ForteBank Forte Travel картасын іске қосып, кез келген саяхаттың жайлы болуы үшін барлығын қарастырды - Forte Travel картасы қаржылық пайдадан басқа, туристік артықшылықтарға да ие.

Forte Travel картасынан әлемнің барлық банкоматында айына 750 000 теңгеге дейін комиссиясыз ақша алуға болады. Бонустар, яғни екі басым санат бойынша 15%-ке дейін көтеріңкі бонустар жинауға мүмкіндік бар. «Саяхат» санатының туристік шығындары (әуе билеттері, қонақ үй, Duty Free, турагенттік қызмет және автокөлікті жалға алу) үшін 5% бонус алуға болады. Ал төлемді ApplePay/SamsungPay/GooglePay арқылы және интернетте жүргізсеңіз, тағы да кепілдендірілген 0,5% ие бола аласыз.   

Демалысыңыздың ұмытылмас болуына жаңа елдер мен саяхаттан алған жарқын әсер ғана емес, сонымен қатар картаның қосымша артықшылықтары да ықпал етуде. 

•Интернетке қолжетімділік. Банк Flexiroam жылдам интернеті бар жаһандық провайдердің роумингін ұсынады. Әлем бойынша 580 провайдерге қол жеткізу үшін физикалық SIM-картасын ашудың қажеті жоқ. Сондай-ақ, кейінгі роуминг-жоспарларына 15% жеңілдік бар. 

•	Барлық жағдайды сақтандыру. Егер сапарыңыздың құны Forte Travel картасымен төленсе, Сіздің пайда болған сақтандыру жағдайын өтеуге құқығыңыз бар. Карта бүкіл әлем бойынша саяхаттау кезінде пайда болған жазатайым оқиғалардан 500 000 долларға дейінгі өтеу сомасымен автоматты сақтандыруға және медициналық сақтандыруға кепілдік береді. Оған жағымсыз тосынсыйлардан сақтандыру да кіреді, мысалы: багажыңыздың жоғалғаны үшін Сізге 3000 долларға дейін, багажыңыздың кідірісі үшін 500 долларға дейін, ал рейстің 4 сағаттан астам кідірісі үшін 500 долларға дейін ақша қаражаты қайтарылатын болады. ForteTravel картасына «тіркелген» сақтандыру Шенген және басқа кеден аймақтарында жарамды. Сонымен қатар, жалға алынған автокөлікті, сондай-ақ мобильді телефон, планшет, ноутбук, музыкалды плеер және т.б. сияқты портативті электронды құрылғылардың көпшілігін сақтандыру мүмкіндігі бар.     

•	Бизнес-залдарына кіру рұқсаты. Рейстерді күтудің ыңғайлы болуы үшін, Forte Travel картасының көмегімен әлемнің 450 қаласындағы 1100 Lounge Key бизнес-залдарына жылына 10 рет кіруге болады. 

•	Тәулік бойы жұмыс істейтін консьерж Сіздің бос уақытыңызды жоспарлап, қонақ үй, билеттер, экскурсия, мейрамханадағы орынды, такси, гүлдер және т.б. брондауға көмектеседі. Осы қызметті әлемнің кез келген түкпірінде қолдануға болады. 

•	Әуежайдағы тексеруден басым тәртіпте он рет өту мүмкіндігі, және мұның бәрін қашықтан жасауға болады. 

•	Астана әуежайының СIP-залында айына бір рет демалу мүмкіндігі. Залға өту үшін банктің физикалық картасын көрсетіңіз. 

•	Сонымен қатар, бүкіл әлем бойынша 1000-нан астам әуежай мейрамханаларында ForteTravel картасының иелері үшін арнайы ұсыныстар бар.  


Тревел-картасын Банктің мобильді қосымшасында ашуға болады. Алайда, мұндай артықшылықтар тегін емес. Дегенмен картаны 31 наурызға дейін ашуыңызға кеңес береміз, сол кезде бірінші айдың абоненттік төлемі нөлге тең болады. Егер де картаны 31 наурыздан кейін ашсаңыз - бірінші айдың комиссиясы - 4000 теңге, кейін айына 2 500 теңгені құрайтын болады.

Сонымен қатар, абоненттік төлемді нөлге теңестіруге болады: ол үшін Сіздің доллармен немесе теңгемен 2 млн теңгеден басталатын сомадағы салымыңыз болуы қажет. Немесе Travel картасымен POS-терминалдар арқылы және интернетте айына 200 000 теңгеден басталатын сомадағы сауда ақысын төлеңіз. Міне, осылай Сіз барынша жайлы демалысқа арналған тегін тревел-картасына ие боласыз.  


ForteBank саяхатқа арналған картасын іске қосты

ForteBank 2023 жылы «Золотая корона» жүйесі арқылы жасалған аударымдар үшін 145 мың доллардан астам кешбэк төледі. Біз сіздерге ақша аударып, қалай бонус табуға болатыны туралы айтып береміз. 

ForteBank «Золотая корона» сервисі арқылы жасалған аударым сомасының 0,1% мөлшерінде кешбэк төлейді – ол үшін Банктің мобильді қосымшасы ақша аударымын жасасаңыз болды. 

Осындай ниеттестік бағдарламасын және  ақшаны жеңіл аудару мүмкіндігін біздің клиенттер жоғары бағалайды– статистикаға сүйенсек, 2023 жылы қазақстандық нарықта «Золотая корона» жүйесі арқылы әрбір бесінші аударма Forte арқылы жасалған.

Онлайн ақша жіберу тиімді ғана емес, сонымен қатар ыңғайлы. Былтыр «Золотая корона» жүйесі арқылы жасалған аударымның 61% -Банктің мобильді қосымшасы арқылы өткен. Салыстырар болсақ, бұл көрсеткіш 2022 жылы - 58%, ал 2021 жылы шамамен ширек көрсеткішті құраған. Онлайн-аударымдар Банк бөлімшелеріне бару қажеттілігінің болмауына және ақшаны кез-келген уақытта және бірнеше минут ішінде жіберу мүмкіндігіне байланысты өсіп отыр. Аударым жасау үшін «Аударымдар» бөлімін таңдап, «Золотая корона» жүйесін, ақшаны алушының елін, қаласын, деректерін және ақшаның сомасын көрсетсеңіз болды. Ал ақшаны қай жерден алғысы келетінін Алушы өзі көрсетеді. 

Клиенттер «Золотая корона» жүйесін мультивалюталық аударымдар жіберу, аударымды жедел жасау және ақшаны тез алу мүмкіндігі үшін таңдайды. Ақшаны Ресейге, Қырғызстанға, Өзбекстанға, Грузияға, Арменияға және алыс шет елдерге жіберуге болады. Көп мемлекетте Forte арқылы ақша аударудың комиссиясы аударым сомасының 0,99% құрайды, ал теңгелік аударымдар бойынша нөлдік тариф қолданылады. Айына аударуға болатын ең жоғары сома -10 000 долларға дейін.

«Жедел аударым жасау қазіргі таңда банк операцияларының ажырамас бөлігі болып отыр. Олардың көмегімен сіздер шетелге де, Қазақстан бойынша да жақындарыңызға, туыстарыңызға, достарыңызға ақша жібере аласыздар. Біздің қосымша арқылы ақшаны телефон нөмірі, шоттың нөмірі немесе карта арқылы да, «Золотая корона» жүйесі арқылы да жібере аласыз. Біздің клиенттер ол арқылы айына орта есеппен 49 мың аударым жасаған және аударым алған, ал орташа чек 330 мың теңгені құраған. 2023 жылы ақшалай қаражаттың жалпы көлемі 178,5 млрд теңгені құрады. Осылайша, «Золотая корона» жүйесі бойынша аударымдар нарығындағы Forte-нің үлесі 5%-ке, яғни 22%-ке дейін өсіп отыр, оның ішінде кешбэктер және онлайн аудару мүмкіндігі есебінен», - дейді ForteBank-тің Daily Banking бағытының директоры Әсел Чегимбаева.

«Золотая корона» - жіберілген және алынған аударымдар бойынша Қазақстандағы ең танымал жүйе мәртебесіне ие болып отыр. Ұлттық банктің мәліметіне сүйенсек, былтыр жіберілген аударымдардың 80%-тен астамы мен қазақстандықтар алған аударымдардың жартысына жуығы «Золотая корона» жүйесінің үлесіне тиесілі. 

«Золотая корона» - Ресейде, ТМД елдерінде, Еуропалық Одақ елдерінде және тағы бірқатар елде шот ашпай-ақ жылдам ақша аудару қызметін ұсынатын жүйе. Қазақстандықтар осы жүйе арқылы 50-ден астам елге ақша аудара алады. 

3,4 трлн теңге көрсеткішпен ForteBank – активтері бойынша қазақстандық жеке банктердің төрттігіне кіреді. Несиелік портфелі 1,6 трлн теңгеден, ал клиенттердің салымдары 2,3 трлн теңгеден асады.


Ақша аударып,  қалай кешбэк алуға болады?

Ішкі және халықаралық тұрақты рейстерді орындайтын, кірісі мен ұшақтар паркінің  көлемі бойынша Еуразия аймағындағы ең ірі әуе компаниялар тобының бірі - Air Astana тобының (Air Astana және FlyArystan бренділері) қазіргі акционерлерінің үлестеріне және жаңа акцияларына Қазақстандағы және шетелдегі бөлшек және институционалдық инвесторлар тарапынан сұраныс жоғары болады деп күтілуде.

Air Astana табысының негізгі факторларына мыналарды жатқызамыз:

- Әлемдік экономиканың «ақырындап шөгу» перспективалары және соның нәтижесінде тұтастай алғанда авиаиндустрия нарықтық бағалауды қалпына келтіруді жалғастыруы мүмкін (30% немесе одан да көп деп есептейміз), бұл Air Astana акцияларының өсу драйверіне айналады.
- Қазіргі уақытта әлемдік әуе компанияларының акциялары саладағы көптеген компаниялардың кірістерінің толық қалпына келуіне және таза кірістің айтарлықтай өсуіне қарамастан, 2017-2019 жылдардағы пандемияға дейінгі деңгейден әлдеқайда төмен бағамен сатылады. Мысалы, Bloomberg World Airlines Index бойынша Forward P/E мәні 7,5 құрайды, ал пандемияға дейін бағасы 12,0 дейін жеткен. 
- Компания low-cost сегментінде (қазіргі уақытта компания кірісінің және EBITDAR ~ 25%) болуына, тұрақты бизнес профилінің және тасымалдаушылардың low-cost перспективаларының және жоғары табыстылық көрсеткіштерінің болуына байланысты full-service тасымалдаушыларға баға белгілеуде белгілі бір сыйлық алуы мүмкін.
- Рейстер саны/жан басына шаққандағы ЖІӨ бойынша Қазақстан ТМД және әлем елдерінен артта қалып келеді, сондықтан болашақта рейстер санының өсу әлеуеті айтарлықтай.
- Грузия, Пхукет, Бангкок, Бали, Мальдив, Түркия, БАӘ және басқа lifestyle-бағыттары бойынша әуе тасымалы аймағын кеңейтудің келешегі бар.
- Қазіргі уақытта компанияның паркінде 8 заманауи отын үнемдейтін ұшақ бар, ал 41 әуе кемесі операциялық лизингіде. Бұл ретте, компания 2028 жылға қарай әуе кемелері паркін тағы 31 ұшақпен 80 бірлікке дейін ұлғайтуды жоспарлап отыр, олардың барлығы әуе кемелері паркін жаңарту мүмкіндігінің жоғары болуына байланысты операциялық лизингіде болады, осылайша өзінің авиапаркін жаңа және заманауи етіп сақтайды. 
- EBITDAR маржасы бойынша жоғары тиімділік – компания осы көрсеткіш бойынша жаһандық әуе тасымалы саласында көшбасшылардың бірі болып табылады.
2022 жылдың қорытындысы бойынша Air Astana және FlyArystan EBITDAR маржаларының көрсеткіші, сала бойынша орташа мәні шамамен 19% деңгейінде болғанда, сәйкесінше 30,3% және 26,9% болды.
- Компанияның жақын болашақта табысы мен таза пайдасының тұрақты өсуін қамтамасыз ету, бұл оның акцияларының P/E бойынша бағалануын саланың және жақын салалардың орташа деңгейінен жоғары деңгейде сақтауы мүмкін.
- Пайданың 30% дейін дивидендтерді төлеу мүмкіндігі (2022 жылы дивидендтер пайданың 20% құрады).
- FlyArystan-ның жетекші аймақтық лоукостер ретіндегі позициясын нығайту және FlyArystan қосымша кірісін арттыру.

Компания акцияларын EV/EBITDAR және P/E мультипликатор (әдетте авиакомпанияларды бағалауда қолданылады) пайдалану арқылы, компанияның IPO қорытындысы бойынша 120 миллион доллар тартуды жоспарлап отырғанын ескере отырып, нарықтық әдіспен біз жүргізген бағалау $630–988 млн әділ бағалау диапазонын көрсетті. Біздің ойымызша, егер компанияның акциялары 988 миллион долларын құрайтын бағалаудың жоғарғы шегінде орналастырылса, өсу әлеуеті өте маңызды болып қалады және акциялардың өсу әлеуеті 10% немесе одан да жоғары деңгейде болады.

*Бұл ұсыныс/ұсыным ақпараттық сипатта ұсынылған және жеке инвестициялық ұсыным емес. Көрсетілген қаржы құралдары мен операциялар Сіздің инвестициялық профиліңізге және инвестициялық мақсаттарыңызға (болжауларыңызға) сәйкес келмеуі мүмкін.*

*Бұл құжатта Компанияның пікірінше сенімді деп саналатын ақпарат көздерінен алынған ақпарат бар. Алайда Компания, оның басшылығы және қызметкерлері мұндай ақпараттың сөзсіз дәлдігіне, толықтығына және сенімділігіне кепілдік бере алмайды және оны пайдалануға байланысты клиенттің ықтимал шығындары үшін жауапты емес. Бұл ұсынысты/ұсынымды нарықтағы және бағалы қағаздар мен қаржы құралдары нарығының көптеген басқа қатысушылары ұсынатын көптеген басқа ұсыныстар мен ұсынымдардың бірі ретінде қарастырған жөн.*

*Келтірілген ақпаратта Сіздің жеке инвестициялық мақсаттарыңыз, қаржы жағдайыңыз және/немесе қажеттіліктеріңіз ескерілмейді.*

*Қаржы құралының немесе операцияның инвестициялық мақсаттарға, инвестициялық шекке және қолайлы тәуекел деңгейіне сәйкестігін анықтау Сіздің міндетіңіз болып табылады.*

*«ForteFinance» АҚ операцияларды жүргізу немесе қаржы құралдарына инвестициялау кезіндегі инвестордың ықтимал шығындары үшін жауап бермейді және шешім қабылдау кезінде бұл ақпаратты жалғыз ақпарат көзі ретінде пайдалануды ұсынбайды.*

*Осы құжатта ұсынылған бағалаулар мен пікірлер талданған бағалы қағаздар мен эмитенттерге қатысты Компания аналитиктерінің пікірлеріне ғана негізделген. Аналитиктердің сыйақысы олар дайындайтын аналитикалық шолулардың мазмұнына немесе олар ұсынатын ұсыныстардың мәніне байланысты емес немесе тәуелді емес.*

*Бағалы қағаздар мен қаржы құралдарын иелену әрдайым тәуекелдермен байланысты: бағалы қағаздар мен қаржы құралдарының құны көтерілуі немесе төмендеуі мүмкін. Бұрынғы инвестициялау нәтижелері болашақта табысты болудың кепілі емес.*

*«ForteFinance» АҚ салымдардың болашақта табыс әкелетініне кепілдік те, уәде де бермейді, ықтимал инвестициялардың сенімділігіне және ықтимал кіріс мөлшерінің тұрақтылығына да кепілдік бермейді.*



ForteFinance аналитиктері IPO-дан кейін Air Astana акциялары бойынша болжам жасады

Банктің Директорлар кеңесінің 2024 жылғы 30 қаңтардағы шешіміне сәйкес (№1 отырыс хаттамасы), Гаухар Тусупкалиевна Бисембиева 2024 жылғы 5 ақпаннан бастап Банк Басқармасының мүшесі - Басқарма Төрағасының бірінші орынбасары (COO) болып тағайындалды. 

Гаухар Бисембиева - 2017 жылғы ақпаннан бері «ForteBank» АҚ Басқармасының мүшесі, Басқарма төрағасының орынбасары. 

2021 жылғы мамырда «ForteBank» АҚ болып атауы өзгерген «Метрокомбанк» АҚ-да әр жылдары басқарма төрағасының орынбасары, басқарма төрағасының міндетін атқарушы, басқарма төрағасы болған. 
2022. 
Қаржыгер мансабын 1998 жылы тамызда «Демир Казахстан Банк» ААҚ-да клиенттермен жұмыс жөніндегі маман ретінде бастаған. Кейін «TEXAKABANK» АҚ-да операциялық департамент директоры, атқарушы директор, басқарушы директор, басқарма төрағасының бірінші орынбасары позицияларында жұмыс істеген. 

1997 жылы Қазақ Мемлекеттік Басқару академиясының халықаралық экономикалық қатынастар факультетін бітірген. 2006 жылы КИМЭП институтында (Қазақстандық менеджмент, экономика және болжау институты) іскерлік басқару магистрі дәрежесін алған. 


Гаухар Бисембиева «ForteBank» АҚ Басқарма төрағасының бірінші орынбасары болып тағайындалды 

ForteBank Kulanshi Artspace галереясында қазақстандық заманауи суретші Сәулет Жәнібектің «QARA NUKTE» жеке көрмесі ашылды. 

«ForteBank» АҚ-ның, «KULANSHI» қазіргі заманғы өнер орталығының және Еуразиялық Өнер академиясының қолдауымен ұйымдастырылған бұл көрме - ForteBank Kulanshi Artspace галереясының 2024 жылдағы көрмелер маусымын ашып отыр. Экспозицияны дайындауға сондай-ақ, Ринат Абенов (мүсін) және Aliya Valeryevna (AV бренді, инсталляция) көмек көрсетті. 

Сәулет Жәнібек - минимализм және сюрреализм бағыттарында жұмыс істейтін кескіндемеші. Сарапшылардың айтуынша, оның туындылары графикалығымен, айқындылығымен және тазалығымен ерекшеленеді. Көптеген отандық және шетелдік көрмелер мен фестивальдерге қатысқан Сәулет Жәнібектің «FORTE KULANSHI ARTSPACE» галереясында бұған дейін, 2018 және 2022 жылдары - «Артерия» және «Эндорфин» деп аталған екі жеке көрмесі өткен. 

«Біз сіздердің назарларыңызға «QARA NUKTE» картиналар көрмесін ұсынамыз. Бұл туындылар - біздің ата-бабаларымыздың қалай өмір сүргені туралы суретшінің өзіндік пайымы, көзқарасы. Автор өз шығармашылығымен бізді «қайдан келдік?», «неге біз осындаймыз?» деген сұрақтарға, генетикалық жадының қаншалықты мықты екендігі туралы ойларға жетелейді», - деп атап көрсетті көрменің ашылу рәсімінде сөз сөйлеген «ForteBank» АҚ басқарма төрағасы Бекжан Пірматов.

Суретші өзінің көрмесін неліктен «QARA NUKTE» деп атаған деген сұраққа галереяға келушілер өз жауабын бере жатар, ал «KULANSHI» қазіргі заманғы өнер орталығының кураторлық кеңесінің төрағасы, доктор Лейла Махат көрме тақырыбына қатысты өз ойын былай деп білдірді. 

«Әке Сәулет үшін – бұл осы көрмеге портретін арнайы салған сүйікті ұлы Әлидің маңдайындағы нүкте. Суретші Сәулет үшін QARA NÚKTE - өзінің қиялындағы әлемдерді аралауға қадам жасайтын бастапқы нүкте. Ал оның әлемдері шебердің жүрегінен туған, оның ойларымен зерленген түрлі образдарға толы. Суретшінің ақ қағаз бетіне тек қара қаламмен салған картиналары энергияның көзі іспетті. Шоқан Уәлихановтың сөзімен айтар болсақ, формалар мен сюжеттер - Таң қалдырады. Ойландырады. Толғандырады. Мөлдірлік, тереңдік туралы, қуаныш бен жұбаныш туралы, эмоцияларымыз бен қоршаған әлеміміздің байланысы туралы ой салады. Шын мәнінде, біздің таңдау жасауға құқымыз бар. Сіздің «Меніңіз» айналаңыздағы әлемдердің қайсысына ынтық? Дәл қазір сіздің «Меніңіз» - қай әлемде?», - дейді Л.Махат.

Көрме Астана қаласы, Достық көшесі, 8/1 мекенжайы бойынша ForteBank Kulanshi Artspace галереясында 1 ақпан күні ашылды және 1 наурызға дейін өтеді. 



Новости

Объявления