Fitch Ratings халықаралық агенттігі ForteBank рейтингін көтерді

<Typography variant="text3Regular" color="textPrimary">
Fitch Ratings халықаралық рейтингтік агенттігі ForteBank-тің ұзақ мерзімді рейтингін «Тұрақты» болжамында «ВВ-»-ке дейін көтерді. Рейтингтің жоғарылауына Forte кірісінің едәуір артуы, капиталданудың өсуі, проблемалық қарыздардың мұрагерлік портфелінің едәуір төмендеуі, сондай-ақ қорландыру мен өтімділіктің берік базасы ықпал етті. Агенттік Forte нарықтың барлық сегменттерінде кредит берудің айтарлықтай өсуіне қол жеткізгенін айтады. Кредиттік портфель  2022 жылдың бірінші жартысында 26% - ға өсті.
            Fitch сарапшылары Forte мен Қазақстанның банк секторы капиталдың жоғары рентабельділігі мен өтімділігінің арқасында Ресей-Украина қақтығысынан туындаған сыртқы күйзелістерге қарсы тұрады деп санайды.
        «Forte Бизнес-моделі соңғы жылдардағы әлемдегі және Қазақстандағы оқиғалардан туындаған сыртқы күйзелістер алдында орнықтылықты көрсетті. Клиенттер біздің кең өнім желісін, сапалы қызметті, ыңғайлы қосымшаны енгізуді жоғары бағалады және Forte-нің сенімділігіне көз жеткізді. Нәтижесінде Банк барлық клиенттік сегменттерде өзінің нарықтық позициясын нығайтты, капиталдың рентабельділігін арттырды және кредиттік портфельдің сапасын жақсартты, бұл Fitch агенттігінің рейтингісін арттыруына әсер етті», - деп атап өтті «ForteBank» Басқармасының төрағасы Бекжан Пірматов.
       ҚЕХС бойынша шоғырландырылған есептілікке сәйкес, Fortebank активтері 2022 жылдың бірінші жартыжылдығында 8%-ға өсті. Банктің кредиттік портфелінің мөлшері 1 трлн теңгеден асты, өсім сектор бойынша орташа есеппен 5,5%-ға қарағанда 26%-ды құрады. Банктің шоғырландырылған таза пайдасы 44 млрд. теңгеден асты (2021 жылдың 1 жарты жылдығындағы пайда 31,6 млрд. теңгені құрады).
_________________________________________________________________________________

БАҚ үшін байланыстағы тұлға : Еркін Үдербай, +7 777 731 99 33

</Typography>


Fitch Ratings халықаралық агенттігі ForteBank рейтингін «Тұрақты» болжамында «ВВ-» деңгейіне дейін көтерді

ForteBank клиенттері телефон нөмірі бойынша ақша аудара алады

<Typography variant="text3Regular" color="textPrimary">
Біз Қазақстан Ұлттық Банкі іске қосқан,  Лездік төлемдер жүйесіне қосылдық. Бұл - ForteBank клиенттері осы жүйеге қосылған басқа банктердің клиенттеріне телефон нөмірі бойынша ақша аудара алады дегенді білдіреді.
     Аударымның максималды сомасы 500 000 теңге. Ақша аударым үшін комиссия - аударым сомасына қарамастан 8 теңге.
 
Аударымды қалай жіберуге болады:
Forte қолданбасын ашыңыз;
«Аударымдар» бөліміне өтіңіз;
«ҚР бойынша Лездік аударымдар» аударым түрін таңдаңыз;
Телефон нөмірін енгізіп, аударым алушының Банкін таңдаңыз.
Дайын, ақша алушыға бірден лезде  түседі. 

Бүгінгі таңда Лездік төлемдер жүйесіне «Еуразиялық банк» АҚ, «FIRST HEARTLAND JUSAN BANK» АҚ, «Қазпочта» АҚ, «Личная касса»  ЖШС (Aitu Wallet), «Сбербанк» АҚ ЕБ, «Банк Фридом Финанс Казахстан» АҚ және «Банк ЦентрКредит» АҚ қосылған

</Typography>


Лездік төлемдер жүйесіне қосылдық

<Typography variant="text3Regular" color="textPrimary">
Біз «Сентрас Коммеск Life» компаниясымен бірге COVID-19 ауруымен сырқаттанған жағдайда сақтандыруды жасап шығардық. Бүгінгі күні коронавирус ауруымен ауырғандар саны артқандықтан, сақтандырудың бұл түрі өзекті. 

Егер де сақтандыру шартының әрекет ету мерзімі барысында келесі жағдайлардың бірі орын алса, бұл өнім сақтандыру өтемінің өтелуін қамтамасыз етеді:
- сақтандыру қорғанысы әрекет ету мерзімі барысында бір рет сақтандырылушы адамда COVID-19 коронавирустық инфекциясы тудырған ауру анықталса және оның салдарынан адам ауруханаға жатқызылса;
- сақтандыру қорғанысы әрекет ету мерзімі барысында COVID-19 коронавирустық инфекциясы тудырған ауру салдарынан сақтандырылушы адам қайтыс болса.

Бұл сақтандырудың артықшылығы – сақтандыру шартын жасау кезінде денсаулықтың жалпы жағдайын бағалау қажет емес. Сонымен қатар, Қазақстан бойынша тәулік бойы сақтандыру қорғанысы да қарастырылған.

Сақтандыруды Forte қосымшасындағы Сервистер → Сақтандыру → COVID-19 ауруымен сырқаттанған жағдайда сақтандыру бөлімінде ресімдеуге болады.

Құрметпен, Forte
</Typography>


Жаңа өнім — COVID-19 сақтандыру 

Бекжан Пірматов ForteBank-тің Басқарма Төрағасы лауазымында бекітілді 


<Typography variant="text3Regular" color="textPrimary">
2022 ж. 14 шілде, Нұр-Сұлтан қ. - ForteBank-тің Басқарма Төрағасы болып Бекжан Пірматов тағайындалды. Бұл шешім 2022 жылғы 11 шілде күні болған банктің Директорлар кеңесінің отырысында қабылданды. 
Бекжан Пірматов – кәсіби банкир, банктік салада, оның ішінде қазақстандық әрі HSBC және ЕҚДБ сынды халықаралық қаржы институттарында 18 жылдық жұмыс өтілі бар. Сонымен қатар, «ЦеснаБанк» және First Heartland Jysan Invest басқармаларына басшылық жүргізді. 2020 жылы басқарма төрағасының орынбасары ретінде Forte командасына қосылды. Т.Рысқұлов атындағы Қазақ экономикалық университеті («Нархоз» университеті) мен George Washington University (АҚШ) жоғары оқу орындарының түлегі.   
ForteBank Директорлар кеңесінің төрағасы Елдар Әбдіразақовтың пікірінше:  «Бекжан Пірматов Forte құрамында жұмыс істеген уақыты барысында корпоративтік блок, ШОБ бағыты, қазынашылық, бөлшек сегмент бағыты секілді бизнестің негізгі желілеріне жақсы басшылық жүргізе білді. Директорлар кеңесі Бекжанның кәсіби біліктілігін, жергілікті және халықаралық қаржы нарықтарын жан-жақты білуін, көшбасшылық қабілеттерін ескере отырып, оны Басқарма Төрағасы лауазымында бекіту туралы шешім қабылдады. Оның басшылығымен Forte командасы бизнестің тұрақты өсуін жалғастырады деген сенімдеміз». 
«Мен Forte-ні үздік банк ретінде санаймын, акционерлер мен Директорлар кеңесі білдірген сенімдері үшін және банкті жаңа деңгейге көтеру мүмкіндігі үшін алғыс білдіремін. Әмбебап банктің жұмысындағы сабақтастық және цифрлық шешімдер арқылы бизнес сегменттерде өсуге бағытталған тиімді стратегияны жалғастыру біз үшін өте маңызды», - деп Бекжан Пірматов атап көрсетті.
2022 жылдың алғашқы жартыжылдығында ForteBank бизнестің негізгі көрсеткіштері бойынша қарқынды дамуды көрсетті. Банк активтері  15,8%-ке, несие портфелі 27,5%-ке, депозиттер 4,5%-ке өсті. Басқарушылық есептілікке сәйкес, таза табыс 43,2 млрд. теңгені құрады. 
2022 жылғы 8 шілдеде S&P Global Ratings халықаралық агенттігі ForteBank-тің ұзақ мерзімді кредит рейтингін «В+» бағасынан «ВВ-» бағасына дейін көтерді. Рейтинг бойынша болжам — «Тұрақты». Сонымен қатар, аталған агенттік қазақстандық ұлттық шкала бойынша банктің рейтингін «kzBBB+» бағасынан «kzA-» бағасына дейін көтерді.

________________________________________________________________________________________

БАҚ үшін байланыс тұлғасы: Еркін Үдербай, +7 777 731 99 33

</Typography>  

Forte-де жаңа Төраға 

Рейтинг капиталдандыру көрсеткіштерінің жақсаруына байланысты көтерілді 

<Typography variant="text3Regular" color="textPrimary">
2022 жылғы 8 шілде – S&P Global Ratings халықаралық агенттігі ForteBank-тің ұзақ мерзімді кредит рейтингін «В+» бағасынан «ВВ-» бағасына дейін көтерді. Рейтинг бойынша болжам — «Тұрақты». Сонымен қатар, аталған агенттік қазақстандық ұлттық шкала бойынша банктің рейтингін «kzBBB+» бағасынан «kzA-» бағасына дейін көтерді. 

S&P Global Ratings пайымдауынша, ForteBank-тің капиталдандыру көрсеткіштері нығая түсті. Ендігі кезекте банк капиталдың елеулі қорын қолдай отырып, өз жұмыс жүргізеді және актив көлемі жөнінен қазақстандық ірі бес банктің қатарына қосылуын жалғастырады. 

S&P Global Ratings агенттігі жариялаған мақалаға сәйкес: «Бөлшек бизнес пен корпоративті клиенттер бойынша және тұрақты жаңа бизнесті жасау бойынша әртараптандыру - кредит және депозит портфелдерінің теңгерімділігі арқылы банктің нарықтық позициясын нығайтады деп ойлаймыз (кредит берудің болжамды өсу қарқыны — 10-15%). 2021 жылы банк бірлестірілген есепте 64 млрд теңге (шамамен 160 млн долл.) мөлшеріндегі таза табысты көрсетіп өтті. Бұл оның орта жеке капиталының (return on average common equity — ROAE) 23,7% деңгейіндегі рентабелділігіне сәйкес келеді. Бухгалтерлік есептің ұлттық стандарттарына сәйкес жасалған есептілікке сәйкес, 2022 жылдың алғашқы бес айы бойынша банктің таза табысы шамамен 30 млрд теңгені құрады. Осылайша біз 2022 жылдың барысында да банктен тұрақты табысты өндіруін күтудеміз, бұл ретте ROAE коэффициенті шамамен 20% құрайтын болады».

Сонымен қатар, агенттік банктің басшылығында жуырда орын алған өзгерістер стратегияны жүзеге асыруға әсер етпейді  деген болжам жасайды: «Басқарма төрағасының қызметін атқарушы Бекжан Пірматов банк менеджменті құрамында бірнеше жылдан бері болды. Өкілеттіліктер ойдағыдай тапсырылды, сол себепті бұл өзгерістер бизнестің даму қарқының төмендеуіне немесе ағымдағы стратегияның өзгеруіне алып келмейді, сондай-ақ ForteBank-тің бақылаушы акционері Болат Өтемұратов банктің ағымдағы стратегиясының жүзеге асырылуын толық қолдайды деген ойдамыз». 

S&P Global Ratings пікірінше, соңғы бес жылда берілген проблемалы кредиттердің мәселесін реттеуде ForteBank елеулі жетістіктерге қол жеткізді. Банк 2020 жылы орын алған пандемия әсерінен проблемалы кредиттер үлесінің артуына тап болуына қарамастан, агенттік 2022-2023 жылдары банк активтерінің сапасы жақсаратындығына үміттенеді: «Проблемалы активтердің мөлшері 2021 жылы қысқарды. Осылайша, сипаттамасы 3 Кезеңге сәйкес келетін кредиттердің үлесі кредит портфелінің шамамен 11% құрады, яғни 2020 жылдың соңы жағдайы бойынша 26%-тен төмендеді. Біздің болжауымызша, ForteBank-тің 2022 жылы резервтеу бойынша шығындары жоғары қалпында қалады, бірақ банк секторы бойынша орта деңгейден (шамамен 2%) асып түспейді. Бұл күрделі операциялық талаптармен және қарыз алушылардың кредитті өтеу қабілеттілігінің төмендеуімен түсіндіріледі. Инфляцияның күрт өсуі, Ресей мен Украина елдері арасындағы шиеленістің әсерінен сауда және логистикалық тізбектің бұзылуы қарыз алушылар тарапынан төлем тәртібінің төмендеуіне, қор қаражатын қосымша қажет етуге алып келуі мүмкін.   Алайда, Қазақстанның сыртқы активтерінің экономикалық көрсеткіштері қолайлы, сол себепті актив сапасының төмендеуі орын алса да, бұл құбылыс біршама тұрақты және уақытша болады деген ойдамыз».

«S&P Global Ratings агенттігінің рейтингті көтеруі ForteBank таңдаған стратегияның тиімділігін растайды. Бұл стратегияның астарында салмақты, консервативті кредит саясаты, өнімдерді және қызметтерді цифрландыру, олардың негізінде бөлшек және бизнес клиенттер үшін экожүйені құру жатыр. Біздің бизнес-модель өзінің тұрақтылығын көрсетті, яғни соңғы 3-4 жылдың ішінде көрсеткіштеріміз тұрақты түрде өсуде. Біз сабақтастық бағытын ұстанамыз, сонымен қатар, бөлшек нарық, ШОБ және ірі бизнесті қоса алғанда барлық сегментте жұмыс істейтін классикалық, сенімді әрі әмбебап банк ретінде қаламыз», - деп ForteBank басқарма төрағасының міндетін атқарушы Бекжан Пирматов атап өтті. 

________________________________________________________________________________________

БАҚ үшін байланыс тұлғасы: Еркин Удербай, +7 777 731 99 33

</Typography>


Жаңалықтар

Хабарландырулар