ForteBank Басқарма мүшесі және Басқарма төрағасының орынбасары Владимир Кирушко ForteBank-тен кету туралы шешім қабылдады. Оның өкілеттігі ForteBank Директорлар кеңесінің 2022 жылғы 04 наурыздағы шешіміне сәйкес мерзімінен бұрын тоқтатылды (№ 8 отырыс хаттамасы).

Владимир Кирушко ForteBank-те бөлшек бизнес бағытының жұмысы үшін жауапты болды. Жұмысының маңызды нәтижелері ретінде: Forte қосымшасы жаңартылып, бөлімшеге бармай-ақ банк клиенті болу мүмкіндігінің пайда болуын, цифрлық кредит берудің және Forte төлем карталарының Black, Solo, Blue жаңа желісінің іске қосылғанын атап өтуге болады.

Бөлшек бизнес бағытының жаңа кураторы болып Басқарма төрағасының орынбасары Бекжан Пирматов тағайындалды, ол соңғы екі жыл ішінде ForteBank-те корпоративтік блок үшін жауапты болды. Енді корпоративтік блок Басқарма төрағасының орынбасары Айдын Ауезкановқа тапсырылады.

ForteBank Қазақстанның ірі банктерінің қатарына кіріп, еліміздің ең тұрақты, өтімді және капиталдандырылған банктерінің бірі саналады. Банк Euromoney, Asiamoney, The Banker және Global Finance сынды жетекші халықаралық басылымдардың наградаларына бірнеше рет ие болды.

Баспасөз қызметі Тел.: +7 (7172) 59 99 99 (іш. 10868, 10975)