"ForteBank" акционерлік қоғамы (бұдан әрі – Банк), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының "Акционерлік қоғамдар туралы" Заңының (бұдан әрі – "Акционерлік қоғамдар туралы" Заң) 37-бабы 2-тармағының 1) тармақшасы, 37-бабы 3-тармағының 3) тармақшасы және 36-бабы 1-тармағының 6) тармақшасы негізінде Банктің Директорлар кеңесінің бастамасымен (2025 жылғы 28 қарашадағы № 48(з) хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды.

Жиналыс 2025 жылғы 29 желтоқсанда Астана қаласының уақыты бойынша сағат 10.00-ден басталатын келесі мекенжайда өткізіледі: Астана қаласы, Достық көшесі, 8/1, 8-қабат, "Astana" мәжіліс залы.

Жиналысқа қатысушыларды тіркеу 2025 жылғы 29 желтоқсанда Астана қаласының уақыты бойынша сағат 09.00-ден бастап 09.45-ке дейін Жиналыс өткізілетін орында жүргізіледі.

Жиналысқа қатысуға құқығы бар Банк акционерлерінің тізімі 2025 жылғы 03 желтоқсанда Астана қаласының уақыты бойынша сағат 00.00-гі жағдайы бойынша жасалады.

Кворум болмаған жағдайда, Жиналыс 2025 жылғы 30 желтоқсанда Астана қаласының уақыты бойынша сағ. 10.00-ден басталатын сол мекенжайда және болмай қалған Жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2025 жылғы 30 желтоқсанда Астана қ. уақытымен сағат 09.00-ден бастап 09.45-ке дейін Жиналыс өткізілетін орында жүргізіледі.

✱✱✱

Жиналыстың күн тәртібі:

1.    2026-2028 жылдарына және 2026-2028 жылдарындағы "ForteBank" АҚ қаржылық есептілігіне аудит және шолуды жүзеге асыратын аудиторлық ұйымды айқындау туралы.

✱✱✱

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін.

"Акционерлік қоғамдар туралы" Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлердің танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді.

Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200.

✱✱✱

Осы арқылы Банк акционерлеріне Жиналысты өткізудің келесі тәртібін танысуға ұсынамыз.

Қазақстан Республикасының "Қазақстан Республикасындағы банктер және банк қызметі туралы" заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы № 8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сәйкес, Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) көрсетілген баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды ұсынулары қажет.

Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.
Тіркеуден өтпеген акционер (акционердің өкілі) кворумды анықтауда есептелмейді және дауыс беруге қатыса алмайды.

Жиналыс кворум болған жағдайда, белгіленген уақытта ашылады.

Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады.

"Акционерлік қоғамдар туралы" заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ.

Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы.

Жиналыстың күн тәртібіндегі барлық мәселелер қаралып, олар бойынша шешімдер қабылданғаннан кейін ғана Жиналысты жабық деп жариялауға болады. 
"Акционерлік қоғамдар туралы" заңның 52-бабының 1-тармағына сәйкес Жиналыстың хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс.

Жиналыс "Акционерлік қоғамдар туралы" заңның 36, 37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 

✱✱✱

Банк акционерлерін Банк акционерлерінің кезектен тыс жалпы жиналысына қатысуға шақырамыз.


Хабарлама: 2025 жылғы 29 желтоқсанда "ForteBank" АҚ акционерлерінің кезектен тыс жалпы жиналысы өтеді

«ForteBank» АҚ «Home Credit Bank» АҚ-ның бақылау акциялар пакетін иеленгені туралы хабарлайды. Мәміле нәтижесінде «ForteBank» АҚ «Home Credit Bank» АҚ-ның жарғылық капиталындағы үлесін 75%-ке дейін ұлғайтты. Осылайша, Home Credit Bank «ForteBank» АҚ-ның еншілес банкі мәртебесін алды.

Мәміле «ForteBank» АҚ қаржы кеңесшісі ретінде әрекет еткен J.P. Morgan-ның қатысуымен жүзеге асты.

Біздің «Home Credit Bank»-тегі үлесті бақылау пакетіне дейін ұлғайту –бөлшек сегментке қатысуды күшейту стратегиямызды іске асырудағы маңызды қадам. ForteBank пен Home Credit Bank-тің біріктірген күші арқасында біз өзіміздің  клиенттерімізге бұдан әрі де ыңғайлы, жылдам әрі технологиялық қаржылық шешімдерді ұсынамыз», – деді «ForteBank» АҚ Басқарма төрағасы Талғат Қуанышев. 

Барлық корпоративтік және тіркеу ресімдері аяқталғаннан кейін, Home Credit Bank өз брендімен дербес банк ретінде қызметін жалғастырады. Меншік құрылымының өзгерісі екі банктің клиенттері мен серіктестерінің қолданыстағы міндеттемелеріне әсер етпейді: барлық сервистер мен өнімдер штаттық режимде жұмысын жалғастырады, ал клиенттер негізгі өзгерістер туралы уақтылы хабардар етіледі.

«ForteBank бақылауына өту біздің қызметіміздің ауқымы мен әлеуетін арттырады. Біріккен топ аясында біз клиенттерге кең ауқымды мүмкіндіктер ұсынып, тұрақтылық пен жоғары қызмет көрсету стандарттарын сақтай аламыз», – деп «Home Credit Bank» АҚ Басқарма төрағасы Кирил Бачваров өз пікірін білдірді. 


**«ForteBank» АҚ туралы анықтама**

«ForteBank» АҚ – Қазақстан Республикасының қаржы жүйесіндегі көшбасшы, әмбебап банктердің бірі. Банк жеке және заңды тұлғаларға кредит беру, депозит, төлем карталары, бизнеске арналған сервистер мен өзге де өнімдердің кең ауқымды қызметтерін ұсынады. Банктің Бас офисі Астана қаласында орналасқан.

**«Home Credit Bank» АҚ туралы анықтама**

«Home Credit Bank» АҚ – бөлшек кредит пен жеке тұлғаларға қызмет көрсетуге маманданған Қазақстандық коммерциялық банк. Банк Қазақстан бойынша филиал, бөлімшелермен қамтылған, сондай-ақ заманауи онлайн және мобильді сервистер ұсынады. Банктің Бас офисі Алматы қаласында орналасқан.

*ҚР Қаржы нарығын реттеу және дамыту агенттігі 03.02.2020 ж. «ForteBank» АҚ-ға берген N°1.2.29/197/36 лицензиясы*
­­­­
**БАҚ үшін байланыс**:
**«ForteBank»** АҚ PR-қызметі 
<u>press@fortebank.com</u>
+7 (7172) 599 999 


«ForteBank» АҚ «Home Credit Bank» АҚ-ның мажоритарлық акционері болды

Астана, 2025 жылғы 3 қараша – Қазақстан Республикасының Қаржы нарығын реттеу және дамыту агенттігі (ҚНРДА) «ForteBank» акционерлік қоғамына «Home Credit Bank» АҚ және банк экожүйесіне қызмет көрсететін технологиялық компания– «HomeITTech» ЖШС-ін еншілес ұйым ретінде сатып алуға рұқсат берді. 

Естеріңізге сала кетсек, 2025 жылғы маусымда «ForteBank» АҚ мен «Home Credit Bank» АҚ (Қазақстан) аталған банктің 100% акциясын сатып алу туралы қағидатты келісімге келген болатын. 

*«Реттеуші органның рұқсаты сатып алу процесін аяқтауға мүмкіндік береді. Біз бұл мәміленің екі банкке де тиімді болатынына сенімдіміз: ForteBank технологиялық әлеуетін кеңейтіп, нарықтағы ұстанымын нығайта түседі, ал Home Credit Bank қорландырудың тұрақтылығын күшейтіп, дамудың жаңа мүмкіндіктеріне жол ашады»,* - деп атап өтті ForteBank Басқармасының төрағасы Талғат Қуанышев.

«Home Credit Bank» АҚ қалыпты режимде жұмысын жалғастыра береді. Клиенттер алдындағы барлық міндеттемелер толық көлемде орындалуда, банк қызметтері мен өнімдер бұрынғы талаптарда қолжетімді болып қалады.

*Қазақстан Республикасының Қаржы нарығын реттеу және дамыту агенттігі 03.03.2020ж. «ForteBank» АҚ-ға  берген № 1.2.29/197/36 лицензиясы*

—

**БАҚ үшін байланыс:**
«ForteBank» АҚ PR-қызметі 
press@fortebank.com
+7 (7172) 599 999 



ForteBank реттеуші органның Home Credit Bank пен HomeITTech компанияларын еншілес ұйым ретінде сатып алуға рұқсатын алды 

Астана, 2025 жылғы 28 қазан - ForteBank 400 миллион АҚШ доллары сомасына жылдық купондық мөлшерлемесі 9,75% мерзімсіз реттелген облигациялардың (Additional Tier 1) дебюттік шығарылымы туралы хабарлайды. Бұл–қазақстандық капитал нарығындағы алғашқы AT1 шығарылымы және елдің қаржы секторының дамуына жол ашқан тарихи оқиға.

Мәміле 144A/RegS стандарттарына сәйкес жүзеге асырылып, Vienna MTF сауда алаңдарында және «Астана» халықаралық биржасында (AIX) листингпен жүргізілді. Облигациялар ағылшын құқығы негізінде шығарылған, толықтай Базель ІІІ талаптарына сай. Құрал банктің бірінші деңгейлі қосымша капиталы ретінде есепке алынады.

Халықаралық инвесторлар тарапынан сұраныстың жоғары болуы тапсырыс кітабына үш есеге қайта жазылуды қамтамасыз етті. Орналастыруға жүзден астам инвестор қатысты, олардың қатарында ең ірі үлесті Ұлыбритания (45%), АҚШ (14%), Швейцария (10%), Гонконг (9%) өкілдері болды. Сұраныс географиясы мен инвесторлық базаның сапасы ForteBank-ке деген жоғары қызығушылықты және жаһандық капитал нарығында Қазақстанға деген сенімнің артуын көрсетеді.

«AT1-ді орналастыру - болашаққа салынған инвестиция. Бұл құрал банктің одан әрі дамуына негіз болады және бізге қазақстандық бизнесті қолдай отырып, экономиканы белсенді кредиттеуге мүмкіндік береді. Біз тұрақты даму стратегиясын жалғастыра отырып, экономиканың нақты секторын қолдауға және ел үшін ұзақ мерзімді құндылықтарға баса назар аударамыз», - деп атап өтті ForteBank Директорлар кеңесінің төрағасы Тимур Исатаев.

AT1 шығару ForteBank стратегиясының капитал құрылымын нығайтуға, қаржыландыру көздерін әртараптандыруға және халықаралық нарықтарға қолжетімділікті кеңейтуге бағытталған маңызды қадам болды. Тартылған қаражат банктің қаржылық тұрақтылығын арттыру мен бизнесті одан әрі дамытуға жұмсалады.

ForteBank –корпоративтік, бөлшек және ШОБ-клиенттерге қызмет көрсетудің кең спектрін ұсынатын Қазақстандағы ірі жеке банктердің бірі. Банк активтер мен капитал бойынша тұрақты түрде көшбасшылар қатарында келеді. Цифрлық шешімдерді белсенді енгізіп, тұрақты қаржыландыруды қолдап, инновациялар мен жоғары клиенттік қызмет сапасы үшін халықаралық деңгейдегі марапаттарға ие. 

*Қазақстан Республикасының Қаржы нарығын реттеу және дамыту агенттігі 03.02.2020ж. «ForteBank» АҚ-ға  берген № 1.2.29/197/36 лицензиясы*

**БАҚ үшін байланыс:**
**«ForteBank»**АҚ PR-қызметі 
press@fortebank.com 
+7 (7172) 599 999  




ForteBank Қазақстандағы алғашқы мерзімсіз қосымша капитал AT1 облигациясын шығарды

**Вашингтон, АҚШ, 2025 жылдың 20 қазаны.** – 18 қазанда Вашингтондағы Ұлттық баспасөз клубында Дүниежүзілік банк тобы мен Халықаралық валюта қорының (ХВҚ) жыл сайынғы жиыны аясында Global Finance халықаралық басылымы ұйымдастырған Best Bank Awards 2025 марапаттау рәсімі өтті. 

 

Сарапшылардың бағалауы бойынша, **ForteBank** Қазақстанның үздік коммерциялық банкі деп танылды. Бұл мәртебелі марапат жыл сайын әлемнің жетекші банктеріне цифрлық инновациялар, клиенттерге қызмет көрсету сапасы және стратегиялық көшбасшылық бағытындағы жетістіктері үшін табысталады. 

 

Global Finance басылымының бағалауынша, әлемдік экономикалық сын-қатерлер мен қаржы нарығының өзгерістер жағдайында ForteBank тұрақты өсім көрсетіп, Қазақстан нарығындағы позициясын бекіте түсті. Forte цифрлық технологияларды дамытуға, бизнеске арналған өнімдерге белсенді инвестиция салып, тиімділік пен қауіпсіздік бойынша халықаралық стандарттарға сай шешімдер енгізіп отыр. 

 

**Тимур Исатаев, ForteBank Директорлар кеңесінің төрағасы: **

 

«Бұл мәртебелі марапат - біздің команданың жүйелі еңбегінің нәтижесі. Forte-де  тек бизнес тілімен сөйлеп қана қоймай, нарықтағы үрдістер мен клиенттердің қалауына сай әрекет етуге тырысамыз. Біз болашаққа сеніммен қадам басып, жаңа мүмкіндіктер мен ауқымды мақсаттарды жүзеге асыруға дайынбыз». 

 


**Анықтама:**

Global Finance журналы – 1987 жылы құрылған халықаралық қаржы саласындағы ең беделді басылымдардың бірі. Best Bank Awards марапаттау рәсімі жыл сайын 150-ден астам елде дәстүрлі түрде Халықаралық валюта қоры мен Дүниежүзілік банк жиындарына орайластырып өткізіледі. Жеңімпаздар Global Finance сарапшылары мен талдаушыларының тұрақтылық, инновация, клиенттерге қызмет көрсету және стратегиялық даму көрсеткіштері негізінде жүргізген кешенді бағалау нәтижесінде анықталады.  

Жаңалықтар

Хабарландырулар