ForteBank Қазақстандағы бизнеске арналған интернет-банкинг бойынша үздік үштіктің қатарына енді. 

Бұл деректер SME Banking Agency халықаралық ақпараттық-талдау агенттігінің жыл сайынғы "Business Online Banking 2023" зерттеуінің нәтижелері бойынша жарияланды.

Агенттік сарапшылары 50 банкке талдау жасады. Зерттеуге Шығыс Еуропа, Кавказ және Орталық Азия елдерінің шағын және орта бизнесіне арналған банктер қатысты. Әрбір модуль тұтынушылардың қажеттіліктеріне қарай бағаланды. Интернет-банкингті дамыту кезінде назар аудару қажет ең үздік тәжірибелер мен негізгі функциялар ерекше көзге түсті.

Тағы да ең күштісі?)

Халықаралық беделді басылымдардың бірі Global Finance-тың нұсқасы бойынша Forte алтыншы жыл қатарынан "Қазақстанның 2023 жылғы үздік банкі" атанды.

Халықаралық беделді басылымдардың бірі Global Finance-тың нұсқасы бойынша Forte алтыншы жыл қатарынан "Қазақстанның 2023 жылғы үздік банкі" атанды.

Байқауды ұйымдастырушылар әлемнің жетекші банктерінің көпшілігі 2022 жылы туындаған геосаяси және экономикалық сын-қатерлерді сәтті жеңіп шыққанын алға тартты. Басылым олардың ішінде Украинадағы жағдайды, одан кейінгі халықаралық санкцияларды, энергия мен азық-түлік бағасының күрт өсуін, нығайған АҚШ долларының дамушы экономикаларға кері әсерін, инфляциялық қысымды атап көрсетті.

"Global Finance сарапшылары мысал еткен қиындықтар біздің елімізде де бар. Қазір экономика мен қаржы секторындағы қиын кезеңді бастан өткеріп жатқанымыз жасырын емес. Соған қарамастан, Forte және жалпы банк секторы күрделі жаһандық үдерістер аясында экономикалық өсімге үлес қосып, қиындықтарды табанды жеңуде. Өткен жылы Forte банк ұжымының тиімді жұмысының әрі акционерлер мен директорлар кеңесінің қолдауының арқасында өз тарихындағы ең жоғары нәтижені көрсетті",- деді ForteBank Басқарма төрағасы Бекжан Пірматов.

Global Finance журналы жыл сайын әлемнің 150 елінде "Үздік банк" байқауын өткізеді. Үміткер банктерді банк талдаушылары, ірі компаниялардың бас директорлары, қаржы және технология саласындағы сарапшылар ұсынатын ақпараттарына қарап, тәуелсіз зерттеулерін ескере отырып, бағалайды.

ForteBank активтері бойынша Қазақстандағы ең ірі банктердің бірі және еліміздің барлық аймақтарында кең филиалдық желісі бар. 2023 жылдың наурызында S&P Global Ratings халықаралық рейтингтік агенттігі ForteBank рейтингі бойынша болжамын "тұрақтыға" дейін арттырып, рейтингті "BB-/B" деңгейінде растады. 2022 жылдың қыркүйегінде Fitch Ratings халықаралық рейтингтік агенттігі ForteBank-тің ұзақ мерзімді рейтингін "Тұрақты" болжамымен BB- деңгейіне дейін көтерді. Екі агенттік те капиталдандыру бойынша позициялардың нығаюын, активтер сапасының жақсарғанын, сондай-ақ Forte-нің нарықтағы мықты ұстанымдарын атап көрсетті.

Forte Global Finance рейтингі бойынша алтыншы рет Қазақстандағы ең үздік банк атанды

 Forte Банктің Директорлар кеңесінің құрамындағы өзгерістер туралы жариялады.

ForteBank-тің Директорлар кеңесіндегі өзгерістер туралы

Forte Банктің Директорлар кеңесінің құрамындағы өзгерістер туралы жариялады. Тәуелсіз директор Хуберт Пандза Директорлар кеңесінің мүшесі ретіндегі өкілеттігін мерзімінен бұрын тоқтату туралы шешім қабылдады. Сабақтастықты қамтамасыз ету үшін ол Forte командасында Директорлар кеңесі жанындағы Тәуекелдер комитеті мен Аудит комитетінің кеңесші-сарапшысы ретінде қалатын болды. 

«ForteBank-тің тәуелсіз директоры болып сайланғаныма сегіз жылдай уақыт өтіпті. Осы уақыт ішінде мен әріптестеріммен, өте жоғары деңгейдегі банкирлермен бірлесіп жұмыс істеп, үлкен кәсіби тәжірибе алдым. Ал тарихы бай, болашағы кемел Қазақстан сияқты ғажайып елден алған әсерім ерекше. Бірлесіп атқарған жұмыстар үшін Forte акционерлеріне, Директорлар кеңесіне және Forte менеджментіне  айтар алғысым зор. Forte – орнықты ұстанымы, мықты командасы бар және айрықша брендке ие сенімді Банк», - дейді Пандза мырза.

*Хуберт Пандза – Германия азаматы, кәсіби экономист, банктер мен қаржы ұйымдарында 50 жылдай басшылық қызмет атқарған, көп жылдар бойы Deutsche Bank-те жауапты лауазымда болған тұлға. ForteBank-тің тәуелсіз директоры - Директорлар кеңесінің мүшесі болып 2015 жылдың қараша айында сайланған.*

«Халықаралық нарықтағы жұмыс тәжірибесі мол, әлемнің үздік практиктеріне тән жоғары корпоративтік басқару мәдениетіне ие Хуберт мырза Forte-ні дамытуға және оның Қазақстанның банк секторында көшбасшылық орынға шығуына баға жетпес үлес қосты. Ол тәуелсіз директор өкілеттігін тоқтату туралы шешім қабылдағанымен, біздің бірлескен жұмысымызды кеңесші ретінде жалғастыруға келісімін берді, біз бұған өте қуаныштымыз», - дейді Forte-нің Директорлар кеңесінің төрағасы Ельдар Абдразаков.

2023 жылғы 2 мамырдан бастап Пандза мырзаның орнына Forte-нің тәуелсіз директоры – Директорлар кеңесінің мүшесі болып Талгат Куанышев сайланды. Ол - тәжірибелі банкир, екінші деңгейлі банктерде басшылық қызметтер атқарған, сонымен қатар 2015-2016 жылдар аралығында ForteBank Төрағасы болған білікті маман.
2024. 
*ForteBank активтерінің мөлшері бойынша қазақстандық ірі банктердің бестігіне кіреді және Қазақстанның барлық өңірінде кең филиалдық желісі бар.*


ForteBank-тің Директорлар кеңесіндегі өзгерістер туралы

"ForteBank" АҚ (бұдан әрі – "Банк") оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2023 жылғы 02 мамырда Астана қаласы уақытымен сағат 10.00-ден 11.00 дейін келесі мекенжайда өткен: Қазақстан Республикасы, Z05P1P0/010017, Астана қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің жылдық жалпы жиналысындағы (бұдан әрі – "Жиналыс") дауыс беру қорытындысы туралы хабарлайды.
Бекітілген күн тәртібіне сәйкес Жиналыста келесі мәселелер қаралды және дауыс беру нәтижелері бойынша келесі шешімдер қабылданды.
*
Күн тәртібінің 1-мәселесі "Банктің 2022 жылғы жылдық қаржылық есебін бекіту туралы" бойынша
2022 жылғы 31 желтоқсанда аяқталған жыл үшін Банктің аудиттелген жылдық қаржылық есебін бекітілсін.
*
Күн тәртібінің 2-мәселесі "Банктің 2022 жылғы таза табысын үлестіру тәртібін бекіту туралы, Банктің бір жай акциясына есептелетін дивиденд мөлшері туралы" бойынша
1.	Осы шешімнің 7-тармағын ескере отырып, «ForteBank» АҚ-ның 2022 жылға арналған таза кірісін үлестірудің мынадай тәртібі бекітілсін:
	–	жай акциялар бойынша дивидендтер төлеуге 49 043 000 000 (қырық тоғыз миллиард қырық үш миллион) теңгеден аспайтын мөлшердегі соманы жіберу;
	–	дивидендтер төленгеннен кейін қалған таза кіріс сомасын Банктің қарамағында қалдыру.
2.	Жай акциялар бойынша дивидендтер осы шешімнің 1-тармағында белгіленген мөлшерде төленген жағдайда, «ForteBank» АҚ бір жай акциясына шаққандағы дивиденд мөлшері 0,5421 теңге (нөл бүтін он мыңнан бес мың төрт жүз жиырма бір) теңге мөлшерінде бекітілсін, оның ішінде Қазақстан Республикасының заңнамасында белгіленген тәртіппен төленетін салық сомасы. Бұл ретте әрбір акционер бойынша төленетін дивидендтердің жалпы сомасы бүтін тиынға дейін нақты белгіленуі тиіс (дөңгелектеу математикалық дөңгелектеу ережесі бойынша орындалады). Бұл ретте математикалық дөңгелектеу ережесі бойынша дөңгелектейтін саннан кейінгі бірінші сан 0-ден 4-ке дейін болса, бүтін тиынның мәні өзгермейді, егер дөңгелектейтін саннан кейінгі бірінші сан 5-тен 9-ға дейін болса, бір бірлікке көбейе отырып өзгереді.
3.	2023 жылғы 03 мамырда Астана қаласының уақыты бойынша 00 сағат 00 минуттағы жағдайы бойынша жай акциялар бойынша дивидендтерді алуға құқығы бар акционерлер тізімі тіркелсін.
4.	"ForteBank" АҚ-ның жай акциялары бойынша дивидендтер төлеудің бастапқы күні – 2023 жылғы 04 мамырдан басталады.
5.	Төлем тәртібі – бір мезгілде бір төлеммен болып бекітілсін.
6.	Келесі мекенжай бойынша орналасқан "ForteBank" АҚ-ның жай акциялары бойынша дивидендтер төлеу нысаны – Банк акцияларын ұстаушылар тізілімі жүйесіндегі акционерлердің деректемелері бойынша қолма-қол ақшасыз тәртіпте болып бекітілсін: Z05P1P0 (010017), Қазақстан Республикасы, Астана қаласы, Достық көшесі, 8/1, банктік деректемелері: БСН 990740000683, БСК IRTYKZKA, БеК: 14, «Қазақстан Республикасының Ұлттық Банкі» РММ-дегі ЖСК: KZ23125KZT1001300204, БИК: NBRKKZKX".
7.     Осы шешім орындалу күнгі жағдай бойынша Қазақстан Республикасы Қаржы нарығын реттеу және дамыту агенттігінің «Қаржылық орнықтылығын қамтамасыз ету және (немесе) оны қалпына келтіру үшін мемлекет бюджетінің, Қазақстан Республикасы Ұлттық қорының, Қазақстан Республикасы Ұлттық Банкінің және (немесе) оның еншілес ұйымдарының қаражаты пайдаланылатын екінші деңгейдегі банктің жай және (немесе) артықшылықты акциялар және (немесе мерзімсіз) қаржы құралдары бойынша пайданы бөлу, дивидендтер есептеу, сондай-ақ меншікті акцияларды кері сатып алуды жүргізу талаптарын бекіту туралы» қолданысқа енгізілген қаулысына сәйкес келмесе, «ForteBank» АҚ Директорлар кеңесі мен Басқармасына осы шешімді Қазақстан Республикасы Қаржы нарығын реттеу және дамыту агенттігінің көрсетілген қаулысына сәйкестендіру үшін өзгерістер енгізуге бастамашылық жасау тапсырылсын.
*
Күн тәртібінің 3-мәселесі "Банктің Директорлар кеңесінің өткен қаржылық жыл үшін есебі туралы" бойынша
Банктің Директорлар кеңесінің өткен қаржылық жыл үшін есебін бекітілсін.
*
Күн тәртібінің 4-мәселесі "Акционерлердің Банктің және оның лауазымды тұлғаларының әрекетіне өтініші және оларды қарастыру қорытындысы туралы" бойынша Банк Басқармасының 2022 жыл ішінде Банктің он акционерден түсініктемемен жауап берілген 11 өтінішті (Банктің акционерлеріне тиесілі акцияларын иелену және сату мәселелері бойынша) алғаны және акционерлердің Банктің және оның лауазымды тұлғаларының әрекетіне өтініштері келіп түспегендігі туралы ақпараты назарға алынсын.
*
Күн тәртібінің 5-мәселесі "Директорлар кеңесі және Банк Басқармасы мүшелерінің 2022 жылғы сыйақы мөлшері және құрамы туралы" бойынша
2022 жылы Директорлар кеңесінің және Банк Басқармасының мүшелерінің сыйақы мөлшері және құрамы туралы ақпарат назарға алынсын.
*
Күн тәртібінің 6-мәселесі "Банктің Директорлар кеңесінің мүшесін сайлау туралы" бойынша
1.	Талгат Жуманович Куанышев - 2023 жылғы 02 мамырдан бастап Банктің Директорлар кеңесінің мүшесі болып сайлансын.
2.	Талгат Жуманович Куанышевтың Банктің Директорлар кеңесінің мүшесі – Банктің тәуелсіз директоры ретіндегі өкілеттік мерзімі тұтастай алғанда Банктің Директорлар кеңесінің өкілеттік мерзімінің аяқталуымен бір мезгілде, яғни 2025 жылы Банк акционерлерінің жылдық жалпы жиналысы өткізілген сәтте аяқталады деп белгіленсін.
3.	Банктің Директорлар кеңесінің мүшесі – Банктің тәуелсіз директоры Талгат Жуманович Куанышевтың ай сайынғы тіркелген сыйақысының мөлшері, салықтар мен басқа аударымдарды қоспағанда, осы шешімнің 1-қосымшасына сәйкес белгіленсін.
4.	Банктің Директорлар кеңесінің мүшесі – Банктің тәуелсіз директоры Талгат Жуманович Куанышевқа өзге де төлемдер, сондай-ақ шығыстарды өтеу "ForteBank" АҚ Директорлар кеңесінің мүшелеріне сыйақы беру және олардың шығыстарын өтеу саясатында белгіленген мөлшерде және тәртіппен жүзеге асырылады деп белгіленсін.
*
Жиналыста оның өткізілу уақыты бойы ұсынылған Банктің дауыс беретін жай акцияларының жалпы саны – 81 559 638 456 (дауыс беретін жай акциялардың жалпы санының  99,4063 %).


"ForteBank" АҚ акционерлерінің жылдық жалпы жиналысындағы дауыс беру қорытындысы туралы

2023 жылғы 2 мамырда "ForteBank" АҚ акционерлерінің жылдық жалпы жиналысы өтеді

<Typography variant="text3Regular" color="textPrimary">
"ForteBank" акционерлік қоғам (бұдан әрі – "Банк") оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының "Акционерлік қоғамдар туралы" заңының (бұдан әрі – "Акционерлік қоғамдар туралы" заң) 35-бабының 1-тармағының, 37-бабының 1-тармағының, 
3-тармағының 3) тармақшасының және 41-бабының негізінде Банк Директорлар кеңесінің бастамасымен (2023 жылғы 31 наурыздағы № 8 хаттама) шақырылып жатқан Банк акционерлерінің жылдық жалпы жиналысы (бұдан әрі – жиналыс) өткізілетіндігі туралы хабарлайды.
Жиналыс 2023 жылғы 2 мамырда Астана қаласының уақытымен сағат 10.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, "Astana" мәжіліс залы.
Жиналысқа қатысушыларды тіркеу 2023 жылғы 2 мамырда Астана қаласының уақытымен сағат 09.00-ден бастап 09.45-ке дейін Жиналыс өткізілетін орын бойынша жүргізіледі.
Жиналысқа қатысуға құқы бар Банк акционерлерінің тізімі 2023 жылғы 6 сәуірде Астана қаласының уақытымен сағат 00.00-гі жағдайы бойынша жасалады.
Кворум болмаған жағдайда, жиналыс 2023 жылғы 3 сәуірде Астана қаласының уақытымен сағат 10.00-ден бастап сол мекенжай бойынша және болмай қалған жиналыстың күн тәртібімен қайтадан өткізіледі. Қайтадан өткізілетін жиналысқа қатысушыларды тіркеу 2023 жылғы 3 сәуірде Астана қаласының уақытымен сағат 09.00-ден бастап 09.45-ке дейін жүргізіледі.
* * *
Жиналыстың күн тәртібі:
1.	Банктің 2022 жылы үшін жылдық қаржылық есебін бекіту туралы.
2.	Банктің 2022 жылғы таза табысын үлестіру тәртібін бекіту, Банктің бір қарапайым акциясына есептегендегі дивиденд мөлшері туралы.
3.	Банктің Директорлар кеңесінің өткен қаржылық жыл бойынша есеп беруі туралы.
4.	Акционерлердің Банктің және оның лауазымды тұлғаларының әрекетіне қатысты жолдаулары және оны қарастырудың нәтижелері туралы.
5.	Директорлар кеңесі және Банк Басқармасы мүшелерінің 2022 жыл үшін сыйақысының мөлшері және құрамы туралы.
* * *
Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.
"Акционерлік қоғамдар туралы" заңның 44-бабының 4-тармағына сәйкес, жиналыстың күн тәртібінің мәселелері бойынша материалдар акционерлер танысуы үшін Банк Басқармасы орналасқан жерде жиналыс өткізілетін күннен 10 күн бұрын дайын әрі қол жетімді болады.
Банк акционерінің сұранысы болған кезде жиналыстың күн тәртібінің мәселелері бойынша материалдар оған сұраныс алынғаннан күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді.
Жиналысты өткізуге қатысты қосымша ақпаратты келесі телефон арқылы біле аласыз: 
+7 (7172) 59 99 99, ішкі 10200.
* * *
Осы арқылы Банк акционерлеріне жиналыс өткізудің келесі тәртібін танысуға ұсынамыз:
Қазақстан Республикасының "Қазақстан Республикасындағы банктер және банк қызметі туралы" заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу және қадағалау агенттігі Басқармасының "Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы" 2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.
Аталған баптың 5-1 тармағына сай Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.
Осыған байланысты тіркеу кезінде жиналысқа қатысушылар өздерінің жиналысқа қатысу және жиналыста қаралатын мәселелер бойынша дауыс беру құқығын растайтын құжаттарды берулері қажет.
Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.
Күндізгі тәртіпте өткізілетін Акционерлердің жиналысына келген акционер (акционердің өкілі) тіркелуі керек.
Тіркеуден өтпеген акционер (оның өкілі) кворумды анықтауда есептелмейді және дауыс беруге қатыса алмайды.
Жиналыс кворум болған жағдайда, белгіленген уақытта ашылады.
Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.
"Акционерлік қоғамдар туралы" заңның 50-бабының 1-тармағына сәйкес акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.
Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің жылдық жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.
Акционерлердің жылдық жалпы жиналысы өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.
Акционерлердің жылдық жалпы жиналысын, күн тәртібіндегі барлық мәселелер қаралып, олар бойынша шешімдер қабылданғаннан кейін ғана жабық деп жариялауға болады.
"Акционерлік қоғамдар туралы" заңның 52-бабының 1-тармағына сәйкес акционерлердің жылдық жалпы жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.
Жиналыс "Акционерлік қоғамдар туралы" заңның 35-37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 
* * *
Банк акционерлерін Банктің акционерлерінің жылдық жалпы жиналысына қатысуға шақырамыз.

</Typography>


Новости

Объявления

Банк

Біз туралы

Қосымша ақпарат

Баспасөз орталығы