2024 ж. 1 наурыз сағат 00:00 Қазақстан бірыңғай уақыт белдеуіне көшеді: кімге сағат тілін тексеру қажет және мобильді қызметтер қалай жұмыс істейді

ҚР Үкіметінің №20 19.01.24 ж. қаулысы бойынша, Қазақстан бірыңғай уақыт белдеуіне көшеді. Уақытты ауыстыру 29 ақпаннан 1 наурызға қараған түні сағат 00:00-де Маңғыстау, Атырау, Батыс-Қазақстан, Ақтөбе және Қызылорда облыстарынан басқа аймақтарда жүзеге асырылады.

Смартфонда сағатты қалай ауыстыру қажет?

Мобильді құрылғыларда уақыт синхрондалуы автоматты түрде жүреді. Ол үшін смартфонда, планшетте не смарт-сағатта оператор SIM-картасы мен құрылғыдағы, оператор желісінен бапталған, уақыт көрсеткіші болса жеткілікті. Телефон мәзіріндегі уақыт баптауын тексеруді ұсынамыз. «Автоматты уақыт белдеуі» функциясы қосылып тұрғанына көзіңізді жеткізіңіз. Назар аударыңыз: уақыт синхрондалуына интернет қажет емес.

Қандай жағдайға дайын болу керек?

29 ақпанның с. 21:00-ден 1 наурыздың с. 9:00-ге дейін смартфондар мен басқа мобильді құрылғыларда кейбір қызметтер жұмыс істемеуі мүмкін:

• теңгерімді тексеру мен толтыру; • тарифтік жоспарды ауыстыру немесе/және тарифтік жоспардың толтырымын өзгерту; • қызметтерді қосу және өшіру, соның ішінде роуминг; • халықаралық бағыттарға қоңыраулар; · • SIM-карталарды белсендіру, бір оператор желісінен келесі операторға нөмірді көшіру, тіркеу, қайта тіркеу, нөмірді бұғаттан шығару; • теңгеріммен жасалатын барлық төлемдер; • қысқа пәрмендер, соның ішінде *102#, *750#

Абоненттік төлемнің есептен шығарылуы кешігуі мүмкін.

Нөмір бойынша барлық әрекеттерді 29-шы ақпан сағат 21:00 дейін жасап үлгеруіңізді сұраймыз немесе қызметтер тұрақты түрде жұмыс істеуін күтіңіз.

Түсіністікпен қарауыңызды өтінеміз және жаңа уақытқа жайлы өтуді тілейміз!