ForteBank 2024 жылға арналған Paralympic Sports Association қоғамдық қорына демеушілік көрсетіп, теннистен Ұлттық паралимпиадалық команданың ресми серіктесі атанды. 

Paralympic Sports Association қоры іске асырып жатқан идеялар мен жобалар мүмкіндігі шектеулі жандарды жаңа жетістіктерге шабыттандырып, Қазақстандағы паралимпиадалық ойындарды дамытуға бағытталған. Қор соның ішінде теннистен паралимпиадалық ойындарды дамытуға және осы бағытта түрлі іс-шараларды өткізуге назар аударады. Бұл жалпы еліміздегі осындай спорттық шаралардың қалыптасуындағы маңызды кезең. Біз үлкен мақсатқа жету жолында қорға қолдау білдіргенімізге қуаныштымыз", - деп атап өтті ForteBank басқарма төрағасы Бекжан Пірматов.

Paralympic Sports Association – ерекше қажеттілігі бар балалар мен ересектердің оңалту жұмыстарын, әлеуметтік дамуын, спортпен шұғылдануын ұйымдастыратын қор. Мұнда иппотерапия, паралимпиадалық спортпен шұғылдану, емдік дене шынықтырумен айналысу, рефлексотерапия, массаж және т.б. қызметтер алу мүмкіндігі қарастырылған.

"Біз үшін ForteBank сияқты еліміздің ең ірі банкі қолдау көрсетіп, теннистен Ұлттық паралимпиадалық құраманың ресми серіктесі болғаны өте маңызды. Осындай мәселеге бей-жай қарамайтын компаниялардың арқасында елдегі паралимпиадалық ойындарды дамыта аламыз деп сенеміз", - деді Paralympic Sports Association қорының бас директоры Сергей Селиванов.

2022 жылдан бастап Қазақстан теннис федерациясы елімізде арбадағы ойыншылар теннисі мен бейімдегіш бағыттағы теннисті насихаттау мен дамытуға көңіл бөлуде. Осы бағытта алғашқы чемпионат пен ҚР кубогы өткізілген еді. Биыл арбадағы ойыншылар арасындағы теннистен Қазақстан Кубогы екінші рет өтті. Ал біріншісі 2023 жылдың наурыз айында ұйымдастырылған болатын. Арбадағы ойыншылар арасындағы теннис – ресми паралимпиадалық спорттың бір түрі.


ForteBank теннистен Ұлттық паралимпиадалық команданың ресми серіктесі болды

ҚР Экология және табиғат ресурстары министрлігі мен «Жасыл даму» АҚ бірлесіп, Астана қаласы оқушыларының арасында «Үздік шығарма» конкурсын өткізді. 

Бұл шара сәуірдің 19-ы атап өтілетін Орман отырғызудың ұлттық күні қарсаңында ұйымдастырылды. БҰҰ-ның Халықаралық орман күнін жариялауына қолдау білдірген бұл акцияны Қазақстанда осымен оныншы рет өткізіліп отыр.

 19 наурыз бен 19 сәуір аралығында өткен конкурсқа оқушылар бір жарым мыңнан астам шығарма ұсынды және Астана қаласы Білім басқармасының жанындағы Дарынды балалар мен дарынды жастарды анықтау және қолдау орталығының мамандары олардың ішінен қазақ және орыс тілдеріндегі 60 жұмысты таңдап алды. 
Құрамына танымал жазушылар, журналистер мен қоғам қайраткерлері кіретін комиссия ақтық кезеңде үш жеңімпазды анықтады. Конкурстық комиссияның шешімі бойынша 1 орынды - №94 мектептің 10-сынып оқушысы Аяулым Ниязалы жеңіп алса, 2-ші орынды - №59 мектептің 10-сынып оқушысы Айжан Төлеген иеленді, ал 3-орын - №16 мектептің 10-сынып оқушысы Софья Мамбурге бұйырды. 
Жеңімпаздар «Forte Bank» АҚ ұсынған бағалы сыйлықтармен марапатталды. 



«Forte Bank» Астана оқушыларына арналған конкурсқа қолдау көрсетті

Соңғы жылдары әлемдік аренада шиеленіс күшеюде. Ресейді батыс нарықтарынан оқшаулаған Украинадағы соғыс қимылдары, Израильдің Газаға жасаған шабуылдары және Иранмен соңғы қақтығысы – осының бәрі геосаяси тәуекелдердің артуын және инвесторлар үшін ықтимал тәуекелдердің ұлғаюын болжайды. Қытай бақылауына алуға тырысып жатқан Тайваньға қатысты жағдайды да ұмытпаған жөн.

Әлемдік нарықтағы құбылмалылықтың күшеюі жағдайында инвестор не істеу керек?
Ең алдымен, сөзден тікелей әскери іс-қимылдарға, бір-бірінің аумақтарына зымыран және дрондармен соққы беруге көшкен Израиль мен Иран арасындағы қақтығыстың шиеленісуінің ықтимал тәуекелдеріне талдау жасау қажет.

Иран мұнай өндіруден әлемде 4-ші орында және әлемдік мұнай саудасының 20% өтетін Ормуз бұғазының солтүстік бағытын бақылайды. Бұл аймақтағы ықтимал шиеленіс мұнай жеткізу проблемаларына және мұнай өнімдері бағасының өсуіне әкелуі мүмкін. Мұнай әлемдік экономикада шешуші рөл атқарады, өйткені әлемде қолданылатын барлық энергия мен шикізаттың 40%-і мұнайдан және мұнай өнімдерінен алынады.

Қандай салдары болуы мүмкін? 
Біріншіден, мұнай жеткізу проблемалары мұнай құнының өсуіне әкеледі, бұл өнеркәсіптік өндірістің өзіндік құнының өсуіне әсер етеді және соның салдарынан тауарлардың барлық класының құны өседі. Бұл бірден дүниежүзі бойынша өнеркәсіптік инфляцияның қарқынды өсуіне және одан әрі қызмет көрсету саласындағы инфляцияның өсуіне әкеледі.

Мұндай жағдайларда инвестор үшін ең жақсы таңдау - мұнайды тікелей сатумен айналысатын және Таяу Шығыста стратегиялық нысандары мен кен орындары жоқ компаниялар.

Төменде осындай компаниялардың бірқатарын көрсетеміз:
ExxonMobil (тикер: XOM) әлемдегі ең ірі мұнай компанияларының бірі және ауқымды жаһандық активтер портфелі бар. Ол әлемнің әртүрлі бөліктерінде, соның ішінде Таяу Шығыста жұмыс істесе де, компания бұл аймақтағы негізгі оператор емес және соңғы жылдары халықаралық мұнай өндіруге инвестициясын қысқартты.

Devon Energy Corporation (тикер: DVN) – көбінесе АҚШ-та мұнай мен табиғи газ өндіруге бағытталған американдық мұнай-газ кәсіпорны. Оның АҚШ-тың әртүрлі аймақтарында, соның ішінде Техас, Оклахома және басқа штаттарда активтері бар, бірақ Таяу Шығыста кен орындары жоқ.

Инвесторларды қорғаудың тағы бір сценарийі - GLD және SLV сияқты биржалық пайлық қорлар арқылы алтын мен бағалы металдарды сатып алу.

Алтын әдетте қауіпсіз актив ретінде қарастырылады, өйткені оның ішкі құндылығы бар және белгісіздік жағдайында құндылығын сақтап қалады. Сондай-ақ алтын көбінесе инфляцияға қарсы хедж ретінде қарастырылады, өйткені ол әлемдік бағаның өсуі жағдайында сатып алу қабілетін сақтайды. Бағалы металдардың, атап айтқанда алтынның бағасын қадағалайтын ETF-ке портфеліңіздің 20%-тен аспайтын бөлігін инвестициялауды ұсынамыз.

Бұл инвестор ескеретін бірнеше нұсқа ғана. Айта кету керек, әлемдік аренадағы жағдай туралы ақпарат үнемі өзгеріп отыруы мүмкін.

*«Forte Finance» АҚ аналитигі Ержан Иманалин*

**Жауапкершіліктен бас тарту:**

*Жоғарыда ұсынылған ақпарат жалпы нұсқаулық ретінде берілген және инвестициялық кеңес немесе ұсыныс ретінде қаралмауы керек. Шешім қабылдамас бұрын өзіңіздің жеке зерттеуіңізді жүргізіп, қаржы кеңесшісімен кеңесіп, өзіңіздің қаржылық мақсаттарыңызды, тәуекелдерге төзімділік деңгейін және инвестициялық көкжиекті ескеру ұсынылады.*

*Бұл жауапкершіліктен бас тарту авторды ұсынылған ақпаратты немесе ұсыныстарды пайдаланудан немесе пайдалана алмаудан туындайтын кез келген шығын немесе залал үшін жауапкершіліктен босатады.*

*Есіңізде болсын, бұрынғы нәтижелер алдағы нәтижелердің көрсеткіші емес, ал бұрынғы кірістер алдағы нәтижелердің кепілі емес.*


«Forte Finance» геосаяси шиеленіс кезінде инвесторлардың қандай активтерге назар аударуы керектігі жайында

Жергілікті атқарушы органдар су тасқынынан зардап шеккендерге мемлекеттік қолдау көрсету шеңберінде келесідей материалдық көмек көрсететін болады:

●	біржолғы өтемақы төлемдері;
●	жойылған және/немесе бүлінген мүлік үшін өтемақы.

Банк бөлімшесінде мемлекеттік төлемдерді алу үшін арнайы шот ашуға болады.



Су тасқынынан зардап шеккендерге мемлекеттік төлемдер алу үшін арнайы шоттар ашу

ForteBank үш жаңа Toyota Camry 75 автокөлігі ойнатылатын "ОйБой Camry" науқанын бастады. Жыл соңына дейін жалғасатын ұтыста темір тұлпардың болашақ иелері кездейсоқ сандар генераторының көмегімен таңдалады. Олай болса қатысу шарттарының қандай екенін айтып берейік.

Forte-нің клиенттері арасындағы ұтыс ойыны 18 наурызда басталды. Банктің таралым комиссиясы ұтыс қорытындысын әр тоқсан сайын анықтап отырады.

Жаңа Camry көлігіне үміткер болу үшін екі шартты орындау қажет:
● 2024 жылдың 18 наурызынан 23 желтоқсанға дейін 100 000 теңгеден басталатын сомаға несие рәсімдеу немесе мерзімі өткен берешек болмаған жағдайда Forte Black картасы бойынша 100 000 теңгеден басталатын несиелік лимитті пайдалану; 
● Forte мобильді қосымшасындағы Промо бөлімінен "қатысқым келеді" батырмасын басыңыз.

Егер қарыз алушының банкте бірнеше несиесі болса, ұтыс ойынына олардың бірінің ғана банктік келісім шарты арқылы қатыса алады. 

Несиені қалай рәсімдеуге болады? Банктің бірнеше несиелік ұсыныстары бар. Атап айтқанда қолма-қол ақшадан бастап, автонесие немесе ипотека ала аласыз.

Black несие картасын қалай алуға болады? Forte қосымшасын жүктеп, картаны онлайн аша аласыз. Кейін картаңыз үйіңізге немесе кеңсеңізге тегін жеткізіледі. 

Картаның мынадай артықшылықтары бар: 
•	карта қызметі бірінші жылы тегін болады; 
•	әлемнің кез келген банкоматынан 500 мың теңгеге дейін ақшаны комиссиясыз ала аласыз; 
•	Қазақстанның кез келген банкінің картасына 500 мың теңгеге дейінгі тегін аударымдар.

Картаның көмегімен сатып алғанға дейін және кейін 3 миллион теңгеге дейін бөліп төлеуге болады. Алғашқы сатып алынған күннен бастап 90 күн ішінде үлкен жеңілдіктер кезеңі болады.

ForteBank бірнеше жыл бойы ұтыс ойындарын өткізіп келеді. Осы уақыт ішінде 30-дан астам тұтынушы жаңа Camry автокөлігінің иесі атанды. Биыл бұл тізімді тағы үш бақытты адам толықтырады. Ұтыс ойынының жаңалықтары мен нәтижелерін банктің әлеуметтік желілерінен қадағалаңыз. Бәлкім, жаңа Camry-дің иесі сіз боларсыз. Толығырақ ақпаратты банктың ресми порталынан оқи аласыз.



Новости

Объявления