«ForteBank» АҚ «Home Credit Bank» АҚ-тың («ForteBank» АҚ ЕБ) 100% акциясын сатып алу мәмілесінің аяқталғанын хабарлайды. ForteBank Home Credit Bank капиталына қатысу үлесі 75%-тен 100%-ке дейін өсті. Осылайша ForteBank – Home Credit Bank-тың жалғыз акционері болды.

Мәміле туралы алғаш рет 2025 жылғы 27 маусымда хабарланған болатын. Ол кезде «ForteBank» АҚ «Home Credit Bank» АҚ (Қазақстан) акционерлерімен банктің 100% акциясын сатып алу жөнінде қағидатты келісімге қол жеткізгенін мәлімдеді. 

«Home Credit Bank-ті сатып алу мәмілесінің аяқталуы – біздің ұзақ мерзімді стратегияны жүзеге асырудағы маңызды кезең. Бұл арқылы біз нарықтағы ұстанымды күшейтіп, банктің тұрақтылығын арттырамыз және клиенттер үшін сапалы өсімге жаңа мүмкіндіктер ашамыз. Екі банктің тәжірибесін біріктіре отырып, біз өнім желісін кеңейтіп, қызмет сапасы мен сенімді арттыруға басымдық береміз», - деді «ForteBank» АҚ Басқарма Төрағасы Талғат Қуанышев.

Home Credit Bank** клиенттер алдындағы барлық міндеттемелерін әдеттегідей орындауды жалғастыра береді. Шарттар мен сервистер штаттық режимде сақталады. ForteBank және Home Credit Bank клиенттері үшін қызмет көрсету талаптары мен барлық арналардың жұмыс тәртібі өзгеріссіз қалады: бөлімшелер, колл-орталықтар және цифрлық сервистер қалыпты режимде жұмыс істейді.


ForteBank Home Credit Bank-тың 100% акциясын сатып алу мәмілесін аяқтады

ForteBank ұйымдастырған Forte AI Hackathon елімізде AI-экожүйені дамытуға бағытталған маңызды бастама болды. Ол идея, технология мен осы саладағы адамдар бірігіп қаржы саласының болашағын қалыптастыратын алаңға айналды. «Көмектесеміз. Қолдаймыз. Жасаймыз» қағидасына сүйенген қатысушылар қиындықтарды нақты мүмкіндіктерге айналдырып, Қазақстанда жасанды интеллекттің дамуына серпін берді. 

Хакатонға 133 команда қатысып, олар бар болғаны жеті күн ішінде деректерді талдау, клиенттік сервис, қауіпсіздік және ішкі операциялар секілді банктің негізгі процестерін түбегейлі өзгерте алатын прототиптерді әзірледі. Бұл жобалар идеядан нақты шешімге айналып, банк ішінде әрі қарай дамуға мүмкіндік беретінін көрсетті.

Финалдық кезең Forte-нің Астанадағы бас кеңсесінде өтіп, кейбір қатысушылар онлайн қосылды. Шара мәресіне жетіп, жеңімпаздар белгілі болды:

**1 орын** — Oumuamua командасы, жүлде қоры 2 750 000 ₸
(Алибеков Улугбек Равшанбекұлы, Қабдула Асет Қалбекұлы, Ошакбаева Аружан Сағатқызы, Серік Ажар Асқарқызы)

**2 орын — Overclocking** командасы, жүлде қоры 1 650 000 ₸
(Маханбет Ерсерік Қуандықұлы, Дон Владимир Аркадьевич, Витохин Эльдар Станиславович, Калиева Аружан Кабдилашимқызы)

**3 орын — Kazachi Kapai** командасы, жүлде қоры 600 000 ₸
(Әбдіғали Арсен Амантайұлы, Гизатуллаев Осеин Құрметұлы, Берекеев Айбар Талгатович)

Forte AI Hackathon инновациялар мәдениетін қалыптастыруда және жасанды интеллект саласындағы таланттарды қолдауда маңызды белес болды. Хакатон қорытындысы – шараның аяқталуы емес, жаңа кезеңнің бастауы. Яғни, үздік жобалар банктің инновациялық экожүйесінде дамуын жалғастырады, ал ForteBank Қазақстанда технологиялық қауымдастық пен алдыңғы қатарлы, озық AI-практикаларды дамытуға үлес қосады.


Forte AI Hackathon – үздік AI-шешімдерді анықтады!

ForteBank Қаржылық нарықты реттеу және дамыту агенттігінің марапатына ие болды. Бұл халықтың қаржылық сауаттылығын арттыруда мемлекет пен банк секторының ынтымақтастығының белгісі.

ForteBank 2023 жылдан бастап, жеке қаржыны басқару және қарыз бойынша тәуекелдердің алдын алуға көмектесуге бағытталған «Қарызсыз қоғам» жобасына қолдау білдіріп келеді. Жоба аясында қаржылық сауаттылықты оқытып, тегін заңгерлік қолдау көрсетеді. Осы уақытқа дейін «Қарызсыз қоғам» 860 мыңнан астам азаматқа көмек көрсетті. Бұл бастама тұрақты қаржылық дағдыларды қалыптастыруға және халықтың қарыз жүктемесін төмендетуге ықпал етеді. 


ForteBank қаржылық сауаттылықты дамытуға қосқан үлесі үшін марапатталды

Дәстүрлі Mastercard Day шарасында ForteBusiness **«ШОБ сегментіне кредиттік картаны енгізгені үшін»** Mastercard марапатын иеленді. Бұл өнім - шағын және орта бизнесті қолдау және айналым қаражатын қаржыландырудың қолжетімділігін арттыруға бағытталған кешенді құралдар желісінің бір бөлігіне айналды.

ForteBank-тің шағын және орта бизнеске арналған [<u>кредиттік картасы</u>](https://business.forte.kz/business_credit_card?utm_source=pr) арқылы кәсіпкерлер 10 млн теңгеге дейінгі қаражатты процентсіз 30 күнге дейін ала алады. Кредиттік лимит қарызды өтегеннен кейін автоматты түрде қайта жаңартылады. Картаны ForteBusiness қосымшасында бар болғаны 3 минутта ресімдеуге болады. Бұл бизнестің айналым капиталын икемді басқаруға, кассалық алшақтықты жабуға және күнделікті қаржылық міндеттерді жедел шешуге мүмкіндік беретін ұтымды тәсіл.

Бұл марапат ForteBank-тің кәсіпкерлерге арналған қаржылық сервистерді дамытуға қосқан үлесінің айқын көрінісі.Банк ұсынған бизнес карта кәсіпкерлерге қосымша қаражатқа ұзақ ресімдер мен күрделі талапсыз-ақ жылдам қол жеткізуге мүмкіндік береді. Бұл әсіресе тез шешім қабылдап, өнімдердің қолайлылығы компания тұрақтылығы мен өсуіне тікелей әсер ететін кезеңде маңызды. Карта күнделікті бизнес операциялар үшін қарапайым әрі ыңғайлы құрал ретінде әзірленген.

***

**«ForteBank» АҚ туралы анықтама**

«ForteBank» АҚ – Қазақстан Республикасының қаржы жүйесіндегі көшбасшы, әмбебап банктердің бірі. Банк жеке және заңды тұлғаларға кредит беру, депозит, төлем карталары, бизнеске арналған сервистер мен өзге де өнімдердің кең ауқымды қызметтерін ұсынады. Банк бірнеше мәрте беделді халықаралық ұйымдар мен басылымдардың түрлі номинациялары бойынша үздік деп танылды. Олардың қатарында *The Banker, Global Finance, Euromoney, Asiamoney, World Finance бар.*

*ҚР Қаржы нарығын реттеу және дамыту агенттігі 03.02.2020 ж. «ForteBank» АҚ-ға берген N°1.2.29/197/36 лицензиясы*



ForteBusiness «ШОБ сегментіне кредиттік картаны енгізгені үшін» марапатталды

ForteBank **CFO Forum I: Real Economy 2025** кәсіби алаңында **Financial Resilience Award (Қаржылық тұрақтылық үшін)** жүлдесін иеленді. Бұл форум қаржы директорлары, экономистер, сарапшылар, өнеркәсіптік және құрылыс компанияларының басшыларын сондай-ақ мемлекеттік органдар мен Қазақстанның бизнес қауымдастық өкілдерінің басын қосты.

ForteBank бұл марапатты қаржылық тұрақтылығы, тәуекелдерді сауатты басқаруы және өзгермелі жағдайда тұрақты даму қарқынын сақтай білгені үшін алды. Банк өз позициясын жүйелі түрде нығайтып, дами түсу үшін инвестиция салып, ұзақ мерзімді тұрақтылыққа негізделген бизнес үлгісін жетілдіруде.

«Кәсіби қауымдастықтың қаржылық тұрақтылықты мойындауы – Банктің берік қаржылық платформасын нығайтудағы жүйелі жұмысының нәтижесі. Биыл Forte бірқатар маңызды нарықтық мәмілелерді сәтті жүзеге асырды. Сондай-ақ, корпоративтік және ШОБ сегменттерінде нақты секторларға кредит беру көлемін арттырды. Біз Қазақстан экономикасының дамуына үлес қосып, клиенттер мен серіктестер үшін маңызды ұзақ мерзімді мүмкіндіктер ұсынуды жалғастырамыз», – деді «ForteBank» АҚ Басқарма төрағасының орынбасары **(CFO) Равшан Ирматов.**

CFO Forum-ды Fin Club ұйымдастырды. Бұл қауымдастық BI Group құрылыс холдингі аясында құрылған қаржы мамандарын біріктіреді және бүгінде бизнес саласында білім мен қаржылық сараптаманы жетілдіретін дербес платформаға айналды.




Жаңалықтар

Хабарландырулар