Банктің Директорлар кеңесінің 2024 жылғы 30 қаңтардағы шешіміне сәйкес (№1 отырыс хаттамасы), Гаухар Тусупкалиевна Бисембиева 2024 жылғы 5 ақпаннан бастап Банк Басқармасының мүшесі - Басқарма Төрағасының бірінші орынбасары (COO) болып тағайындалды. 

Гаухар Бисембиева - 2017 жылғы ақпаннан бері «ForteBank» АҚ Басқармасының мүшесі, Басқарма төрағасының орынбасары. 

2021 жылғы мамырда «ForteBank» АҚ болып атауы өзгерген «Метрокомбанк» АҚ-да әр жылдары басқарма төрағасының орынбасары, басқарма төрағасының міндетін атқарушы, басқарма төрағасы болған. 
2022. 
Қаржыгер мансабын 1998 жылы тамызда «Демир Казахстан Банк» ААҚ-да клиенттермен жұмыс жөніндегі маман ретінде бастаған. Кейін «TEXAKABANK» АҚ-да операциялық департамент директоры, атқарушы директор, басқарушы директор, басқарма төрағасының бірінші орынбасары позицияларында жұмыс істеген. 

1997 жылы Қазақ Мемлекеттік Басқару академиясының халықаралық экономикалық қатынастар факультетін бітірген. 2006 жылы КИМЭП институтында (Қазақстандық менеджмент, экономика және болжау институты) іскерлік басқару магистрі дәрежесін алған. 


Гаухар Бисембиева «ForteBank» АҚ Басқарма төрағасының бірінші орынбасары болып тағайындалды 

ForteBank Kulanshi Artspace галереясында қазақстандық заманауи суретші Сәулет Жәнібектің «QARA NUKTE» жеке көрмесі ашылды. 

«ForteBank» АҚ-ның, «KULANSHI» қазіргі заманғы өнер орталығының және Еуразиялық Өнер академиясының қолдауымен ұйымдастырылған бұл көрме - ForteBank Kulanshi Artspace галереясының 2024 жылдағы көрмелер маусымын ашып отыр. Экспозицияны дайындауға сондай-ақ, Ринат Абенов (мүсін) және Aliya Valeryevna (AV бренді, инсталляция) көмек көрсетті. 

Сәулет Жәнібек - минимализм және сюрреализм бағыттарында жұмыс істейтін кескіндемеші. Сарапшылардың айтуынша, оның туындылары графикалығымен, айқындылығымен және тазалығымен ерекшеленеді. Көптеген отандық және шетелдік көрмелер мен фестивальдерге қатысқан Сәулет Жәнібектің «FORTE KULANSHI ARTSPACE» галереясында бұған дейін, 2018 және 2022 жылдары - «Артерия» және «Эндорфин» деп аталған екі жеке көрмесі өткен. 

«Біз сіздердің назарларыңызға «QARA NUKTE» картиналар көрмесін ұсынамыз. Бұл туындылар - біздің ата-бабаларымыздың қалай өмір сүргені туралы суретшінің өзіндік пайымы, көзқарасы. Автор өз шығармашылығымен бізді «қайдан келдік?», «неге біз осындаймыз?» деген сұрақтарға, генетикалық жадының қаншалықты мықты екендігі туралы ойларға жетелейді», - деп атап көрсетті көрменің ашылу рәсімінде сөз сөйлеген «ForteBank» АҚ басқарма төрағасы Бекжан Пірматов.

Суретші өзінің көрмесін неліктен «QARA NUKTE» деп атаған деген сұраққа галереяға келушілер өз жауабын бере жатар, ал «KULANSHI» қазіргі заманғы өнер орталығының кураторлық кеңесінің төрағасы, доктор Лейла Махат көрме тақырыбына қатысты өз ойын былай деп білдірді. 

«Әке Сәулет үшін – бұл осы көрмеге портретін арнайы салған сүйікті ұлы Әлидің маңдайындағы нүкте. Суретші Сәулет үшін QARA NÚKTE - өзінің қиялындағы әлемдерді аралауға қадам жасайтын бастапқы нүкте. Ал оның әлемдері шебердің жүрегінен туған, оның ойларымен зерленген түрлі образдарға толы. Суретшінің ақ қағаз бетіне тек қара қаламмен салған картиналары энергияның көзі іспетті. Шоқан Уәлихановтың сөзімен айтар болсақ, формалар мен сюжеттер - Таң қалдырады. Ойландырады. Толғандырады. Мөлдірлік, тереңдік туралы, қуаныш бен жұбаныш туралы, эмоцияларымыз бен қоршаған әлеміміздің байланысы туралы ой салады. Шын мәнінде, біздің таңдау жасауға құқымыз бар. Сіздің «Меніңіз» айналаңыздағы әлемдердің қайсысына ынтық? Дәл қазір сіздің «Меніңіз» - қай әлемде?», - дейді Л.Махат.

Көрме Астана қаласы, Достық көшесі, 8/1 мекенжайы бойынша ForteBank Kulanshi Artspace галереясында 1 ақпан күні ашылды және 1 наурызға дейін өтеді. 



ForteBank Kulanshi Artspace галереясында суретші Сәулет Жәнібектің көрмесі ашылды

 Бүгін Forte банктің Астанадағы бас кеңсесінде 2023 жылы өткізілген ұтыс ойындарының жеңімпаздарына сыйлықтар табысталды.

Бүгін Forte банктің Астанадағы бас кеңсесінде 2023 жылы өткізілген ұтыс ойындарының жеңімпаздарына сыйлықтар табысталды. Ең керемет сыйлықтар, атап айтқанда KIA Sorento автокөлігі мен Астананың орталығындағы бизнес-класс тұрғын үй кешенінен пәтер Әйгерім мен Ярославқа бұйырды. Жеңімпаздар кездейсоқ сандар генераторы арқылы таңдалған. 
Банк клиенттері арасында екі ұтыс ойыны болды. Біріншісі, банктің бөлшек клиенттері, Forte төлем картасын ұстаушылар арасында.  14 тамыздан 24 желтоқсанға дейін жалғасқан науқанда клиенттер 1000 теңгеден жоғары сомадағы сатып алулар үшін мүмкіндігінше жиі төлем жасап, ForteApp мобильді қосымшасында тіркелуі керек болды. Акция барысында жалпы 18 клиент бір миллион теңгеден алды. Ал ақтық ұтыс ойынында Ярослав Пак елордадағы жаңа тұрғын үй кешенінен люкс пәтердің иесі атанды. Forte жүлделерге жомарт!

Кездейсоқ сандар генераторына науқан шарттарына сай келетін 65 миллион транзакция жүктелген. Клиенттер ең көп ақшаны супермаркеттер, киім және аяқ киім дүкендері, кафелер мен мейрамханалар, такси қызметтері мен жанармай құю станцияларына жұмсаған. Осы тұста айта кетейік, Forte жалақы картасы ең тиімді карталардың бірі, олармен 15 пайызға дейін жоғарылатылған бонус алып, айына 500 000 теңгеге дейін тегін аударымдар жасап, 7 миллион теңгеге дейін ақша шеше аласыз, картаны шығару және қызмет көрсету тегін. Картаны Google, Android немесе Apple Pay жүйесіне байланыстырып, телефон немесе смарт сағат арқылы төлеуге болады, ал егер банкте белгілі бір сомада депозит болса, барлық саудаға +1% бонустар беріледі, бұл өте тиімді.

 «Біз өз клиенттерімізді таң қалдыруға тырысамыз, егер сыйлық берсек, баға жетпес, қажет нәрселер береміз. Клиенттер де бізге солай жауап береді. Біздің акцияның ең белсенді қатысушылары: Алматы, Астана, Өскемен, Қостанай және Қарағанды қалаларынан  екені белгілі болды. Сондай-ақ, биыл шілдеде Парижде өтетін Олимпиада ойындарының ашылу салтанатына екі адамға арналған ұтыс ойынын ойнататынымызды хабарлаймын. Жүлдеге әуе билеті, қонақ жай және ойындарға кіру билеті кіреді. Сондықтан Forte картасын ашатын уақыт келді. Қатысу үшін не қажет екенін әлеуметтік желілерде хабарлаймыз, хабарландыруды жіберіп алмаңыздар.

Екінші ұтыс ойынының жеңімпазы - елордадағы шағын кофехананың иесі және Forte компаниясының бизнес клиенті Әйгерім Өтесейітова. Әйгерім бизнес үшін онлайн несие алып, KIA Sorento автокөлігін жеңіп алды.

3 қаңтарда шағын және орта бизнес клиенттері үшін ұтыс ойынының соңғы кезеңі басталды. Шарттары бұрынғыша: 3 сәуірге дейін ForteBusiness қосымшасында, интернет-банкингте немесе банктің веб-сайтында онлайн-несие немесе онлайн кепілдікке өтініш беру керек. Жеңімпаз рандомайзер көмегімен forte business Instagram парақшасында тікелей эфирде таңдалады. Forte клиенттеріне сәттілік тілейміз. 



ForteBank жеңімпаздарға сыйлықтар табыстады

ForteBank серіктестері Allur Finance компаниясы және Астананың халықаралық әуежайымен бірлесіп «New year story» атты жаңа жыл алдындағы науқанды бастады: бүгінгі күннен бастап елорда әуежайында Forte мен Allur finance компаниясының бренділенген көліктері кезекшілік етеді. Олар Астанаға ұшып келген қонақтарды күтіп алып, баратын жеріне тегін жеткізеді. 

Ұйымдастырушылар көлік жүргізушілерінің ата-әжелер мен балалары бар жолаушыларға басымдық беретінін мәлімдейді.
«Біз сізге мерекелік қарбалас кезінде бәріне үлгеруге жанталасып жатқанда күтпеген жерден жағымды тосынсый орын алатын жаңа жылдық ғажайып сезімді сыйлағымыз келді. Әуежайдан тегін трансфермен жету мүмкіндігіне ие болған елорда тұрғындары мен қонақтарына біздің идеямыз ұнайтынына сенеміз», - деп мәлімдейді ForteBank маркетологы Айнур Жаманова. 

Kia, Chevrolet, Jac, Jetour моделіндегі сегіз автокөлік сағат таңғы 12-ден кешкі 6-ға дейін жұмыс істейді, «New year story» науқаны 27-30 желтоқсан аралығында болады. Аяз ата мен ақшақар қонақтарды әуежайда күтіп алып, жүргізушісі бар көлікке дейін шығарып салады.


Forte және оның серіктестерінен жаңа жылдық тосын сый

Беделді британдық Euromoney іскерлік журналының азиялық Asiamoney бөлімшесі Best Bank Awards 2023 халықаралық сыйлығының қорытындысын шығарды. 

Asiamoney Forte-нің күшейіп келе жатқан позициясын атап өтеді - банк активтер мен меншікті капиталдың мөлшері бойынша Қазақстан Республикасының 5 ірі қаржы институтының қатарынан орын алып отыр. Forte қазақстандық экономиканы белсенді кредиттеуде: заңды тұлғалар алған кредиттердің банктің кредиттік портфеліндегі үлесі 60% құрайды, 2023 жылы заңды тұлғалардың кредиттік портфелі 18,1% -ке, 866 млрд теңгеге дейін өсті. 

Оған қоса, ForteBank біздің еліміздегі жүздеген мың кәсіпкерге сенімді қаржы серіктесі болып отыр: 2023 жылы банктің  Forte Business қосымшасы - SME Banking Agency нұсқасы бойынша Шығыс Еуропа және Орталық Азия елдерінде бизнеске арналған  ең үздік мобильді банк атанды. 

ForteBank негізгі капиталдың жеткіліктілік коэффициентін (k1) 18,7% деңгейінде сақтап келеді (бұл регулятордың талабынан 2 есеге асады), сондай-ақ ҚР-дағы ең ликвидті коммерциялық банктердің бірі болып қалуда - банк балансындағы ликвидті активтердің деңгейі - 1 014 млрд теңгені құрады, бұл көрсеткіш жылдың басынан бері 13,68%-ке өсті. 

ForteBank-тің сенімділігін және қаржылық тұрақтылығын халықаралық рейтингілік агенттіктер де атап өтуде, олар ағымдағы жылы банктің рейтингін жақсарту жағына қарай қайта қарады. Атап айтқанда, Moody’s агенттігі «ForteBank» АҚ болжамын «тұрақты»-дан «позитивті»-ге дейін көтеріп, рейтингін «Ва2» деңгейінде бекітсе, Fitch агенттігі «ForteBank» АҚ рейтингін «ВВ-» деңгейінен «ВВ»-ге деңгейіне көтерді, болжам: «тұрақты» болды. Ал S&P агенттігі банктің рейтингін «ВВ-» деңгейінде бекітіп, болжам: «тұрақты».

«ForteBank» АҚ басқармасының төрағасы Бекжан Пірматов «бүкіл командамыздың күш-жігерін жоғары бағалағаны үшін біз Asiamoney аналиктеріне алғысымызды білдіреміз» дей келе, «қол жеткізілген нәтижелер мен тұрақты қаржылық көрсеткіштеріміз біздің одан әрі өсіп-дамуымыздың дәлелі және негізі болып табылады. Біз барлық арналардағы өнімдер мен қызметтердің архитектурасы мен сапасын жүйелі түрде жақсарту жұмысын жалғастырамыз. Келесі жылы қызмет көрсету сапасына және клиенттік тәжірибеге ерекше назар аударатын боламыз» дейді. 

Forte - белсенді бизнес-ойыншы: Банктің осы бағыттағы бизнес-табысы 2021 жылмен салыстырғанда 2 есеге ұлғайды. ForteApp мобильді қосымшасында банк операцияларының 25 түрі, оның ішінде төлем карталарын және салымдар ашу, жедел кредиттер беру операциялары бар. Forte-дегі барлық депозиттің 98% жуығы мобильді қосымша арқылы ашылған. Оған қоса, Forte өз болмысын сақтап, еліміздің өңірлерінде орналасқан 20 филиалы мен 128 бөлімшесі арқылы да қызметтер көрсетуде. Forte филиалдары желісі Senteo рейтингіне сәйкес, сервис сапасы бойынша Қазақстанда бірінші орынды иеленді. 

Ағымдағы жылдың екінші жартысында банк цифрлы автокредиттеуді іске қосып, қазіргі таңда 250-ден астам серіктес-автосалонмен бірлесіп жұмыс істеуде. Сондай-ақ, банк клиенттеріне ForteMobile байланыс қызметі ұсынылған. 
Оған қоса, Банк Mastercard-пен бірлесіп, Орталық Азияда және Шығыс Еуропада бірінші болып әлемнің 37 елінде Forte Alem халықаралық ақша аудару сервисін іске қосып отыр. Клиенттер болса, клиенттің өзі белгілеген бағам бойынша валюта айырбастауға арналған ForteForex сервисі алаңына жоғары баға беруде.  Осы жылдың желтоқсанында ForteApp қосымшасында Қазақстанның төрт қаласындағы қоғамдық көлікте жол жүру ақысын QR арқылы төлеу мүмкіндігі іске асырылды. 

Forte білім беру, спорт, мәдениет және өнер саласындағы жобаларға да жүйелі түрде қолдау көрсете отырып, корпоративтік әлеуметтік жауапкершілікті де назарда ұстауда. 2023 жылы банк қайырымдылық жобаларға 6,7 млрд теңге жұмсады.


Новости

Объявления