек болса, іс жүзінде k1 және k1-2 коэффициенттері - 20,8%-ті, ал k2 коэффициенті – норматив бойынша 10% кем болмауы керек болса, іс жүзінде 21,2% құрап отыр. 

Өсіп келе жатқан қаржылық көрсеткіштерді және команданың жұмысын халықаралық рейтингтік агенттіктер де жоғары бағалады. ForteBank - отандық акционерлік капиталы бар банктердің арасында Қазақстандағы ең жоғары кредиттік рейтингтерге ие банк. 2023 жылдың тамызында Fitch агенттігі эмитенттің ұзақ мерзімді дефолт рейтингін көтерді «ВВ»-тан «ВВ»-ге дейін, банктің орнықтылық рейтингін «bb-»-тен «bb»-ге дейін, ұлттық ұзақмерзімдік рейтингін «A-(kaz)»-тен «A(kaz)»-ге дейін көтерді. Рейтингтер бойынша болжам - «Тұрақты». Ал Moody’s агенттігі өткен жылдың қараша айында ForteBank рейтингтері бойынша болжамды «Позитивті»-ге дейін жақсартып, жергілікті және шетел валютасындағы депозиттер бойынша рейтингті – «Ba2» деңгейінде растады. 
Банк басшысы өз сөзінде, банктің тұрақтылығы пен кірістілігі арасындағы оңтайлы балансты сақтау/қамтамасыз ету үшін, ForteBank әрі қарай да консервативті өсу саясатын ұстанатын атап көрсетті. 

2023 жылдың қорытындысы бойынша ForteBank-тің несие портфелі 17,4% өсті 

"ForteBank" АҚ (бұдан әрі – "Банк") оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2024 жылғы 17 сәуірде Астана қаласы уақытымен сағат 10.00-ден 11.00 дейін келесі мекенжайда өткен: Қазақстан Республикасы, Z05P1P0/010017, Астана қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің жылдық жалпы жиналысындағы (бұдан әрі – "Жиналыс") дауыс беру қорытындысы туралы хабарлайды. Бекітілген күн тәртібіне сәйкес Жиналыста келесі мәселелер қаралды және дауыс беру нәтижелері бойынша келесі шешімдер қабылданды.
\*\*\*
Күн тәртібінің 1-мәселесі "Банктің 2023 жылғы жылдық қаржылық есебін бекіту туралы" бойынша Банктің 2023 жылғы 31 желтоқсанда аяқталған жыл үшін, осында тіркелген, аудиттелген (жеке және шоғырландырылған) Жылдық қаржылық есебі бекітілсін.

\*\*\*
Күн тәртібінің 2-мәселесі "Банктің 2023 жылғы таза табысын үлестіру тәртібін бекіту туралы, Банктің бір қарапайым акциясына есептегендегі дивидендтің мөлшері туралы" бойынша
1. «ForteBank» АҚ-ның 2023 жылғы таза кірісін үлестірудің мынадай тәртібі бекітілсін:
	–	жай акциялар бойынша дивидендтер төлеуге 58 218 000 000 (елу сегіз миллиард екі жүз он сегіз миллион) теңгеден аспайтын мөлшердегі соманы жіберу;
	–	дивидендтерді төленгеннен кейін қалған таза кіріс сомасын Банктің қарамағында қалдыру.
2. Жай акциялар бойынша дивидендтер осы шешімнің 1-тармағында белгіленген мөлшерде төленген жағдайда, «ForteBank» АҚ бір жай акциясына шаққандағы дивиденд мөлшері 0,6436 теңге (нөл бүтін он мыңнан алты мың төрт жүз отыз алты) теңге мөлшерінде бекітілсін, оның ішінде Қазақстан Республикасының заңнамасында белгіленген тәртіппен төленетін салық сомасы. Бұл ретте әрбір акционер бойынша төленетін дивидендтердің жалпы сомасы бүтін тиынға дейін нақты белгіленуі тиіс (дөңгелектеу математикалық дөңгелектеу ережесі бойынша орындалады). Бұл ретте математикалық дөңгелектеу ережесі бойынша дөңгелектейтін саннан кейінгі бірінші сан 0-ден 4-ке дейін болса, бүтін тиынның мәні өзгермейді, егер дөңгелектейтін саннан кейінгі бірінші сан 5-тен 9-ға дейін болса, бір бірлікке көбейе отырып өзгереді.
3. 2024 жылғы 13 мамырда Астана қаласының уақыты бойынша 00 сағат 00 минуттағы жағдайы бойынша жай акциялар бойынша дивидендтерді алуға құқығы бар акционерлер тізімі тіркелсін.
4. "ForteBank" АҚ-ның жай акциялары бойынша дивидендтер төлеудің бастапқы күні – 2024 жылғы 15 мамырдан басталады.
5. Төлем тәртібі – бір мезгілдік бір төлем болып бекітілсін.
6. Келесі мекенжай бойынша орналасқан "ForteBank" АҚ-ның жай акциялары бойынша дивидендтер төлеу нысаны – Банк акцияларын ұстаушылар тізілімі жүйесіндегі акционерлердің деректемелері бойынша қолма-қол ақшасыз тәртіпте болып бекітілсін: Z05P1P0 (010017), Қазақстан Республикасы, Астана қаласы, Достық көшесі, 8/1, банктік деректемелері: БСН 990740000683, БСК IRTYKZKA, БеК: 14, «Қазақстан Республикасының Ұлттық Банкі» РММ-дегі ЖСК: KZ23125KZT1001300204, БИК: NBRKKZKX".
\*\*\*
Күн тәртібінің 3-мәселесі "Банктің Директорлар кеңесінің өткен қаржылық жыл бойынша есеп беруі туралы" бойынша
Банктің Директорлар кеңесінің өткен қаржылық жыл үшін есебі бекітілсін.
\*\*\*
Күн тәртібінің 4-мәселесі "Банктің және оның лауазымды тұлғаларының әрекеттеріне қатысты акционерлердің шағымдары және олардың қаралу нәтижелері туралы" бойынша

Банк Басқармасының 2023 жылы ішінде Банк он бір акционерден 13 өтініш алды (акцияларды және ҒДҚ-ны иелену және өткізу, Банк акциялары бойынша дивидендтерді есептеу және төлеу, сондай-ақ салық салуды қолдану мәселелері бойынша), оларға түсіндірмелермен жауаптар жіберілді, акционерлердің Банктің және оның лауазымды тұлғаларының әрекетіне өтініштері келіп түспегендігі туралы ақпараты назарға алынсын.   
\*\*\*
Күн тәртібінің 5-мәселесі "Директорлар кеңесі мен Банк Басқармасы мүшелерінің 2023 жыл үшін сыйақыларының мөлшері және құрамы туралы" бойынша 2023 жылы Директорлар кеңесінің және Банк Басқармасының мүшелерінің сыйақы мөлшері және құрамы туралы ақпарат назарға алынсын.
\*\*\*
Күн тәртібінің 6-мәселесі "Банктің Директорлар кеңесі туралы ережеге № 3 түзетулерді бекіту туралы" бойынша
«ForteBank» АҚ Директорлар кеңесі туралы Ережеге № 3 түзету осы шешімнің 1-қосымшасына сәйкес, осы шешім қабылданған күннен кейінгі күннен бастап қолданысқа енгізіле отырып, бекітілсін.
\*\*\*

*Жиналыста оның өткізілу уақыты бойы ұсынылған Банктің дауыс беретін жай акцияларының жалпы саны – 81 559 638 456 (дауыс беретін жай акциялардың жалпы санының  98,1212 %).*


«FORTEBANK» АҚ АКЦИОНЕРЛЕРІНІҢ ЖЫЛДЫҚ ЖАЛПЫ ЖИНАЛЫСЫНДАҒЫ ДАУЫС БЕРУ ҚОРЫТЫНДЫСЫ ТУРАЛЫ

 БАСПАСӨЗ ХАБАРЛАМАСЫ*  

«ForteBank» АҚ (бұдан әрі – «Банк») оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2024 жылғы 03 сәуірде Астана қаласы уақытымен сағат 10.00-нан 11.00-ге дейін келесі мекенжайда өткен: Қазақстан Республикасы, Z05P1P0/010017, Астана  қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің кезектен тыс жалпы жиналысындағы (бұдан әрі – «Жиналыс») дауыс беру қорытындысы туралы хабарлайды.
Бекітілген күн тәртібіне сәйкес Жиналыста келесі сұрақтар қаралды және дауыс беру нәтижелері бойынша келесі шешімдер қабылданды.
\*\*\*
Күн тәртібінің 1-сұрағы «ForteBank» акционерлік қоғамының 2023 жылға арналған қызметінің қорытындылары туралы ақпаратты назарға алу туралы»
«ForteBank» акционерлік қоғамы қызметінің 2023 жылғы нәтижелері туралы ақпаратты назарға алу.
\*\*\*
Күн тәртібінің 2-сұрағы «Е. Абдразақов, Е. Оспановтың және М. Мырзабековтың Банктің Директорлар кеңесінің мүшелері ретінде өкілеттігін тоқтату туралы»
1.	2024 жылғы 03 сәуірде Ельдар Советұлы Абдразақовтың Директорлар кеңесінің мүшесі ретінде – Банктің тәуелсіз директоры өкілеттігі мерзімінен бұрын тоқтатылсын.
2.	2024 жылғы 03 сәуірде Еран Маратұлы Оспановтың Банктің Директорлар кеңесінің мүшесі, Б.Ж.Өтемұратовтың мүдделерінің өкілі, Банк акционері ретіндегі өкілеттігі мерзімінен бұрын тоқтатылсын.
3.	2024 жылғы 03 сәуірде Марлен Оразбекұлы Мырзабековтің Банктің Директорлар кеңесінің мүшесі, Б.Ж.Өтемұратовтың мүдделерінің өкілі, Банк акционері ретіндегі өкілеттігі мерзімінен бұрын тоқтатылсын.
\*\*\*
Күн тәртібінің 3-сұрағы «Банктің Директорлар кеңесінің сандық құрамын айқындау, оның мүшелерін сайлау, сондай-ақ Банктің директорлар кеңесі мүшелерінің сыйақыларының мөлшерін айқындау туралы»
1.	Бес адамнан тұратын Банктің Директорлар кеңесінің құрамы айқындалсын, оның ішінде:
	1)	Банк акционерлерінің өкілдері ретінде Директорлар Кеңесінің екі мүшесі;
	2)	Банктің тәуелсіз директорлары ретінде Директорлар кеңесінің үш мүшесі.
2.	2024 жылғы 03 сәуірден бастап Банктің Директорлар кеңесінің мүшесі – Банктің тәуелсіз директоры болып Федор Викторович Попандопуло сайлансын.
3.	2024 жылғы 03 сәуірден бастап Банктің Директорлар кеңесінің мүшесі – Банктің тәуелсіз директоры болып Ерлан Төлегенұлы Тұяқбаев сайлансын.
4.	Попандопуло Федор Викторович пен Тұяқбаев Ерлан Төлегенұлының Банктің Директорлар кеңесінің мүшелері ретіндегі өкілеттік мерзімі тұтастай алғанда, Банк акционерлерінің жылдық жалпы жиналысының 2022 жылғы 01 сәуірдегі шешіміне (хаттама № 01/22) сәйкес, Банктің Директорлар кеңесінің өкілеттік мерзімінің аяқталуымен бір мезгілде, яғни Банк акционерлерінің жылдық жалпы жиналысы 2025 жылы өткізілген сәтте аяқталатыны белгіленсін.
5.	Банктің Директорлар Кеңесінің мүшелеріне ай сайынғы тіркелген сыйақы мөлшері, Қазақстан Республикасының заңнамасында белгіленген салықтар мен басқа да аударымдарды есепке алмай, осы Хаттаманың 1-қосымшасына сәйкес айқындалсын.
6.	Директорлар Кеңесінің мүшелеріне белгіленген сыйақы төлеу есеп айырысу жүргізілетін айдан кейінгі айдың үшінші күнінен кешіктірілмей, ай сайын жүргізіледі деп белгіленсін.
7.	Банктің Директорлар кеңесі мүшелеріне өзге де төлемдер, сондай-ақ шығыстар өтемақылары "ForteBank" АҚ Директорлар кеңесі мүшелеріне сыйақы беру және олардың шығыстарын өтеу саясатында белгіленген мөлшерде және тәртіпте жүзеге асырылатыны белгіленсін.
\*\*\*
*ForteBank мажоритарлық акционері Болат Өтемұратов Жиналыс нәтижелеріне түсініктеме бере отырып, бұрынғы Директорлар Кеңесінің төрағасы және Тәуелсіз директоры – Ельдар Абдразақовқа, сондай-ақ Директорлар кеңесінің мүшелері Ерлан Оспанов пен Марлен Мырзабековке Банктің дамуына қосқан үлесі үшін алғысын білдірді. Болат Өтемұратов Ельдар Абдразақовтың төрағалығы кезеңінде қол жеткізілген, банктің Қазақстанның қаржы секторындағы ұстанымдарын нығайтудағы және стратегиясын іске асырудағы елеулі серпінін ерекше атап өтті.*
\*\*\*
*Сонымен қатар, жиналыстан кейін бірден өткен отырыстағы Директорлар Кеңесінің шешіміне сәйкес 2024 жылғы 03 сәуірден бастап – Тимур Исатаев «ForteBank» Директорлар Кеңесінің төрағасы болып сайланды. Осылайша, «ForteBank» АҚ-ның қазіргі Директорлар кеңесі бес мүшеден келесі құрамда тұрады: Тимур Исатаев – Директорлар кеңесінің төрағасы, акционер мүдделерінің өкілі; Әнуар Өтемұратов – Директорлар кеңесінің мүшесі, акционер мүдделерінің өкілі, Талғат Қуанышев – Директорлар кеңесінің мүшесі, Тәуелсіз директор; Федор Попандопуло – Директорлар кеңесінің мүшесі, Тәуелсіз директор; Ерлан Тұяқбаев – Директорлар кеңесінің мүшесі, Тәуелсіз директор.*
\*\*\*
*Жиналыс өткізілген уақытының барлық кезінде ұсынылған, Банктің дауыс беруші қарапайым акцияларының жалпы саны – 80 629 447 285 (қарапайым акциялардың жалпы санының 97,0717 %).*
\*\*\*
\* *Осы пресс-релизде қамтылған ақпаратты қайта тұжырымдап пайдалану үшін (pr@fortebank.com) ForteBank  ақпараткөзін міндетті түрде атап өтуді және ForteBank-пен келісуді талап етеді.*



  «ForteBank» акционерынин кезектен тыс жалпы жиналысындағы дауыс беру қорытындысы туралы

ForteBank су тасқыны салдарын жоюға және табиғи сипаттағы төтенше жағдайлардан зардап шеккен халықты қолдауға бағытталған Үкіметтің шұғыл шараларын қолдайды және өз тарапынан келісідей қолдау көрсетуге дайын екенін  хабарлайды. 

• Жергілікті атқарушы органдардың тізімдеріне сәйкес, су тасқынынан зардап шеккендердің санатына жатқызылған қарыз алушы – жеке тұлғаларға қолданыстағы қарыздары бойынша төлемдерін - 2024 жылғы 1 сәуірден бастап 30 маусым бойынша -  3 күнтізбелік ай мерзімге шегеру мүмкіндігін ұсынады; 
• Су тасқыны салдарынан қаржылық жағдайы нашарлаған қарыз алушы – жеке тұлғалардың төлемдерді кешіктіргені үшін қалыптасқан айыппұлдары мен өсімақыларының күші жойылады.
• Су тасқынынан зардап шеккен ШОБ-қарыз алушылардың қолданыстағы қарыздары бойынша қарызды 3 күнтізбелік айдан аспайтын мерзімге ұзарту мүмкіндігімен, комиссиясыз және құжаттар топтамасын ұсынбай, кейінге қалдыру мерзімі берілсін:
ЖК- қарыз алушыларына келіп түскен  өтініштерге/
ЖШС және өзге де ЗТ -– қарыз алушыларына жергілікті атқарушы органдардың тізімдеріне сәйкес;


Жергілікті атқарушы органдардың тізімдеріне сәйкес, зардап шеккен қарыз алушылар Банк бөлімшесіне келмей-ақ, төлемдерді кейінге шегеруге және кредиттерін қайта құрылымдауға Банктің [forte.kz](https://forte.kz/) ресми сайты арқылы өтініш бере алады. 


ForteBank су тасқынынан зардап шеккен қарыз алушыларға төлемдерін кейінге шегеру мүмкіндігін ұсынады

Forte төлем карталарын тұтынушыларына апта сайынғы ұтыс ойындарын бастады. Жыл соңына дейін апта сайын сауда жасаған 20 тұтынушы рандомайзердің көмегімен таңдалады. Жеңімпаздарға банк бонус түрінде 100% кешбэкті есептейді. Бірақ жасалған бір сауданың бағасы 100 000 теңгеден аспауы шарт.

**Бонустарды қалай жеңуге болады?** 
1.	Forte мобильді қосымшасындағы "Промо" бөлімінен "қатысқым келеді" батырмасын басыңыз.
2.	Сауданы Forte карталарымен жасаңыз. Букмекерлік қызметтер мен ұялы байланыс төлемдері, аударымдар, несиелерді өтеу, коллекторлық компаниялардың, ломбардтардың төлемдері ескерілмейді. 

Бұл қалай жұмыс істейді? Мысалы, сіз 75 000 теңгеге сауда жасап, ұтыс ойыны кезінде рандомайзер сізді таңдады делік. Мұндай жағдайда дәл осы сомада бонустар қайтарылады. Ал егер сіз 125 000 теңгеге тауар сатып алған болсаңыз, жеңіс жағдайында банк сізге бонус ретінде 100 000 теңгені қайтарады. Ұтыс ойындары апта сайын 2024 жылдың 30 желтоқсанына дейін өтеді. Банктің әлеуметтік желілерін қадағаласаңыз болады.

Париждегі Олимпиада ойындарын көріңіз
2024 жылдың 30 сәуіріне дейін Apple Pay, Google Pay, Garmin Pay немесе Samsung Pay сервистерін пайдалана отырып, Forte Visa карталарының көмегімен саудаңызды 10 000 теңгеден бастап төлесеңіз, 40 брендтік жиынтықтың бірін ұтып ала аласыз. Бас жүлде – Париждегі 2024 жылғы Олимпиада ойындарына екі адамға арналған жолдама. Оның ішіне олимпиаданың ашылу салтанаты мен екі іс-шарасы кіреді.
 
Ыңғайлы әрі тиімді төлем карталары
Банкте сіз өзіңіздің қажеттіліктеріңізге қарай төлем карталарын таңдай аласыз. Мәселен Blue тегін қызмет көрсету картасы бойынша бүкіл әлем бойынша банкоматтардан айына 500 000 теңгеге дейін ақшаны тегін аударуға және алуға болады. 

Саяхатты ұнататындар үшін ForteТravel картасы қолайлы. Ол арқылы Apple Pay/Samsung pay/Google Pay арқылы саудаға кепілдендірілген бонустар және саяхат шығындарына (авиабилеттер, қонақүйлер, Duty Free, агенттік туры және автокөлікті жалға алу) 0,5% және 5% онлайн бонустар алуға болады. Сондай-ақ Lounge key бизнеске залдарына кіруге мүмкіндік, саяхатты сақтандыру мен басқа да жеңілдіктер жасалады.

Forte Black картасымен 3 миллион теңгеге дейінгі несие лимитін 90 күнге дейін пайызсыз және комиссиясыз саудаларға рәсімдеуге болады. Сондай-ақ бұл картамен бүкіл әлем бойынша саудаңызды пайызсыз бөліп төлей аласыз. 

Solo премиум картасы жеке қызмет көрсетуді, Nomad Club ұпайларын, Lounge key бизнес-залдарына кіруді, заңгердің кеңесін қамтиды. 

Барлық ForteBank карталарымен түрлі санаттарды таңдау арқылы сауда жасаған сайын 15% - ға дейін және серіктестерден 25% - ға дейін бонустар алуға болады.


Новости

Объявления