Рейтинг капиталдандыру көрсеткіштерінің жақсаруына байланысты көтерілді 

<Typography variant="text3Regular" color="textPrimary">
2022 жылғы 8 шілде – S&P Global Ratings халықаралық агенттігі ForteBank-тің ұзақ мерзімді кредит рейтингін «В+» бағасынан «ВВ-» бағасына дейін көтерді. Рейтинг бойынша болжам — «Тұрақты». Сонымен қатар, аталған агенттік қазақстандық ұлттық шкала бойынша банктің рейтингін «kzBBB+» бағасынан «kzA-» бағасына дейін көтерді. 

S&P Global Ratings пайымдауынша, ForteBank-тің капиталдандыру көрсеткіштері нығая түсті. Ендігі кезекте банк капиталдың елеулі қорын қолдай отырып, өз жұмыс жүргізеді және актив көлемі жөнінен қазақстандық ірі бес банктің қатарына қосылуын жалғастырады. 

S&P Global Ratings агенттігі жариялаған мақалаға сәйкес: «Бөлшек бизнес пен корпоративті клиенттер бойынша және тұрақты жаңа бизнесті жасау бойынша әртараптандыру - кредит және депозит портфелдерінің теңгерімділігі арқылы банктің нарықтық позициясын нығайтады деп ойлаймыз (кредит берудің болжамды өсу қарқыны — 10-15%). 2021 жылы банк бірлестірілген есепте 64 млрд теңге (шамамен 160 млн долл.) мөлшеріндегі таза табысты көрсетіп өтті. Бұл оның орта жеке капиталының (return on average common equity — ROAE) 23,7% деңгейіндегі рентабелділігіне сәйкес келеді. Бухгалтерлік есептің ұлттық стандарттарына сәйкес жасалған есептілікке сәйкес, 2022 жылдың алғашқы бес айы бойынша банктің таза табысы шамамен 30 млрд теңгені құрады. Осылайша біз 2022 жылдың барысында да банктен тұрақты табысты өндіруін күтудеміз, бұл ретте ROAE коэффициенті шамамен 20% құрайтын болады».

Сонымен қатар, агенттік банктің басшылығында жуырда орын алған өзгерістер стратегияны жүзеге асыруға әсер етпейді  деген болжам жасайды: «Басқарма төрағасының қызметін атқарушы Бекжан Пірматов банк менеджменті құрамында бірнеше жылдан бері болды. Өкілеттіліктер ойдағыдай тапсырылды, сол себепті бұл өзгерістер бизнестің даму қарқының төмендеуіне немесе ағымдағы стратегияның өзгеруіне алып келмейді, сондай-ақ ForteBank-тің бақылаушы акционері Болат Өтемұратов банктің ағымдағы стратегиясының жүзеге асырылуын толық қолдайды деген ойдамыз». 

S&P Global Ratings пікірінше, соңғы бес жылда берілген проблемалы кредиттердің мәселесін реттеуде ForteBank елеулі жетістіктерге қол жеткізді. Банк 2020 жылы орын алған пандемия әсерінен проблемалы кредиттер үлесінің артуына тап болуына қарамастан, агенттік 2022-2023 жылдары банк активтерінің сапасы жақсаратындығына үміттенеді: «Проблемалы активтердің мөлшері 2021 жылы қысқарды. Осылайша, сипаттамасы 3 Кезеңге сәйкес келетін кредиттердің үлесі кредит портфелінің шамамен 11% құрады, яғни 2020 жылдың соңы жағдайы бойынша 26%-тен төмендеді. Біздің болжауымызша, ForteBank-тің 2022 жылы резервтеу бойынша шығындары жоғары қалпында қалады, бірақ банк секторы бойынша орта деңгейден (шамамен 2%) асып түспейді. Бұл күрделі операциялық талаптармен және қарыз алушылардың кредитті өтеу қабілеттілігінің төмендеуімен түсіндіріледі. Инфляцияның күрт өсуі, Ресей мен Украина елдері арасындағы шиеленістің әсерінен сауда және логистикалық тізбектің бұзылуы қарыз алушылар тарапынан төлем тәртібінің төмендеуіне, қор қаражатын қосымша қажет етуге алып келуі мүмкін.   Алайда, Қазақстанның сыртқы активтерінің экономикалық көрсеткіштері қолайлы, сол себепті актив сапасының төмендеуі орын алса да, бұл құбылыс біршама тұрақты және уақытша болады деген ойдамыз».

«S&P Global Ratings агенттігінің рейтингті көтеруі ForteBank таңдаған стратегияның тиімділігін растайды. Бұл стратегияның астарында салмақты, консервативті кредит саясаты, өнімдерді және қызметтерді цифрландыру, олардың негізінде бөлшек және бизнес клиенттер үшін экожүйені құру жатыр. Біздің бизнес-модель өзінің тұрақтылығын көрсетті, яғни соңғы 3-4 жылдың ішінде көрсеткіштеріміз тұрақты түрде өсуде. Біз сабақтастық бағытын ұстанамыз, сонымен қатар, бөлшек нарық, ШОБ және ірі бизнесті қоса алғанда барлық сегментте жұмыс істейтін классикалық, сенімді әрі әмбебап банк ретінде қаламыз», - деп ForteBank басқарма төрағасының міндетін атқарушы Бекжан Пирматов атап өтті. 

________________________________________________________________________________________

БАҚ үшін байланыс тұлғасы: Еркин Удербай, +7 777 731 99 33

</Typography>


S&P Global Ratings халықаралық агенттігі ForteBank-тің  кредит рейтингін «Тұрақты» болжамымен «ВВ-» бағасына дейін көтерді

«ForteBank» АҚ басқармасы құрамындағы өзгеріс

<Typography variant="text3Regular" color="textPrimary">

Нұр-Сұлтан, 2022 ж. 30 маусым – Қазақстан Республикасы, Z05P1P0/010017, Нұр-Сұлтан қаласы, Достық көшесі, 8/1 мекенжайы бойынша орналасқан «ForteBank» акционерлік қоғамы (бұдан әрі – Банк) осы арқылы Нурумбет Шолпан Муқашқызының жеке бастамасы бойынша Банк басқармасының мүшесі – Басқарма Төрағасының орынбасары ретіндегі өкілеттігі 2022 жылғы 1 шілдеден бастап мерзімінен бұрын тоқтатылғанын хабарлайды.

</Typography>


Нурумбет Шолпан Муқашқызының өкілеттігі мерзімінен бұрын тоқтатылды

ForteBank Директорлар Кеңесі Рейнис Рубенистің жеке себептермен басқарма төрағасы лауазымын мерзімінен бұрын босатуы туралы хабарлады.

21 маусым 2022 жыл, Нұр-Сұлтан – ForteBank Директорлар Кеңесі Рейнис Рубенистің жеке себептермен басқарма төрағасы лауазымын мерзімінен бұрын босатуы туралы хабарлады. Рейнис Рубенис ForteBank басқарма төрағасы лауазымына 2022 жылдың 10 қаңтарында келді. Одан бұрын ол латвиялық ең ірі Swedbank Latvia банкін бес жыл бойы басқарған. 
 
«Мен ForteBank-ті басқарғалы бері геосаяси ландшафт күрт өзгерді. Салдарынан мен және менің отбасым Латвиядан Қазақстанға көшу шешімімізді өзгерттік. Осы себептен мен банктағы қызметімді тоқтатуға мәжбүрмін және Латвияға ораламын. Банк дамуындағы қызу кезеңінде оның командасының мүшесі болғаныма қуаныштымын және барлық әріптестеріме шын жүректен алғысымды білдіремін. Осы күрделі уақытта біз комплаенс пен төмен тәуекелдер тактикасын қолдана отырып, бизнесті өсіру және дамыту үшін әрбір мүмкіндікті пайдаландық. Сонымен бірге мен Қазақстанның төл мәдениетін асқан қызығушылықпен танып білдім, жергілікті қаржы секторын зерттедім. Менің Forte-ге қосқан үлесім әр қарайғы өсімге негіз болады деп сенемін», - деді шешімін түсіндерген Рейнис Рубенис.  

«Директорлар кеңесі Рейнистің мерзімінен бұрын лауазымын босату өтінішін түсіністікпен қабылдады. Әр басқарушы жұмысы мен жеке өмірі арасында баланс табуға тырысады. Табысты басқарушы -  ең алдымен бақытты басқарушы. Директорлар кеңесі атынан Рейниске алғысымды білдіріп, алдағы мансабында табыс тілеймін» - деді ForteBank Директорлар кеңесінің төрағасы Елдар Әбдіразақов. 2022ж. 15 шілдесінен бастап ForteBank басқарма төрағасының міндетін басқарма төрағасының орынбасары Бекжан Пірматов атқаратын болады. 

2022 жылдың бес айы ішінде ForteBank бизнестің негізгі көрсеткіштерінің прогрессивтік өсімін көрсетті. Банк активтері 8 пайызға, несие портфелі – 14,8 пайзға өсті, таза пайда 35 млрд теңгені құрады.  Moody’s Investors Service халықаралық агенттігі банктің рейтингін «Тұрақты» болжамымен «Ва2» деңгейінде растады. 


БАҚ үшін байланыс: Еркін Үдербай, +7 777 731 99 33


Рейнис Рубенис ForteBank басқарма төрағасы лауазымын босатады 

"ForteBank" АҚ Директорлар Кеңесінің құрамындағы өзгеріс

<Typography variant="text3Regular" color="textPrimary">
"ForteBank" АҚ (Басқарманың орналасқан жері: Қазақстан Республикасы, Z05P1P0/010017, Нұр-Сұлтан қаласы, Достық к-сі, 8/1) (бұдан әрі – "Банк") Банктің Директорлар кеңесі құрамының өзгергені туралы хабарлайды.
Банк акционерлерінің 2022 жылғы 7 маусымдағы (жиналыстың № 02/22 хаттамасы) Кезектен тыс жалпы жиналысының шешіміне сәйкес, Банктің акционері Болат Жамитұлы Өтемұратовтың мүддесін білдіретін өкіл ретінде, 2022 жылғы 7 маусымнан бастап - Ерлан Маратұлы Оспанов Банктің Директорлар кеңесінің мүшесі болып сайланды.
Осылайша, Банктің Директорлар кеңесінің құрамы 2022 жылғы 7 маусымнан бастап мынадай:
•	акционер мүддесін білдіретін төрт өкілі: Ануар Болатұлы Өтемұратов, Тимур Ризабекұлы Исатаев, Марлен Оразбекұл Мирзабеков, Ерлан Маратұлы Оспанов;
•	екі тәуелсіз директор: Елдар Советұлы Абдразаков және Пандза Хуберт.
</Typography>

«ForteBank» АҚ акционерлерінің кезектен тыс жалпы жиналысындағы дауыс беру қорытындысы туралы

<Typography variant="text3Regular" color="textPrimary">
«ForteBank» АҚ (бұдан әрі – «Банк») оның атқарушы органының (Басқарманың) орналасқан жері: Қазақстан Республикасы, Z05P1P0/010017, Нұр-Сұлтан қаласы, Есіл ауданы, Достық көшесі, 8/1, 2022 жылғы 07  маусымда   Нұр-Сұлтан уақытымен сағат 10.00-ден 11.00 дейін келесі мекенжайда өткен: Қазақстан Республикасы, Z05P1P0/010017, Нұр-Сұлтан қаласы, Достық көшесі, 8/1, 8-қабат, "Astana" мәжіліс-залы, Банк акционерлерінің кезектен тыс жалпы жиналысындағы (бұдан әрі – «Жиналыс») дауыс беру қорытындысы туралы хабарлайды.
Бекітілген күн тәртібіне сәйкес Жиналыста келесі мәселелер қаралды және дауыс беру нәтижелері бойынша келесі шешімдер қабылданды.
* * *
Күн тәртібінің ««ForteBank»  АҚ Директорлар кеңесі туралы ережеге
№ 2 түзетуді бекіту туралы» 1- сұрағы  бойынша
«ForteBank»  АҚ Директорлар кеңесі туралы ережеге № 2 түзетуі осы шешімнің 1-қосымшасына сәйкес түзетіліп, осы шешім қабылданған күннен кейінгі күнінен бастап қолданысқа енгізіле отырып, бекітілсін.

* * *
Күн тәртібінің 2-сұрағы бойынша «Банктің Директорлар кеңесінің мүшесін сайлау туралы»
1. Ерлан Маратұлы Оспанов - 2022 жылғы 07 маусымнан бастап Банктің акционері Болат Жәмитұлы Өтемұратовтың мүддесін білдіретін өкіл ретінде, Банктің Директорлар кеңесінің мүшесі болып сайлансын.
2. Ерлан Маратұлы Оспановтың Банктің Директорлар кеңесінің мүшесі ретіндегі өкілеттік мерзімі тұтастай алғанда Банктің Директорлар кеңесінің өкілеттік мерзімінің аяқталуымен бір мезгілде, яғни 2025 жылы Банк акционерлерінің жылдық жалпы жиналысы өткізілген сәтте аяқталады деп белгіленсін.
3. Банк акционерлерінің жылдық жалпы жиналысының шешіміне (2021 жылғы 29 наурыздағы № 01/21 хаттама) сәйкес, салықтар мен басқа да аударымдарды есепке алмағанда, Банктің Директорлар кеңесінің мүшесі Ерлан Маратұлы Оспановтың ай сайынғы тіркелген сыйақысының мөлшері айқындалсын.
4. Банктің Директорлар кеңесінің мүшесі Ерлан Маратұлы Оспановқа өзге де төлемдер, сондай-ақ шығыстарды өтеу «ForteBank» АҚ Директорлар кеңесінің мүшелеріне сыйақы беру және олардың шығыстарын өтеу саясатында белгіленген мөлшерде және тәртіпте жүзеге асырылады деп белгіленсін.
* * *
Жиналыс өткізілген уақытының барлық кезінде ұсынылған, Банктің дауыс беруші қарапайым акцияларының жалпы саны – 73 714 243 282 (қарапайым акциялардың жалпы санының  98,1113  %).

</Typography>


Жаңалықтар

Хабарландырулар