ForteBank 2020 жылдың соңында бекітілген жаңа қағидалар шеңберінде бұлттық сервистер бойынша Куәландырушы орталықтың мемлекеттік аккредитациясынан өткен алғашқы банк болды

<Typography variant="text3Regular" color="textPrimary">
«ForteBank 2020 жылдың соңында бекітілген жаңа қағидалар шеңберінде бұлттық сервистер бойынша Куәландырушы орталықтың мемлекеттік аккредитациясынан өткен алғашқы банк болды. Іске асыру барысында криптографиялық жабдықты жеткізушімен қауіпсіздікті арттыру тұрғысынан ауқымды жұмыс жүргізілді, кілттерді басқару бойынша биометриялық сәйкестендіруі бар цифрлық кабинет құрылды, тіпті қол қою процесіне Blockchain тізбегі енгізілді. Бұл аккредиттеу банктің электрондық цифрлық қолтаңба бойынша Қазақстан Республикасының заңнамасында белгіленген барлық талаптарға сәйкестігін растайды.

ForteBank клиенттері үшін бұл жақын арада оларға бөлімшеге бармай-ақ электрондық цифрлық қолтаңба (ЭЦҚ) шығару жаңа қызметі қолжетімді болатынын білдіреді. Онлайн түрде берілген және ЭЦҚ-мен қол қойылған құжаттардың өз қолымен қол қойылған қағаз түріндегі құжаттармен бірдей заңды күші болады».

</Typography>

ForteBank бұлттық сервистер бойынша Куәландырушы орталықтың мемлекеттік аккредитациясынан өтті

Asiamoney ForteBank Қазақстанның үздік банкі деп атады

<Typography variant="text3Regular" color="textPrimary">
Asiamoney халықаралық қаржылық басылымы ForteBank-ті үшінші рет қатарынан үздік банк деп таныды. Бұндай марапатты банк 2019 және 2020 жылдары алды. Бұл марапатты жыл сайын беделді қаржы аналитиктері қаржы ұйымдарының қызметін зерттеу және клиенттер мен серіктестерінің пікірлері негізінде береді.


Asiamoney пікірінше ForteBank активтер мен пассивтерді орынды басқару, әртараптандырылған портфель және бизнестің барлық сегментінің жақсы теңдестірілген өсімінің арқасында 2021 жылдың үздік банкі атанды.  

Мараптақа ие болуға қатысты Басқарма Төрағасы Рейнис Рубенис пікірін білдірді: *«Forte командасының жұмысын Asiamoney жоғары бағалауы біз үшін үлкен мәртебе. Forte командасы мықты, ол бұдан әрі де клиенттеріміз үшін сервистерді жақсартып, кеңейтейтіндігіне сенімдімін»*.


ForteBank Қазақстанның ең ірі банктерінің қатарына кіреді және еліміздегі ең тұрақты, өтімді және жақсы капиталы бар банктердің бірі. Банк бірнеше рет Euromoney, Asiamoney, The Banker және Global Finance секілді жетекші халықаралық баспалардың марапаттарына ие болды.

</Typography>

ForteBank «Қазақстан халқына» қоғамдық әлеуметтік қор үшін заңды тұлғаларға арналған шоттарды алғашқылардың бірі болып ашты

<Typography variant="text3Regular" color="textPrimary">
ForteBank АҚ жаңа Басқарма Төрағасы Рейнис Рубенистің алғашқы бастамаларының бірі «Қазақстан халқына» қоры үшін заңды тұлғаларға арналған шоттар ашу болды. Қор 11 қаңтарда Қазақстан Республикасының Президенті Қасым-Жомарт Тоқаевтың парламентте сөз сөйлеуі кезінде құрылды.

«*Соңғы аптада бәріміз елдегі қайғылы оқиғалардың куәсі болдық. Мен қаза болғандардың туыстары мен жақындарына қайғырып көңіл айтамын, ал жарақаттанғандарға тезірек сауығып кетуді тілеймін*. 
*Бүгін ForteBank жақында болған қайғылы жағдай салдарынан елді қайта қалпына келтіру үшін құрылған «Қазақстан Халқына» қоры үшін шоттар ашты*.  
*Қазақстан халқына күш-қуат, сабыр және жарқын болашаққа сенім тілеймін. Біріге отырып біз бұл қасіреттен өтіп, сеніммен кемел болашаққа қадам басамыз*» - деді Рейнис Рубенис.

Мемлекет басшысы ірі бизнес өкілдерін бастамаға үлес қосуға шақырғандықтан ForteBank қор үшін заңды тұлғаларға арналған шоттар ашу туралы шешімді алғашқылардың бірі болып қабылдады. Қор қаражаты Қазақстан халқына әлеуметтік көмек көрсетуге жұмсалады.

Ақшаны келесі деректемелер бойынша аударуға болады: 
"Қазақстан халқына" ҚҚ
БСН 220140006999
ЖСК KZ0896503F0010863168 в АО ForteBank
БСК IRTYKZKA
БеК 18
</Typography>

ForteBank Басқарманың жаңа төрағасы тағайындалғаны туралы хабарлайды

<Typography variant="text3Regular" color="textPrimary">
ForteBank-тің Директорлар кеңесі Басқарма төрағасының кандидатурасын мақұлдады, Басқарма төрағасы болып Рейнис Рубенис тағайындалады. 01.08.2021ж. бастап Басқарма төрағасының міндеттерін атқарған Шолпан Нурумбет басқарма төрағасының орынбасары және басқарма мүшесі ретінде қызметтін жалғастырады.

Рейнис Рубенис соңғы 25 жыл бойы Еуропаның қаржы нарықтарында жұмыс істеп келеді, ол компанияларды жетекші орындарға шығаратын тәжірибелі және тиімді басқарушы тұлға ретінде танымал. Соңғы 14 жылда Рейнис Латвиядағы ең ірі банк Swedbank-те қызмет атқарды, оның ішінде 5 жыл Басқарма Төрағасы қызметінде болды. Сондай-ақ, Рейнис Nasdaq Латвия директорлар кеңесінің мүшесі және Латвияның орталық депозитарийі директорлар кеңесінің мүшесі болды. Рубенис мырзаның жетекшілігімен Swedbank командасы активтері мен клиенттерінің саны бойынша Латвия нарығында көшбасшы болды, цифрлық қаржылық сервистерді сәтті енгізіп, елдің ең күшті HR брендін қалыптастыра алды.

Жаңа CEO негізгі стратегиялық бағыттарға – процестердің тиімділігін арттыруға және нарыққа жаңа сервистерді жеткізу жылдамдығын арттыруға назар аударады. Клиенттер тәжірибесін басқарудағы эволюция, еуропалық институттың корпоративтік мәдениетті дамыту, сондай-ақ жергілікті және жаһандық компаниялармен серіктестік бағдарламаларын құру алдағы өзгерістердің маңызды негізі болады.

Рейнистің тағайындалуына қатысты пікір білдіру барысында ForteBank мажоритарлық акционері Болат Өтемұратов келесілерді атап өтті: 

«Рейнистің жоғары бәсекелес нарықтарда жетекші қаржы институттарын құру және едәуір кәсіби сараптама жасау тәжірибесі бар. Рейнис өзінің көпжылдық мансабында оның мықты тұсы нарық қатысушыларымен, реттеушілермен және серіктестермен өзара тиімді қарым-қатынас орнату қабілеті екенін дәлелдеді.
Оның тәжірибесі мен күш-қуаты банкке өз клиенттері үшін ең жақсы тұтынушылық тәжірибе қалыптастыруға көмектеседі және бүкіл команданы табысқа жетелейді.»

Рейнис Рубенис те қызметінің жаңа кезеңі туралы оң пікір білдірді:

“Мен Forte-нің бір бөлігі болғаныма қуаныштымын және акционерлерге көрсеткен жоғары сенімі үшін алғыс айтамын. Мен өз тарапымнан банктің табысы мен әрбір клиенттің әл-ауқатын нығайту үшін барлығын жасайтынымды сенімді түрде айтқым келеді. Бүгіннен бастап біз Forte-ні клиенттердің сенімі мен сүйіспеншілігіне ие еуропалық банк ретінде қалыптастырамыз.».
</Typography>

Moody’s халықаралық рейтинг агенттігі
ForteBank рейтингін көтерді


2021 жылғы 15 желтоқсанда Moody’s Investors Service («Moody’s») «ForteBank» АҚ-ның депозиттер бойынша ұзақ мерзімді рейтінгін «Тұрақты» болжаммен Ba3-тен Ва2-ге дейін көтеру туралы шешімін жариялады. Moody's агенттігі банк рейтингін бұдан бұрын 2020 жылдың желтоқсанында көтерген болатын. Ол кезде агенттік ForteBank-тің депозиттер бойынша ұзақ мерзімді рейтингін «Тұрақты» болжаммен В1-ден Ва3-ке дейін көтерген.

«ForteBank» АҚ үшін бұл рейтингтер бойынша 2021 жылдағы алғашқы оң өзгеріс емес. 2021 жылдың қыркүйек айында S&P Global Ratings халықаралық рейтинг агенттігі «ForteBank» АҚ-ның рейтингтер бойынша болжамын «Тұрақтыдан» «Позитивтіге» дейін жақсартты, ұлттық шкала бойынша рейтингін «kzBBB»-ден «kzBBB+»-ке дейін көтерді және ұзақ мерзімді және қысқа мерзімді рейтингтерін «B +/B» деңгейінде растады. Fitch Ratings агенттігі өз кезегінде банктің ұзақ мерзімді рейтингін «B»-ден «B+»-ке дейін көтеріп, болжамды «Тұрақтыдан» «Позитивтіге» дейін жақсартты.
Moody's сарапшыларының пікірінше, рейтингілік әрекет ағымдағы жылдың басынан бері проблемалық кредиттердің күрт азаюынан кейін Банк активтері бойынша тәуекелге қатысты белгісіздіктің айтарлықтай төмендеуін көрсетеді. Рейтингілік әрекет сонымен қатар Банк табысы сапасының жақсарғанын және Forte бизнес профилінің нығайғанын көрсетеді.
Анықтама үшін:
ForteBank Қазақстандағы ең ірі бес банктің қатарына кіреді және еліміздегі ең тұрақты, өтімді және жақсы капиталы бар банктердің бірі болып табылады. Банктің 20 филиалы және 100-ге жуық бөлімшесі бар. Банк бірнеше рет жетекші халықаралық баспалардың марапаттарына ие болды. Осылайша, соңғы 12 айда ForteBank Euromoney, Asiamoney және Global Finance пікірі бойынша Қазақстандағы ең үздік банк болып танылды.


Жаңалықтар

Хабарландырулар