Fortebank Алматы Онкологиялық орталығы үшін шағын автобус сатып алды.

Шағын автобустың кілтін Банктің Алматы филиалының директоры Руслан Жаманқұлов «Алматы Онкологиялық орталығы» ШЖҚ МКК бас дәрігері Нұрсұлтан Избағамбетовке тапсырды.

Jas микроавтобусы науқастарды сәулелік терапиямен емдеуге «Онкология орталығының» бөлімшесіне тасымалдау үшін, сондай-ақ медициналық көмек көрсету және ауыр жағдайын жеңілдету мақсатында науқастардың үйіне баратын паллиативтік көмек бригадасының жұмысы үшін пайдаланылатын болады.

Алматы онкология орталығының есебінде 31 мыңнан астам онкологиялық науқас бар, олардың жартысы паллиативтік медициналық көмекке мұқтаж.