«ForteBank» АҚ жарғылық капиталын 46,1 млрд теңгеге ұлғайтты. Қосымша эмиссия нәтижесінде банктің капиталы 890 млрд теңгеден асып, экономиканың нақты секторын қаржыландыру мүмкіндіктері көбейді.

2025 жылдың қорытындысы бойынша ForteBank активтері 49%-ке өсіп, 6,1 трлн теңгеге жетті. Өткен жылы Банк «Home Credit Bank» АҚ ны сатып алу мәмілесін аяқтап, Қазақстан тарихында алғаш рет 400 млн АҚШ доллары сомасына мерзімсіз AT1 субординацияланған облигациялар шығарды. Сондай-ақ халықаралық капитал нарықтарынан бірқатар ірі көлемдегі қарыз қаражат тартты.

«Қазіргі таңда біздің кредиттік портфеліміздің шамамен 60%-і ірі бизнеске, сондай ақ шағын және орта кәсіпкерлікке бағытталған. Біз жұмыс орындарын ашып, инвестиция салып, экономиканың өсуіне ықпал ететін нақты сектордағы компанияларды қолдауды басты міндетіміз деп есептейміз. Бұл – біздің саналы түрде таңдаған бағытымыз.

Қазақстанда бизнес кредиттеу нарығы қарқынды дамуын жалғастыруда. 2025 жылдың қорытындысы бойынша көлемі 17,6 трлн теңгеге жетіп, бір жылда 20%-ке артты. Осы ретте ForteBank озық өсім қарқынын көрсетті: бизнес кредиттер портфеліміз 45%-ке ұлғайып, 1,7 трлн теңгеге жетті.

Капиталды қосымша ұлғайту, сондай ақ акционерлердің барлық пайданы дамытуға бағыттау туралы шешімі банктің одан әрі өсуіне жол ашады. Бұл бізге кәсіпкерлер мен ірі компанияларға кредит беру қарқынын арттыруға, жаңа инвестициялық жобаларды қолдауға және даму стратегиясы бойынша ForteBank тің нарықтағы ұстанымын нығайтуға мүмкіндік береді», – деп атап өтті «ForteBank» АҚ Басқарма Төрағасы Талғат Қуанышев.

ForteBank туралы анықтама «ForteBank» АҚ – Қазақстандағы жетекші банктердің бірі. Банк жеке тұлғаларға, шағын және орта бизнеске (ШОБ), сондай ақ корпоративтік клиенттерге кең ауқымды қызмет түрлерін ұсынады. ForteBank тұрақты өсім стратегиясын жүйелі түрде іске асырып, цифрлық сервистерді дамытып, экономиканың экономиканың басым бағыттарына қолдау көрсетеді.