Беделді World Finance басылымы Forte банкін 2025 жылдың Қазақстандағы үздік коммерциялық банкі (Best Commercial Bank in Kazakhstan) деп таныды. Бұл марапат банктің қарқынды дамуы мен клиенттер, серіктестер және халықаралық инвесторлар тарапынан жоғары сенімнің жарқын дәлелі болды.

World Finance қазылар алқасы Forte банкінің кредиттік портфелінің айтарлықтай өсуін, терең цифрлық трансформациясын, сондай-ақ Қазақстан экономикасының нақты секторындағы кәсіпорындармен белсенді жұмысын ерекше атап өтті.

2025 жылдың мамыр айында банк Commerzbank және Mashreqbank ұйымдастырған алғашқы синдикатталған қарыз аясында 200 млн АҚШ долларын тартты. Мәмілеге Еуропа, Таяу Шығыс және Латын Америкасынан 14 банк қатысты. Бұл мәміле бұған дейін жүргізілген 400 млн АҚШ долларлық еурооблигацияларды сәтті орналастырудың жалғасы болды - бұл соңғы 12 жылда Қазақстанның жеке банктері арасындағы алғашқы оқиға.

«Бұл халықаралық марапатқа ие болу - біздің командамыздың күші мен таңдаған жолымыздың дұрыстығының маңызды дәлелі. Біз Қазақстан экономикасы үшін маңызды банк, клиенттеріміз үшін инновациялар мен өсудің драйвері болып, қарқын мен сапаны анықтауға ұмтыламыз», – деп атап өтті Forte Басқарма Төрағасы Талғат Қуанышев.

Бүгінде Forte елдің бес ірі банкінің қатарына кіреді және жоғары өсу қарқынын көрсетуде.