2022 жылдың соңында беделді халықаралық AsiaMoney басылымы Forte-ні Қазақстандағы ең үздік банк деп таныды

<Typography variant="text3Regular" color="textPrimary">
2022 жылдың соңында беделді халықаралық AsiaMoney басылымы ForteBank-ті"Қазақстанның үздік банкі", "Қазақстанның ШОБ үшін үздік банкі", "Қазақстанның корпоративтік әлеуметтік жауапкершілік саласындағы үздік банкі" номинацияларымен марапаттады. 
Басылымның мәліметінше, Қазақстанның қаржы секторы мен экономикасына әсер етіп отырған көршілес Қытай мен Ресейдегі күрделі жағдайға қарамастан, Forte өзін заманауи, жоғары технологиялық әмбебап банк ретінде көрсетіп, елде қаржылық тұрақтылықтың тірегі ретінде әрекет етуде.
Өзінің консервативті саясатының арқасында Forte Ұлттық банк ұсынған деңгейден екі есе жоғары капиталдың жеткіліктілік коэффициентіне қол жеткізді. 2021 жылы банктің жарғылық капиталы 6%-ға өсіп, 278 миллиард теңгені құрады. Депозиттік портфельдің және ағымдағы шоттардың көлемі 25%-ға 1,7 трлн теңгеге дейін өссе, корпоративтік клиенттердің депозиттері мен шоттары 33,1%-ға  өсті. 2021 жылы Forte-нің таза табысы 64 миллиардты құрады. Бұл өткен жылмен салыстырғанда 21%-ға жоғары.
Нәтижесінде Forte корпоративтік, шағын және орта бизнес сегменттерінде Қазақстандағы үздік үш банктің қатарына енді. 2021 жылы корпоративтік сегменттің несие портфелі 31%-ға, ШОБ сегменті – 29%-ға өсті. Банк шот ашудан бастап несие алуға өтініш беруге дейін кең ауқымды функциялары бар ForteBusiness қосымшасын іске қосу арқылы заңды тұлғаларға көрсетілетін қызметтерді цифрландыруға қол жеткізді.
Әлеуметтік жауапкершілік бағытында Forte білім, мәдениет, спорт салаларындағы ауқымды жобаларға белсенді түрде қолдау көрсетеді.
AsiaMoney басылымы Forte-нің ілгері дамуы 2022 жылы да жалғасын тауып жатқанын айтады. Бұған дәлел биылғы жылдың бірінші жартыжылдығында банк активтері 15,8%-ға, несие портфелі 27,5%-ға өскен.
Осындай көрсеткіштерді ескере отырып, 2022 жылдың соңында басылым атынан Forte-ге "Қазақстанның үздік банкі", "Қазақстанның ШОБ үшін үздік банкі", "Корпоративтік әлеуметтік жауапкершілік жобалары бойынша Қазақстанның үздік банкі" атақтары берілді.
"AsiaMoney төртінші рет қатарынан Forte-ні Қазақстанның үздік банкі деп танып отыр. Мұндай атаққа бір жағынан қуанып, мақтанышпен айтсақ, екінші жағынан бұл банкті дамыту жолындағы барлық күш-жігеріміз бен еңбегіміздің лайықты нәтижесі деп білеміз. Forte-де өсіп, даму үшін барлық жағдай жасалған. Бізде тиімді стратегия, кәсіби команда, мықты қаржылық жағдай, сыйлы бедел мен ең бастысы, клиенттеріміздің сенімі бар",- деді ForteBank Басқарма Төрағасы Бекжан Пірматов.
</Typography>


AsiaMoney халықаралық журналы Forte-ні Қазақстандағы ең үздік банк деп танып, үш номинацияда марапаттады

2022 жылғы 28 желтоқсанда "ForteBank" АҚ акционерлерінің кезектен тыс жалпы жиналысы өтеді 

<Typography variant="text3Regular" color="textPrimary">

 Хабарлама: 2022 жылғы 28 желтоқсанда "ForteBank" АҚ акционерлерінің кезектен тыс жалпы жиналысы өтеді 
"ForteBank" акционерлік қоғам (бұдан әрі – Банк) оның атқарушы органының (Басқарманың) орналасқан жері: Қазақстан Республикасы, Z05P1P0/010017, Астана қаласы, Есіл ауданы, Достық көшесі, 8/1, өз акционерлеріне Қазақстан Республикасының "Акционерлік қоғамдар туралы" Заңының (бұдан әрі – "Акционерлік қоғамдар туралы" Заң) 35-бабының 1-тармағы, 37-бабы 2-тармағының 1) тармақшасы және 41-бабы негізінде Банктің Директорлар кеңесінің бастамасымен (2022 жылғы 22 қарашадағы № 41(з) хаттама) шақырылып жатқан Банк акционерлерінің кезектен тыс жалпы жиналысы (бұдан әрі – Жиналыс) өткізілетіндігі туралы хабарлайды. 
Жиналыс 2022 жылғы 28 желтоқсанда Астана қаласының уақытымен сағат 10.00-ден бастап келесі мекенжайда өткізіледі: Астана қаласы, Достық көшесі, 8/1, 8-қабат, "Astana" мәжіліс залы. 
Жиналысқа қатысушыларды тіркеу 2022 жылғы 28 желтоқсанда Астана қаласының уақытымен сағат 09.00-ден бастап 09.45-ке дейін Жиналыс өткізілетін орын бойынша жүргізіледі. 
Жиналысқа қатысуға құқы бар Банк акционерлерінің тізімі 2022 жылғы 05 желтоқсанда Астана қаласының уақытымен сағат 00.00-гі жағдайы бойынша жасалады. 
Кворум болмаған жағдайда, Банк акционерлерінің кезектен тыс жалпы Жиналысы 2022 жылғы 29 желтоқсанда Астана қаласының уақытымен сағ. 10.00-ден бастап сол мекенжай бойынша және болмай қалған жиналыстың күн тәртібімен қайтадан өткізіледі. Қайтадан өткізілетін Жиналысқа қатысушыларды тіркеу 2022 жылғы 29 желтоқсанда Астана қ. уақытымен сағат 09.00-ден бастап 09.45-ке дейін жүргізіледі. 
* * * 
Жиналыстың күн тәртібі: 
1. "ForteBank" акционерлік қоғамының Жарғысын жаңа редакцияда бекіту туралы. 
2. 2023-2025 жылдары және 2023-2025 жылдар бойынша "ForteBank" акционерлік қоғамының қаржылық есептілігіне аудит және шолуды жүзеге асыратын аудиторлық ұйымды айқындау туралы. 
* * * 
Жиналыстың күн тәртібіне заңнамада белгіленген жағдайларда және тәртіпте өзгерістер және/немесе толықтырулар енгізілуі мүмкін. 
"Акционерлік қоғамдар туралы" Заңның 44-бабының 4-тармағына сәйкес, Жиналыстың күн тәртібінің мәселелері бойынша материалдар акционерлер танысуы үшін Банк Басқармасы орналасқан жерде Жиналыс өткізілетін күннен он күн бұрын дайын әрі қол жетімді болады. 
Банк акционерінің сауал салуы болған кезде Жиналыстың күн тәртібінің мәселелері бойынша материалдар оған сауал салу алынған күннен бастап үш жұмыс күні ішінде жіберіледі, бұл ретте құжаттар көшірмелерін жасауға және құжаттарды жеткізуге кеткен шығындарды акционер көтереді. 
Жиналыс өткізуге байланысты қосымша ақпаратты келесі телефон арқылы біле аласыз: +7 (7172) 59 99 99, ішкі 10200. 
* * * 
Осы арқылы Банк акционерлеріне Жиналыс өткізудің келесі тәртібін танысуға ұсынамыз: 
Қазақстан Республикасының "Қазақстан Республикасындағы банктер және банк қызметі туралы" заңының 17-бабының 5-тармағына сәйкес оффшорлық аймақтарда тіркелген, тізбесін уәкiлеттi орган белгілейтін заңды тұлғалар (Қазақстан Республикасы Қаржы нарығын және қаржы ұйымдарын реттеу және қадағалау агенттігі Басқармасының Банктік және сақтандыру қызметінің, бағалы қағаздар рыногының кәсіби қатысушылары қызметінің және бағалы қағаздар рыногында лицензияланатын басқа да қызмет түрлерінің, акционерлік инвестициялық қорлар қызметінің және микроқаржы қызметін жүзеге асыратын ұйымдар қызметтерінің мақсаттары үшін оффшорлық аймақтардың тізбесін бекіту туралы 2020 жылғы 24 ақпандағы №8 қаулысын қараңыз) Қазақстан Республикасының резидент банктерінің дауыс беретiн акцияларын тiкелей немесе жанама иелене және (немесе) пайдалана алмайды және (немесе) оларға билiк ете алмайды. 
Аталған баптың 5-1 тармағына сай Акционерлердің жалпы жиналысына қатысатын акционер, егер оның өз акционерлерінің (қатысушылардың) тіркелген елі туралы ақпарат банкте жоқ болса, өтінішті табыс етеді, онда осындай акционерлердің (қатысушылардың) осы баптың 5-тармағы бірінші бөлігінің 
талаптарын орындағаны туралы көрсетеді. Өтінішті табыс етпеген акционер акционерлердің жиналысына қатысуға жіберілмейді. 
Осыған байланысты тіркеу кезінде Жиналысқа қатысушылар өздерінің Жиналысқа қатысу және Жиналыста қаралатын мәселелер бойынша дауыс беру құқығын растайтын құжаттарды берулері қажет. 
Жиналыс ашылғанға дейін келген акционерлерді (олардың өкілдерін) тіркеу жүргізіледі. Өзімен бірге жеке куәлігі болуы тиіс. Акционердің өкілі оның жиналысқа қатысу және дауыс беру өкілеттігін растайтын сенімхатты немесе сенімхатсыз акционердің атынан әрекет ету немесе оның мүддесін таныту құқығын растайтын құжатты беруі тиіс. 
Тіркеуден өтпеген акционер (оның өкілі) кворумды анықтауда есептелмейді және дауыс беруге қатыса алмайды. 
Жиналыс кворум болған жағдайда, белгіленген уақытта ашылады. 
Жиналыста жиналыс төрағасы мен хатшысы сайланады, дауыс беру түрі – ашық немесе құпия (бюллетень бойынша) анықталады. 
"Акционерлік қоғамдар туралы" заңның 50-бабының 1-тармағына сәйкес акционерлерінің жылдық жалпы жиналысының күн тәртібіндегі сұрақтары бойынша дауыс беру "бір акция - бір дауыс" принципі бойынша жүзеге асырылады, акционерлерінің жылдық жалпы жиналысында дауыс беру құқығы бар әрбір тұлғаға акционерлерінің жалпы жиналысын өткізудің процедуралық сұрақтары бойынша бір дауыс беруді қоспағанда. 
Төрағаның күн тәртібіндегі мәселелерді талқылауға қатысуға құқығы бар адамдардың сөз сөйлеуіне, мұндай сөздер акционерлердің кезектен тыс жалпы жиналысының регламентін бұзуға әкеп соғатын немесе осы мәселе бойынша жарыссөз тоқтатылған жағдайларды қоспағанда, бөгет жасауға құқығы жоқ. 
Жиналыс өзінің жұмысында үзіліс жариялау туралы және жұмыс мерзімін ұзарту туралы, оның ішінде акционерлердің жалпы жиналысының күн тәртібіндегі жекелеген мәселелердің қаралуын келесі күнге ауыстыру туралы шешім қабылдауға құқылы. 
Жиналыстын күн тәртібіндегі барлық мәселелер қаралып, олар бойынша шешімдер қабылданғаннан кейін ғана жабық деп жариялауға болады. 
"Акционерлік қоғамдар туралы" заңның 52-бабының 1-тармағына сәйкес акционерлердің Жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуға тиіс. 
Жиналыс "Акционерлік қоғамдар туралы" заңның 35-37, 39-48, 50-52 баптарына, Банк және банк қызметтері туралы заңның 17-бабының 5 және 5-1 тармақтарына және Банк Жарғысының 15-бабына сәйкес өткізіледі. 
* * * 
Банк акционерлерін Банктің акционерлерінің кезектен тыс жалпы жиналысына қатысуға шақырамыз.

</Typography>  


Fitch Ratings халықаралық агенттігі ForteBank рейтингін көтерді

<Typography variant="text3Regular" color="textPrimary">
Fitch Ratings халықаралық рейтингтік агенттігі ForteBank-тің ұзақ мерзімді рейтингін «Тұрақты» болжамында «ВВ-»-ке дейін көтерді. Рейтингтің жоғарылауына Forte кірісінің едәуір артуы, капиталданудың өсуі, проблемалық қарыздардың мұрагерлік портфелінің едәуір төмендеуі, сондай-ақ қорландыру мен өтімділіктің берік базасы ықпал етті. Агенттік Forte нарықтың барлық сегменттерінде кредит берудің айтарлықтай өсуіне қол жеткізгенін айтады. Кредиттік портфель  2022 жылдың бірінші жартысында 26% - ға өсті.
            Fitch сарапшылары Forte мен Қазақстанның банк секторы капиталдың жоғары рентабельділігі мен өтімділігінің арқасында Ресей-Украина қақтығысынан туындаған сыртқы күйзелістерге қарсы тұрады деп санайды.
        «Forte Бизнес-моделі соңғы жылдардағы әлемдегі және Қазақстандағы оқиғалардан туындаған сыртқы күйзелістер алдында орнықтылықты көрсетті. Клиенттер біздің кең өнім желісін, сапалы қызметті, ыңғайлы қосымшаны енгізуді жоғары бағалады және Forte-нің сенімділігіне көз жеткізді. Нәтижесінде Банк барлық клиенттік сегменттерде өзінің нарықтық позициясын нығайтты, капиталдың рентабельділігін арттырды және кредиттік портфельдің сапасын жақсартты, бұл Fitch агенттігінің рейтингісін арттыруына әсер етті», - деп атап өтті «ForteBank» Басқармасының төрағасы Бекжан Пірматов.
       ҚЕХС бойынша шоғырландырылған есептілікке сәйкес, Fortebank активтері 2022 жылдың бірінші жартыжылдығында 8%-ға өсті. Банктің кредиттік портфелінің мөлшері 1 трлн теңгеден асты, өсім сектор бойынша орташа есеппен 5,5%-ға қарағанда 26%-ды құрады. Банктің шоғырландырылған таза пайдасы 44 млрд. теңгеден асты (2021 жылдың 1 жарты жылдығындағы пайда 31,6 млрд. теңгені құрады).
_________________________________________________________________________________

БАҚ үшін байланыстағы тұлға : Еркін Үдербай, +7 777 731 99 33

</Typography>


Fitch Ratings халықаралық агенттігі ForteBank рейтингін «Тұрақты» болжамында «ВВ-» деңгейіне дейін көтерді

ForteBank клиенттері телефон нөмірі бойынша ақша аудара алады

<Typography variant="text3Regular" color="textPrimary">
Біз Қазақстан Ұлттық Банкі іске қосқан,  Лездік төлемдер жүйесіне қосылдық. Бұл - ForteBank клиенттері осы жүйеге қосылған басқа банктердің клиенттеріне телефон нөмірі бойынша ақша аудара алады дегенді білдіреді.
     Аударымның максималды сомасы 500 000 теңге. Ақша аударым үшін комиссия - аударым сомасына қарамастан 8 теңге.
 
Аударымды қалай жіберуге болады:
Forte қолданбасын ашыңыз;
«Аударымдар» бөліміне өтіңіз;
«ҚР бойынша Лездік аударымдар» аударым түрін таңдаңыз;
Телефон нөмірін енгізіп, аударым алушының Банкін таңдаңыз.
Дайын, ақша алушыға бірден лезде  түседі. 

Бүгінгі таңда Лездік төлемдер жүйесіне «Еуразиялық банк» АҚ, «FIRST HEARTLAND JUSAN BANK» АҚ, «Қазпочта» АҚ, «Личная касса»  ЖШС (Aitu Wallet), «Сбербанк» АҚ ЕБ, «Банк Фридом Финанс Казахстан» АҚ және «Банк ЦентрКредит» АҚ қосылған

</Typography>


Лездік төлемдер жүйесіне қосылдық

<Typography variant="text3Regular" color="textPrimary">
Біз «Сентрас Коммеск Life» компаниясымен бірге COVID-19 ауруымен сырқаттанған жағдайда сақтандыруды жасап шығардық. Бүгінгі күні коронавирус ауруымен ауырғандар саны артқандықтан, сақтандырудың бұл түрі өзекті. 

Егер де сақтандыру шартының әрекет ету мерзімі барысында келесі жағдайлардың бірі орын алса, бұл өнім сақтандыру өтемінің өтелуін қамтамасыз етеді:
- сақтандыру қорғанысы әрекет ету мерзімі барысында бір рет сақтандырылушы адамда COVID-19 коронавирустық инфекциясы тудырған ауру анықталса және оның салдарынан адам ауруханаға жатқызылса;
- сақтандыру қорғанысы әрекет ету мерзімі барысында COVID-19 коронавирустық инфекциясы тудырған ауру салдарынан сақтандырылушы адам қайтыс болса.

Бұл сақтандырудың артықшылығы – сақтандыру шартын жасау кезінде денсаулықтың жалпы жағдайын бағалау қажет емес. Сонымен қатар, Қазақстан бойынша тәулік бойы сақтандыру қорғанысы да қарастырылған.

Сақтандыруды Forte қосымшасындағы Сервистер → Сақтандыру → COVID-19 ауруымен сырқаттанған жағдайда сақтандыру бөлімінде ресімдеуге болады.

Құрметпен, Forte
</Typography>


Новости

Объявления