Ішкі және халықаралық тұрақты рейстерді орындайтын, кірісі мен ұшақтар паркінің  көлемі бойынша Еуразия аймағындағы ең ірі әуе компаниялар тобының бірі - Air Astana тобының (Air Astana және FlyArystan бренділері) қазіргі акционерлерінің үлестеріне және жаңа акцияларына Қазақстандағы және шетелдегі бөлшек және институционалдық инвесторлар тарапынан сұраныс жоғары болады деп күтілуде.

Air Astana табысының негізгі факторларына мыналарды жатқызамыз:

- Әлемдік экономиканың «ақырындап шөгу» перспективалары және соның нәтижесінде тұтастай алғанда авиаиндустрия нарықтық бағалауды қалпына келтіруді жалғастыруы мүмкін (30% немесе одан да көп деп есептейміз), бұл Air Astana акцияларының өсу драйверіне айналады.
- Қазіргі уақытта әлемдік әуе компанияларының акциялары саладағы көптеген компаниялардың кірістерінің толық қалпына келуіне және таза кірістің айтарлықтай өсуіне қарамастан, 2017-2019 жылдардағы пандемияға дейінгі деңгейден әлдеқайда төмен бағамен сатылады. Мысалы, Bloomberg World Airlines Index бойынша Forward P/E мәні 7,5 құрайды, ал пандемияға дейін бағасы 12,0 дейін жеткен. 
- Компания low-cost сегментінде (қазіргі уақытта компания кірісінің және EBITDAR ~ 25%) болуына, тұрақты бизнес профилінің және тасымалдаушылардың low-cost перспективаларының және жоғары табыстылық көрсеткіштерінің болуына байланысты full-service тасымалдаушыларға баға белгілеуде белгілі бір сыйлық алуы мүмкін.
- Рейстер саны/жан басына шаққандағы ЖІӨ бойынша Қазақстан ТМД және әлем елдерінен артта қалып келеді, сондықтан болашақта рейстер санының өсу әлеуеті айтарлықтай.
- Грузия, Пхукет, Бангкок, Бали, Мальдив, Түркия, БАӘ және басқа lifestyle-бағыттары бойынша әуе тасымалы аймағын кеңейтудің келешегі бар.
- Қазіргі уақытта компанияның паркінде 8 заманауи отын үнемдейтін ұшақ бар, ал 41 әуе кемесі операциялық лизингіде. Бұл ретте, компания 2028 жылға қарай әуе кемелері паркін тағы 31 ұшақпен 80 бірлікке дейін ұлғайтуды жоспарлап отыр, олардың барлығы әуе кемелері паркін жаңарту мүмкіндігінің жоғары болуына байланысты операциялық лизингіде болады, осылайша өзінің авиапаркін жаңа және заманауи етіп сақтайды. 
- EBITDAR маржасы бойынша жоғары тиімділік – компания осы көрсеткіш бойынша жаһандық әуе тасымалы саласында көшбасшылардың бірі болып табылады.
2022 жылдың қорытындысы бойынша Air Astana және FlyArystan EBITDAR маржаларының көрсеткіші, сала бойынша орташа мәні шамамен 19% деңгейінде болғанда, сәйкесінше 30,3% және 26,9% болды.
- Компанияның жақын болашақта табысы мен таза пайдасының тұрақты өсуін қамтамасыз ету, бұл оның акцияларының P/E бойынша бағалануын саланың және жақын салалардың орташа деңгейінен жоғары деңгейде сақтауы мүмкін.
- Пайданың 30% дейін дивидендтерді төлеу мүмкіндігі (2022 жылы дивидендтер пайданың 20% құрады).
- FlyArystan-ның жетекші аймақтық лоукостер ретіндегі позициясын нығайту және FlyArystan қосымша кірісін арттыру.

Компания акцияларын EV/EBITDAR және P/E мультипликатор (әдетте авиакомпанияларды бағалауда қолданылады) пайдалану арқылы, компанияның IPO қорытындысы бойынша 120 миллион доллар тартуды жоспарлап отырғанын ескере отырып, нарықтық әдіспен біз жүргізген бағалау $630–988 млн әділ бағалау диапазонын көрсетті. Біздің ойымызша, егер компанияның акциялары 988 миллион долларын құрайтын бағалаудың жоғарғы шегінде орналастырылса, өсу әлеуеті өте маңызды болып қалады және акциялардың өсу әлеуеті 10% немесе одан да жоғары деңгейде болады.

*Бұл ұсыныс/ұсыным ақпараттық сипатта ұсынылған және жеке инвестициялық ұсыным емес. Көрсетілген қаржы құралдары мен операциялар Сіздің инвестициялық профиліңізге және инвестициялық мақсаттарыңызға (болжауларыңызға) сәйкес келмеуі мүмкін.*

*Бұл құжатта Компанияның пікірінше сенімді деп саналатын ақпарат көздерінен алынған ақпарат бар. Алайда Компания, оның басшылығы және қызметкерлері мұндай ақпараттың сөзсіз дәлдігіне, толықтығына және сенімділігіне кепілдік бере алмайды және оны пайдалануға байланысты клиенттің ықтимал шығындары үшін жауапты емес. Бұл ұсынысты/ұсынымды нарықтағы және бағалы қағаздар мен қаржы құралдары нарығының көптеген басқа қатысушылары ұсынатын көптеген басқа ұсыныстар мен ұсынымдардың бірі ретінде қарастырған жөн.*

*Келтірілген ақпаратта Сіздің жеке инвестициялық мақсаттарыңыз, қаржы жағдайыңыз және/немесе қажеттіліктеріңіз ескерілмейді.*

*Қаржы құралының немесе операцияның инвестициялық мақсаттарға, инвестициялық шекке және қолайлы тәуекел деңгейіне сәйкестігін анықтау Сіздің міндетіңіз болып табылады.*

*«ForteFinance» АҚ операцияларды жүргізу немесе қаржы құралдарына инвестициялау кезіндегі инвестордың ықтимал шығындары үшін жауап бермейді және шешім қабылдау кезінде бұл ақпаратты жалғыз ақпарат көзі ретінде пайдалануды ұсынбайды.*

*Осы құжатта ұсынылған бағалаулар мен пікірлер талданған бағалы қағаздар мен эмитенттерге қатысты Компания аналитиктерінің пікірлеріне ғана негізделген. Аналитиктердің сыйақысы олар дайындайтын аналитикалық шолулардың мазмұнына немесе олар ұсынатын ұсыныстардың мәніне байланысты емес немесе тәуелді емес.*

*Бағалы қағаздар мен қаржы құралдарын иелену әрдайым тәуекелдермен байланысты: бағалы қағаздар мен қаржы құралдарының құны көтерілуі немесе төмендеуі мүмкін. Бұрынғы инвестициялау нәтижелері болашақта табысты болудың кепілі емес.*

*«ForteFinance» АҚ салымдардың болашақта табыс әкелетініне кепілдік те, уәде де бермейді, ықтимал инвестициялардың сенімділігіне және ықтимал кіріс мөлшерінің тұрақтылығына да кепілдік бермейді.*



ForteFinance аналитиктері IPO-дан кейін Air Astana акциялары бойынша болжам жасады

Банктің Директорлар кеңесінің 2024 жылғы 30 қаңтардағы шешіміне сәйкес (№1 отырыс хаттамасы), Гаухар Тусупкалиевна Бисембиева 2024 жылғы 5 ақпаннан бастап Банк Басқармасының мүшесі - Басқарма Төрағасының бірінші орынбасары (COO) болып тағайындалды. 

Гаухар Бисембиева - 2017 жылғы ақпаннан бері «ForteBank» АҚ Басқармасының мүшесі, Басқарма төрағасының орынбасары. 

2021 жылғы мамырда «ForteBank» АҚ болып атауы өзгерген «Метрокомбанк» АҚ-да әр жылдары басқарма төрағасының орынбасары, басқарма төрағасының міндетін атқарушы, басқарма төрағасы болған. 
2022. 
Қаржыгер мансабын 1998 жылы тамызда «Демир Казахстан Банк» ААҚ-да клиенттермен жұмыс жөніндегі маман ретінде бастаған. Кейін «TEXAKABANK» АҚ-да операциялық департамент директоры, атқарушы директор, басқарушы директор, басқарма төрағасының бірінші орынбасары позицияларында жұмыс істеген. 

1997 жылы Қазақ Мемлекеттік Басқару академиясының халықаралық экономикалық қатынастар факультетін бітірген. 2006 жылы КИМЭП институтында (Қазақстандық менеджмент, экономика және болжау институты) іскерлік басқару магистрі дәрежесін алған. 


Гаухар Бисембиева «ForteBank» АҚ Басқарма төрағасының бірінші орынбасары болып тағайындалды 

ForteBank Kulanshi Artspace галереясында қазақстандық заманауи суретші Сәулет Жәнібектің «QARA NUKTE» жеке көрмесі ашылды. 

«ForteBank» АҚ-ның, «KULANSHI» қазіргі заманғы өнер орталығының және Еуразиялық Өнер академиясының қолдауымен ұйымдастырылған бұл көрме - ForteBank Kulanshi Artspace галереясының 2024 жылдағы көрмелер маусымын ашып отыр. Экспозицияны дайындауға сондай-ақ, Ринат Абенов (мүсін) және Aliya Valeryevna (AV бренді, инсталляция) көмек көрсетті. 

Сәулет Жәнібек - минимализм және сюрреализм бағыттарында жұмыс істейтін кескіндемеші. Сарапшылардың айтуынша, оның туындылары графикалығымен, айқындылығымен және тазалығымен ерекшеленеді. Көптеген отандық және шетелдік көрмелер мен фестивальдерге қатысқан Сәулет Жәнібектің «FORTE KULANSHI ARTSPACE» галереясында бұған дейін, 2018 және 2022 жылдары - «Артерия» және «Эндорфин» деп аталған екі жеке көрмесі өткен. 

«Біз сіздердің назарларыңызға «QARA NUKTE» картиналар көрмесін ұсынамыз. Бұл туындылар - біздің ата-бабаларымыздың қалай өмір сүргені туралы суретшінің өзіндік пайымы, көзқарасы. Автор өз шығармашылығымен бізді «қайдан келдік?», «неге біз осындаймыз?» деген сұрақтарға, генетикалық жадының қаншалықты мықты екендігі туралы ойларға жетелейді», - деп атап көрсетті көрменің ашылу рәсімінде сөз сөйлеген «ForteBank» АҚ басқарма төрағасы Бекжан Пірматов.

Суретші өзінің көрмесін неліктен «QARA NUKTE» деп атаған деген сұраққа галереяға келушілер өз жауабын бере жатар, ал «KULANSHI» қазіргі заманғы өнер орталығының кураторлық кеңесінің төрағасы, доктор Лейла Махат көрме тақырыбына қатысты өз ойын былай деп білдірді. 

«Әке Сәулет үшін – бұл осы көрмеге портретін арнайы салған сүйікті ұлы Әлидің маңдайындағы нүкте. Суретші Сәулет үшін QARA NÚKTE - өзінің қиялындағы әлемдерді аралауға қадам жасайтын бастапқы нүкте. Ал оның әлемдері шебердің жүрегінен туған, оның ойларымен зерленген түрлі образдарға толы. Суретшінің ақ қағаз бетіне тек қара қаламмен салған картиналары энергияның көзі іспетті. Шоқан Уәлихановтың сөзімен айтар болсақ, формалар мен сюжеттер - Таң қалдырады. Ойландырады. Толғандырады. Мөлдірлік, тереңдік туралы, қуаныш бен жұбаныш туралы, эмоцияларымыз бен қоршаған әлеміміздің байланысы туралы ой салады. Шын мәнінде, біздің таңдау жасауға құқымыз бар. Сіздің «Меніңіз» айналаңыздағы әлемдердің қайсысына ынтық? Дәл қазір сіздің «Меніңіз» - қай әлемде?», - дейді Л.Махат.

Көрме Астана қаласы, Достық көшесі, 8/1 мекенжайы бойынша ForteBank Kulanshi Artspace галереясында 1 ақпан күні ашылды және 1 наурызға дейін өтеді. 



ForteBank Kulanshi Artspace галереясында суретші Сәулет Жәнібектің көрмесі ашылды

 Бүгін Forte банктің Астанадағы бас кеңсесінде 2023 жылы өткізілген ұтыс ойындарының жеңімпаздарына сыйлықтар табысталды.

Бүгін Forte банктің Астанадағы бас кеңсесінде 2023 жылы өткізілген ұтыс ойындарының жеңімпаздарына сыйлықтар табысталды. Ең керемет сыйлықтар, атап айтқанда KIA Sorento автокөлігі мен Астананың орталығындағы бизнес-класс тұрғын үй кешенінен пәтер Әйгерім мен Ярославқа бұйырды. Жеңімпаздар кездейсоқ сандар генераторы арқылы таңдалған. 
Банк клиенттері арасында екі ұтыс ойыны болды. Біріншісі, банктің бөлшек клиенттері, Forte төлем картасын ұстаушылар арасында.  14 тамыздан 24 желтоқсанға дейін жалғасқан науқанда клиенттер 1000 теңгеден жоғары сомадағы сатып алулар үшін мүмкіндігінше жиі төлем жасап, ForteApp мобильді қосымшасында тіркелуі керек болды. Акция барысында жалпы 18 клиент бір миллион теңгеден алды. Ал ақтық ұтыс ойынында Ярослав Пак елордадағы жаңа тұрғын үй кешенінен люкс пәтердің иесі атанды. Forte жүлделерге жомарт!

Кездейсоқ сандар генераторына науқан шарттарына сай келетін 65 миллион транзакция жүктелген. Клиенттер ең көп ақшаны супермаркеттер, киім және аяқ киім дүкендері, кафелер мен мейрамханалар, такси қызметтері мен жанармай құю станцияларына жұмсаған. Осы тұста айта кетейік, Forte жалақы картасы ең тиімді карталардың бірі, олармен 15 пайызға дейін жоғарылатылған бонус алып, айына 500 000 теңгеге дейін тегін аударымдар жасап, 7 миллион теңгеге дейін ақша шеше аласыз, картаны шығару және қызмет көрсету тегін. Картаны Google, Android немесе Apple Pay жүйесіне байланыстырып, телефон немесе смарт сағат арқылы төлеуге болады, ал егер банкте белгілі бір сомада депозит болса, барлық саудаға +1% бонустар беріледі, бұл өте тиімді.

 «Біз өз клиенттерімізді таң қалдыруға тырысамыз, егер сыйлық берсек, баға жетпес, қажет нәрселер береміз. Клиенттер де бізге солай жауап береді. Біздің акцияның ең белсенді қатысушылары: Алматы, Астана, Өскемен, Қостанай және Қарағанды қалаларынан  екені белгілі болды. Сондай-ақ, биыл шілдеде Парижде өтетін Олимпиада ойындарының ашылу салтанатына екі адамға арналған ұтыс ойынын ойнататынымызды хабарлаймын. Жүлдеге әуе билеті, қонақ жай және ойындарға кіру билеті кіреді. Сондықтан Forte картасын ашатын уақыт келді. Қатысу үшін не қажет екенін әлеуметтік желілерде хабарлаймыз, хабарландыруды жіберіп алмаңыздар.

Екінші ұтыс ойынының жеңімпазы - елордадағы шағын кофехананың иесі және Forte компаниясының бизнес клиенті Әйгерім Өтесейітова. Әйгерім бизнес үшін онлайн несие алып, KIA Sorento автокөлігін жеңіп алды.

3 қаңтарда шағын және орта бизнес клиенттері үшін ұтыс ойынының соңғы кезеңі басталды. Шарттары бұрынғыша: 3 сәуірге дейін ForteBusiness қосымшасында, интернет-банкингте немесе банктің веб-сайтында онлайн-несие немесе онлайн кепілдікке өтініш беру керек. Жеңімпаз рандомайзер көмегімен forte business Instagram парақшасында тікелей эфирде таңдалады. Forte клиенттеріне сәттілік тілейміз. 



ForteBank жеңімпаздарға сыйлықтар табыстады

ForteBank серіктестері Allur Finance компаниясы және Астананың халықаралық әуежайымен бірлесіп «New year story» атты жаңа жыл алдындағы науқанды бастады: бүгінгі күннен бастап елорда әуежайында Forte мен Allur finance компаниясының бренділенген көліктері кезекшілік етеді. Олар Астанаға ұшып келген қонақтарды күтіп алып, баратын жеріне тегін жеткізеді. 

Ұйымдастырушылар көлік жүргізушілерінің ата-әжелер мен балалары бар жолаушыларға басымдық беретінін мәлімдейді.
«Біз сізге мерекелік қарбалас кезінде бәріне үлгеруге жанталасып жатқанда күтпеген жерден жағымды тосынсый орын алатын жаңа жылдық ғажайып сезімді сыйлағымыз келді. Әуежайдан тегін трансфермен жету мүмкіндігіне ие болған елорда тұрғындары мен қонақтарына біздің идеямыз ұнайтынына сенеміз», - деп мәлімдейді ForteBank маркетологы Айнур Жаманова. 

Kia, Chevrolet, Jac, Jetour моделіндегі сегіз автокөлік сағат таңғы 12-ден кешкі 6-ға дейін жұмыс істейді, «New year story» науқаны 27-30 желтоқсан аралығында болады. Аяз ата мен ақшақар қонақтарды әуежайда күтіп алып, жүргізушісі бар көлікке дейін шығарып салады.


Жаңалықтар

Хабарландырулар