ForteBank пен KEXIM Bank ынтымақтастық туралы келісімге қол қойды

«ForteBank» АҚ мен Export-Import Bank of Korea (KEXIM Bank) ынтымақтастық туралы келісімге қол қойды.Аталған құжат екі қаржы институты арасындағы ұзақ мерзімді әріптестіктің негізін қалайды. Құжатқа Сеул қаласында «Корея Республикасы – Орталық Азия» саммитіне орай ұйымдастырылған іс-шаралар аясында қол қойылды.
Келісім ForteBank клиенттерінің кореялық компаниялармен жүзеге асыратын экспорт-импорт бойынша жобалар мен келісімшарттарын қаржыландыру мақсатында 70 млн АҚШ долларына дейін қаражат тартуға мүмкіндік береді.
«KEXIM Bank-пен әріптестік сыртқы сауда операцияларын қаржыландыру бойынша мүмкіндіктерімізді кеңейте түседі. Бұл біздің клиенттерімізге өз жобаларын іске асыру үшін орта және ұзақ мерзімді негізде неғұрлым тиімді қаржыландыру көздеріне қол жеткізуге мүмкіндік береді» – деп атап өтті ForteBank Басқарма Төрағасы Талғат Қуанышев.
ForteBank бүгінде Корея Республикасымен іскерлік байланысты дамытып отырған қазақстандық компаниялармен белсенді жұмыс атқаруда. Басым бағыттардың қатарында технологиялық және өнеркәсіптік жабдықтар, техника және өзге де тауарларды жеткізуге арналған келісімшарттар бар.Жаңа әріптестік қазіргі клиенттерге де, кореялық бизнеспен ынтымақтастықтың жаңа бағыттарын дамытып жатқан компанияларға да қаржыландыру мүмкіндіктерін кеңейтуге мүмкіндік береді.