ForteBank – екінші жыл қатарынан World Finance таңдауы бойынша Қазақстанның үздік коммерциялық банкі атанды
«ForteBank» АҚ беделді британдық World Finance басылымының нұсқасы бойынша екінші жыл қатарынан Best Commercial Bank халықаралық сыйлығына ие болды. Бұл марапат Банктің тұрақты қаржылық өсімін, нарықтағы берік ұстанымы мен ұзақ мерзімді даму стратегиясын табысты жүзеге асырып отырғанының нақты дәлелі.
2025 жылдың қорытындысы бойынша ForteBank активтері 49% өсіп, 6,1 трлн теңгеге жетті. Банк корпоративтік сектор мен шағын және орта бизнесті қаржыландыруды белсенді түрде жалғастыра отырып, бизнес-кредиттеу портфелін 45%-ке арттырды, яғни 1,7 трлн теңгеге жеткізді. Капитал базасының қосымша нығаюы және халықаралық қаржыландыруды табысты тарту бизнестің одан әрі өсуіне негіз болды.
Сонымен қатар ForteBank бөлшек бизнес сегментіндегі өз позициясын күшейтті. «Home Credit Bank» АҚ сатып алу жөніндегі мәміле аяқталғаннан кейін Банк клиенттік базаны кеңейтіп, тұтынушылық кредит беру саласындағы сараптамалық тәжірибесін нығайтты әрі заманауи цифрлық сервистерді дамыту қарқынын жеделдетті.
Соңғы екі жылда ForteBank халықаралық капитал нарықтарындағы өз позициясын нығайтты. Банк еурооблигацияларды табысты орналастырып, Қазақстан тарихында алғаш рет мерзімсіз субординацияланған АТ1 облигацияларын шығарды. Сондай-ақ Банктің капиталы 890 млрд теңгеге дейін өсіп, кәсіпкерлерді қаржыландыруға және ірі инвестициялық жобаларды жүзеге асыруға қосымша мүмкіндік берді.
«World Finance сыйлығына ие болу – ForteBank-тің соңғы жылдары жүргізіп жатқан ауқымды өзгерістерінің халықаралық деңгейде жоғары бағаланғанының дәлелі. Өткен жылы біз капиталымызды едәуір ұлғайтып, бизнесті қаржыландыру мүмкіндіктерін кеңейттік, бөлшек бизнес сегментіндегі ұстанымымызды нығайттық әрі технологиялар мен жасанды интеллектті дамытуға инвестиция салуды жалғастырып келеміз. Біздің басты ұстанымымз – корпоративтік және бөлшек бизнес салаларында бірдей табысты жұмыс істейтін, клиенттерге әлемдік деңгейдегі заманауи қаржылық шешімдер ұсынатын әмбебап банкті дамыту», – деді «ForteBank» АҚ Басқарма Төрағасы Талғат Қуанышев.
World Finance Awards марапаты туралы
World Finance Awards – қаржылық тұрақтылық, корпоративтік басқару сапасы, инновациялық даму, бизнес- моделінің тиімділігі және клиенттерге қызмет көрсету деңгейі бойынша үздік нәтижелер көрсеткен әлемнің жетекші қаржы ұйымдарына жыл сайын берілетін беделді халықаралық марапат. Жеңімпаздарды World Finance басылымының редакциялық алқасы мен халықаралық сарапшылар қауымдастығы анықтайды.
