ForteBank клиенттерге қызмет көрсету сапасы бойынша 3 бірдей марапатқа ие болды

2026 жылғы 23 қыркүйекте Қазақстан қаржыгерлері қауымдастығының қолдауымен Global Customer Choice Index 2026 зерттеуінің жабық презентациясы өтті. Бұл - Қазақстан банктерінің онлайн және оффлайн арналардағы клиенттік тәжірибесінің сапасын зерттеуге арналған жоба.
Зерттеуді InteriseGroup халықаралық консалтингілік компаниясы жүргізді. Жоба аясында сарапшылар 22 банктің қызмет сапасына бағалау жүргізіп, қызмет алу үшін банктерге 337 рет «құпия» барды.
InteriseGroup компаниясының тең құрылтайшылары Дмитрий Вакин мен Алексей Веретенов бастаған сарапшылар тобы зерттеудің қорытындылары негізінде Қазақстанның банк нарығының жағдайын - клиенттің банкпен алғашқы байланысынан бастап бөлімшеде қызмет көрсету кезеңіне дейінгі - клиенттік жолдың 10 негізгі өлшемшарты бойынша бағалады және одан әрі жетілдірудің бағыттарын айқындады.
InteriseGroup жүргізген Customer Choice Index 2026 зерттеуінің нәтижелері бойынша ForteBank үш номинацияда жүлделі орындарға ие болды. «Әр номинация бойынша жүлделі орындарға ие болғанымыз мені ерекше қуантады. Бұл марапаттар - клиенттерге қызмет көрсету сапасын арттыруға және клиентпен өзара іс-қимылдың әр сатысында қызмет көрсетудің жоғары стандарттарын қамтамасыз етуге бағытталған командамыздың жүйелі жұмысының нәтижесін көрсетеді.
"Біз үшін клиенттік тәжірибе жай ғана көрсеткіш емес, ол – ForteBank-тің даму стратегиясының негізгі басымдықтарының бірі. Қызмет көрсету сапасын күн сайын жақсартуға қосқан кәсібилігі, белсенділігі және еңбегі үшін командама алғысымды білдіремін", – деді ForteBank-тің клиенттік тәжірибе жөніндегі директоры (Chief Customer Officer) Айнұр Джомартова.