ForteBank Еуропадағы, Таяу Шығыстағы және Латын Америкасындағы 14 халықаралық банктен 200 миллион АҚШ доллары көлемінде алғашқы синдикатталған кредит тартқанын хабарлады

Бұл мәміле - ForteBank-тің халықаралық синдикатталған қарыздар нарығындағы дебюті.

Бастапқыда жарияланған қаржыландырудың көлемі шамадан тыс жазылудың есебінен айтарлықтай ұлғайды, бұл халықаралық кредиторлардың ForteBank-тің қаржылық тұрақтылығы мен даму стратегиясына, сондай-ақ Қазақстан Республикасының макроэкономикалық бағдарына деген жоғары сенімін білдірсе керек.

Мәмілені Commerzbank Commerzbank Aktiengesellschaft және MashreqBank PSC банктері ұйымдастырды. Commerzbank Aktiengesellschaft сонымен қатар құжаттама агенті ретінде қызмет етті, ол кредит бойынша агент міндетін атқарады. 

«*Бұл синдикатталған кредит ForteBank дамуының маңызды кезеңі болып табылады және біздің банктің халықаралық қаржы қоғамдастығында кеңінен танылып келе жатқанын көрсетеді*», - деп атап көрсетті өз сөзінде ForteBank Басқарма Төрағасы **Талғат Қуанышев**. «*Бізге деген ықылас-сенімдері үшін жаһандық қаржы институттарына алғысымызды білдіреміз*», - деді ол. 

Алған қаражат жалпы корпоративтік мақсаттарға, оның ішінде экономиканың нақты секторын қаржыландыруға және қаржыландыру базасын әртараптандыруға жұмсалатын болады. Сонымен қатар, бәсекеге қабілетті жағдайда тартылған қаржыландыру ForteBank-ке өз клиенттеріне бизнестерін кеңейту мен дамытуға ықпал ететін тартымды шарттармен қаражат ұсына отырып қолдау көрсетуге мүмкіндік береді.

ForteBank-тің халықаралық синдикатталған кредит нарығындағы бұл дебюті - халықаралық серіктестердің Банктің қаржылық тұрақтылығына берген жоғары бағасы іспетті, сондай-ақ инвесторлардың инвестициялық юрисдикция ретінде сенімді және перспективасы зор Қазақстанға деген қызығушылықтарының өсіп келе жатқанын көрсетеді.

**ForteBank туралы:**

ForteBank - корпоративтік және бөлшек бизнес сегментінің клиенттері үшін банк қызметтерінің кең спектрін ұсынатын Қазақстандағы жетекші қаржы институттарының бірі. Банк инновациялық шешімдерді енгізу және халықаралық стандарттарды сақтау арқылы тұрақты даму стратегиясын ұстанып келеді.


ForteBank синдикатталған қарыздар нарығында үлкен жетістікке жетті және  халықаралық инвесторлардың мүдделі ықыластарының арқасында 200 миллион доллар жинады

**Құрметті клиенттер!**

«ForteBank» АҚ 2025 жылғы 01 маусындан  бастап «Заңды тұлғалар (банктерді қоспағанда), жеке кәсіпкерлер жеке нотариустар, жеке сот орындаушылары, адвокаттар, кәсіби медиаторлар, шаруа және фермер қожалықтары  үшін тарифтік жоспарға» енгізілетін өзгертулер күшіне енетіндігін хабарлайды.

Енгізілген өзгерістерді Банк бөлімшесінде, не Банктің сайтында осы [<u>сілтемебойынша</u>](https://main.storage-object.pscloud.io/Tarifnye_plany_dlya_Yu_L_i_IP_Zaemnye_operaczii_rus_01_06_2025g_48d8a282dd.pdf) таныса аласыз.

**Өзгерістер 2025 жылы 01 маусындап  бастап күшіне енеді**

**Құрметпен, «ForteBank» АҚ**


«Заңды тұлғаларға арналған қарыз операцияларының тарифтік жоспарына» өзгерістер 

Макроэкономикалық ортаның тұрақты қысымына қарамастан, банк кірістің қарқынды өсуін, активтердің көбеюін және жоғары табыстылықты көрсетуде

**Қаржы нәтижелері: тұрақты динамика**

•	Таза пайда 45,885 млрд теңгені құрады, бұл өткен жылдың осыған ұқсас кезеңімен салыстырғанда 33%-ке артық (2024 жылдың 1 тоқсаны: 34,571 млрд теңге). Пайданың артуына проценттік кірістің өсуі мен операциялық шығындарды тиімді басқару себеп болды.

•	Таза проценттік кіріс 23%-ке өсіп, 71,759 млрд теңгені құрады (2024 жылдың 1 тоқсаны: 58,240 млрд теңге), бұл кредиттік портфель мен инвестициялық бағалы қағаздар бойынша кірістің өсуімен негізделеді.

•	Шетел валютасымен жүргізілген операциялар бойынша таза табыс жоғары құбылмалылық және валюталық позицияларды оң қайта бағалау нәтижесінде екі есеге өсіп, 14,620 млрд теңгені құрады.

•	Таза комиссиялық кіріс 4,5 млрд теңгені құрады, яғни өткен жылдың деңгейінде сақталды.

**Операциялық шығыстар және салықтар**

•	Жалпы және әкімшілік шығыстар 22,8 млрд теңгені құрады, бұл өткен жылдың осыған ұқсас кезеңідегі көрсеткішпен (21,9 млрд теңге) шамалас.

•	Корпоративтік табыс салығы бойынша шығыстар 5,0 млрд теңгені құрады.

**Баланстық көрсеткіштер: активтердің өсуі және капиталдандыру**

•	Жалпы активтер 9,5%-ке өсіп, 4,48 трлн теңгеге жетті (31.12.2024 ж.: 4,09 трлн теңге), бұл кредиттік портфельдің және бағалы қағаздар үлесінің өсуіне байланысты.

•	Кредиттік портфель 15,9%-ке өсіп, 2,11 трлн теңгеге жетті, сонымен қатар корпоративтік кредиттеу және автокредит көлемінің ұлғаюы есебінен өсті.

•	Клиенттердің депозиттері мен ағымдағы шоттары 2,95 трлн-ды құрап, тұрақты өтімділікті қамтамасыз етті.

•	Жиынтық капитал 546 млрд теңгені құрады.

**Макроэкономикалық негіз және тәуекелдерді басқару**

•	Жылдық инфляцияның 10% деңгейінде сақталуы және Ұлттық Банктің базалық мөлшерлемені 16,5%-ке дейін жоғарлатуы аясында Банк активтер мен пассивтерді басқару стратегиясын бейімдеді.

•	Топ күтілетін кредиттік залалдарды есептеу кезінде пайдаланылатын негізгі макроэкономикалық факторлардың көрсеткіштерін жаңартты. Енгізілген өзгерістер нәтижесінде, күтілетін кредиттік залалдың бағалау резерві 271 миллион теңгеге азайды.

•	Клиенттерге берілген кредиттер бойынша күтілетін кредиттік залалдар резервінің деңгейі 2025 жылғы 31 наурыздағы жағдай бойынша 95,4 млрд теңгені құрады, бұл кредиттік тәуекелдерді бағалауда консервативті тәсілдің сақталуын көрсетеді.

**Кредиттік портфель: бөлшек бизнес сегментін кеңейту**

•	Бөлшек кредиттеу үлесі 934 млрд теңгеге дейін өсті (2024 жылдың 1 тоқсанында: 739 млрд теңге), бұл белсенді автокредит бағдарламасына байланысты.

•	Корпоративтік портфельдің негізгі салалары: металлургия (269 млрд теңге), ШОБ-ға ұсынылатын  қызметтер (151 млрд теңге), сауда және көлік.

**Қорытынды**

ForteBank жоғары базалық мөлшерлеме мен нарықтың құбылмалылығы жағдайында тұрақтылығы мен бейімділігін көрсетуде. Өтімділікті сақтау, бөлшек және корпоративтік кредиттеу портфелін кеңейту және операциялық тиімділікті арттыру 2025 жылы одан әрі өсудің берік негізін қалыптастырады.


ForteBank-тің 2025 жылдың І тоқсандағы таза табысы 45,9 млрд теңгені құрады

«ForteBank» акционерлік қоғамы **2025 жылғы 12 мамырдан** бастап жеке тұлғаларға арналған базалық тарифтерге, соның ішінде қарызы операциялары бойынша базалық тарифтерге, енгізілген өзгерістер мен толықтырулар өз күшіне енетіндігін хабарлайды. Енгізілген өзгерістермен Банктің бөлімшесінде немесе Банк сайтында таныса аласыз. Оны мына [<u>сілтеме</u>](https://forte.kz/kk/rates) арқылы ашуға болады. 

Құрметпен, «ForteBank» АҚ


Құрметті клиенттер!

24 сәуірде Forte Kulanshi Art Space-те «Керісінше» атты жаңа көрме таныстырылды. Мұнда қытайлық кескіндемеші мен қазақстандық график туындылары көрсетілген

Елордалық Forte Kulanshi Art Space галереясында «Керісінше» атты көрме ашылды. Мұнда бірден екі шебердің – қытайлық кескіндемеші Лу Линь мен QYZYLZHEBE лақап атымен танымал қазақстандық график Ілияс Дәуілбаевтың жұмыстары ұсынылған.

Экспозиция қарама-қайшылықтар мен мағыналардың күтпеген диалогын көрсетеді. Қытай дәстүрі монохромды тушь философиясында емес, керісінше, түстердің құйындатуында, экспрессия мен кескіндемелік пластикада ашылады. Ал қазақ көркемөнер мектебі әдеттегідей ою-өрнектік әсемдігі мен далалық бояуларының орнына қатаң графикалық сызықтарда, көлеңкелер мен ықшамды пішіндерде көрінеді.

ForteBank Директорлар кеңесінің төрағасы Тимур Исатаев: «*Талантты шеберлердің туындыларынан құралған осындай маңызды және шабыттандыратын көрмелердің дәл біздің ортақ өнер кеңістігімізде өтіп жатқаны мен үшін өте қуанышты. Бұл жолы сіздер екі ұлы мәдениеттің, тарих пен дүниетанымның ғажайып үйлесіміне куә боласыздар. Бұл – үлкен өнер мерекесі*», – деп атап өтті.

Көрмені ерекше ететін тек қарама-қайшылық қана емес. Екі автордың да жұмыстарынан бейнелердің нәзік, метафоралық, жүрекке терең бойлайтын поэзиясы аңғарылады. Олардың өнері – әрбір штрих немесе бояу жағысы лирикалық шығарманың жолындай естілетін визуалды өлеңдік диалог.

Көрме келушілер үшін 25 мамырға дейін «Forte Kulanshi Art Space» галереясында, Астана қаласы, Достық көшесі, 8/1 мекенжайы бойынша ашық. Кіру тегін.


Жаңалықтар

Хабарландырулар