Банктің төлем карталарына Астана көрінісімен сандық дизайндар жасалды.  

«ForteBank» акционерлік қоғамы «Visit Astana» - мен бірлесіп, елорданың көрнекі орындарының иллюстрациясымен сандық дизайндар әзірледі. Сандық дизайн Apple Pay, Samsung Pay, Google Pay сервистерінің көмегімен төлем жасағанда электрондық әмияндағы төлем картасының суретін өзгертуге мүмкіндік береді.  

Жоба авторлары туристік көрнекі орындарды және заманауи технологияларды біріктіріп, жас қазақстандық астананың шынайылығына назар аударғылары келді: дизайнерлер Астананың «Байтерек» монументі, Республикалық бас мешіті, «Хан-Шатыр» сауда - ойын-сауық орталығы, Бейбітшілік пен келісім сарайы және Экспо-дағы «Нұр-Әлем» болашақ энергиясы мұражайы секілді танымал символдарының «суреттерін салды».

«ForteBank» АҚ daily banking директоры Асель Чегимбаева: «Осы дизайндар біздің клиенттерге ұнайды деп үміттенеміз: біздің астананы ұнататындар, осында өзінің орнын, махаббатын тапқандар, мансабын, отбасын құрғандардың әрқайсысы осы объектілерден Астанаға қатысты өздерінің жылы естеліктерін еске түсіретініне сенімдіміз» дейді. 

ForteBank-тің Visa, Solo немесе Black картасы бар әрбір клиенті ForteBank мобильді қосымшасында қаланың өзі ұнатқан сәулет объектісі бейнеленген сандық дизайнды таңдай алады. Карта дизайны Apple Pay, Samsung Pay мен Google Pay жүйесі арқылы төлем жасағанда мобильді телефон экранында көрінеді.

Сонымен қатар, карталардың сандық дизайндары көмегімен өз картаңызды смартфоныңыздан ажыратып, басқару ыңғайлы. Сондай-ақ әртүрлі сандық дизайндар картадағы стандартты суреттерге қарағанда мүлдем басқа көңіл күй қалыптастырады! Оларды тіпті күн сайын өзгерте алады.

Сандық дизайндарды таңдау процесі интуитивті түсінікті: ForteBank мобильді қосымшасында карта бойынша толық ақпарат бөлімін, карта дизайнын таңдап, өзіңізге ұнайтын иллюстрацияны орнатуыңыз қажет. Астана көрінісімен карталардың сандық дизайндары клиенттерге шексіз қолжетімді болады.


ForteBank «Visit Astana» -мен бірлесіп, Астана күніне орай өз клиенттеріне сыйлық жасады

«ForteBank» АҚ (бұдан әрі – «Банк»), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, 2024 жылғы 01 шілдеде Астана қаласының уақыты бойынша сағат 11.00-ден 12.00-ге дейін Қазақстан Республикасы, Z05P1P0/010017, Астана қаласы, Достық көшесі, 8/1, 8-қабат, «Astana» мәжіліс-залында өткен Банк акционерлерінің кезектен тыс жалпы жиналысындағы (бұдан әрі – «Жиналыс») дауыс берудің қорытындысы туралы хабарлайды.

Бекітілген күн тәртібіне сәйкес Жиналыста келесі сұрақтар қаралды және дауыс берудің нәтижелері бойынша келесі шешімдер қабылданды.

<Typography align="center">\*\*\*</Typography>

Күн тәртібіндегі 1-мәселе: «ForteBank» акционерлік қоғамының Директорлар кеңесінің сандық құрамын ұлғайту туралы»

Банктің Директорлар кеңесінің құрамы алты адамнан тұратын болып айқындалсын, оның ішінде:
1)	Банк акционерлерінің өкілдері ретінде - Директорлар кеңесінің үш мүшесі;
2)	Банктің тәуелсіз директорлары ретінде - Директорлар кеңесінің үш мүшесі.

<Typography align="center">\*\*\*</Typography>

Күн тәртібіндегі 2-мәселе: «ForteBank» акционерлік қоғамының Директорлар кеңесінің мүшесі ретінде Д.Турсункуловты сайлау туралы»

1.	2024 жылғы 01 шілдеден бастап Данияр Шахайдарович Турсункулов Банктің акционері Булат Жамитович Утемуратовтың мүддесін білдіретін өкіл ретінде - Банктің Директорлар кеңесінің мүшесі болып сайлансын.
2.	Данияр Шахайдарович Турсункуловтың Банктің Директорлар кеңесінің мүшесі ретіндегі өкілеттік мерзімі жалпы алғанда, Банк акционерлерінің жылдық жалпы жиналысының 2022 жылғы 01 сәуірдегі шешіміне (хаттама № 01/22) сәйкес, Банктің Директорлар кеңесінің өкілеттік мерзімінің аяқталуымен бір мезгілде, яғни Банк акционерлерінің жалпы жылдық жиналысы 2025 жылы өткізілген сәтте аяқталатын болып белгіленсін.
3.	Банктің Директорлар кеңесінің мүшелеріне белгіленген ай сайынғы сыйақы мөлшері, Қазақстан Республикасының заңнамасында белгіленген салықтар мен басқа да аударымдарды есепке алмай, осы Хаттаманың қосымшасына сәйкес айқындалсын.
4.	Директорлар кеңесінің мүшелеріне белгіленген сыйақының төлемі есеп айырысу жүргізілетін айдан кейінгі айдың үшінші күнінен кешіктірілмей, ай сайын жүргізілетін болып белгіленсін.
5.	Банктің Директорлар кеңесі мүшелеріне төленетін өзге де төлемдер, сондай-ақ шығыстардың өтемақылары «ForteBank» АҚ Директорлар кеңесі мүшелеріне сыйақы беру және олардың шығыстарын өтеу саясатында белгіленген мөлшерде және тәртіпте жүзеге асырылатын болып белгіленсін.

<Typography align="center">\*\*\*</Typography>

*Жиналысқа, оның өткізілген уақыты бойы ұсынылған Банктің дауыс беруші қарапайым акцияларының жалпы саны – 82 995 343 681 (қарапайым акциялардың жалпы санының - 99,7766 %).*









«FORTEBANK» АҚ АКЦИОНЕРЛЕРІНІҢ КЕЗЕКТЕН ТЫС ЖАЛПЫ ЖИНАЛЫСЫНДАҒЫ ДАУЫС БЕРУ ҚОРЫТЫНДЫСЫ ТУРАЛЫ

ForteBank  халықтың қаржылық сауаттылығы деңгейін арттыру бойынша  «Қарызсыз Қоғам» жобасының демеушілерінің бірі болды
  
 «Қарызсыз қоғам» («Общество без долгов») жобасы – бұл AMANAT партиясының халықтың қаржылық сауаттылығы деңгейін арттыруға бағыттаған бастамасы. Жобаға еліміздің 18 жастан асқан барлық азаматы қатыса алады. Іріктеу кезінде қатысушылардың әлеуметтік мәртебесі ескерілмейді және жасына шектеу қойылмайды.

Оқыту курсының негізгі мақсаты - елімізде халықтың қаржылық сауаттылығы деңгейін арттыруға бағытталған қаржылық білім беру жүйесін құру болып табылады .

Жыл бойы аймақтарда жұмыс істейтін арнайы 150 маман даярланды. Осы уақыт аралығында білікті мамандар тұрғандырға өзекті қаржылық мәселелерді шешуге жәрдемдесе отырып, сапалы көмек көрсете алады. 

Қатысушылар 30-50 қатысушыдан тұратын топта, офлайн-форматында бес күн оқиды. Оқыту бір ай бойы  үш топта жүргізіледі. Дүйсенбі сайын білім алушылардың жаңа тізімі жасалады. Сабақтар таңғы сағат 9-дан 17:00 –ге дейін өткізіледі. Оқуға шамамен 40 сағат беріледі. Әдетте, қатысушыларға түске дейін теория жағынан түсініктеме беріліп, ал түстен кейін жеке консультациялар жүргізіледі және әр қатысушы үшін жеке тәжірибелік сабақтар өткізіледі. Тренингіге жазылу үшін  qogamfin.kz сайтында өтінім қалдыру немесе  жергілікті атқарушы органға (әкімдік) немесе AMANAT париясының өңірлік офисіне жүгіну қажет.  

Оқу барысында қатысушылар келесідей білімдерді меңгереді: 
 - қаржылық сауаттылық негіздері, жеке қаржыны басқару, жинақтау, сақтау және көбейту, жеке/отбасылық бюджетті есептеу. 
- дисконттаудың негізгі принциптері, дисконттаудың тәжірибелік мысалдары, қаржылық бағалау тәсілдері.  
- кредит түрлері, кредит беру кезіндегі есеп, депозит түрлерін, банктік мөлшерлемелерді, проценттерді меңгеру, сондай-ақ инфляция, банк жүйесі, сақтандыру және қор нарығы туралы ақпарат алу.
- қаржылық тәуелсіздікке қадамдар, қаржылық жоспарлау құралдары, қарыздарды оңтайландыру, қарыздар мен кредиттерді жою, инвестициялар. 
- мінез-құлық экономикасы. Қаржылық шешімдерді қабылдау кезіндегі когнитивті бұрмалау.  

Сонымен қатар білім алушылар алаяқтық схемалар мен қаржылық пирамидаларды, жеке тұлғалардың банкроттығы туралы заңды меңгереді. Қатысушыларға табысты арттыру жолдары, сондай-ақ Шағын-орта бизнесті мемлекеттік және мемлекеттік емес қолдау, тиімді банктік құралдар, бизнес-жоспарларды құру әдістемелері, конкурстарға қатысуда ілеспе қызмет көрсету жайлы түсіндіріледі.

Қазіргі таңда 2024 жылдың басынан «Қарызсыз қоғам» жобасы шегінде  48 941 адам білім алды. 

Жобаны жүзеге асыру үшін Halyk Bank, ForteBank, Home Credit Bank, First Heartland Jusan Bank, Bank RBK, Freedom Bank, Altyn Bank, Евразийский Банк, Bereke Bank, ЦентрКредит Банкі сияқты банктері тарапынан қаржылай көмек көрсетілді.  

Оқуға қатысуға ыңғайлы және жылдам өтінім беру процесі үшін qogamfin.kz  онлайн платформасы іске қосылды. 

Жаңа оқу жылынан бастап еліміздің барлық мектептерінде, колледждерінде және жоғары оқу орындарында қаржылық сауаттылыққа оқыту бағдарламасын іске қосу жоспарлануда. 

Жоба туралы толығырақ: 
[https://qogamfin.kz/kk]([https://qogamfin.kz/kk](link))

[https://www.instagram.com/qaryzsyz_qogam/](https://www.instagram.com/qaryzsyz_qogam/) 

ForteBank  халықтың қаржылық сауаттылығы деңгейін арттыру бойынша  «Қарызсыз Қоғам» жобасының демеушілерінің бірі болды

Әйгілі La bella principessa туындысын Мемлекет басшысы да көріп қайтты. Президент Ұлттық музейдегі өнер туындылары көрмесін тамашалады деп хабарлады, Мемлекет басшысының баспасөз-қызметі. 

Президентке өнертанушы Ольга Батурина қазақстандық талантты қылқалам шеберлерінің туындылары жинақталған «Дала кескіндемесі: рәміздер, бояулар, бейнелер» атты көрмені таныстырды. Оның аясында Қасым-Жомарт Тоқаев әйгілі италиялық суретші Леонардо да Винчидің «Әдемі ханшайым» (La bella principessa) картинасының түпнұсқасын да көрді. Танымал туындының көрмесі Ұлттық музейдің 10 жылдығына орай Италияның «Scripta Maneant» баспасымен бірлесе ұйымдастырылған. Жоғары Ренессанс дәуіріне жататын бұл құнды жәдігер Еуропадан тысқары жерге алғаш рет шығарылып отыр.

Көрме еліміздің Мәдениет және ақпарат министрлігінің, Италияның Қазақстандағы елшілігінің және Италия мәдениет институтының қолдауымен өтіп жатыр. Елорда тұрғындары мен қонақтары Леонардо да Винчидің осынау бірегей туындысын 4 тамызға дейін тамашалай алады. Көрменің бізде өтуіне ForteBank мұрындық болды.

«ForteBank атынан біз Леонардо Да Винчидің «La Bella Principessa» картинасын Қазақстанға әкелуге көмектескен демеушілердің бірі болғанымызды мақтан тұтамыз. Италияның Қазақстандағы елшісі Альберти мырза өткен қыркүйекте бұл идеямен бөліскен еді.

Біз ForteBank атынан бұл ұсынысты естіген бойда қолдадық. Көптеген жылдар бойы біз мәдениет, өнер жобаларын қолдап келеміз. 2006 жылдан бастап біздің Астанадағы бас кеңсемізде Kulanshi Art Space көрмесі жұмыс істеп келеді. Осы жылдар ішінде галереяда қазақстандық және шетелдік суретшілердің жұмыстары қойылды. 

Деңгейі биік «La Bella Principessa» картинасын елге әкелу оңай болмады. Леонардо да Винчи өз заманының генийі" - деді, баспасөз мәслихаты барысында ForteBank басқарушы директоры Әлия Есжан. La Bella Principessa — 15 ғасырдың аяғында Леонардо да Винчи салған итальяндық ақсүйектерге жататын жас қыздың портреті. 

Жоғалып кетіп, қайта табылған туынды шебердің ең жұмбақ әрі тартымды туындыларының бірі. Бұған дейін картина әлем бойынша бес рет қана қойылып, көпшіліктің үлкен қызығушылығын тудырған еді. Ұйымдастырушылар барлық елорда тұрғындары мен қонақтарын Леонардо да Винчидің сирек туындысын бағалау үшін көрмеге шақырады.



Леонардо да Винчидің сирек картинасы Қазақстанға қойылды

«ForteBank» акционерлік қоғамы (бұдан әрі – Банк), оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының «Акционерлік қоғамдар туралы» Заңының (бұдан әрі – «Акционерлік қоғамдар туралы» Заң) 35-бабының 1-тармағы, 37-бабы 2-тармағының 1) тармақшасы, 37- бабы 3-тармағының 3) тармақшасы, 36-бабы 1-тармағының 5) тармақшасы және 41-бабы негізінде Банктің Директорлар кеңесінің бастамасымен (2024 жылғы 31 мамырдағы № 15 хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды. Жиналыс 2024 жылғы 01 шілдеде Астана қаласының уақытымен сағат 11.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, «Astana» мәжіліс залы.

Жиналысқа қатысушыларды тіркеу 2024 жылғы 01 шілдеде Астана қаласының уақытымен сағат 10.00-ден бастап 10.45-ке дейін Жиналыс өткізілетін орында жүргізіледі. Жиналысқа қатысуға құқығы бар Банк акционерлерінің тізімі 2024 жылғы 07 маусымда Астана қаласының уақытымен сағат 00.00-гі жағдайы бойынша жасалады.

Кворум болмаған жағдайда, Жиналыс 2024 жылғы 02 шілдеде Астана қаласының уақытымен сағ. 11.00-ден бастап сол мекенжай бойынша және болмай қалған Жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2024 жылғы 02 шілдеде Астана қ. уақытымен сағат 10.00-ден бастап 10.45-ке дейін Жиналыс өткізілетін орында жүргізіледі.

<Typography align="center">\*\*\*</Typography>

Жиналыстың күн тәртібі:
1. «ForteBank» акционерлік қоғамының Директорлар кеңесінің сандық құрамын ұлғайту туралы.
2. «ForteBank» акционерлік қоғамының Директорлар кеңесінің мүшесі ретінде Д.Турсункуловты сайлау туралы.

Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін. «Акционерлік қоғамдар туралы» Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлердің танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады.

Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді. Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200.

<Typography align="center">\*\*\*</Typography>

Осы арқылы Банк акционерлеріне Жиналысты өткізудің келесі тәртібін танысуға ұсынамыз: Қазақстан Республикасының «Қазақстан Республикасындағы банктер және банк қызметі туралы» заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы №8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды.

Аталған баптың 5-1 тармағына сай Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді.

Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды ұсынулары қажет. Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс.

Тіркеуден өтпеген акционер (акционердің өкілі) кворумды анықтауда есептелмейді және дауыс беруге қатыса алмайды.

Жиналыс кворум болған жағдайда, белгіленген уақытта ашылады. Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады. "Акционерлік қоғамдар туралы" заңның 50-бабының 1-тармағына сәйкес, акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда.

Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ. Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге 
ауыстыру туралы шешім қабылдауға құқылы.

Жиналыстың күн тәртібіндегі барлық мәселелер қаралып, олар бойынша шешімдер қабылданғаннан кейін ғана Жиналысты жабық деп жариялауға болады. 

«Акционерлік қоғамдар туралы» заңның 52-бабының 1-тармағына сәйкес Жиналыстың хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс. Жиналыс «Акционерлік қоғамдар туралы» заңның 35-37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 

<Typography align="center">\*\*\*</Typography>

Банк акционерлерін Банк акционерлерінің кезектен тыс жалпы жиналысына қатысуға шақырамыз.

Новости

Объявления