 «ForteBank» акционерлік қоғамы (бұдан әрі – "Банк"), атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, «Акционерлік қоғамдар туралы» Қазақстан Республикасы заңының (бұдан әрі – «Акционерлік қоғамдар туралы» заң) 35-бабы 1-2-тармақтарының, 37-бабы 1-тармағының, 37-бабы 3-тармағының 3) тармақшасының және 41-бабының негізінде Банк Директорлар кеңесінің бастамасымен (2025 жылғы 14 ақпандағы мәжілістің № 4 хаттамасы) шақырылып жатқан Банк акционерлерінің жылдық жалпы жиналысы (бұдан әрі – жиналыс) өткізілетіндігі туралы өз акционерлеріне хабарлайды.

Жиналыс **2025 жылғы 20 наурызда** Астана қаласы, Достық көшесі, 8/1 мекенжайы бойынша "Astana" мәжіліс залында (8-қабат), Астана қаласының уақытымен сағат 10.00 бастап өткізіледі.

Жиналысқа қатысушыларды тіркеу 2025 жылғы 20 наурызда Астана қаласының уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқы бар Банк акционерлерінің тізімі 2025 жылғы 25 ақпандағы Астана қаласының уақытымен сағат 00.00-дегі жағдай бойынша жасалады.

✱✱✱

Кворум болмаған жағдайда, жиналыс сол мекенжай бойынша 2025 жылғы 26 наурызда Астана қаласының уақытымен сағат 10.00-ден бастап өткізіледі, күн тәртібі сақталады. Қайтадан өткізілетін жиналысқа қатысушыларды тіркеу 2025 жылғы 26 наурызда Астана қаласының уақытымен сағат 09.00-ден бастап 09.45-ке дейін жүргізіледі.


**Жиналыстың күн тәртібі:**
1.	Банктің 2024 жылы бойынша жылдық қаржылық есебін бекіту туралы.
2.	Банктің 2024 жылғы таза табысын үлестіру тәртібін бекіту туралы, Банктің бір қарапайым акциясына есептегендегі дивидендтің мөлшері туралы.
3.	Банктің Директорлар кеңесінің өткен қаржылық жылы бойынша есеп беруі туралы.
4.	Банктің және оның лауазымды тұлғаларының әрекеттеріне қатысты акционерлердің жүгінімдері және оларды қарау нәтижелері туралы.
5.	Директорлар кеңесі мен Банк Басқармасы мүшелерінің 2024 жылы үшін сыйақының мөлшері және құрамы туралы.
6.	Банктің Директорлар кеңесінің сандық құрамын, өкілеттік мерзімін анықтау, оның мүшелерін сайлау, сондай-ақ Банктің Директорлар кеңесі мүшелерінің сыйақы мөлшерін анықтау.
7.	«ForteBank» АҚ Корпоративтік басқару кодексіне № 4 түзетулерді бекіту туралы.

✱✱✱

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.

«Акционерлік қоғамдар туралы» заңның 44-бабының 4-тармағына сәйкес, жиналыстың күн тәртібіндегі мәселелер бойынша материалдар - акционерлер танысуы үшін - Банк Басқармасы орналасқан жерде жиналыс өткізілетін күннен 10 күн бұрын дайын әрі қол жетімді болады.

Банк акционері тарапынан сұрау салу болған жағдайда, жиналыстың күн тәртібінің мәселелері бойынша материалдар сұрату алынғаннан кейін оған үш жұмыс күні ішінде жіберілуі тиіс, бұл ретте құжаттардың көшірмелерін жасауға және құжаттарды жеткізуге кететін шығыстар акционерге жүктеледі.

Жиналысты өткізуге қатысты қосымша ақпаратты келесі телефон арқылы біле аласыздар: +7 (7172) 59 99 99, ішкі 10200.

✱✱✱

Осы хабарлама арқылы Банк акционерлеріне жиналыс өткізудің келесі тәртібін танысуға ұсынамыз:

Қазақстан Республикасының «Қазақстан Республикасындағы банктер және банк қызметі туралы» заңының 17-бабының 5-тармағына сәйкес, оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу және қадағалау агенттігі Басқармасының «Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы» 2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сәйкес, акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағының талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде жиналысқа қатысушылар өздерінің жиналысқа қатысу және жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты ұсынуы тиіс.

Акционерлердің қатысу тәртібінде өткізілетін жалпы жиналысына келген акционер (акционердің өкілі) тіркелуге міндетті.
Тіркеуден өтпеген акционер (акционердің өкілі) кворумды анықтау кезінде есепке алынбайды және оның дауыс беруге қатысуға құқығы жоқ.
Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.
«Акционерлік қоғамдар туралы» заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтар бойынша дауыс беру, акционерлердің жалпы жиналысында дауыс беру құқығы бар әрбір адамға акционерлердің жалпы жиналысын өткізудің рәсімдік мәселелері бойынша бір дауыстан беруді қоспағанда, "бір акция - бір дауыс" принципі бойынша жүзеге асырылады.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің жылдық жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.
Акционерлердің жылдық жалпы жиналысы өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.
Күн тәртібіндегі барлық мәселелер қаралып, олар бойынша шешімдер қабылданғаннан кейін ғана акционерлердің жылдық жалпы жиналысын жабық деп жариялауға болады.

«Акционерлік қоғамдар туралы» заңның 52-бабының 1-тармағына сәйкес акционерлердің жылдық жалпы жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс «Акционерлік қоғамдар туралы» заңның 35-37, 39-48, 50-52-баптарына, «Банк және банк қызметтері туралы заңның» 17-бабының 5-ші және 5-1-тармақтарына және Банк Жарғысының 15-бабына сәйкес өткізіледі. 

✱✱✱

Банктің акционерлерін Банк акционерлерінің жылдық жалпы жиналысына қатысуға шақырамыз.

 Хабарлама: 2025 жылғы 20 наурызда «ForteBank» АҚ акционерлерінің жылдық жалпы жиналысы өтеді

Қазақстанның ірі банктерінің бірі, «ForteBank» АҚ, ребрендинг жүргізгенін жариялады. Ребрендинг жаңа логотипті, графикалық символды, слоганды және түс палитрасын қамтиды. Бұл жаңарту банктің он жылдық мерейтойына арналады және қаржы институтының дамуындағы жаңа кезеңді білдіреді.

анктің жаңа ұмтылыстары мен философиясы жаңа слоганда көрініс тапқан: «Адамдарға көмектесеміз. Кәсіпкерлерді қолдаймыз. Болашақты ойлаймыз».

*««Көмектесеміз. Қолдаймыз. Жасаймыз» слоганы — бұл біздің жұмыстың философиясы мен мән-мағынасы. Біз қаржылық қызметтер ұсынатын банк болумен шектелмей, сонымен қатар адамдар мен кәсіпорындардың өсуіне, батыл идеяларды жүзеге асыруына, жаңа бизнес-жобалар мен жұмыс орындарын құруына көмектесетін сенімді серіктес болуға ұмтыламыз. Бұл біздің мықты экономика мен гүлденген қоғамды құруға қосқан үлесіміз»,* — деп атап **өтті Талғат Қуанышев, «ForteBank» АҚ басқарма төрағасы.**

Жаңа логотиптегі өрлемелі сызықтар таңның алғашқы сәулелерін еске түсіреді және банк үшін жаңа кезеңінің бастамасын білдіреді. Бұл логотип банкпен өзара байланысты жағымды етуге, ал қаржылық операцияларды жеңілірек, қолжетімдірек және жылдамырақ жасауға деген Forte-нің ұмтылысын көрсетеді. 

Брендтің жаңартылған түстік палитрасы бірнеше реңктен тұрады, олардың әрқайсысы Forte құндылықтарын білдіреді: маджента (Forte) — күш, сенімділік, табандылық; терең күлгін (Forte Solo) — бірегейлік, ішкі күш және жеке болмыс; игі жасыл (Forte Premier) — мәртебе мен өзгешелік; қою көк (Forte Business) — кәсіби шеберлік, сенімділік, ашықтық; көк (Forte Corporate) — жауапкершілік, тұрақтылық, жоғары стандарттар. 

Ребрендинг Forte банкінің барлық филиалдық желісінде кезең-кезеңімен жүзеге асырылады.



Forte ребрендинг жүргізгенін жариялады

4 ақпанда Astana International Exchange (AIX) алаңында ForteBank еурооблигацияларының листингі салтанатты рәсімі өтті. Банк жылдық 7,75% купондық мөлшерлемесімен 400 млн АҚШ долларын құрайтын бес жылдық облигацияларын сәтті орналастырды. Халықаралық инвесторлардың жоғары сұранысы мөлшерлемені 8,25%-дан төмендетуге мүмкіндік берді. Қазақстандық жеке банктің еурооблигацияларды орналастыруы соңғы 12 жылда алғаш рет орын алып отыр. 

Облигациялар Vienna MTF және AIX биржасында орналастырылды, бұл ForteBank-тің халықаралық қатысуын нығайтады және инвесторлар қатарын кеңейтеді. Листинг рәсімінде **AIX Басқармасының төрағасы Әсел Мұқажанова** атап өтті:

*«ForteBank еурооблигацияларын орналастырғаны біз үшін қуанышты жағдай. Шетелдік инвесторлардың жоғары сұранысы Қазақстанның қаржы секторына деген сенімді және банктің нарықтағы тұрақты орнын растайды. Бұл листинг инвесторларға өз портфельдерін дамушы нарықтардың жоғары сапалы активтері есебінен әртараптандыруға тамаша мүмкіндік береді».*

**ForteBank Директорлар кеңесінің төрағасы Тимур Исатаев** банк және Қазақстанның бүкіл қаржы нарығы үшін бұл орналастырудың маңыздылығын атап өтті:

*«Ең алдымен, барлық қатысушыға, заңгерлерге, кеңесшілерге, атап айтқанда, J.P. Morgan, ForteFinance компанияларына жоғары кәсібилігі мен өте жақсы жұмыс нәтижелері үшін ризашылығымды білдіргім келеді. Сондай-ақ қолдау көрсеткені үшін AIX биржасына алғыс айтқым келеді. Бүгінгі рәсім 10 жылдан астам уақытқа созылған банк дағдарысын еңсерудің нышаны болуы ықтимал. Біздің бұл қадамымызға халықаралық инвесторлардың үлкен қызығушылық танытуы қиындықтарды жеңіп, дамудың жаңа кезеңіне өткенімізді растайды».*

Мәлімделгендей, ForteBank еурооблигацияларын орналастыруға өтінімдер кітабы 800 млн АҚШ долларын құрайтын ең жоғары шегіне жетті, бұл бастапқыда күтілген деңгейден айтарлықтай асып түсті. Жоғары сұранысқа байланысты банк баға белгілеуді бастапқы нұсқаулардан 25 базистік тармаққа өзгертті. Шығарылым көлемі 300 млн АҚШ долларынан 350 млн АҚШ долларына, содан кейін 400 млн АҚШ долларына дейін ұлғайтылды.

Орналастыруға 90 инвестор қатысты, олардың ең көп үлесін АҚШ (34%), Ұлыбритания (30%) және Еуропаның басқа елдерінің (25%) өкілдері құрады. Халықаралық рейтинг агенттіктері шығарылымға келесі рейтингтерді берді: Fitch (BB) / Moody's (Ba3).




ForteBank еурооблигациялары AIX және Vienna MTF биржаларында сәтті орналастырылды 

ForteApp қосымшасы - ForteBank-тің барлық қаржылық шешімдерін тез және оңай пайдалануға мүмкіндік береді, ол сондай-ақ жоғары өнімділікке ие және қауіпсіз. 

Қосымша барынша жаңартылды, яғни интерфейс дизайнынан бастап мазмұнына дейін өзгертілді. Жаңалықтарға тоқталатын болсақ, банктің барлық негізгі сервисі бас бетке шығарылып отыр: *24/7 ассистенті, телефон нөмірі арқылы тек теңгемен ғана емес, валютамен де ақша аудару, банктің басқа пайдаланушыларымен сөйлесетін чаттар, операциялардың бірыңғай тарихы, банк өнімдерінің жаңа дизайны және т. б.*

Бүгінгі таңда ForteBank клиенттері операциялардың 85% онлайн жүргізе алады. Жаңа ForteApp бұл операцияларды барынша жеңіл және жедел жүргізуге көмектеседі. 

**ForteApp мобильді қосымшасының жаңа функцияларына шолу:**

●	Акциялар мен өнімдер туралы барлық ақпарат, сондай-ақ төлемдер, аударымдар, ForteForex, валюта бағамдары сияқты негізгі сервистер - қосымшаның бас бетінде қолжетімді 
●	24/7 ассистентінің тәулік бойғы қолдауы: енді WhatsApp немесе Telegram арқылы банктің байланыс орталығына хабарласып әуре болмай, сұрақтарыңызды тікелей қосымшада қоя аласыздар. 
●	Бонустар туралы ақпарат қосымшаның бас бетінде, жоғары жағында орналастырылды. 
●	Бонустарды карта арқылы сауда жасаған кезде және қосымшаның өзінде (коммуналдық қызметтер, ұялы байланыс және т. б.) төлемдер жасаған кезде пайдалануға болады. 
●	Карта бойынша операциялар тарихында кезеңдер мен өнімдер, түсімдер мен шығыстар бойынша фильтрді пайдалануға, сондай-ақ банк есептеген бонустарды бөлек қарауға болады.
●	Әр карта өнімі бойынша өзіңіз таңдаған кезеңдегі түсімдер мен шығыстарды көруге болады 
●	Операцияларды бақылау үшін push хабарламалар қосылды 
●	Forte mobile бөлімінде ұялы байланыс пен интернеттің тарифтік жоспарларын сатып алуға болады
●	Төлемдерде Клиенттерге ыңғайлы болу үшін қызмет көрсетушіні, өнімдер, кезеңдер, түсімдер, шығыстар және «бастапқы» сомасынан «соңғы сомасына дейінгі қажетті операцияларды іздеу фильтрі орнатылды 
●	Төлемдер күнтізбесі әр кредит бойынша ай сайынғы төлемді орнатуға немесе барлық кредит бойынша бір жолғы төлемді таңдауға мүмкіндік береді
●	Пайдаланушы өз профиліне кіріп, өнімдердің көрінуін реттей алады, атап айтқанда, бүкіл қосымша бойынша өнімді (кредиттен басқа), сондай-ақ қосымшаның бас бетінде барлық карталардағы қалдық ақшаны, барлық кредит бойынша ай сайынғы төлемдерді, депозиттердегі, шоттардағы қалдықтарды көрінбейтін ете алады. 
●	Қосымшаның бас бетінен бірыңғай операциялар тарихына өтуге болады, онда Пайдаланушыға - операциялар көрсетілген таспа (дербестендіру мүмкіндігімен), сондай-ақ кірістер мен шығыстарды талдау блогы қолжетімді.
●	Таңдаулы төлемдерді және аударымдарды сақтап қоюға болады. 
●	Телефон нөмірі бойынша ақшаны теңгемен де аудару секілді,  валютамен де аудару мүмкіндігі қосылды. 
●	Аударымда кіріс және шығыс қаражаттың аналитикасы пайда болды.
●	Қосымшада басқа қазақстандық банктердің карталарына телефон нөмірі бойынша, шот нөмірі бойынша, лезде ақша аудару жүйесінің (ЛАЖ) көмегімен жедел аударымдар жасау мүмкіндігі, Visa Alias сервисі - телефон нөмірі арқылы Visa картасына аударым жасау мүмкіндігі жасалды. ForteApp қосымшасында Alem, Золотая корона, Swift аударым жүйелерінің көмегімен, сондай-ақ телефон нөмірі және карта нөмірі бойынша басқа елге ақша аударуға болады
●	Қосымшада кепілсіз кредит ресімдеуге болады
●	Қосымшада автокредит ресімдеуге болады: өтінім беру, шартқа қол қою және кепілді тіркеу - бәрі онлайн және бір жерден жасалады
●	Мемлекеттік сервистермен интеграцияның арқасында қосымшада салықтар мен айыппұлдарды төлеуге, жеке басын куәландыратын құжат, жүргізуші куәлігі және т. б. цифрлық құжаттарды алуға болады.
●	Solo премиум картасын ұстаушылар үшін тәулік бойы жұмыс істейтін ассистент-сервис – Visa консьерж-сервисі, дүниежүзі бойынша әуежайлардағы бизнес-залдарға кіру мүмкіндігін беретін Lounge Key сервисі қолжетімді. 
●	FortePremier клиенттері дербес менеджерге онлайн тапсырма бере алады
●	Solo және Travel карталары бойын абоненттік қызмет көрсету есептегіші қосылды.
●	ForteBlack картасын ұстаушылар бөліп төлеу (0-0-3) немесе жеңілдікті кезең бойынша сатып алу режимін жолға қоя алады. Жеңілдікті кезең 90 күнді құрайды, ForteBlack кредит картасы бойынша ең жоғары лимит – 3 млн теңге. 
●	«Яндекс плюс forte» кобрендинг картасы бойынша ұпайларды көрсету синхрондалды: енді Yandex Plus ұпайларын ForteApp немесе Yandex Plus қосымшаларынан көруге болады.
●	Депозиттер бойынша есептелген сыйақыны (проценттерді) қадағалау опциясы: күндер, айлар және жылдар бөлінісінде іске асырылды. 


ForteBank жеке тұлғаларға арналған жаңа ForteApp мобильді қосымшасын іске қосты 

ForteBank 5 жыл мерзімге 400 миллион АҚШ доллары көлеміндегі еурооблигацияларды сәтті орналастырды. Бұл инвесторлар тарапынан болжанған сұраныстың деңгейінен едәуір асып түсті. Халықаралық рейтингтік агенттіктер шығарылымға келесі рейтингтерді берді: Fitch (BB) / Moody's (Ba3). Шығарылым купоны 7,75% құрайды.

Бұл орналастыру соңғы 12 жылдағы қазақстандық жеке банктердің еурооблигацияларының алғашқы шығарылымы, ал ForteBank-тің заманауи тарихындағы тұңғыш шығарылым. Еурооблигацияларды орналастыру банктің халықаралық қаржы нарықтарындағы орнын нығайтуға және қаржыландыру мүмкіндіктерін кеңейтуге бағытталған стратегиясы аясындағы маңызды қадам. Тартылған қаражат Қазақстан экономикасының нақты секторын несиелеу және банктің басқа да стратегиялық бастамаларын қолдау үшін жұмсалады.

«Халықаралық инвесторлардың қызығушылығы барлық болжамнан асып түсті. Бұл жетістік Қазақстанның банк жүйесіне деген сенім мен елдің экономикалық бағдарының дұрыстығын айғақтайды. Табысты орналастыру 2007-2009 жылдардағы банк саласындағы дағдарыс салдарын еңсеруге бағытталған біріккен ForteBank-тің жұмысына халықаралық қаржы қауымдастығы тарапынан жоғары баға берілгенін көрсетеді. Банк қаржылық ашықтық пен жоғары стандарттарға адалдығын сақтай отырып, сенімді дамуын жалғастыра береді», – деп атап өтті ForteBank-тің бас акционері Болат Өтемұратов.
Банктің еурооблигацияларын орналастыруға арналған өтінімдер кітабы көптеген инвесторларды тартып, 800 миллион АҚШ долларына жетті. Жоғары сұранысқа байланысты банк баға белгілеуді бастапқы баға бағдарларына қарағанда 25 базистік тармаққа қатаңдатты. Еурооблигациялар шығарылымы бастапқыда күтілген 300 миллион доллардан 350 миллион долларға дейін, содан кейін инвесторлардың жоғары сұранысын қанағаттандыру үшін 400 миллион долларға дейін ұлғайтылды.

Орналастыруға барлығы 90 инвестор қатысты, олардың басым бөлігі АҚШ-тан (34%), Ұлыбританиядан (30%) және Еуропаның басқа елдерінен (25%) болды.

ForteBank мәміле менеджерлеріне табысты орналастыруға ықпал еткен кәсібилігі мен тиімді жұмысы үшін алғыс білдіреді.

**ForteBank туралы:**

ForteBank – корпоративтік және бөлшек клиенттер үшін банк қызметтерінің кең спектрін ұсынатын Қазақстандағы жетекші қаржы институттарының бірі. Банк инновациялық шешімдерді енгізу және халықаралық стандарттарға сай болу арқылы тұрақты даму стратегиясын ұстанады.

**БАҚ үшін байланыстар:**

Ұлан Смаилов
Баспасөз хатшысы
Тел.: +77010552522
Email: press@fortebank.com


*****


АҚШ-ТА (ОНЫҢ АУМАҚТАРЫ МЕН ИЕЛІКТЕРІН ҚОСА АЛҒАНДА, АҚШ-ТЫҢ КЕЗ КЕЛГЕН ШТАТЫ МЕН КОЛУМБИЯ ОКРУГІ), КАНАДАДА, ЖАПОНИЯДА НЕМЕСЕ АВСТРАЛИЯДА НЕМЕСЕ ЖАРИЯЛАУ, ТАРАТУ НЕМЕСЕ ШЫҒАРУ ЗАҢСЫЗ БОЛАТЫН КЕЗ КЕЛГЕН БАСҚА ЮРИСДИКЦИЯДА ТОЛЫҚ НЕМЕСЕ ІШІНАРА ТІКЕЛЕЙ НЕМЕСЕ ЖАНАМА ТҮРДЕ ЖАРИЯЛАУҒА, ТАРАТУҒА НЕМЕСЕ ШЫҒАРУҒА АРНАЛМАҒАН.
ӨНДІРУШІНІҢ МАҚСАТТЫ НАРЫҒЫ (MIFID II ӨНІМІН БАСҚАРУ) ТЕК ЖАРАМДЫ КОНТРАГЕНТТЕР МЕН КӘСІБИ ТҰТЫНУШЫЛАР БОЛЫП ТАБЫЛАДЫ. PRICE (KID) НЕГІЗГІ АҚПАРАТТЫҚ ҚҰЖАТЫ ДАЙЫНДАЛМАДЫ, ӨЙТКЕНІ ОЛ ҰЛЫБРИТАНИЯДАҒЫ НЕМЕСЕ ЕАЭО-ДАҒЫ БӨЛШЕК ИНВЕСТОРЛАР ҮШІН ҚОЛ ЖЕТІМДІ ЕМЕС.

Бұл баспасөз хабарламасы АҚШ-та сатуға арналған бағалы қағаздардың ұсынысы болып табылмайды. Берілген баспасөз хабарламасына жататын бағалы қағаздар 1933 жылғы АҚШ-тың Бағалы қағаздар туралы заңына («Бағалы қағаздар туралы заң») сәйкес тіркелмеген және оларды АҚШ-та тіркеусіз немесе тіркеуден босатусыз немесе мәміле шеңберінде ұсынуға немесе сатуға болмайды. бағалы қағаздар туралы Заңға сәйкес тіркеу. АҚШ - та бағалы қағаздарды жария түрде ұсыну жүргізілмейді.

Бұл пресс-релиз тек (I) Ұлыбританиядан тыс жерлердегі тұоғаларға, (ii) инвестицияларға байланысты мәселелерде кәсіби тәжірибесі бар, 2000 жылғы Қаржылық қызметтер және нарықтар туралы 2005 жылғы бұйрықтың 19(5) бабының («Бұйрық») қолданысына жататын тұлғаларға арналған), (III) активтердің таза құны жоғары компаниялар және ол заңды түрде берілуі мүмкін басқа да тұлғалар, бұйрықтың 49(2) (a)-(d) бабының қолданысына жататын тұлғалар және (iv) тұлғалар, (2000 жылғы Қаржылық қызметтер және нарықтар туралы заңның 21-бөлімінің мағынасында («FSMA»)) (жоғарыда (i)-(iv) тармақтарда көрсетілген барлық осындай тұлғалар «тиісті тұлғалар» болып табылады). Осы баспасөз хабарламасына жататын кез келген инвестициялық қызмет тек тиісті тұлғалар үшін қолжетімді және олармен ғана жүзеге асырылатын болады. Тиісті тұлға болып табылмайтын кез келген адам әрекет етпеуі немесе осы баспасөз хабарламасына сенбеуі тиіс.

Осы баспасөз хабарламасы қандай да бір юрисдикцияда қандай да бір бағалы қағаздарды сату туралы ұсыныс немесе сатып алу туралы ұсыныс болып табылмайды, сондай-ақ 2017/1129 (ЕО) регламентінің («Эмиссия проспектілері туралы регламент») мақсаттары үшін эмиссия проспектісі болып табылмайды.

Бұл баспасөз хабарламасы және ондағы ақпарат тек адресатқа жіберіледі және тек оның пайдалануы үшін арналған. Осы баспасөз хабарламасы да, ондағы ақпарат та жарнама болып табылмайды және адамдардың шектеусіз тобы арасында таратуға арналмаған. Адресат оның осы материалдар жататын құралдарды сатып алуға немесе өзге де мүдделілікке құқығы бар-жоғын анықтауға, сондай-ақ Қазақстан Республикасының заңнамасы мен «Астана» халықаралық қаржы орталығы заңнамасының сақталуына толық жауапты болады.


Жаңалықтар

Хабарландырулар