 Өзгерістер 2025 жылы 14 қарашадан бастап күшіне енеді.      

Құрметті клиенттер!

«ForteBank» АҚ «Кредит желісін ашу туралы келісімнің үлгілік талаптарына» енгізілген өзгерістер 2025 жылғы  14 қарашадан бастап күшіне енетіндігі туралы хабарлайды. Енгізілген өзгерістермен осы [сілтеме](https://business.forte.kz/ru/documents) бойынша таныса аласыздар.

Құрметпен, «ForteBank» АҚ


«Кредит желісін ашу туралы Келісімнің үлгілік талаптары» өзгерістер енгізу

"ForteBank" АҚ (бұдан әрі – "Банк"), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2025 жылғы 13 қазанда Астана қаласының уақыты бойынша сағат 10.00-ден бастап 11.00-ге дейінгі аралықта Қазақстан Республикасы, Z05P1P0/010017, Астана қаласы, Достық көшесі, 8/1, 8-қабат, "Astana" мәжіліс залында өткен Банк акционерлерінің кезектен тыс жалпы жиналысындағы (бұдан әрі – "Жиналыс") дауыс берудің қорытындысы туралы хабарлайды.

Бекітілген күн тәртібіне сәйкес Жиналыста келесі сұрақтар қаралды және дауыс берудің нәтижесі бойынша келесі шешімдер қабылданды.

✱✱✱

**Күн тәртібіндегі 1-мәселе: "Банктің мерзімсіз қаржы құралын шығаруы және оны шығару талаптарын айқындау туралы" бойынша:**

1.Банктің мерзімсіз облигациялар нысанында (Perpetual Subordinated Callable Additional Tier 1 Notes) (бұдан әрі – "Мерзімсіз облигациялар") мерзімсіз қаржы құралын шығаруын мақұлдау және Мерзімсіз облигацияларды шығару талаптарын (Terms & Conditions) келесі негізгі талаптарда белгілеу: 
 1) эмитент: "ForteBank" акционерлік қоғамы; 
	2) қолданылатын заң; Англия және Уэльс заңы; 
	3) листинг: Мерзімсіз облигациялар Вена қор биржасының (Wiener Börse AG) көп жақты сауда платформасында (Vienna MTF) және "Астана" халықаралық қаржы орталығының (Astana International Exchange) қор биржасында осындай биржалардың әрқайсысының қағидаларына сәйкес сауда-саттыққа қатысады; 
	4)	Мерзімсіз облигациялардың атаулы құны: ең кемі 200 000 (екі жүз мың) АҚШ доллары және одан жоғары – 1000 (бір мың) АҚШ долларының еселенген сомасында; 
	5)	Мерзімсіз облигациялардың жалпы сомасы (көлемі) және шығарылатын валютасы: 500 000 000 АҚШ долларынан артық емес; 
	6)	сыйақы мөлшерлемесі: облигациялар бойынша проценттік мөлшерлеме орналастыру рәсімі шеңберінде инвесторлардың өтінімдер кітабын қалыптастыру қорытындысы бойынша, Мерзімсіз облигациялар айналысының алғашқы 5 (бес) жылы өткеннен кейін сыйақы мөлшерлемесін тек қана Мерзімсіз облигациялар бойынша проценттік мөлшерлеменің нарықтық жағдайлармен корреляциясын қамтамасыз ету үшін (АҚШ қазынашылық бағалы қағаздары бойынша ағымдағы кірістілікке байланыстыру жолымен) қайта қарау мүмкіндігімен айқындалады; 
	7)	Мерзімсіз облигацияларды орналастыру бағасы: орналастыру рәсімі шеңберінде инвесторлардың өтінімдер кітабын қалыптастыру қорытындысы бойынша айқындалады; 
	8)	Мерзімсіз облигациялар белгілі бір өтеу мерзімінсіз немесе орналастырылған күннен бастап кемінде 50 жылды құрайтын өтеу мерзімімен шығарылуы мүмкін; 
	9)	Мерзімсіз облигациялар бойынша міндеттемелерді орындау қандай да бір қамтамасыз етумен, оның ішінде Банк немесе оның байланысты тұлғалары не қандай да бір басқа тұлға берген қандай да бір кепілдікпен, сондай-ақ Банктің басқа кредиторларының талаптарына қатысты Мерзімсіз облигациялар бойынша талаптардың кезектілігін арттыратын (басымдық беретін) қандай да бір өзге келісіммен қамтамасыз етілмейді; 
	10)	Банктің ерікті немесе мәжбүрлі түрде таратылуы кезінде кредиторлардың (Мерзімсіз облигацияларды ұстаушылардың) Мерзімсіз облигациялар бойынша талаптары мерзімсіз қаржы құралдары бойынша талаптар үшін Қазақстан Республикасының заңнамасында белгіленген талаптарды қанағаттандыру кезектілігіне сәйкес және қандай жағдайда да Банктің қамтамасыз етілмеген реттелмеген міндеттемелері бойынша кредиторлардың талаптары қанағаттандырылғаннан кейін қанағаттандырылуы тиіс;
	11)	Кредиторлардың Мерзiмсiз облигациялар бойынша талап ету құқықтары мынадай жағдайлар (триггерлер) туындаған кезде мәжбүрлі түрде қайта құрылымдалуы (тоқтатылуы (есептен шығарылуы) және (немесе) Банктiң жай акцияларына айырбасталуы) мүмкiн:
(а) Қазақстан Республикасының Қаржы нарығын реттеу және дамыту агенттігі (бұдан әрі – ҚНРДА) және (немесе) басқа уәкілетті мемлекеттік орган Банкке қаржылық орнықтылықты қалпына келтіру, төлем қабілетсіздігін немесе ықтимал төлем қабілетсіздігін реттеу, мәжбүрлеп тарату бойынша шараларды және (немесе) құралдарды және (немесе) Қазақстан Республикасының қолданыстағы немесе болашақта енгізілетін банктік заңнамасында көзделген осыған ұқсас сипаттағы өзге де шараларды қолданғанда; және (немесе)
(б) Мерзiмсiз облигациялар шығару талаптарында (Terms & Conditions) көзделген басқа жағдайларда; 
	12)	Мерзімсіз облигациялар бойынша кредиторлар Банктің олардың алдындағы міндеттемелерді мерзімінен бұрын орындауын, оның ішінде ҚНРДА тарапынан Банкке қаржылық орнықтылықты қалпына келтіру, төлем қабілетсіздігін немесе ықтимал төлем қабілетсіздігін реттеу, мәжбүрлеп тарату бойынша шараларды және (немесе) құралдарды және (немесе) Қазақстан Республикасының қолданыстағы немесе болашақта енгізілетін банктік заңнамасында көзделген осыған ұқсас сипаттағы өзге де шараларды қолданған жағдайда да талап етуге құқылы емес; 
	13)	Банк Мерзімсіз облигациялар сомасын Банктің қосымша капиталының құрамына қосу үшін Мерзімсіз облигациялар талаптарының Қазақстан Республикасының банктік заңнамасында белгіленген критерийлерге сәйкестігі туралы ҚНРДА растамасын алғаннан кейін және Мерзімсіз облигациялардың Банктің қосымша капиталының құрамында есепке алыну уақыты бойы Банк Мерзімсіз облигацияларды олар орналастырылған күннен бастап 5 (бес) жыл өтпестен, мерзімінен бұрын өтеуді (сатып алу) және келесі талаптарды сақтамай жүзеге асыруға құқығы жоқ: 
(а) Банктің осындай мерзімінен бұрын өтеуді (сатып алуды) жүзеге асыру үшін ҚНРДА оң қорытындысын (алдын ала рұқсатын) алуы; 
(б) мерзімінен бұрын өтеу (сатып алу) жүзеге асырылғаннан кейін банктің меншікті капиталы және капиталдың жеткіліктілік коэффициенттері Қазақстан Республикасының банктік заңнамасында белгіленген ең төменгі мәндерден жоғары болып қалады; 
(в) мерзімінен бұрын өтелетін (сатып алынатын) Мерзімсіз облигацияларды сол немесе одан жоғары сападағы (деңгейдегі) капитал ретінде жіктелетін өзге құралдармен ауыстыру; 
(г) Қазақстан Республикасы банктік заңнамасының барлық өзге талаптарына сәйкестігі; 
	14)	Мерзімсіз облигациялар сомасы Банктің қосымша капиталының құрамына енгізілгеннен кейін және Мерзімсіз облигациялардың Банктің қосымша капиталының құрамында есепке алыну уақыты бойы Банк Мерзімсіз облигациялар бойынша проценттерді (сыйақыны) немесе олардың тиісті бөлігін төлеуге құқылы емес, егер мұндай төлем Қазақстан Республикасының банктік заңнамасына сәйкес қосымша капиталға енгізілген құралдар бойынша кез келген нормативтік шектеулерді немесе төлемдерге тыйым салуларды бұзуға, оның ішінде капиталдың жеткіліктілік коэффициенттерінің Қазақстан Республикасының банктік заңнамасында белгіленген ең төменгі мәндерден төмендеуіне әкеп соқтырса;
	15)	Банк немесе оған қатысты Банк тарапынан бақылау жүзеге асырылатын және (немесе) қызметіне Банк елеулі ықпал ететін Банкпен байланысты өзге тұлға Мерзімсіз облигацияларды сатып алуға немесе Мерзімсіз облигацияларды ұстаушы ретінде саналуға құқылы емес; Банк сондай-ақ қандай да бір тұлғаның Мерзімсіз облигацияларды сатып алуын тікелей немесе жанама қаржыландыруға құқылы емес; 
	16)	Банк акционерлерінің кезектен тыс жалпы жиналысының қарауына ұсынылған Мерзімсіз облигацияларды шығару талаптарының (Terms & Conditions) жобасына сәйкес елеулі түрде шығарудың өзге де талаптары, оларға өзгерістер және (немесе) толықтырулар енгізілуі мүмкін, атап айтқанда, Мерзімсіз облигацияларды Банктің қосымша капитал құрамында жіктеу үшін олардың Қазақстан Республикасының банктік заңнамасының талаптарына сәйкестігін қамтамасыз ету үшін, оның ішінде Банктің Мерзімсіз облигациялар сомасын Банктің қосымша капиталының құрамына қосу үшін Мерзімсіз облигациялар талаптарының Қазақстан Республикасының банктік заңнамасында белгіленген критерийлерге сәйкестігі туралы ҚНРДА растауын алу мақсаты үшін ҚНРДА талабы бойынша;
	17)	шығаруды ұйымдастырушылар (шектеусіз): J.P. Morgan Securities plc, «ForteFinance» АҚ; 
	18)	негізгі транзакциялық құжаттар (шектеусіз): сенімгерлікпен басқару шарты (Trust Deed); төлем агенті туралы шарт (Paying Agency Agreement); жазылым шарты (Subscription Agreement); транзакциялық құжаттардың нысаны мен мазмұны ҚНРДА (Мерзімсіз облигацияларды шығару талаптары (Terms & Conditions) бөлігінде) және шығаруды ұйымдастырушылардың талаптарына сай болуы керек; 
	19)	орналастыруға жоспарланған Мерзімсіз облигациялардың жалпы көлемінің кемінде 20%-і ұсынылып, "Астана" халықаралық қаржы орталығының (Astana International Exchange) қор биржасында орналастырылуы тиіс; 
	20)	орналастыру мерзімі – 2025 жылғы 31 желтоқсаннан кешіктірмей. 

2.Банктің Директорлар кеңесіне жоғарыда айқындалған талаптар шеңберінде Мерзімсіз облигацияларды шығару параметрлерін, оның ішінде (шектеусіз) Мерзімсіз облигацияларды шығарудың түпкілікті талаптарын (Terms & Conditions) қоса алғанда, негізгі транзакциялық құжаттардың талаптарын, Мерзімсіз облигацияларды әлеуетті сатып алушылармен кездесулер өткізілгеннен кейін және шығаруды ұйымдастырушылармен және ҚНРДА-мен келісім бойынша нақтылау тапсырылсын.

✱✱✱

**Күн тәртібіндегі 2-мәселе: "Банктің есеп комиссиясы мүшелерінің сандық құрамын, өкілеттік мерзімін анықтау және мүшелерін сайлау туралы"**

1.	Банктің есеп комиссиясының он адамнан тұратын құрамын белгілеу, оның бесеуі Банктің есеп комиссиясының негізгі құрамына, қалған бесеуі Банктің есеп комиссиясының резервтік құрамына кіреді, яғни Банктің есеп комиссиясының негізгі құрамы мүшелерінің бірі болмаған кезде оның міндеттерін Банктің есеп комиссиясының резервтік құрамының мүшесі атқарады.
2.	Банктің есеп комиссиясы мүшелерінің (есеп комиссиясының негізгі және резервтік құрамдарының) өкілеттік мерзімі Банктің есеп комиссиясының жаңа құрамы сайланған сәтте аяқталады деп белгіленсін.
3.	Банктің есеп комиссиясының мүшелері сайлансын:
	–	негізгі құрам – С.С. Сулейменова, А.Т. Хажиев, А.Д. Касымбекова, К.И. Угрюмова, А.А. Абдраимов;
	–	резервтік құрам – М.А. Хайруллина, Д.Ж. Кудасова, Д.А. Нурмаханова, Д.Б. Карпикова, А.Ж. Сейтбекова.

✱✱✱

*✲Осы баспасөз релизінде келтірілген ақпаратты пайдалану немесе дәйексөз келтіру тек дереккөзді міндетті түрде көрсету және алдын ала ForteBank-пен (press@fortebank.com).келісу арқылы ғана рұқсат етіледі.*

"FORTEBANK" АҚ АКЦИОНЕРЛЕРІНІҢ КЕЗЕКТЕН ТЫС ЖАЛПЫ ЖИНАЛЫСЫНДАҒЫ ДАУЫС БЕРУ ҚОРЫТЫНДЫСЫ ТУРАЛЫ

"ForteBank" акционерлік қоғамы (бұдан әрі – "Банк"), атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, "Акционерлік қоғамдар туралы" Қазақстан Республикасы заңының (бұдан әрі – "Акционерлік қоғамдар туралы" заң) Банктің Директорлар Кеңесінің шешіміне (отырыстың 2025 жылғы 15 қазандағы № 40 сырттай дауыс берудің хаттамасы) сәйкес өз акционерлеріне **2025 жылғы 29 қазанға сағат 10.00-ға** белгіленген, Банк акционерлерінің кезектен тыс жалпы жиналысының (бұдан әрі-Жиналыс) өткізілетін күнін **2026 жылғы 26 ақпанға, сағат 10.00-ға ауыстыру туралы хабарлайды.**

Жиналыс Астана қаласы, Достық көшесі, 8/1, 8-қабатта, "Astana" конференц-залы мекенжайы бойынша 2025 жылғы 29 қазандағы сағат 10.00-ға жоспарланған отырыстың ұқсас күн тәртібінде өткізіледі:

1."ForteBank" АҚ Директорлар кеңесінің шешіміне (26.06.2025 ж., отырыс № 23 хаттамасы) сәйкес, "ForteBank" АҚ және PPF Financial Holdings a.s. ("Home Credit Bank" АҚ-қа қатысты), Jiří Šmejc (сонымен қатар "Home Credit Bank" АҚ қатысты), Home Credit N.V. (HomeITTech ЖШС-ға қатысты), Home Credit International a.s. ("HomeITTech" ЖШС-ға қатысты) арасында 2025 жылғы 27 маусымда жасалған Акцияларды сатып алу-сату және жарғылық капиталына үлестік қатысу шартына сәйкес, "ForteBank" АҚ "Home Credit Bank" АҚ-тың (ISIN KZ1C00009133), "Home Credit Bank" АҚ шығарылған және дауыс беретін акцияларының 100%-ін құрайтын 34 890 акциясын сатып алғаннан кейін, "Home Credit Bank" АҚ (БСН 930540000147) "ForteBank" АҚ-қа қосылу нысанында "ForteBank" АҚ-ты ерікті түрде қайта ұйымдастыру туралы.
2. "Home Credit Bank" АҚ-тың (БСН 930540000147) "ForteBank" АҚ-қа Қосылуы туралы шарт жобасын келісу туралы.".

Аталған жиналысқа қатысуға және оған дауыс беруге құқығы бар акционерлердің тізімі 2026 жылғы 3 ақпанда Астана қ. уақыты бойынша сағат 00.00-дегі жағдай бойынша жасалады.

Жиналысқа қатысушыларды тіркеу 2026 жылғы 26 ақпанда Астана қ. уақыты бойынша сағат 09.00-ден 09.45-ке дейін, Жиналыс өткізілетін орында жүргізіледі.

Аталған жиналыстың кворумы болмаған жағдайда, Банк акционерлерінің кезектен тыс жалпы жиналысы 2026 жылғы 27 ақпанда сағат 10.00-ден бастап Астана қ. уақыты бойынша сол мекенжай бойынша және өткізілмеген Жиналыстың күн тәртібімен өткізілетін болады. Банк акционерлерінің қайталама кезектен тыс жалпы жиналысына қатысушыларды тіркеу 2026 жылғы 27 ақпанда Астана қаласының уақыты бойынша сағат 09.00-ден 09.45-ке дейін жиналыс өткізілетін орын бойынша жүзеге асырылады.

✱✱✱

Банк акционерлерін Банк акционерлерінің кезектен тыс жалпы жиналысына қатысуға шақырамыз.


Хабарлама: 2025 жылғы 29 қазанға белгіленген, «ForteBank» АҚ акционерлерінің кезектен тыс жалпы жиналыстың өткізу күнін ауыстыру туралы

Құрметті клиенттер!

Банктің ISO 20022 халықаралық стандартына толығымен көшуге дайындалуына байланысты, **2025 жылғы 18-19 қазан аралығында төлем модулін техникалық жаңарту** жүргізілетін болады.
Осыған байланысты, 2025 жылғы 15-17 қазан аралығында төлемдер бойынша уақытша шектеулер болады, атап айтқанда:

Басқа екінші деңгейдегі банктерге болашақтағы валюталау күнімен теңгемен төлемдер қалыптастырмауды, сондай-ақ бюджетке (ЗТМО, Қазынашылық комитеті) **валюталау күні 2025 жылғы 17 қазаннан кешіктірілген** төлемдерді жасамауды сұраймыз.

Шектеулер барлық арналарға қатысты:

- Интернет-банкинг
- Мобильді қосымша
- Банк бөлімшелері

2025 жылғы 20 қазаннан бастап төлемдерді стандартты режимде жүзеге асыруға болады.
2026. 
Сұрақтарыңыз туындаса, Банктің байланыс орталығына немесе өз менеджеріңізге хабарласыңыз.

**Түсіністік танытқандарыңызға рахмет!**

**Құрмет көрсетуші, «ForteBank» АҚ**


Тақырыбы: Төлемдер бойынша уақытша шектеулер

Өзгерістер 25.10.2025ж. бастап күшіне енеді 

**Құрметті клиенттер,**

«ForteBank» АҚ Сіздерге «Интернет эквайрингі қызметтері бойынша сауда және сервис кәсіпорындарына (Коммерсантқа) қызмет көрсету шартының жалпы талаптары» енгізілген өзгерістер 25.10.2025 ж. бастап күшіне енетіндігі туралы хабарлайды.

Сіз еңгізілген өзгерістерді осы [сілтеме](https://main.storage-object.pscloud.io/Internet_ekvajringi_yzmetteri_bojynsha_yzmet_k_rsetu_shart_s_251025_kaz_8d243b44f5.pdf) бойынша таныса аласыз.

Құрметпен, ForteBank.

Жаңалықтар

Хабарландырулар